شسوي فهموني

[حرم حبيبي]

الله يفرح قلبج يااارب

 

[جمالي مو صج]

لاتوسوسين وايد وانشاءالله ماكو الا الخير

 

[امنيتي الأمومة]

بنات كلكم فديتكم ومشكورين عالردود

غيرت الدكتورة رحت عند لاكشمي بدار الشفا

المهم راويتها اول تحليل هرموني كان 101.2

وراويته تحليل امس اللي حطمني وكان 2

قالت مستحيييييل ينزل بهالسرعه قالت ينزل

قطع قلت لا قالت وايد تروحين الحمام تغيريين

قلت لا قالت عيل قلت بس لما امسح ومرات خيوط

قالت ماعليج منهم كملي مثبتات ونزلي تحت حق

السونار الدقيق نزل وتميت اشرب ماااااي لين فوّلت

سووا لي سونار قال بطانة الرحم عاديه مافي كيس

الجنين ولا في شي وبالاسبوع ال٥ لازم يبان البيبي

وعنق الرحم مسكر

صعدت مالقيت الدكتورة راااايحه

بنات عندي اسئلة هل ممكن يكون للحين مابين

هل ممكن يكونون تحت بالسونار مو خبرة بأمراض

النسا وجذي؟

 

[ام فواازي]

انا بولدي تاخرت الدوره يوميين و نزل دم عبالي دوره و ماحطيت في بالي حمل بعد يومين وقف الدم و نطرت اسبووع مانزل شي قلت براجع اشوف شالسالفه وانصدمت من الدكتوره يوم قالت اني حامل طبعا بوقتها كانت متاخره علي 9 ايام او اكثر وسوتلي سونار ومابين كيس الحمل بعد اسبوع سويت سونار و بين الحمل لانه كان متاخر
فيمكن انتي نفسي الحمل متاخر و للحين مانزل بالرحم بطري اسبوع و سوي سونار
والله يتمم عليج

 

[ككوته]

الله يتمم عليج حبيبتي ويثبه لج
اقري على نفسج وروحي لاكثر من مكان ولاكثر من دكتوره
عسى ربي يطم يارب

 

[Aloe Vera]

عادي انا كل حملاتي يصير فيني نفسج ينزل دم وردي و بعدين يصير بني و ساعات اسود

هذا من المشيمة

و خليج على كلام الدكتورة و توكلي عالله

 

[Aloe Vera]

بنات كلكم فديتكم ومشكورين عالردود

غيرت الدكتورة رحت عند لاكشمي بدار الشفا

المهم راويتها اول تحليل هرموني كان 101.2

وراويته تحليل امس اللي حطمني وكان 2

قالت مستحيييييل ينزل بهالسرعه قالت ينزل

قطع قلت لا قالت وايد تروحين الحمام تغيريين

قلت لا قالت عيل قلت بس لما امسح ومرات خيوط

قالت ماعليج منهم كملي مثبتات ونزلي تحت حق

السونار الدقيق نزل وتميت اشرب ماااااي لين فوّلت

سووا لي سونار قال بطانة الرحم عاديه مافي كيس

الجنين ولا في شي وبالاسبوع ال5 لازم يبان البيبي

وعنق الرحم مسكر

صعدت مالقيت الدكتورة راااايحه

بنات عندي اسئلة هل ممكن يكون للحين مابين

هل ممكن يكونون تحت بالسونار مو خبرة بأمراض

النسا وجذي؟

خلاص دام طلع تحليل الحمل انج حالم حامل ان شاءالله

الحمل مو باين لان الحمل يمكن صار متاخر
و انا صار فيني نفس الشي حمل يوم 25 من الدورة و بعد عشر ايام حللت و طلعت حامل و نزل علي دم
سويت سونار طلع مو مبين ولاااااا شي

بعدها بفترة اسبوعين او 3 سويت سونار داخلي و بين كلشي الحمدلله

انتي صبري شوي اسبوعين عالاقل و عيدي السونار بس ترا مو ظروري

 

[shai6ona19]

الف مبرووووك ياقلبي وعسا الله يثبته

بالنسبه للدم ماعندي فكرة

لكن بالنسبه للكيس ترا توووو الناس على شوفته انتي الحين تعتبرين حامل 4 اسابيع وخمس ايام صعبه يبين الحين انا يوم كنت حامل صرت نفسج
يقولي الدكتور مابين الكيس للحين وقعدت اوسوس عبالي مو حامل ومابين الا بالاسبوع الثااامن
صدقيني لاتستعجلين واتعبين نفسيتج
خل يصيرلج ثمان اسابيع وروحي
والله يفرحج ياارب

 

[أغلى الغاليات]

حبيبتي الله يثبت حملج ان شاءالله اول شي خلي ايمانج بالله قوي ودايما قولي الخالق المصور وادعي الله يثبته ان كان فيه خير وصلاح لج يارب اتمم حمله بلازيادة ولانقصان وتغذي عدل مثل الجبدة والخضرا والفواكه خلي اكلج طبيعي وفي حالات نفس حالتج مايبين كيس الحمل الا بالاسبوع السابع ونبض البيبي في الاسبوع التاسع احتمال يكون الحمل صار متأخر من جذي مابين الكيس صبري وادعي وعليج بالراحه التامه والله يتمم عليج

وادعيلي والله يوفقج حبيبتي

 

[أغلى الغاليات]

طمنينا عليج ولاتنسين تكملين على الدفستون مثبت الحمل والفوليك اسيد ان شاءالله بس يوقف الدم استعملي بيبي اسبرين الله يثبته ياارب

 

[مشتطـه]

ها شصار معاااج ؟

دايم اتابع هالحالات وانطر خبر مفرح منهم ؟

 

[أأأميرة الورد]

الله يقر عيووونج بشوووفة البيبي