أمس رحت جمعية المنصورية
وكان فيه ثلاجة حق " لو فات "
خذيت منهم:
= ورق عنب
= سلطة سيزر
وكان طعمهم استغفر الله
الله يزيد النعمة كلش كلش مو شي.. الصراحة الورق عنب بالغصب كليته
والسلطة ما قدرت اكل منها الا قفشة وحدة.. اكس عليه ولا راح أفكر اخذ منهم أو أسجل عندهم..
قطوة: جربت تركي مال امريكانا هههههه كل ما أشوفه بصورج اتحمص وجربته وطلع صج طعمه واااو يهبل وناطع
بس قطيوة ثلاجات امريكانا وين القاها بأي جمعيات غير مشرف والمنصورية؟
حياة زوجي: وينج غاطة ما تبينين؟ ان شالله كل أمورج تمام؟
======
بنات ترا " دايت كير " عندهم أفرع بالجمعيات
وانا هالفترة قاعدة اخذ منهم لان اشتراكي خلص وياهم
من 13 رمضان والأفرع الموجودة من دايت كير بالجمعيات اهي:
= جمعية الدسمة ( زوين الكاونتر مالهم لا كبير ولا صغير )
= جمعية القادسية ( الكاونتر مالهم كبير وحلو بس ما ارتاح اخذ منهم
= جمعية الروضة ( أكبر فرع لهم والفلبينيات تعاملهم زين لوول )
= جمعية الفيحاء ( نفس مال جمعية الدسمة )
= جمعية المنصورية ( عبارة عن ثلاجة حاطين فيها بعض الأصناف )
^
^
^
وانا جربت مال كل الجمعيات..
والي يريحني اكثر مال جمعية الروضة
بس قاعدة ادور ثلاجات امريكانا ماني لاقية
مابي أروح مال المنصورية ابي اغير.
