شركات التغذيه منو احسن فيهم وجم نزلنى (الجزء الثانى وبالصور)

[قطوووة]

سلاام عليييكم
شلووونكم بنات !!
انا مجربة دينا ولينا واخر ايام قمت اقط اكلي ما اكله وااااي ازمة والله معااهم بس اخصاائييييه حيييل زينة صراااحه !!

وابي اشترك عقب العييييد بكالوري كنتروول ابي استفسر اشتراكهم الي ب 139 مافي فتح ملف ؟
وفي معاهم مراجعه اخصائية ؟ وتحسيييين نزلتي عليه ولا لا ؟
وتسوووين رياضه !؟ ومكانهم وين صاير بضبط لانا اهم شي عندي مكان خااف بعييييد
< تحقييييق ههههه لا بس ودي استفسر

عليكم السلام ..
اشتراكهم الـ 139 كالوري كنترول انا مشتركة فيه - 4 اسابيع بدون جمعة او سبت
او تقدرين تخلين اشتراكج يوم واحد اوف ..
ومراجعه اخصائية مرة بالاسبوعين ..
وجسمي تعدل وقمت اشبع يسرعه
نزلت عليه 2 كيلو لاني اخربط بالويك اند لذلك انصحج اخذي اشتراك بدون اوف ..

مدرسه طفشانه
ماعااااش من يزعلج
الموضوع موجود للفايده راجعي مواضيع البنات وقرري باللي ترتاحينله
انا ارتحت لكالوري كنترول معني ماجربت اكله بس قطوه نزلت عليه كيلوين وشوي بشهر واشتراكها اللي يومين بالاسبوع اوف وتخربط فيهم وماتلعب رياضه <<<<بتطقني قطوه خخخخخخخ
هيلث كومباني وااااااايد يمدحونه بس انا ما جربت الا اللي بطلبات وعنيد نزلت عليه قريب ال4كيلوات بشهر
دايت كير لذيييييذ يمكن ألذ واحد بس ماينزل الا شئ بسيط لازم رياضه وحيييييل تشدين حيلج انا رفيجتي نزلت عليه 4 كيلو بشهر بدون رياضه
لو فات وحده بالمنتدى نزلت عليه اول شهر 6,700 كيلو والشهر الثاني نزولها يمكن كيلوين او اقل وتمدح اكله
دينا ولينا وايد ذموه ودايت سنتر يضعف بس يقولون اخترب اكله

وبس هذا اللي اقدر افيدج فيه


بشوفتك أرتاح
اذا ماني غلطانه الاشتراك مع فتح الملف
والاخصائيه تشوفج اول ماتشتركين وبعدين عقب اسبوعين والمره الثالثه عقب الاسبوع الرابع
وقطوه ماسوت رياضه بس حركتها بالجامعه
ومكانهم برج جاسم جبال مجمع ديسكفري
وسوووووووري عاللقافه خخخخخخ


راقيه
عاااااادي تحدث في احسن الحالات خخخخخخ

شكرا شكرا كفيتي ووفيتي :eh_s(7):
و
كالوري كنترول ماياخذون منج لا فتح ملف ولا شي ..
بس روحي اختاري الاشتراك اللي تبينه حددي المنيو وبس

بنات للي مو عارفه اشكثر عدد الكالوري اللي محتاجته علشان تضعف

الجسم محتاج بين 20-30 كالوري للكيلو جرام الواحد
مثلا أنا طولي 162 ووزني المثالي اقل شئ 55
أقل شئ يحتاجه جسمي 55×20 = 1100
وأكثر شئ يحتاجه جسمي 55×30=1650

يعني المفروض تعطيني الدكتوره من 1200-1100 كالوري علشان اضعف لحد ما أوصل الوزن المثالي

وكل وحده تحسب حسب جسمها اشكثر تحتاج

وادعولي ياحلوين

بعد عمري شكرا للمعلووووومة

كلااامكم حده شيشنييي علي كالوري كنترول وشفت موضوع اختنا قطوه وبعد وحده جنه استانست عليه ...

خلاااص بعد رمضان باذن الله بشترك فييه ... شكل الي بيشتركون فيه وايد خنسوي وقتها قروب ونزل يومياتنااا لووول اشتركي اول :d

اي انا اشجع صراحة .. واحجزي موعد من الحين لان ماشاءا الله ماكو مواعيد كله ضغط

انا مراجعتي القادمة ليلة العيد :eh_s(22):

 

[منال القلب]

مسا الخير
مرحبا بنات..
دام ان اشتراكي خلص مع دايت كير
قلت اقولكم تجربتي بالكامل عنها
==

اليوم وصلت لي آخر وجبة من وجبات دايت كير كان أخر يوم وياهم..
بديت اشتراكي وياهم

17-7

وانتهى

13-8


قبل لا اسجل كان وزني

64

والحين لما خلص اشتراكي صرت

61.5 نزلت 3 كيلوات


مع العلم اني مرات اصير

60.5 أو 60.2

وزني صاير مثل اوكرديون مادري شلون صاير

والدكتورة قالتلي لا تتوقعين انج راح تنزلين 5 او 6 كيلوات
خلال هال 28 يوم لأن جسمج حلو وماعندج دهون وخرابيط
وزنج طبيعي جدا

انا وقت الداوم اولريدي اضعف

يعني وقت الدوم بما اني مدرسة

احوس وانزل واصعد

فيكون وزني

57 - 58 - 59

انا طولي

172

ولما دخلت على الدكتورة اول
ما اشتركت قالت لي ليش ياية ومسجلة؟

قلتلها اني ابي اضعف والكرشة مخوفتني
حتى ما كانت مقتنعة اني لازم انزل وزني

بعد اسبوع وياهم راجعتها قلتلها دكتورة ابي
اثبت وزني ومن ثبتته نزل وزني شلون مادري!!

يعني بعد اول زيارة نزلت كيلو وانا قلتلها دكتورة
احس باليوع خاصة بين الوجبات جان تقولي راح اثبتلج وزنج
وزادتلي الكالوري


اول ما دخلت المركز حطتلي 1400 كالوري
وبعد هالأسبوع حطتلي 1700 كالوري
واستمر وياي لحد اليوم.....


=====


اكلهم: ممتاز جدًا واعطيه 8 من 10

التعامل: ممتاز جدًا سواء عن طريق المسجات والتلفون أو بالمركز نفسه لما أروح يقابلونج برحابة صدر وبشوشين

السلبيات:

1- دايت كير معروف أغلى شركة تغذية يعني قطيت حق 28 يوم (( 250 دينار ))

2- الشوربة من بعد مرور اسبوعين مليت ماقدر حتى اشوف شكله.. يعني من بدا رمضان قطعت الشوربة لان صج لاعت جبدي مني

3- السلطات حلوة بس مو كلها يعني لا تفكرين تطلبين تبولة مو حلوة كلش الله يزيد النعمة والصوص مال جميع السلطات ثقيل ومو حلو طعمه..

4- الستيك مالح واغلب لحومهم مالحة.. من كباب أو ستيك او برجر

أما باجي الأشياء رووووووعة وفوق الروعة وفرش وعجيب وعلى كيف كيفج..

=====

حاليا خايفة على عمري وانا حاليا 13 رمضان

مادري شسوي ودي اخربط بس اقول حرام 28 يوم

صبر وبعد هالصبر اخربها وماباقي على الداوم شي كوني معلمة..

مع ان هال 3 كيلوات اني نزلتهم حلوين بس مادري ودي اخربط ميتة واكل من ماكدونالدز لووول

الشيطان قام يوزني عدددل

=======

بنات انا ماني نادمة اني سجلت في " دايت كير " بس انا أنصح كل وحدة تشترك بكل شركة فترة وتغير لشركة ثانية

لا تتمين على نفس الشركة مهما كان أكلهم روعة لانج راح تملين وتلوع جبدج لما تغيرين بين الشركات راح تحنين للشركة السابقة

وانا مسوية جذي.. انا الحين مقررة ان شالله اسجل في " كالوري كنترول " مدة 28 يوم ابتداء من 1-9 لحد 28-9

بدون جمعة وسبت.. يعني ايام الاسبوع الي اكون فيها بالدوام من كالوري كنترول والجمعة والسبت free اكل الي ابيه

=====

وهذي كانت تجربتي مع
دايت كير..

 

[منال القلب]

upp

 

[عنيّد]

عنيد ..
شلون نظام لينا ودينا .. واسعارهم وخدمتهم ؟
نبي تفاصيل اكثر بليز

والله معاملتهم بالتلفون وبالاستقبال والاخصائيه روعه
طبعا هذا اول يوم ، مايندرا عن باقي المراجعات
ومواعيد وصول الوجبات مضبوطه وماكو اغلاط للحين مع ولد خالتي الي صارله اسبوعين تقريبا
وحتى هو ومرته يمدحون معاملتهم ، بس مرته تقول اكو اخصائيه ثانيه قشررره وتزف لووول ، للاسف ماعرف اساميهم

بالنسبه للاسعار فعندهم وايد انواع من الاشتراكات ، بس برمضان عندهم نوعين ، اما اشتراك كامل مثل اختي بــ 165 ... او اشتراك وجبه وسناك على ماعتقد بـ 130 ماذكر السعر والله ولا المحتوى

لليوم اختي ماشي حالها ، اما ولد خالتي فمن ثاني اسبوع يقول مليت من الوجبات كلها الظاهر حن لأكل البيت بس يقول بكمل لاني قاعد اضعف ولانها تشبع وايد ، باول اسبوع نزل ماشالله كيلوين ونص

انشالله بعد شوي انزل صور اليوم حق اختي

 

[عنيّد]

خخخخخخخخخخخخخخخخ والله ضحكتينى يوم قريت كلامج كنت صايمه وحدى يوعانه والظاهر ما فهمت على كلامج
هوووووووب هوب لا تعصبين فهمنا غلط
بس هم ناطرين التقارير

اي الظاهر الصيام مأثر وللحين مأثر لأني نزلت صور اول يوم بس شكلج ماشفتيهم !

هذا اول يوم http://www.q8yat.com/26189720-post674.html

وتقرير ثاني يوم بعد شوي انزله ^ـ^





منال القلب ،، يعطيج العافيه على سررررررد تجربتج بالتفصيل :eh_s(15): والف مبروك النزول ماشالله نزولج حلو وصح كلام الاخصائيه وزنج حيل مناسب لطولج بعد شهالدلع
ربي يتمم عليج انشالله ، وديري بالج انتي تعبتي عشان توصلين هالوزن لا تخلين الشيطان يقص عليج ،ترى الاكل مو طاير
وفكرتج حلوه على اليومين الي بتخلينهم فري عليج بالعافيه اما باقي الايام التزمي فيهم :eh_s(8):

 

[عنيّد]

يتبع / تقريري عن وجبات شركة دينا ولينا - نيابة عن اختي



اليوم #2 ... 13/8/2011





المقبلات : 3 تمرات + عصير تفاح + سمبوسه
الفطور : سلطة فواكه + شوربه + كبسة دياي


السمبوسه

الشوربه - وااااااايد عجبتها شورباتهم

سلطة الفواكه

كبسة دياي - تقول طعمها عادي مو موحلوه ولا واااو ، عاديه

السناك كان حبتين حلو اكل واشكر ، تقول حلوين ، للاسف ماصورتهم


السحور : كلوب ساندويج + عصير كوكتيل

وبس




اما هالصوره فأنا أدري انها احلى من كل الصور مايحتاج تقولون ، اصلا يكفي الوانها الخطيره

هذا كان فطوري طبعا أكل بيت ولا أحلي >>> نعم خير اشتبين داشه عرض خخخخخخ

 

[LUXURY]

هلووووووووووو

اليوم رحت الموعد
ماكو أحد ألا أنا ووحده قبلي
لو اي احد رز فيسه وراح جان دخلوه خخخخ

المهم التقرير
الاستقبال كان زين و(وماااااجذبت) قلتلهم كنت ناويه اسوي التحليل اليومين اللي فاتو ونسيت انا عقب الاسبوعين باجدد حق عقب العيد اييبلكم تحليل
أسمع الكلام مو؟؟

المهم دخلت عالاخصائيه مثل ماقلتلكم بكشختي ككككككك فصخت الساعه والخاتم لايزيدون وزني تدرون بيزيدوني 3 كيلو خخخخخخ
المهم وقفت عالميزان والا وزني 75,400
والدهون مرتفعه شوي
قلتلها بالعربي أبي أضعف قبل العيد
جان تقول مابي أعشمج وأقص عليج أكثر من كيلوين ونص باسبوعين مستحييييل تضعفين
قلتلها انا هدفي الاخير اوصل 55 جان تقول مو مستحييييل بس صعب
قلتلها اوكي لو العب رياضه ما أنزل أكثر قالت بينزل الشحم وبتشد العضلات وتثقل وتزيد وزنج :\ <<<<اشهالخوااااااره
عاد ماعلي منها عارفه نفسي
انا يوم وزني 67 نزلت باسبوعين 3كيلوات واكثر من النص بشوي
قريب 4 كيلو
الحين أنا أمتن وما أنزل؟؟
قالت بتحطلي 1100 سعره بس اللي بط جبدي قالت انتي اختاري الأكل وأذا شفناه فوق ال1100 سعره بنبدللج بالسناك فلا تستغربين اذا لقيتي شي مو طالبته والا مبدل @@
ماكو شغل صح؟؟؟
عاد انا حاولت كثر ما أقدر اقدر السعرات على حسب الوجبات علشان لايغيرون الحلويات اللي اخترتها اهم شئ عندي الحلو
وما حطيت تمر كلش واغلب الشرب عصاير

قالت غير المنيو في اشياء يوميه ثابته اهي لبن وفتوش وتبوله وسيزر سالاد
والطريقه برمضان اختاري طبق للفطور وطبق للسحور وسلطه وشوريه وحلو وفاكهه وطبق جانبي (الجانبي ثقيييل من ضمنه الهريس والجريش)
أهم شئ التشريب عادينها شوربه خخخخخ
المهم أهي تقول غصب تاخذين فاكهه كل يوم معاها 1 حلو مايصير تكنسلين الفاكهه وتاخذين 2 حلو
ويصير اذا ماتحبين الشوربه تاخذين سلطتين واذا ماتحبين السلطه تاخذين شوربتين
وما اخترت اي شئ فيه سمج وربيان ابد
وصح كلام قطوه كل يوم المنيو لازم فيه عيش ينفع حق عنيد
والمراجعه مالتي تاريخ 28 قلتلها انا ببدي الثلاثا خليها تاريخ 29 قالت يمكن عيد قلتلها مايصير رمضان 28يوم يعني؟؟ قالت لا زحمه
أشلون زحمه وتقول للناس يمكن عيد؟؟؟
الأخصائيه تبط الجببببد شوي بس حقرتها المهم خذيت وجباتي ودفعت 99 حق اسبوعين بدون بريك
وحده كانت تبي اسبوعين بدون بريك جان تهون وتاخذ بو 20يوم
بس قالتلها منيو رمضان بيتغير فخليج لآخر رمضان وراجعيني قبل العيد اعطيج المنيو اليديد تكملين فيه
وجنه يبلشون يستقبلون مره ثانيه تاريخ 3\9 مو متأكده

عموما أنا رحت علشان الوجبات وبالعب رياضه وباثبت لنفسي اني أقدر انزل
لكن اهي ماعجبتني انسانه تحبببببط يعني أوكي لا تعطيني أوهام اوكي فهمت وادري ناس ينزلون بشهر كيلوين حسب الحاله بس مو مستحييييييل
وماعجبتني سالفة تبديل الاكل من كيفهم ماقالت بادق نخيرج قالت اذا وصللج شئ مبدل يعني انتي متعديه السعرات
على اي اساس تبدلون يمكن شئ مابيه
:\
بس المهم مثل ما قلت النتيييييييجه
وننتظر الثلاثا باحر من الجمر

 

[bader-albdor]

Up Up Up

 

[عنيّد]

LUXURY
اي شطوره اهم شي ماجذبتي

شوفي كلامها عالنزول انا أأيده بعد وماهو خواااره
انا كنت عند الدكتور عبدالله المطوع ووصلت عنده لما 72 ، طولي 164
قالي باقيلج 4 كيلوات عالوزن المطلوب
وهالكيلوات صعب تنزل الحين يعني اذا نزلتي بس كيلو عادي لا تتضايقين لان الرقم مومهم بس حزتها هالكيلو بيفرق بشكلج وايد

وكلامها على الرياضه صح بعد الرياضه تبني عضل والعضل يزيد الوزن بس مهمه عشان شد الجسم يعني مومشكله

وسالفة السناك بعد لاحظتها بدينا ولينا ، قالت حق اختي اختاري من المنيو وبعدها انا احدد كمية الاكل
المنيو كان "فطور ++ سناك ١ ++ سناك ٢ ++ سحور"
ولما وصلها الاكل ماكو الا سناك ١ ، لانها حطت لها 1100 سعره فيكون سناك واحد
لما كنت بهيلث كومباني وكانت بتنزل سعراتي لما 1100 فقالتلي راح الغي سناك



احلى شي منيو العيوش اااااخ حبيت الشركه صراحه


زين ترى انا يهمني حيييييل ان الاخصائيه تكون سنعه ، كافي صدمتي مع هيلث كومباني واخصائيتهم الكحيانه مابي انصدم مره ثانيه فبليز ابي اسامي اخصائياتكم ورايكم فيهم :eh_s(2):

 

[q8**girl]

انا دقيت وحطيت موعد يوم ٤ / ٩ بس اللحين مادري تضايقت من كلام الاخصائيه علب لسناك ! اول انا دايت سنتر كنت لاغيه الشوربه ومقلله من العشا يحطولي اقل وزيدولي الحلو كانو بدال الكيكه احطولي ثنتين لان اصلا انا اكلي مو وايد بس وايد احب الحلوو واي موشي شنو اذا لقيت شوريه احطولي سلطتين بروحي عسره بالاكل :/

 

[عنيّد]

ترى مهم ان الواحد يتعلم الاكل الصح ، مو بس يضعف
يعني سالفة السناك واحد فاكهه والثاني حلو فهذا صح 100%
حتى هيلث كومباني كانوا جذي ووايد تعودت معاهم على هالطريقه والتزمت فيها بعد ماخلصت اشتراكي معاهم

 

[راقية بأخلاقي]

هاي بنات
الحمد لله كل يوم احس أني صرت خفيفة اكثر حتى لو ما أظعف بس احس أني خفيت لأني أنا كنت أتخم نفسي بالإكل و لما اقعد من النوم قلبي ومعدني مصدري يعوروني
بس الحين الحمد لله احس أنام خفيفة وأقوم خفيفة وشبعانة بعد

 

[حياة زوجي]

انا اتكلم عم نفسى كل طلباتى بالمنيو ينزل الحمدالله مايبدلون شى
وهذا منيو اليوم




تمر

شوربه القرع

تبوله

كبه باللبن

حلو التك بالتمر

مينى فطاير لحم

سلطه رمان مع البوملى

فاصوليا بالزيت

ساندويش الدجاج المشوى الايرانى

روب بالفاكهه

 

[قطوووة]

اما هالصوره فأنا أدري انها احلى من كل الصور مايحتاج تقولون ، اصلا يكفي الوانها الخطيره

هذا كان فطوري طبعا أكل بيت ولا أحلي >>> نعم خير اشتبين داشه عرض خخخخخخ

ههههههههههههههههههههههههههههههههه

ياحلوج بس يالعيوشيه انتي :eh_s(7): صج خطيرة ههههههههههههههههههههههههه




LUXURY

اي تقريبا مثل اللي صار لي بس انا ولا يوم خلو لي سناك واحد .. استغفر الله جنه مرة وحدة بس خلال الـ 4 اسابيع ما يابوا لي سلطة فواكهه

بس منو اخصائيتج ؟

لكن اهي ماعجبتني انسانه تحبببببط يعني أوكي لا تعطيني أوهام اوكي فهمت وادري ناس ينزلون بشهر كيلوين حسب الحاله بس مو مستحييييييل
وماعجبتني سالفة تبديل الاكل من كيفهم ماقالت بادق نخيرج قالت اذا وصللج شئ مبدل يعني انتي متعديه السعرات
على اي اساس تبدلون يمكن شئ مابيه

عموما انا اليوم دقت علي اخصائيتي وقالت لي بتبدل لي الفطور لان لما حسبتها شافت ان الكالوري وايد وخيرتني .. بدل الربيان شنو تحط .. جان اختار هامور مشوي















راقية باخلاقي
خبر حلو حبيبتي .. مووووفقة

 

[راقية بأخلاقي]

حياة زوجي أنا تقريبا نفسح بس الكمية تفرق انتي سندويشة كاملة الدجاج الايراني أنا ربع بس والفطائر وحدة مو ثنتين يمكن الاشتراك غير أنا اشتراكي ١٢٥٠ كالوري*

 

[راقية بأخلاقي]

ابي موقع رفع صور زين يمكن أحاول أحط صور

 

[قطوووة]

راقية اي شركة انتي؟


ضروري تصورين

شوفي هالموقع
http://www.herosh.com/

المهم أهي تقول غصب تاخذين فاكهه كل يوم معاها 1 حلو مايصير تكنسلين الفاكهه وتاخذين 2 حلو

لكجري تدرين اني اول مرة اختار خرتها وخليته كلو 2 حلو وطنشت الفاكهه جان تضحك الاخصائية وتقول مايصير 2 حلو وايد يزيد كالوري عن 1 حل + فاكهه هههههههههههههه

 

[راقية بأخلاقي]

أنا دايت كير

 

[راقية بأخلاقي]

أنا دايت كير حياتي بس الموقع ما يشتغل عالاي باد

 

[نـعـوومـه]

هااي بنات مبروك علا الاشتراك لاكشري
انا اليوم رحت سويت تحليل دم و دهون

وباجر موعدي قبل ال٢ < عاد ان شاء الله اقعد من النوم

راح اشترك بكالوري كنترول ان شاء الله