شركات التغذيه منو احسن فيهم وجم نزلنى (الجزء الثانى وبالصور)

[فرااااولة]

ام كشه
حسااافه جان تحملتي وماكليتي
عاد الحين حاولي تلتزمين اكثر و ان شاء الله تضعفين اكثر واكثر

 

[العينآوية]

أم كششة وش هالاغرآءات ههههههههههههه

لآ تخآفين ترآ يوووم واحد ما يخرب عليج بس ارجعي والتزمي

 

[Om_Ksha]

ايييي ان شالله و خشيت غدا اليوم حق باجر و بالزواره باكل غداي ماراح اكل مجبوس

 

[قَلبڪْ صًخرْ]

بنات انا مشتركة برجيم سنتر
بس اسوي اكلي مو يجيبونها لي
وبس يخلص شهر بنحاش
بروح دايت سنتر مع الوجبات

لان رجيم سنتر رجيمهم مرض يتعب
اول اسبوع انا تحديدا 3 يوم جاني هبوووط
بغا يغما علي
رجيمه بس بروتينات
تعبت
ودي اقطع بس مفلسه
انطر معاش 5
واشترك والا اكمل
وابلش 15/6 بدايت سنتر ؟؟؟

 

[أمـــــل]

بنات انا مشتركة برجيم سنتر
بس اسوي اكلي مو يجيبونها لي
وبس يخلص شهر بنحاش
بروح دايت سنتر مع الوجبات

لان رجيم سنتر رجيمهم مرض يتعب
اول اسبوع انا تحديدا 3 يوم جاني هبوووط
بغا يغما علي
رجيمه بس بروتينات
تعبت
ودي اقطع بس مفلسه
انطر معاش 5
واشترك والا اكمل
وابلش 15/6 بدايت سنتر ؟؟؟

موبس مرض اله جرثومه قاتله يوم واحد ماتميت عندهم اكلهم مكرر يلوع الجبد لمه سجلت المنيو لوع جبدي وسحبت فلوسي خو موكلهم بس زين طلعت منهم

جم نزلتي عندهم؟

 

[قَلبڪْ صًخرْ]

بنات ابي رقم كنترول كالوري ؟

 

[قَلبڪْ صًخرْ]

موبس مرض اله جرثومه قاتله يوم واحد ماتميت عندهم اكلهم مكرر يلوع الجبد لمه سجلت المنيو لوع جبدي وسحبت فلوسي خو موكلهم بس زين طلعت منهم

جم نزلتي عندهم؟

توني3 ايام لي
وانا خذيت نظام اكلي بالبيت
بس متعب نظام كله بروتين
هذا الاسبوع الاول

كرهت رجيم منهم

 

[أمـــــل]

توني3 ايام لي
وانا خذيت نظام اكلي بالبيت
بس متعب نظام كله بروتين
هذا الاسبوع الاول

كرهت رجيم منهم

انا موبس كرهة الرجيم اله كرهت كل الشركات بسببهم دفعت لهم 200 وصلولي بس يوم واحد اخصمو مني 49 ونص ... ردي لجم صفحه راح تقرين تجربتي وياهم

لوفات اكلهم حلو شريت اكلهم من الجمعيه


تحياتي

 

[تووته البسكوته]

حبوبه كنترول كالوري ماعندهم موعد حق الاخصائيه لين اول شهر ٦ وعندهم عرض ىسبوعين ثلاث وجبات وسنامين ب٩٩ وعندهم شهر بس ريوق وغدا وسناكين ب١٠٠ شي نسيت شكثر بضبط لوووول واذا حصلت الرقم بحطه

 

[تووته البسكوته]

انا اليوم اجرمت بالعشا بس ماكنت متغديه
رحت كافيه بزه بعد لوووووول
كليت ميني برجر بس وحده وسلطه وكبه وحدهوربع خبزه ولبنه بليييز لا تقولون اني خربطت لووووول

 

[bo7#]

بنات جم سعر اشتراك دايت كير بالشهر

 

[فرااااولة]

اليوم السادس من لوفات




الريوق

صاج حلوم (وايد حلو )+حليب







الغدا

برياني لحم +تبولة
مو تخترعون تشوفون كل مرة نفس الاكل ترا المنيو مترووس بس انا اخترت اللي احبه






الحلو

مولتن كيك الله يزيد النعمة:eh_s(14):






العشا

همبرجر لحم + شوربة عدس + سلطة خضرا بصلصة الماسترد

الهمبرجر هالمره عجيييييييييييييب كل مره غير الظاهر نوع ثاني كان بس ما انتبه كلما شفت همبرجر حطيت صح لووووول






السناك



والحمدلله رب العالمين

 

[فرااااولة]

واي احس اني بديت اطخ

اشتقت حق اكل المطاعم لووووول
هذا وباقيلي ثلاث اسابيع وطخيت


الله يستر

 

[العينآوية]

بنآت خذوهاآ تجربة ترآ تخريب يوم ما يأثر بالعكس يمكن يفيد

لأنه معدتج تتفاجأ بأن الأكل متغير عليهآ وهالشي يفيد بالرجيم ويحسن الهضم ويحفز للنزول

بس مو مآتصدقون وتخربونها كل يوم عاد

أمس والله هلي اللي خذت من كنتآكي واللي من صب وآي :eh_s(14): وانا بس اطالعهم خخخخخخخ

بس يوم توزنين الصبح وتلقين نفسج التزمتي وما كليتي احلىىى شعووور :eh_s(9):

 

[فرااااولة]

عاد انا وزني ثبت صارله يومين تنصحيني اخرب يعني لووووول

 

[العينآوية]

عاد اخاف اقولج خربي وتروحين فيهاآ واصير انا السبب لوووووول

بس يمكن التنويع بالأكل يكسر هالثبات

تصدقين اول امس اختي على آخر الليل مسوية بطآط مقلي

جتني الغرفة تقولي تعآلي اكلي عآد الريييييحة وصلتني قبل تجيني دعوتهاآ ههههههههه

وقمت وانا مغمممضة تقولين كنزز صج صج وحشني هالأكل

واكلت واكلت !! كمية مو طبيعية وآخر الليل بعد وقمت انآم :d

قمت الصبح القآني قاطة 300 جرام

شي عجيب صح او يمكن انا جسمي غلط :d

 

[فرااااولة]

هههههه وناسه
عاد انا جسمي مايصدق، لو اكل هوا ازيد ع طول لووول

ذكرتيني بالبطاط المقلي اخيييييييه عاد صج صج بدونه ما يحلى عشاي

 

[Mystique]

هلا بنات انا اللحين مع دينا و لينا اول يومين ماخذه اشتراك هوليود بدون ويكند

ماخذه معاهم 1100 كالوري اكلهم عاجبني و مرتاحه معاهم بس ايوع وقت الضحى لأن الريوق شويه و ما اشرب العصير مالهم و لا ابي باجي الأختيارات ودقيت عليهم و كلمت الأخصائيه قلتلها كنسلوا العصير و زيدوا كمية الريوق شوي و قالوا اوكي :eh_s(15):

و ما رحت لهم دزيت ورقه بياناتي و الفلوس مع دليفري اكسبرس شركه المطراش نسميها و يابولي المنيو و اليوم الثاني ردوه لهم --> نصيحه للكسالى نفسي :eh_s(6):

انشالله اقولكم جم نزلت معاهم
موفقين جميعاااا :eh_s(9):

 

[Mystique]

اي و انشالله الويكند لما ما يوصلني الأكل الجمعه يكون رجيم المطوع و السبت يمعة العائله الكريمه احاول ما ابربس وايد:eh_s(1):

 

[فرااااولة]

^
^
الله يوفقج ان شاء الله وتنزلين بصحه وعافيه


انا ميييييييته يوووووع ولي الحين ما وصل اكلي