شسوييي؟ شرايكم؟؟؟

[دلووعه وحلووه]

قووه بنااات

بدش بالموضوع على طول وابي شوركم الصراحه انا اشوف نفسي مو غلطاااانه كلش :eh_s(14):

قبل فتره قاعده اسولف مع ريلي وييبت طاري الغرفه ودي اغيرها لورق جدران واغير الاثاث

ريلي قالي اوك ويصير خير


قبل جم يوم قتله هاا نروح ايكيا حبيبي عشان نشوف اذا حصلنا شي حلو ويديد

قالي مو فاضي الحين :rgewrg: وطلع وخلاني مادري شنو هل مشوار المهم اللي عنده نرفزني الصراحه

طبعا حقرته ومارديت عليه

بس طرشتله بمسج بعدها بساعه اني بطلع مع اختي

قالي اوك حتى ما سألني ويين !!!!!!!!

انا مستغربه شنو هل موعد اللي ملهيييييه عني

ماحبيت ادق عليه واشوفه ويينه لانه عزت نفسي ماتسمح الصراحه ما اطر منه انا


المهم ثاني يوم بليل وانا اشوف الTV يااني وقالي يله امشي خل اوديج ايكيا

قتله اوك بس انا للحين محتره ليش ما وداني امس! شنو عنده اهم مني!! ؟

وقعدت ساعه ونص احط ميك اب والبس لوعت جبده

اخير شي قالي مطوله يله مليت ترا

التفت عليه وقتله يعني ما البس؟ ولا اطلع مبهذله!
قتله اذا مالك خلق مو لازم لا توديني
انا اروح بروحي متى ما خلصت

حقرني ولف ويهه وتم يطالع الTV

المهم بعد ماخلصت قام وطلعنا ولما وصلنا كل ماقتله شرايك بهذا ولا هذا
قالي مو حلو .. ماله داعي .. ولا يطلعلي عيوب :eh_s(14):

بعد قول مابي اشتريلج وخلاص
مادري ليش رايحين عيل

المهم اخير شي قتله خلاص ردني البيت مالي خلق افتر

لا واللي يحر يقولي ليش ماتبين نشوف بعد

قتله اوك ابي هل غرفه نوم وكان فيه قعده صغيره قنفه وكرسي هزاز ومكتبه

ولا يقولي لا وايد خل نغير الغرفه بس تالي القعده

قتله بنغير بالاقساط؟ خلاص مابي خل نمشي

الصراااحه لوع جبدي حسسني اطر منه!!

مو كافي مقعدني بهل غرفه الخايسه ولا بعد بزعاج بيتهم ونفسيت اهله الشينه

امبيييه لاعت جبدي

ولا واحنا طالعين يقولي ماتبين نتعشا

مادري يستعبط ولا يحرني

طالعته بنظره وقتله ابي ارد البيت قطني ورد تعشا

وقالي اوك وقطاني ومانزل البيت وطلع!!


ومن ذاك اليوم وانا معاك كلامنا سطحي مادري شفيه ومادري شسوي؟؟؟؟


؟؟؟​

 

[Dancing^Queen]

وااااااااااااااااااايد سهل حل مشكلتج
كلميه عدل
بيكلمج عدل
عطيه ريج حلو
وبيرد نفس اول
موضوع وخلص بس لاتحرين نفسج

 

[صحكة الايام]

موفقه

 

[رنيم الروح]

حبيبتي مكبره السالفه يمكن كان طالع مشوار مهم وحل مشكلتك بسيطه مثل ماقالت الاخت كلميه حلو وعدلي كلامك وشوفي وش راح يصير اهو يرد عليك بطريقتك انتي واسلوبك انتي

 

[brettey]

وين المشكله بالضبط ؟
ماني شايفه ان في مشكله كبيره بس انتي لازم تعطين ريلج ريج حلو لان مبين ان حبوب وطيب

 

[شادن33]

ياربي انتي ليش كككككله تكبرين الاموووور

الله يهديج


اليوم مااخترتي بأجر روحي وانشالله تحصلين نو بروبلم وما يحتاج منج كله هالتشنج حبوبه

 

[حنطاويه_84]

لا تعليق

 

[حرم_الغلا]

انتي مكبره السالفه يعني كل مشوار له بتطنقرين

شكلج توج عروس

يمالج من الاعذار

بس انتي مو تعاندين واخذي الامور بساطه ومشوارج تروحين له


مووفقه

 

[tunaQ8]

الحمدالله والشكر أهو شفيه ؟ ولا انتي شفيج مشينه النفس على ريلج.
وخير ياطير قالج مشغول شصار يعني طارة الدنيا . أقول عقلي ولاتخربين بيتج طبع الزوج يصبر بس بعدين الصبر يخلص
ذيك الساعه ان فات الفوت ماينفع الصوت.

 

[ga6wa90]

شالمشكله ؟ كنتي تقدرين تسألينه حزتها شنو الشغله اللي لهته
و تفاهمتوا بدون هاللويه اللي صارت

 

[بقلبي انت]

مكبره السالفه مع اني مااشوفها سالفه وردي مثل دانسنق كوين

 

[لوفيه]

طولي بالج مبين ريلج على نيته وطيب ﻷن عقب نفسيتج وهم بيعشيج

لا تمللينه منج والله هالطناقر ماتفيدج لا تغير من تصرفاتج

 

[فوفو22]

انتي يا مدور الطلايب

الرجال سوا اللي عليه

وترك ملاحظاته

وبدال الغرفه غرف شكثر

لا تستعسرين وايد

هو طبيعي جداااا ....وانتي مو سهله

الزواج يبيله طوله بال .....استشارات مع بعض

مو بس قراري واقطع

فوفو

 

[احلا المزايين]

يحلوج والله ههههههههههه حيل تأخر عليج. يوم واحد مو قادرة تصبرينوانا لي ثلث اسنين ابصبغ شقتي مو راضي ههههههههههه
صج اني صبورة لووووووووووول

 

[درة الشاميه]

الصراحه انت اللي بتخربين بيتج في ايدج!
وخير ياطير! ترى انت مو الوحيده اللي بتكونين في حياته! يمكن امه وابوه اطلبوا منه شي! وبعدين تراهم بالشرع اولى منج ولازم يطيعهم ويهدج لومواعدج ومبدله ونازلتله بالسياره و بالشرع ان الزوجه تطيع زوجها اولى من امها وابوها!

وحمدي ربج عندج بيت ضافج غيرنه نايمين بالشارع ! والا تبين قصر ؟؟

انا ابي مصلحتج عشان جذي شديت عليج

ولاتكبرين الامور وطوفي وعيشي حياتج واستانسي وجابلي بيتج وزوجج

وعلى فكره زوجج امبين عليه انسان حنون وطيب اللي عقب مانفستي عليه قالج تبين نتعشى بره؟؟ لو انت مومهمه عنده جان قطج وراح تعشى مع ربعه!
المره اليايه استانسي وطلعي معاه خليه يتمتع بالطلعه معاج ولا يتمتع مع الربع ؟؟ باجر يبديهم عليج والله ان صرتي عوبه!!:yaaaaaarb:

 

[sh_mashael]

ههههههههههههه

ياحليلچ

فعل ريلچ عادي و طبيعي و ما قال شي يستحق اللي سويتيه
وايد كبرتي الموضوع الصغير

و مبين انها تراكمات من اهله و بيتهم و الاثاث اللي مو عاجبچ
خلاچ تتنرفزين عليه و تكبرين الموضوع


هدي و طولي بالچ

 

[latkt7as]

عااادي ترا

انا صار لي سنه ابي اغير غرفتي

لان من كثر النقل لما حمولتي ترمم البيت تفككت

صج اخذ بخاطري وازعل ساعه
وبعدين عادي

انسى واضحك واسولف

لانه اهو اهم من الغرفه

تقبلي مروري

 

[om sa3d]

الله يهديكم لبعض ولاتزعلين عالطالعه والنازله خلي زعلج ثقيل يعني لازعلتي زعلتي على شي يسوى ويهتم لزعلج بس اذا بتزعلين على كل سالفه ماراح يهتم لزعلج وراح يكون عادي بس اذا ماعودتيه تزعلين الا على شي جايد بيحاول يراضيج ويهتم

 

[كارلوفي فاري]

والله هاذي امور عاديه تحصل بين اي زوجين

 

[نفـــائس]

مع احترامي لج

تصرفج غلط انج تنقعينه ساعه ونص

والازواج مابينه انتقام ورد ...... وايام الله وايده اليوم باجر شمعيلج على الراحه متي مارحتي رحتي

دوري مره ومرتين لما تلقون غرفه تعجبكم اثنيناتكم