شسوي دبروني

[كويتيه=)]

السلام عليكم ،،

بنات عندنا مشكلة صارت في القسم ما تحملت احط المشكلة بقسم المشاكل الاجتماعية

فحطيت اهني لاني ادور عالحل السريع

القصة يا بنات يت لنا العام موظفة يديدة بس على طول غياب فكان شغلها يتوزع بينا وكان الكل يتذمر ووحدة من الموظفات قالت حق رئيسة القسم اشكرا ما ابي اخذ شغل مو شغلي ورئيسة القسم عصبت واحمقت وقامت اهي اللي تسوي الشغل وكلنا انقص ويهنا واستحينا من هالموقف

يت لنا موظفة يديدة منتقلة من مكان ثاني

ورئيسة القسم طايره فيها طير واهي تبي تكسب رئيسة القسم بأي طريقة فأي شغل تتقبله

وانا نفس الشي بس مشكلتي اني منظمة واحب اسوي جدول بالشغل اللي ابيه اسوي وما احب اطلع عن هالجدول

عقب استقالت هذيك الموظفة اللي كانت تغيب واستلمت كل شغلها عقب ما كان يتوزع بينا

اول يوم شغل كنت معصبة حدي وما ابي احد يكلمني وقمت صورت ضغط الشغل والمعاناة والاوراق والعفيسة بالانستغرام

وحطيت عبارة كل شي على راسي !!!

ثاني يوم قالت لي رئيسة القسم اذا انتي متضايقة انا اسوي الشغل

قلت لها لا بس انا معصبة جذي طق مزاجي

قالت لي انتي فيج البركة و قدها وقدود

قلت لها ان شاء الله

عقب اسبوع يه المدير و قاعد يطالع السجلات وسمعت رئيسة القسم تقول حق المدير عن الموظفة اللي اعترضت على الشغل

جان يقول المدير لو قايلت لي من قبل ما راح اخلي الموضوع يمر على خير وزين انج قلتي لي لاني ما راح ارحم

انا خفت الحين ان تروح تقول له بعد عني يوم حطيت بالانستغرام :eh_s(16): ما ادري شسوي

واحس المدير متغير علي كان دايما يمدح شغلي وترتيبي للملفات الحين كل المدح والشغل حق الموظفة اليديدة :eh_s(16):

شسوي دبروني

 

[zqertya]

عادي بالنهايه انتي بحكومه مايقدرون يسوون لج شي وانتي بشر مو آله وكل إنسان له طاقه عادي ويتحلطم بس مو معناته ماتحبين شغلج


كلنا نتحلطم ونتشكى شي طبيعي والمدير ماله حق يحاسبج على كلامج الا اذا كنتي مقصره بشغلج وعليج شكاوي غير جذي مايقدر يسوي لج شي وبخصوص الصوره عادي لان انتي مو مصوره شخص عرفتي يعني لاتخافين

وإذا انتي حاسه بتغيير منهم اشتغلي كالعاده وبنفس الوقت خلي روحج حلوه وياهم وقطي نقزات عليهم يعني قولي انا احب شغلي بس ساعات من الضغط نتحلطم واحنا شعندنا غير التحلطم يعني بيني لهم ان هالشي بس وبخصوص اليديده لاتحاتين هذا تحفيز حقها عشان لا تنحاش ههههه

 

[مدّهره !]

عادي الموقف يصير أكبر من جذي وكل هالأمور واارده بالشغل ....’

 

[كنوشة 2009]

عادي دايم اذا الموظفة اليديدة نشيطة الكل يمدحها
لا تحطين في بالج وخليج على اهتمامج بشغلج

 

[بيت التوت]

عشانها جديده طايرين فيها

انا اشوف عادي الصوره بالانستغرام بالعكس انتي مارفضتي الشغل ولاتذمرتي وهالشي ينحسب لج

 

[فوفو22]

المسئول او المدير


ما يبي صور او كلام

يهمه الانجاز والفعل

وطول ما الشغل ماشي صح وبدون مشاكل

كل الاخطاء تغتفر ولا ينظر لها

فوفو

 

[Red Al Rainbow]

ممممممممممممم

مسحي آلصورة آلي في آلآنستغرآم !! ><

 

[عًششْق أنُثئ]

مااعليج منهم انتي مصوورة صوورة والصوورة بحساابج هم شكووو مااعليج منهم والله يووفقج

 

[مدّهره !]

بعدين النااس اللي عندج وويعلقون شنو نزلتِ وشنو علقتِ

لاتحطينهم عنددددج وإفتكككي