شركة البترول .. وجامعيه ؟؟ حياج دخلي:)

[Zayany]

لانه على أساسها يعرفون جم بيوظفون

 

[بنت حمووله]

بنات دقو عليهم سالوا
انا نومتي مقلوبه جان دقيت
عفيه وحده تدق تسالهم و تقولنا شقالها

 

[bnt_7waa]

قاعده ادق على الرقم الي يدزون لنا مسجات منه بس كله مشغول


فيه ارقام ثانيه ؟؟

 

[Zayany]

لا ماكو رقم ثاني
اللي تحصلهم تبشرنا

 

[حياة ريلي]

انا اخر مرة كلمتهم الخميس و مثل ما قلت لكم يقولون ريضين
اليوم ياتني خبرية من موظف بترولي ان احتمال يطولون لي شهر اربعه عشان في اعلان بينزل شهر اربعة و يوضفون الكل بوقت واحد
بس انا ما اعتقد صراحه !!

 

[عناقيد الجنه]

ترى صج مطولين مو أقل من أسبوعين يبيلهم

بس مستحيل ينزلون اعلان يديد من غير ما انعرف النتيجه

لأنه راح نتوهق ما ندري اذا نقدم على الاعلان اليديد أو لأ اذا كان التخصص مطلوب

 

[Zayany]

لا ما اتوقع يوقفون تعيناتنا علشان الاعلان اليديد صعبة
بس تخلص السنة المالية و نشوف انشاء الله

 

[عناقيد الجنه]

السلام عليكم

توني قريت بمنتدى النفط انه احتمال ما يكون في تعيين قبل ما تخلص السنه المالية

يعني ماكو تعيين قبل 1 ابريل

والسنه المالية تخلص 31 مارس

الله المستعان

 

[حياة ريلي]

شوفوا ما اعتقد ينزلون نفس التخصصات بالاعلان الثاني لان هم المفروض متخذين كل الشواعر اللي بالشركات و طالبين متقدمين على أساسها و بيعينون أيضاً على أساسها أشلون يرجعون يطلبون نفس التخصصات !

 

[بنت حمووله]

انزين اوكي لا يعينون اللحين
بس خل يدقون على المقبولين على الاقل
خل نعرف شلنا وشعلينا :/

 

[نـعـومـه]

رد : شركة البترول .. وجامعيه ؟؟ حياج دخلي

بنااااااااات دقو على المقبولين ؟؟؟؟؟؟؟

 

[نـعـومـه]

رد : شركة البترول .. وجامعيه ؟؟ حياج دخلي

شنو قصدهم السنه الماليه ؟

 

[shai5a]

الحين يعني خلصوا مقابلات ؟؟؟


الدبلوم ؟؟

 

[eastfem]

انا سمعت انه محتاجين جامعيين وهم المصدر من وحده تشتغل اهناك بالعلاقات العامه

انزين بنات انا قدمت بالديوان اول رغبه وزارة النفط تتوقعون يدقون علي << جامعيه اداب فلسفه واعلام

 

[bnt_7waa]

الله كريم ,,,

 

[عناقيد الجنه]

شيخه: اي من زمان مخلصين المقابلات

نعومه: مادري شنو قصدهم بسنه مالية بس ترى مو بس بالنفط حتى الهيئات ماكو توظيف إلا بعد انتهاء السنة المالية31-3

 

[عناقيد الجنه]

انا سمعت انه محتاجين جامعيين وهم المصدر من وحده تشتغل اهناك بالعلاقات العامه

انزين بنات انا قدمت بالديوان اول رغبه وزارة النفط تتوقعون يدقون علي << جامعيه اداب فلسفه واعلام

وزارة النفط تختلف عن شركات النفط

الوزارة تتبع الديوان

اذا محتاجين تخصصج ان شاء الله يختارونج

عادة الديوان ما يشوف الرغبات يوزع على مزاجه

الله يوفقج عزيزتي

 

[eastfem]

اي عدل كلامج عيل انا غيرت رغباتي سجلت مؤسسة البترول تالي وزارة النفط واخر شي التربيه

انشالله مايقطوني العدل :>

 

[nonosha]

رد : شركة البترول .. وجامعيه ؟؟ حياج دخلي

احد كلمهم .؟؟
عنده اخبار يديدة ؟؟

 

[Om_Ksha]

نعومه انتي بالماليه و ماتدرين شنو سنه ماليه :d


السنه الماليه تبدي شهر 4 و الحين يمكن مايقدرون يعينون احد ولا يصرفوون رواتب احد الا لما تخلص ميزانيه هالسنه لي اخر 31-3

فاعتقد راح يعينون على شهر 4 مع بدايه السنه الماليه

و الله يوفق الجميع