شركات التغذيه منو احسن فيهم وجم نزلنى (الجزء الثانى وبالصور)

[حياة زوجي]

الموضوع قمه قمه بالروووعه
يعطيكم الف عافيه بنوتاات

انا حاليا مشتركه بشركة كالوري كنترول خلصت شهر وجددت معاهم والحين بقالي بس اسبوعين واخلص اشتراكي الثاني

وضعفت بفضل رب العالمين 6 كيلووو الحمدلله

اكلهم حيل حيل حلووو وارتحت معاهم خصوصا الاخصائيه مالتي تهبل وتعاملها راقي


بس حبيت انقل تجربتي لكم

والله يوصلنا للوزن المثالي بكل صحه وعافيه

عليج بالعافيه ونزولج وايد حلو
فعلا كالورى كنترول اكلهم حلو
بس نصيحه اذا بتكملين رجيم الشركات جربي لينا ودينا هم اكلهم روعه
وحاليا حاطين عروض هالشهر بس علشان ما تملين من الروتين
انا مشتركه بالشركتين وكل اسبوعين اغير علشان ما امل من الاكل واكسر الروتين

 

[حياة زوجي]

ويوم جديد مع كالورى كنترول





عصير برتقال

سندويش لبنه وزعتر

فواكه

بطاطا جيرمان

دجاج بالكاجو

كيك التمر بالتوفو

همبورغر مع بطاط

شوربه عدس

 

[عنيّد]

صباح الخير

موفقيـــن بنـــــات

واللهِ انا حاليا ولله الحمد ماشي حالي مع شركة "كوين دايت" نظام الوجبات المنزليه

حنّىت لأكل كالوري كنترول ومشوقني اكل لينا ودينا

بس شسمه ، جنه العين مو على الوجبات الحين :bbbiu:

هذا والله اعلم بالمستقبل مايندرى :eh_s(22):

 

[*Little**Angel*]

صباح الخير يا الرشيقات
حبايبي بغيت رقم كالوري كنترول اذا تفضلتم

 

[عنيّد]

كالوري كنترول
22960900/01

وصباحج نور ^ـ^

 

[*Little**Angel*]

يعطيج العافيه وموفقه يا رب

 

[فنار الكويت]

صباح الورد بناااااات

حياة زوجي عليج بالعافية والهمبورقر واااااي عذاااااااااااااب والله اتيين دايما اطلبها حنيت وايد لكالوري كنترول
​

 

[فنار الكويت]

الموضوع قمه قمه بالروووعه
يعطيكم الف عافيه بنوتاات
انا حاليا مشتركه بشركة كالوري كنترول خلصت شهر وجددت معاهم والحين بقالي بس اسبوعين واخلص اشتراكي الثاني
وضعفت بفضل رب العالمين 6 كيلووو الحمدلله
اكلهم حيل حيل حلووو وارتحت معاهم خصوصا الاخصائيه مالتي تهبل وتعاملها راقي
بس حبيت انقل تجربتي لكم
والله يوصلنا للوزن المثالي بكل صحه وعافيه

عليج بالعافية بس ياريت تذكرين طولج ووزنج وجم كالوري تاخذين من الشركة
منو أخصائيتج بالشركة ،،، وناوية تجددين معاهم ولا بتنضمين لدينا ولينا
​

 

[قطوووة]

عليكم بالعافية جميعا


بنات لينا ودينا اسبوعين بجم ؟





عنيد .. انا ع طريف .. حنيت وبنفس الوقت ملتزمة مع " كوين دايت " فرع منطقتنا :d

 

[فنار الكويت]

هههههههههههه جنه بيزيدون الزباين لفرع كوين دايت

قطوة حتى انا من الصبح افكر اشترك اسبوعين مع دينا ولينا كتجربة
​

 

[حياة زوجي]

عليكم بالعافية جميعا


بنات لينا ودينا اسبوعين بجم ؟





عنيد .. انا ع طريف .. حنيت وبنفس الوقت ملتزمة مع " كوين دايت " فرع منطقتنا :d

بصراحه انا سالت عن الشهر الكامل مادرى جم يكون اسبوعين
دقى عليهم واستفسرى بصراحه راح تستانسين على اكلهم والله روعه
وهذا رقمهم دقى واستفسرى وعطينا خبر 25747096

 

[حياة زوجي]

هههههههههههه جنه بيزيدون الزباين لفرع كوين دايت​

قطوة حتى انا من الصبح افكر اشترك اسبوعين مع دينا ولينا كتجربة​

وانا اشجعكم بصراحه ماراح تندمون مع لينا ودينا
انا حاليا بمشكله مع كالورى كنترول بالحلو وااااااااااااااااااااايد نتفه
معنى الحلو مالهم لذيذ بس حده شويه وانا مشكلتى بالحلويات
عسانى ماحطه بحلجى اختفى وراح طعمه
اشلون ابي حل
اريد حلا :rgewrg::rgewrg:

 

[قطوووة]

الحل انج تقنعين نفسج انه راهي


عموما مستمرين بالرجيم المنزلي .. شكلي بروح بعد شوي مركز سلطان اشتري وجبات

 

[عنيّد]

لوووووووووول قطوه حلوه كوين دايت فرع منطقتكم

اييييييه بصراحه ، ابي ارجع لما الوزن الي كنت واصلته وبعدين افكر بالشركه

يعني احتمال كبير اشترك واسفط الاشتراك لما ذيك الساعه وابلش فيه

الحمدلله بفضل الله خلصت الاسبوع الاول من رجيمي ، اعترف اني خربطت فيه كالآتي
يوم واحد ماكلت الا سناكين + وجبة عشا خربطه
يوم واحد ماكلت فيه كل وجباتي ، بس الغدا والسناكات زدت الجيله

مشيت خمس ايام بالاسبوع ساعه الا شوي + لعبت على القرص الدوار 10 دقايق


النتيجه وقولوا ماشالله -4.2 كجم

الحمدلله الحمدلله الحمدلله
بصراحه كنت ادري اني وازنه وانا مخبصه من العيد لما اليوم الي بلشت فيه رجيم
وادري ان هالنزول سوائل ، بس نفسيا الشي يطمن القلب :yaaaaaarb:

مستمره باذن الله على نفس الرجيم للاسبوع الثاني والله يسهل علي وعليكم يااااااااااارب


ابي اذا وصلت 75-77 اجازي نفسي وابلش بالاشتراك
اعتقد راح اجرب لينا ودينا :eh_s(22): مع اني مشتهيه كالوري كنترول بس للاسف احنا كلش مومتفاهمين :bbbiu: وخاطري بهيلث كومباني فرع المنطقه الحره عند دكتور قطوه الي مدحته بس ماودي احد يأدبني ويحرمني

هذا والله اعلم والسلام عليكم ورحمة الله وبركاته جكجكجكجكجكجك :eh_s(9):

 

[فنار الكويت]

لا اله الله الله. وماشاءالله الف مبروووووووك عنيد والله يتمم عليج والفال لي ولباجي البنات

تدرين حياة زوجي اني نفس ذوقج بالضبط وكالوري كنترول فعلا حلوياته نتفه بس اقولج شي مهم صحيح ساعات تحوشني عرة الخربطة بس كالوري كنترول خلوني ابعد شويه عن الكاكاو اول كنت يوميا كاكاوات الدنيا قبل الشركات والماكنتوش بيومين ايخلص وغير النوتيلا الكلاس الصغير هم اخلصه بيومين ويضيق خلقي لاني مخليته لي ثاني يوم وابيه يخلص بنفس اليوم
بس فعلا الشركات تخليج تتعودين تبعدين شوي عن الحلويات وتقتنعين بالقليل وانتو عارفين انا ادمان حلووووو​

 

[فنار الكويت]

اليوم شريت قشر القهوه بجربها مع الزنجبيل والدارسين وكمون يقولون والله اعلم وايد حلوه حق الضعف ياريت اللي مجربتها تذكر تجربتها

بنات العشرج زين حق الرجيم الحواي يقولي وايد زين

 

[M❤kaaa]

بصراحه لما سالتهم عن العرض بلغونى لنهايه شهر 2
وبالعكس انتى ما اذيتينى احنا خوات بالمنتدى وانا حطيت الموضوع علشان الكل يستفيد
واتمنى لما تشتركين تعطينا رايج فيه وجم نزلتى معاهم علشان البنات يستفيدون من تجربتج




مكانهم مجمع البستان يم الفنار بالسالميه
الدور الاول
ورقمهم 25747096
ويارب ينزل وزنج بصحه وعافيه

حبيبتي تسلميلي والله هذا من طيب اصلج:eh_s(7):
وانشالله من اول ما اشترك ادش اقولكم واحطلكم صور وكل شي
وحلو مكانه احسن من داايت سنتر بشويخ ماقدر اروحله بروحي لووووول
يعطيييييييييييييج العافيه حبيبتي

 

[foshia girl]

عليج بالعافيه ونزولج وايد حلو
فعلا كالورى كنترول اكلهم حلو
بس نصيحه اذا بتكملين رجيم الشركات جربي لينا ودينا هم اكلهم روعه
وحاليا حاطين عروض هالشهر بس علشان ما تملين من الروتين
انا مشتركه بالشركتين وكل اسبوعين اغير علشان ما امل من الاكل واكسر الروتين

هلا خيتوو

الله يعافيج حبيبتي ..
اي انا حيل مرتاحه بكالوري كنترول بس مثل كلامج جني مليت من روتين اكلهم خصوصا اني انا ماآكل لا لحم ولا سمج ولا ربيان لوووول بس آكل جكن .. فجني مليت
وان شاء الله اذا خلص اشتراكي ماراح اجدد عندهم .. راح اشترك بشركه ثانيه ومشكوره على ترشيحج لي دينا ولينااا وجني شفت لج رد تمدحين الاخصائيه دينااا بشووف حبيبتي ..

عليج بالعافية بس ياريت تذكرين طولج ووزنج وجم كالوري تاخذين من الشركة
منو أخصائيتج بالشركة ،،، وناوية تجددين معاهم ولا بتنضمين لدينا ولينا
​

الله يعافيج قلب

طولي 164
وزني كان 71
متنت فجأه وماكنت حاسه بعمري لان طول حياتي كنت ضعيفه كان وزني مايتعدى الـ 47 واذا كلش كلش وصلت الـ 50

وحاليا ضعفانه ماشالله لا اله الا الله 6
وترى انا امشي يوميا ساعه وملتزمه 100% بالاكل كلش مااخربط ماشالله
واخصائيتي نوال
واخذ 1100 كالوري وحاليا" غيرت لي 1000 كالوري انا قتلها احسن لي

ماراح اجدد راح اجرب شركه ثانيه ان شاء الله





وفيدونا بنات الله يعافيكم أكثر عن أكل ( كوين دايت ) شنو اهما شركه يديده ولا شنووو بالضبط

يعطيكم العافيه

 

[فنار الكويت]

هههههه شفتي عنيد بيصير زحمه والزباين بتكثر على شركة كوين داااايت. والله ميته من الضحك

كوين دايت الله يسلمج هذي اسم الخدامه عند عنيد حابه تدلعها فمسميتها كوين دايت بما انها تسوي الوجبات حق عنيد

يالله عنيد دورج تردين والله من الضحك ماني عارفه شكتب​

 

[فنار الكويت]

Foshia girl

ماشالله عليج والله يتمم عليج وتوصلين الوزن اللي تحبينه جربي دينا ولينا اكيد دام حياة زوجي امدحت وجباتهم اكيد بيكونون ممتازين لاني اثق بذوقها واكيد بجربهم لان وايد اعرف ناس يمدحون دينا ولينا واضعفو عليهم موفقه حبوبه واول مره اعرف في اخصائية اسمها نوال اللي اعرفهم ريم ومي