شسالفة الثور الاحمر والمراهقااااات!!!!!!!

[شادن33]

الثور الاحمر والبناااات >>>>> يصلح عنوان فيلم لاحمد حلمي خخخخخ

مااااعلينااا

اليوم موضوعي اللي بصدع راسكم فيه ( مشروبات الطاقه )

الرد بول اللي سميته الثور الاحمر هههه والباور هورس وفيتامينات المركزه اللي بالغرش

الاحظ حتى اليهال يشربونهاااا والبنات المراهقات من سن 12 -18 بعد قاعدين يدردعووونها جنها مااااي !!!

هذا غير الشباب الصغار والمراهقين طايحين فيهااا ليش من زين طعمهاااا

مره جربتها جان ادووووخ خخخخخخ والله ماعطتني طاقه بالعكس سوت مفعول عكسي صار راسي ثقيل وادعم بالطوف هههه

المهم

تقولي بنتي ماما والله البنات ايوبون الرد بل بالمدرسه لازم شي اساسي مثل البيبسي صار ويشربونه

يعني بنات صغار توا اجسامها في طور النمو ياخذون مثل هالاشياء ويخلونها عاده يوميه

ياربي وين ام تجابلهم علي الاقل تخاف على صحتهم لان هالمشروبات والله تضرررر فيها كافيين عاااالي وسكروووز مدري

فركتوووز يصك الراس بالسكررر وبالمستقبل يصير فيه سكررر وغير ضربات القلب تتزايد والضغط يرتفع مع الايااام

يعني ناقصين بالله

ليش مافيه توعيه من الام على اكل وتغذيه عيالها مجرد توعيه ان هالشي يضر وتشرحلها بالتفصيل!!!

الامهات لاهيه بالشغل والعيال ياكلون ويشربون اللي يشوفونه بالدعايات يحسبونه صح والله حرااام

والله من جم يوم سامعه عن الشاب اللي مات وهو شارب ثلاث قواطي رد بل وقف قلبه الله يرحمه !!!

وفي ناس يشترون بالكراتين هالرد بل وهات ياشرب شنو هالتخلف يحسبونه مشروب عادي الله المستعان

ومن كثر ما اقرا سوالف المتزوجات ومشاكلهم كانت مشكله الضعف الجنسي عند الريال انتشرت وااايد هالسنوات الاخيره

ليش كله من هالسموم اللي الغرب طايحه فينا تجارب واحنا ناكل اكلهم وشربهم واحنا مغمضين !!!

ومره قريت عن زوج ضعيف جنسيا.>>> علقت هالجمله خخخخ

انزين واتضح ان يشرب رد بول يوميااااا وهذي النتيجه

ادري عورت راسكم والناس صارت ماتحب تسمع لاتاكل هذا موزين ولاتشرب هذا موزين !!! ولسان حالهم يقول عيل شنو ناكل ونشرب !!!! وهنا تكمن المصيبه

ويح قلبي !!!!

وانتبهوا علي اعيالكم باجر انتو بتتعبون. من مستشفي لي مستشفى

والوقايه خير من العلاااااج

وسلامتكم

كل يوم تعالوا :ggdw:
تحياااتي

 

[Rowza]

صدقج والله ! له إضرار وايد مب شوي و من كمن يوم سامعه ان عيال يتسابقون منو يشرب مشروب طاقه اكثر بس ماذكروا اس المشروب ! و الولد الله يسلمج ثاني قوطي و طاح عليهم و وقف نبض قلبه المسكين و مات!! و هو في عمر الزهور !
ما قول غير الا الله يعينا

 

[Pinky -cat]

والله حبوبه انا وحدة من الناس اللي اندمت هالمشروب فترة طويلة وصار اساسي كل فترة اشرب 2 ومرات يمر يوم اشرب 3
كنت مينونه رد بول ، احب طعمه بشكل جنوني ، لين قريت وعرفت اشياء خطرة وما قمت اقدر انام ، والله والله لمن انام
مخي وعيوني مبطلة بس جسمي تعبان ابي انام ما اقدر اقعد مرات يومين قاعدة سهرانة من قوة المشروب

انا فعلا ياثر فيني ويخليني اسهر واصحصح بشكل قوي ، الحين قمت اوخر ورحت شوي على القهوه العادية قلت احسن
فنجان قهوه ولا ابي اشرب رد بول لين شوي شوي قدرت اخفف وايد عن قبل

ما اقولكم قطعته بس صار بس هالشي بالويد اند اشرب بس واحد ومرات نادرة اثنين .

الله يحفظ الكل من هلشر بس ترا صج احس فيه شي يخلي الواحد يدمن عليه الله يستر وفي دول منعت الرد بول

 

[Pinky -cat]

وهم حبيت اضيف انه حرام والله بنات صغار في عمر الزهور يشربونه الكبار على الاقل كبرنا ومو بطور النمو ولا جسمنا
بيكون نفسة وعظام وطول ووايد امور ، فا انا انصح انه كل بيت يمنع هلمشروب عن الصغار والمراهقين لانه فعلا راح
يبدي الاثر القوي عليهم والضرر من بدايه حياتهم.

 

[Zinab BH]

وانتي صاجة ردبول و بور هورس شربته مرة وحدة و دخت وين الطاقة فيه مادري
يشربونه المراهقين اكثر شي يزعم ان اهما كشخة و كبار و يطلعون فيها
مرة اخوي الصغير مسكين مرة شرب باور هورس محد يدري فيه وياله مسكين وجع رااس داخ تم طول اليوم نايم اخر شي اعترف انه كان شاربه
حصل له تهزيء سنع مسكين ياهل جافه بالبرادة قام خمطه
بس كله بسبب تهاون الاهالي في عدم مراقبة اكل عيالهم
الله يهدينا و يهدي الجميع يارب

 

[عـيّــآره]

اول ماقريت موضوعج رحت اجيب لي ريد بول باااااارد

يسرسرح على القلب في فتره الظهيره

صج انه مضر بس احبه شسوي :eh_s(10):​

 

[حديث الروح]

والله ياشادن موضوعك حساس وهو موضوع الساعة !!

ومن بعد قصة الشاب الذي مات بعد أن شرب ٣ علب. من مشروب الطاقة. أخذت بعض الجمعيات بسحبه منها ومن ضمنها جمعيتنا

لقد سبب لي مسكن كنت آخذه لألم الرأس. اضطراب النبض لأنه يحتوي على كفايين وحتى نوع من البندول يسبب. الاضطراب في القلب لأن. فيه نسبه كفايين عاليه

فما بالك بهذاالمشروب الذي يحتوي على نسبه مضاعفة عدة مرات منه

يجب أن تكون هناك توعية من الأهل ومن المدارس لأن الناشئة مغرمون بالتقليد الأعمى دون تبصر

والأهل كثيراً مايتركون الحبل على الغارب لأبنائهم والعاقبة تكون وخيمة !!

شكراً شادن لهذا الطرح الذي يمس الشارع

سلمت يداك أختاه !!!

 

[شــــــــــــــوقــــه]

ماله داعي اهل !

شكثر تكلمو عن الاضرار و الكل يدري كيفهم عقلهم براسهم و يعرفون خلاصهم < وحده تعبت من كثر ما تنصح

 

[روح امها]

صاجة والله
عاد انا ما احبه كلش
مرة بس ذقته ماعجبني

الله يهديهم

 

[Ms.romanceya]

اي والله انا معاج
بس جان زين حلو طعمه يلوع الجبد
و يعطيج العافية​

 

[تحت ظلك]

أما صراحة ماأتجرأ على هذي الأنواع من المشروبات لأنها ممنوعه عني فاأخاف يصير لي شي أذ شربتها
لكن أشوف الي حولي جدا جدا مدمنين لها مراهقين وأطفال والله حرام لكن كان المفروض من الأساس مايبيعونها عندنا.

 

[Dr.Nouf]

انا اوقات الفاينل ..!

عموما قعد يشيلونها من الجمعيات ..

مثل جمعية السلام وغيرها

 

[e7sasi]

فعلآ ويح قلبي !... للأسف للأسف الكل واعي والبرامج التثقيفية في مجال التغذية صارت تنذاع بكل القنوات بس وين الرقيب؟ ووين إلي يطبق!!! أهم شخص له تأثير على صحة كل فرد بالأسرة اهيا " الأم " لو كانت واعية وحريصة توعي عيالها ماشفنا هالتساهل وخصوصآ بين المراهقين إلي بأول طلعتهم ، المشروبات هذي كلها مصنوعة من " كحول السكر " يعني مو السكر ذات نفسه حتى عشان جذي خطرها أكثر وحتى البيبسي والكولا دايت كلها مصنوعة من كحول السكر. الله المستعان ، ويعطيج العافية ع التنبيه عل وعسى أحد يتعظ =)

 

[روح امها]

صدر قرار بوقفه ومنعه من الجمعيات
حاطين الخبر بجريدة اليوم

 

[الزورق222]

هذي معلومة ابي افيدكم عن مشروبات الطاقة ماتشربونها وانتوا معصبين فيه عرق ينفجر اذا شربتي مشروب الطاقة والضغط عالي هذى المعلومة من ممرضة زاروا مدرستنا وحذرونا من مشروبات الطاقة وقالت لنا ان اغلبية اللي متنومين بالعناية المركزة ومنفجر عندهم عرق تحت الراس نسيت اسمه صراحة بسبب مشروبات الطاقة ومن بعدها ولامرة شربته حتى اهلي .. انتبهوا منها ..استمتعوا بشربة وانتوا باردين الاعصاب جدا هههههههههههه

 

[M!SS.LOBY]

مشروبات الطاقة لها اضرار وايد

 

[حروف من ذهب*]

أنا مادري شلون يشربونه مؤ من زينه
يعطيج العافية ع الموضوع

 

[اللّہ معي ، ♡]

نحن امه ضحكت من جهلها الامم صارت المظاهر حتى بالشرب

المراهقين يقلدون بعضهم باتفه الاشياء

الله المستعان

 

[شادن33]

شاااااكره مروووركم الحلو حبايبي

 

[manoooram]

مع ان احبه بس ما عدت أشربه نفس اول
خصوصا من بعد ما سمعت ان مات اثنين بسببه