خل اقولكم عن اكلات كالوري اللي ماعجبتني :
محاشي : كانت ماصخه و ورق العنب حيل يابس مو لذيذ عكس محاشي دايت كير جنه طباح الوالده
كبه برغل بالفرن : وطبعا هالاكله ذبحوني فيها عباره عن قطعه مربعه كبه برغل بالفرن كانت حيييل ناشفه يعني ماتقدرين تبلعينها الا مع ماي
فتة باذنجان : مادري شلون اوصف لكم الطعم بس مو حلو
غراتان : مادري منو مخترع هالاكله حتى اسمها يضيق الخلق عباره عن مكرونه مع صلصله مثل البشاميل بس خفيفه و طعمها مااااااصخ اذكر ترستها ملح وفلفل عشان اقدر اكلها ودقيت عليهم الغيها وردو يابولي ياها
بطاطا سوفليه : مثل بطاط مهروس مع جبن كانت مااصخه
بيف برغر : عباره عن همبرغر صغيره نفس اللي نتشريها من الجمعيه وجبن سلايس و خس يعني ماحسيت فيها اختلاف عن اللي نسويها بالبيت عكس مالت دايت لذيذه جنها مالت مطعم سلايدر
مرق بطاط و عيش ابيض : المرق كان ماي مايوه ومافي طعم بس شكل ما قدرت اكله والله
لازانيا بالطماط : لازانيا يابسه مع طماط بدون لحم ليش ما ادري يمكن عقاب
عيش اسمر : الله يزيد النعمه
كرواسون : كرهت الكرواسون منهم والله كان طعمه بلاستك و يوم يابولي دايت كير كرواسون ضاق خلقي عبالي نفس مال كالوري بس طلع فرق مال دايت كير فرش وطعمه لذيذ
جبن ايدام بالصاج : كان طعمه مرررررر حيييل يضيق الخلق
بس حبيت اعطيكم رايي في بعض اكلاتهم عشان اذا اشتركتو لا تطلبونهم
و طبعا كل المنيو كان غير عن اللي انا نقيته
و اكيد راح تسالوني ليش استمريت معاهم دام اكلهم مو حلو ؟؟؟ لانه مالي خلق اروح حق شركه ثانيه اجدد اشتراك و كالوري كنترول كانو اييبون لي فاتوره لي البيت وما كنت اروح ولا مراجعه مع الدكتوره رحت مره وحده بس يوم فتحت ملف بس لما دريت انه دايت كير صار يم بيتنا رحت اشتركت
