شسوي الريحه قويه ...

[بعيدة الدار]

انتي سبحيه وحلقي له وعطريه

 

[ميمو نونو]

رد : شسوي الريحه قويه ...

مسسسسسسسسساء الخير




شلووووونكم خواتي وبعد غيبه أقدر أقول موطويله حيل ألا حدا ما تقريبا 3 شهور بس فقدتكم والله لأن يشهد الله عادتكم مثل خواتي يمكن بعض البنات بالمنتدي يعرفون قصتي ومأساتي مع أمي وعمامي خلوووني أحطكم بالصوره أنا بنت من وعيت علي الدنيا لاأبو ولا أم والدي توفي ووالدتي تزوجت وكان وقتها عمري سنتين وقطتني عند يدتي أم أبوي وربتني يدتي وماعاد سألت أمي عني وحتي تزوجت وعيلت ولاقالت عندكم أخت موهذي المشكله يدتي عسي الله يرحمها يارب علمتني علي خصل زينه للبنت ووعيت عليها الأهتمام بالنظافه ماأخلي أحد يغسل هدومي لاهدومي العاديه ولاملابسي الداخليه طلعتني الحمدلله بنيه الواحد يعتمد عليه بكل شي بس ضروف الدنيا وبطش عمامي علي ماترحم عقب ماماتت يدتي عشت عند واحد من عمامي وكل فتره عمامي يتحاذفوني من عم لي عم ليما استقريت عند واحد منهم بعد مابني بيته نظام شقق وأجرت شقه عنده أدري مستغربين أيه عمي خلاني أأجر شقه عنده وكانت عندي خدامه مونسه وحدتي ولما تزوجت سافرت والله كنت أحبها أكثر من عمامي وأمي حنونه علي بس أهي حلفت ماتروح ألا لما أتزوج وتزوجت بنات بس عقب شنو عقب العزر عمامي كانوا يرفضون الناس السنعه والمعروفه ووافق علي واحد مادري شقول عنه أظلم بختي أذا أقولكم موزين حبوب وطيب بس فيه خصله صعب أتحملها لأن أنا من النوع الوسواس بهالشغله مونظيف أكيد بتقولون أنتي يبيله هديه عطورات كشخي الحمام والله كل شي سويته الحمام تكرمون خليته موطبيعي من شموع وورد والأكسوارات وطقم الفوط بس ماكو فايده يطالعهم جنهم تحف يتسبح خمس دقايق بعد مايتسبح الا لشي ضروري يابيروح عرس أو صار جماع تخيلوا يروح للممشي يهرول ويرد البيت ريحة عرقه أتصك بالراس أقوله حبيبي روح أخذ شور قبل لاأسوي شي تاكله يقولي ليش أسوي شور أمس متسبح قلت معرق من الركض يقول عادي ماشم شي والله حاسه بمووووووووت ويحوشني تنك طبعا الأظافر تلوع الجبد الريول وصخه مادري موقادره أعبر بس أقول ياربي شهالحظ رضينا بالبين والبين مارضا فينا مأساه وأنا حيل قمت أوسوس تخيلوا بس تصير الشغله ذيج أركض اتسبح وشوي وأشرب العطر ومارد أنام بالكرفايه أروح أنام بالصاله يقول ليش ماتنامين عندي أقوله ماحب أحد ينام عندي طبعا ألاباط مالهم سابق معرفه بالديودرن وكل صوب وتحت صووووووووووووووووووووب والله مزارع الوفره في قمة إنتاجها بتقولون هالبنت تبالغ والله مابالغ ألحين أهوا نايم والله ريحته بجبدي موقادره تروح مادري شلون بكمل حياتي معاه الله يعين ويستر يارب وكاسر خاطري حياته مصرقعه مثلي أمه وأبوه متوفين ومربيته مرة أبوي ولاعبه بحسبته ومليان عقد أحسه موصاحي تحوشه صوكات ميخالف وايد تحلطمت بس والله مالي غيركم أشكيله حتي رفيجتي الروح بالروح قطتها بويهي أنتي حياتج ليش مأساه عقبها ماقمت اشتكيلها تعبت ...


مادري شسوي والطلاق بيعشني بمأساه ثانيه وماعندي أحد أروحله....​

ههههههههههههههههههههههه أضحك الله سنك والله دمك زي العسل
وأقولك الله يعينك ع ما ابتلاكي بصراحة كله يهون ولا الشئ ده الريحة وعدم النظافة " اسأل مجرب "​

 

[رنه خلخال]

مشكله بسيطه حاولي اتكلمينه باللي اضايقج احسن اذكرت سالفه وحده حطه سالفتها بالمنتدى انها احجزت حق ريلها بصالون اسمه نكست بالسالميه اسووله تنظيف بشره ومساج وبدكير ومنكير وحمام مغربي احجزيله فيه واشوي اشوي ان شاءالله اغير ولاتفكرين بالطلاق كلش السالفه يبيلها وقت وتنحل بس طولي بالج
موفقه

 

[miss-chocolate]

وييع الله يعينج

عاد لو اختج او صديقتج ريحتها خايسه

جان يهون بس الريل 24 ساعه مجابلج وريحته خايسه!!

زوجك لازم يعالج نفسيا يمكن فيه فوبيا الماي

الله المستعان

انشالله الله يهديبه ويتسبح

 

[ملح و سكر]

وديه صالون سباه ...وهناك اهم يسووله كل شى من حمام مغربى لمساج ...بدكير ...وقص شعر ..عاد صج يطلعلج واحد ثانى
وبعدها صوريه ....وكبرى صورته ...عشان يشوف الفرق .....

 

[aldanaha]

رد : شسوي الريحه قويه ...

والله في بنات ماقصروا بردود عامليه كانه بيبي سبيحيه امرج لله

 

[بـ سـ كـ وتـ ة]

رد : شسوي الريحه قويه ...

حبيبتي مادري اشكثر صارلج متزوجة ... بس إذا الريحة توها بدت تضايقك ترى احتمال تكونين حامل

أول الحمال تكرهين ريحة ريلج حتى لو توه متسبح

بس إذا انتي من زمان تعبانة معاه اخذيه ودشي تسبحي معاه

ولا ترسي البانيو ماي ومعطرات ورغوة وقوليله بنسوي ليلة رومانسية في البانيو

فركيه وتفركي انتي بعد قصي أظافرج وأظافره

شيلي حق نفسج وشيلي له

يعني لا يحس إن هالمجهود كله مبذول عشان تسنعينه ... لا حسسيه إن هذا وقت نظافتكم انتو الاثنين

وبعدين عاد عوديه إن كل جمعة تقصون أظافركم وذكريه يحلق المناطق وبعدين اغتسلوا غسل الجمعة

وخليها طقوس روتينية ... ما يروح الصلاة إلا واهو مسويها

راح يتعود مع الوقت

وبالتوفيق ان شالله

 

[بانانا]

رد : شسوي الريحه قويه ...

والله حبيبتي مالج إلا انج تصاااااااااااااااااااارحينه وتفتكين
شي لا يطاق حقيقة..
قعدي معاه وقوليله وقطيها بويهه
قوليله انت ماتهتم بنظافتك ودايما ريحتك وشكلك وصخ
لازم تتسبح وتتنظف وتقص أظافرك وتشيل الشعر لأنه نجاسه وتحط ديودرنت وترش عطورات وتتبخر
لأن داااايما أشم منك ريحه مو حلوة تلوع جبدي
قوليها بهالقسوة عشان تحسسينه بحجم المشكله
يمكن يتضايق شوي بالبداية
بس بعدين لما يتعلم على النظافة
راح يتضايق من نفسه لأنه ما كان نظيف قبل ..
والله يعطيج صبر أيوب
وفي هذه الأثناء حطي شويه دهن عود تحت خشمج عشان ماتشمين ريحته

 

[فاقده ابوهاااا]

رد : شسوي الريحه قويه ...

حبيبتي الصراحه حلوه بهالحاله لازم تمسكين ريلج وتصارحينه ووديه حمام مغربي او قبازرد يردولج اياه يلق لق واخذيله ديودرنت خو مو بكيفه ما يحطه اشكره قوليله تراني بموت من وصاختك وخليه يتسنع وبخري هدومه وحسسيه ان ريحته خايسه والله انبطت جبدي انا استحمل كل شي الا الريحه الخايسه والله اني امسك نفسي بوايد مواقف بس جم مره اذا احد مر يمي وصكت ريحته براسي اشكره اناديه وازفه وياما صارت عدوات معاي ايام المدرسه والحين بالدوام بسبى هالريحه عيل بنت فيها ريحه الله لا يبلانااا كل شي ينحل بالنظافه

 

[ياشايل الظبى]

قوليله الصج ياقلبى
مايبيلها بطيهاااااااا ...
ومن يشيل الشعر ترى بتخف الريحه ... ههههههههههههههههه
احس لاعت جبدى على الصبح

 

[إنسانه وأكثر]

الله يعينج ويصبرج انا حاسه فيج لأني مااحب هالشي واطفر منه الا النظاااافه مااسكت عليها لازم اتكلم

وهذا اللي لازم تسوينه انج تتكلمين ولاتسكتين شفتي ضيم فبيت عمامج مثل ماقلتي لازم عيل تخلين بيتج اهو الراحه لج ولازم تأقلمين زوجج على طبعج دام انه صح ومافيه كلافه عليه واذا اهو يحبج راح يتغير بإذن الله

الله يوفقج ويسخرلج كل الخير

موفقه

 

[يا صغر الفرح في قلبي]

الله يعين

 

[أغلى حبيبه]

رد : شسوي الريحه قويه ...

وييييييييييييييييييع شاللوعه حمدالله والشكر

ماكو الا تحملين ومن تشمين ريحته تركضين ترجعين عشان يحس بعمره

اقولج ريلج مااعتقد يصلي على هالوصاخه

انزين اظافره شلون يروح الدوام ويقعد مع ربعه واهما وصخين

الله لا تبلاناه يارب

والله يعييينج على بلوتج

 

[حبـ admant ـك]

رد : شسوي الريحه قويه ...

الله يكون بعونج

 

[nezgha.85]

لازم اتصارحينه وتقولين له مدام اهو زوجج وما عندج غيره ليش تستحين منه وبعدين قوليله ان من السنه لازم يتنظف ما يصير ما يحلق فوق ال40 يوم .. والله يهديه ويسخره لج إن شاء الله

 

[^noonaa^]

الله يعييينج

 

[قمر2009]

حاولي فيه لاتياسين وان شاء الله يتغير امدحي النظافه على طول عشان يحس على دمه

 

[SaD FaCe]

البنات ماقصرووو الله يفرجها عليج

 

[عسولتي]

مسكيه وكلميه بصراحة ساعات يكون مايحس بنفسه ولا يشم ريحته قعدي معاهوخليه يتنظف لي متى وانتي ساكته وااااي الله يعينج بس .. لازم تساعدينه ..

 

[مليت من الاسامي]

احسن حل تصارحينه وبااسلوب حلووو وهداوه
واذا مانفع وياه لاتنامين معه ولا تقعدين يمه واذا تكلم ليش وماليش قولي بصراحه طفح الكيل وانا تعبت منك وانت انسان قذر وماتسبح وانا وحده اهم شي عندي النظافه الشخصيه