شسالفه القسم ؟؟

[نـعـومـه]

وانا شخصيا مادري مايه الوقت اللي اقول شخباري كويتيات ههههههه للحين ادمان

 

[شادن33]

هلا نعوووومه
اي والله المنتدى احسه خلااااص يحتضر خخخخ
اول أميه موضوع يديد باليوم وكل وحده ترد ع الثانيه بضمير وياما تهاوشنا وتصالحنا وضحكنا على بعض جنه انعرف بعض من سنين
احلى ايام قضيتها اهني وحسيت أني بين خوات لي خوات دنيا
صح الاستقرام وتويتر وربعه له زهوته بس مؤ مثل المنتدى تحسينه ديوانيه مصكره علينا محد يدخله مدرعم ههههه
ربنا يجمعنا بالفردوس الاعلى

 

[نورة حسام 2]

كل البرامج جذي لها فترة وتروح بس انا بين فترة وفترة ادش المنتدى

 

[نـعـومـه]

اي والله شادن المنتدى غييير

حتى اذا قعدت بالبيت ضيقه خلق ماعندي شي ادش المنتدى ويروح الملل موضوع ورا موضوع وماحس بالوقت

 

[عروس الحب]

انا حنيت ورجعت من جديد واتمني المنتدي يظل سنين ولا يشكر
ايامه حلوه ماتنسي خصىصن حمالاتب وشريط الحمل احلي شي هههه������

 

[ظبية بوظبي]

ماني من عصركم الذهبي
بس احب المنتديات
صحيح جتني فتره ابتعدت عنها
لكن حنيت لها
ومافي مثلها
صدق الوحده تستفيد والمعلومه الي تقراها ما تنساها

بس حبيت اقول ان بالفعل التقصير من المشرفات
وهالشي الي خلاني انقطع فتره طووويله عن المنتدى
لان نزلت كذا موضوع ولا نزل
تخيلوا في موضوع بيكمل سنه وما نزلوه
وراسلتهم ولا حتى ردوا
لقيتهن مبسطات فالانستقرام وساحبين سيفون عالمنتدى
عيل المفروض تنسحب منهم رتبه الاشراف لان ماهن قد المسؤوليه
بلا ضمير

 

[بنك بااستا]

اليوم. آخر يوم لي. مع السلامه

 

[نـعـومـه]

مشكورين على التفاعل

 

[فوفو22]

شخباركن صامدات

فوفو

 

[الحلا محتويني]

اي والله نعوومة كلااامج صح انا ماقمت ادش منتديات ماشوف فيهاااا تفااعل....الحين اكثرهم انستقرام وتويتر

 

[نـعـومـه]

شخباركن صامدات

فوفو

انا مازلت صااااااااامده صامده ههههههه


مايندرا اترك المنتدى ماتخيل روحي أتركه !! الله اعلم

 

[Behtar2]

ياحلو ايام اول

 

[شذى الحب]

انا من بنات الدفعه 2009 هههههههههه بس عجبني سجلت 2010
بصراحه المنتدى حييل تغير والله قبل احلى بووااايد

 

[الأميرة جوري]

الاستغرام المتهم الأول لوووول صار فيه اكاونتات حتي للحلول الزوجية وغيره فأخذت الأضواء له > تعبت عالتعبير هههه بس راح يمر عليه مثل ما مر على المنتديات والماسنجر بطلع برنامج يصك عليه بتييه حوبه منتدانا ههههه

 

[@@نور الدنيا@@]

اكيد كلن انشغل بحياته اليديده ..اللي دش الجامعه واللي توظف واللي عرس وعيل ملشاء الله
بس اكيد يدشونه بين فتره وفتره مثلي يعني هههههه
بس يبقى احلى منتدى انا بصراحه حبيته والله ماشاء الله من 2008 وانا مسجله فييه

 

[Stylista_Q8]

شخباركن صامدات

فوفو

هههههه ايي للحين صامدات


والله المنتدى صااار نايم ...

وبصراحة أحسه أحلى من الانستقرام من ناحية الاستفادة والتفاعل في المواضيع

يعني اذا وحدة طرحت مشكلة أو حل أو اي شي مفيد مانقدر ناخذ ونعطي معاهاا مثل المنتدى

حتى خبيرات التجميل اللي كانو هني وانتقلوا الانستقرام شافوا اعمارهم وما قاموا يعطون ويه :bbbiu:

 

[unknown1988]

اخييييه يا ايام المنتدى من 2008 لي 2011 تقريبا

مترووووووووس وزححححححمهههه و يونس وايد

الحين حتا الاقسام الزوجيه و حوامل و التربيه قاعدين ينهجرون شوي شوي مو نفس قبل من ازحم الاقسام ..

جان زين ترد ايام قبل الحين سهل ندش من موبايلاتنا بعد ...

وايد بنات اختفوا صارلهم سنه سنتين مو داشين

 

[Alesar]

اوووووف فتحتي الجروح صج المنتدى ما عاد نفس قبل واحنا من زمان بالمنتدى وكنا ولازلنا نحبه ونستفيد منه والبنات كانو يحطون وايد مواضيع ويتشاركون الاراء والتجارب بس في وايد اسباب اعتقد نحشتهم اهمها
الاهتمام من قبل الادارة والمشرفين على المنتدى ودعهم للمواضيع والافكار اليديدة
وضع كثير من القوانين والحواجز والشروط وحذف مواضيع وايده يعني حتى التجمعات الي كانو يسوونهم البنات قامو يحطون عليها شروط ويحذوفون المواضيع ويسوون موضوع واحد مكرر بس الي يدش الموضوع اول مرة ما راح يقعد يقلب مليون صفحة لين يوصل للنهاية
كثرة القصص والافلام الوهمية الي يحطونها مريضين النفوس
الكلام في كثير من المواضيع الدينية والسياسية الي كانت تسبب مشاكل بين البنات وتحول المواضيع الى هوشة
فصل التاجرات عن العضوات وكل شوية يزيدون العضوية ويطلعون قوانين يديده ويزيدون الاسعار ويفصلون المواضيع ف صارت مواضيع التاجرات مالها معنى ولا لها اي قيمة ف صارت التاجرات تنحاش و تروح حق وسائل ثانية
تحميل الصور والبطئ والمواضيع الي تعلق تخلي الواحد يزهق بعد

الانستغرام ماله اي علاقة بالموضوع ممكن يسوون ابلكيشن على الايفون علشان يصير سهل التواصل على المنتدى نفس البرامج الثانية
وبعدين الانستغرام مختصر وايد وبس صور
المهم البركة فيكم يا بنات وتعالو نسوي حمله حق انعاش المنتدى
و
و
دمتم

 

[Mrs_Orchidia]

انستقرام مسوي العجايب حبي ،، بس احس ماردنا للمنتدى .. شخصيا انزل مواضيع بين فترة و الثانية بس صج صج بروووووود لا ردود و لا مشاهدات يضيقون الخلق

 

[ام الدرر]

المنتدى تغير
ولا احنا تغيرنا
تجمعاتنا مع احبتنا صارت اسهل واسرع برا المنتدى
ولكن يظل حنين وعشق باقي لاحلى ايام جمعتنا​