شسوي فهموني

[امنيتي الأمومة]

السلام عليكم

بدخل بالموضوع ع طول

انا متزوجة من 3 سنوات حملت خارج الرحم اول زواجي

بعدا ما حملت

الشهر اللي طاف عالجت غدتي الدرقيه وطلعت هي لاعبه

فحملي سبحان الله تاريخ المفترض لدورتي هذي 23-6

لتاريخ21-6 كنت زايرة حمولتي وفجأة احس الناس

يتحركون كأن الكرة الارضيه تتحرك وانا ثابته راسي يفتر

طنشت مع ان كان عندي احساس داخلي اني حامل من قبل

دورتي باسبوع ثاني يوم زوارة اهلي نفس الشي الدوخه

ونفسي صاده عن الاكل راحت اختي شرت تحليلين منزلي

سويت واحد بالليل علماً ان الزواره الجمعه يعني السبت موعد

دورتي المهم حللت طلعت ما شا الله حامل جذبت الاخبار عدته

الصبح حامل قلت بروح المختبر حااامل فرحت واهلي وزوجي

طاروا بس الدوخه راحت وعادي رديت اكل طبيعي

اي تذكرت كانوا حلماتي يعوروني من قبل الدورة لي قبل جم يوم

اخذت دوفاستون وبيبي اسبرين وفوليك اسيد ع استشارة الطبيب

اليوم نزل مني دم فالبدايه شبه شفاف نقطتين بعدين صار وردي

اكثر من النقاط خفت رحت الطبيب قالت لي حامل شهر و4 ايام

ماشفنا كيس الجنين بعد بس في اكياس 4عمبيض واحد

طبعاً وقفت لي الدفاستون قالت شكو لما نشوف الجنين اةل

بصراحه كللللش ماحبيتها واستمريت عالدفاستون واخذت

تحاميل تثبيت وفوليك اسيد ووقفت البيبي اسبرين لانه

يسبب سيوله وخفت منه اهو الدم. الحين خف الدم

الحمدلله بس قبل لا يوقف صار بني مع شي مثل الرمل او

نقط شبه مخاطيه صغيرة بس بكميه قليله والمنطقه صارت

جافه مافي افرازات الحمل اللي هي بيضا صرت نااااااشفه

//////--

يابنات حيييل خايفه واوسوس وهمي شايلته وماشيه

ماصدقت اسمع كلمة مبروك مدام حامل

قمنا نخطط انا وزوجي لغرفة البيبي ومكانه وحفلة استقباله

وكان من هالشهر بنبلش اول خطوات الترتيب له بس سبحان الله

بسرعه اندقرنا


الله يرضى لي عليكم ابي اعرف في احد صار له نفسي

هل فعلا البيبي اسبرين ممكن انه هو سبب الدم

ليش للحين ماشفت كيس الجنين

ليش راحت الدوخه والم الحلمتين

ليش صارت المنطقه ناشفه

سوت لي سونار داخلي مو لازم مايصير وانا حامل وينزل دم

بنات حدي خايفه ومصدعه وبموت

الله يرضى عليكم ريحوني وعطوني من خبراتكم

شلون اتاكد من سلامة حملي

 

[نسيم الأمل]

أنا ما جربت مثل حالتج لكن نصيحتي لج إن تصبرين شوي .

إن شاء الله مافي إلا كل خير ، المهم إنج لا تتوترين لأن التوتر والقلق راح يتعبج .

إهدي وإدعي أن الله يثبت حملج ويكتمل على خير وبدون مشاكل إن شاء الله .

وريحي ولا تعبين روحج . لأن الراحة مهمة بهذي الفترة .

الله يعطيج الصحة والعافية ويفرح قلبج بكل خير دائماً يارب .

 

[امنيتي الأمومة]

تسلمين يانسيم الامل

تصدقين عاد اليوم عرس وحده من خواتي وكاني قاعده

فبيتي منسدحه واقرا ع بطني وحاز بخاطري ما احضر

عرسها بس قلت اصبر وبتعذرني

 

[القلب الطيب]

حصني روحج
وربي يستر عليج بس ادعي ولاتحاتين
وطمنينا عليج

 

[نسيم الأمل]

إن شاء الله تعذرج لأن حالتج خاصة ومهمة وايد

وبقولج على الدوخة واللوعة ترى تروح وترد ويمكن توقف كم يوم أو إسبوع وترد لأن بتكون على حسب ضغط الدم للدوخة وحسب الروائح والأكل لللوعة . وإذا تذكرت شيء بضيفة لج إن شاء الله .

الله يعطيج العافية ويثبت حملج إن شاء الله .

 

[امنيتي الأمومة]

القلب الطيب فديتج والله قاعده اقرا وادعي

وكل شي بيد ربي


نسيم الامل لا خلى ولا عدم يارب

تسلمين وماتقصرين ياروحي

هي عاذرتني بس انا حاز بخاطري هذي اختي

 

[mi corazon]

حبوبه اول شي انتبهي لا تحطين الكمبيوتر او الايباد عله بطنج او تنامين عليها هالفتره

منو الطبيبة اللي تراجعين عندها؟

اذا مؤ مرتاحه لها روحي عالية الفضلي عندها خوش دكتورة اجنبيه اسمها تانيا او روحي معصومه اللي بدار الشفا يمدحونها كلهم

 

[المزه]

الله يثبت لج حملج ويفرح قلبج

 

[امنيتي الأمومة]

الدكتورة اللي رحت لها زينب عثمان حيدر لبنانيه

بدار الشفا اصلاً مايوحي انها دكتورة

وانا داشه المنتدى بالايفون وتغلب وقتي منسدحه

ما اقول الا عشان الحمام تكرمين او اصلي واصلي

وانا قاعده بعد

المزة اااااامييييين يارب


تسلمون ع اهتمامك فيني وبموضوعي

 

[Rw3t e7sas]

حلمي الامومه

اول شي خلي ثقتج بالله قبل كل شي كبيره
ومثل ماعطاج اياه بيحفظه لج بس كل ماصليتي
حطي ايدج اليمين على رحمج وقولي اللهم استودعتك
ما في رحمي يا من لاتضيع ودائعك


وبالنسبه للدم عادي شكثر حالات يصير معاهم جذي ومع
المثبتات وتعدي الثالث الحمدلله تصير حالتها احسن
رفيجتي كل حمالاتها فيهم دم ويوقف مع الراحه ورفعة الرجول
وانا كنت مثلج دوخه وحلماتي يعوروني بس الحين عادي اختفا
هالشي يعني طبيعي لاتخافين ولاراجعت اصلا بنطر للاسبوع
الثامن منها اشوف جيس البيبي ونبضه
ارتاحي واقري قرآن وتوكلي على الله ربي يكتب لج الخيره
والله يثبت لج ما في رحمج وتقر عيونج بشوفته سليم متعافي

 

[الجوهرا]

حلمي الف مبروك الحمال انا كان عندي اجهاضات بس لازم تاخذين البيبي اسبرين اسمه جوسبرين قوته81غرام هذا للي عندها اجهاض قبل لانه يوصل دم للبيبي تاكدي من اغرام انه81واستخدمي تحاميل مثبت انا صار معاي نفسج بحملتي هذي وجزاها الله الف خير ووحده معانا بالمنتدى قالت استخدمي التحاميل وراح ينقطع الدم وفعلا شريتهم بدون استشاره واستخدمتهم والحمدالله انقطع الدم وكل شي تمام والله يثبت لج ضناج ويقر عينج بشوفته واقري البقره وكثري من الاستغفار

 

[دلووعة أهلهاا]

الف مبروك الحمال
لاتسوين سونار داخلي ابددد يسبب اجهاض
وانا لما صارلي ٤٠ يوم حامل نزل معاي دم وع بالي دوره وطول اكثر من اسبوع واستغربت ان دورتي طولت ورحت لدكتوره وقالت اني حامل وعطتني ابرة تثبيت من بعدها ماشفت الدم والحمدالله توني والده والدكتوره شاديه عثمان بالمواساه

 

[روح الأحزان]

الف مبروك حبيبتي والله يثبته ويقر عيونج فيه اذا مومرتاحه حق دكتورتج غيريها

 

[sosowaty]

و عليكم السلام برافو عليج وقفتي البيبي اسبرين

كل الدكاترة يمنعوونه من اكل هالحبه اذا نزل منا دم

و اخذي ابر مثبت الحمل

و سوي تحليل هرموني و باجر هما سوي اذا ارتفع يعني انتي حامل

 

[!الجادل الصعب!]

عسالله يفرح قلبج ي رب

 

[امنيتي الأمومة]

روعة احساس اول شي اسأل الله ان يسهل عليج حمالچ

وتقر عينچ بشوفة النونو سليم معافى يارب

والله اني كل شوي اقول هالدعاء مو بس فالصلاة

الله يسهل يارب قاعده اقول لزوجي بما ان الدم شبه

وقف لا نروح ننطر لي الاسبوع الثامن قال وانا شينطرني

ابي اتطمن.

الجوهرا. ربي يحفظ لج عيالج ويسخر لج زوجج يارب

ماتقصرين يالغاليه.

دلوعة اهلها الحمد لله ع سلامتج ربي يجعله من الذريه الصالحه

تصدقين انا قلت لها دكتورة يقولون مو زين الداخلي خصوصاً

ان بينزل دم چان تعفس حواجبها وتقول ليك إصعدي إصعدي

وكله كوم وريحة الزقاير اللي تفوح منها كوم ثاني ابد لا شكل

ولا اسلوب يدل ع انها دكتورة.

روح الاحزان فديتج ربي يبارك فيج ماتقصرين ياحياتي.

سوسواتي تصدقين مادري شلون فطنت له هالبيبي اسبرين

قلت بسوي تحليل هرموني بس بغيت اسأل تحاميل وحبوب

التثبيت ماترفع من معدل هرمون الحمل يعني مو ممكن

يطلع الهرمون قاعد يرتفع بس مايكون من الحمل ويكون

من التحاميل؟

الجادل الصعب امين يارب ويفرح قلبج باللي تتمنين

 

[فديت سالم]

الله يقر عينج بشووفته وضمته ولمسته وسمااع صوته وبكيه وكل ماافيه ويرزقني معااااج وكل خواتنا بتأخر الانجااب وكل محروومه على وجه الارض دعوه شامله

 

[t.o.o.ot]

الله يرزقك الذرية يارب ولا يحرمك منهم .....
بس بغيت انصحك نصيحة واتمنى تقبلينها مني الا وهي لا تفكرين بالحمل واجد ان ربي كتب انه يتم بيتم وربي يثبته ان شاء الله لانه الارتباط النفسي قوي قوي اكثر من البدني خلي امرك على الله وتسهل امورك كلها يارب وتقر عينك في شوفته سالم معافي قولي اميييييييين .....
والدكتورة بعد نصيحة غيرييييييييييها وانتي مغمضة

 

[مها يعقوب]

حبيبتي الله يثبت حملج هالشي عادي انا مريت فيه
نصيحه من اخت لاتشيلين اشياء ثقيله ولاتتحركين وايد واقري صوره البقره علي بطنج

 

[دلووعة أهلهاا]

اي صح واهم شي اهم شي ماكو جماع وضلي ارفعي رجولج ومنسدحه