الله يعينج ويعينا عليهم
عييل خل اقولج سالفتنا مع هالبنك اللي لوع جبدنا
طبعا زوجي بغى ياخذ قرض اسكاني منهم قالوله عليك بلاك لست لان سيارة رفيجه كانت باسمه والله يسامح رفيجه كان مطوف اقساط ومنو اكلهااا ريلي
طبعا السياره الحين تكيشت واخذنا براءة ذمه بس البلاك لست موجود ومتعمم على كل البنوك ومانقدر ناخذ قرض
المهم البنك دزو المعامله حق البنك الرئيسي عشان ياخذون الموافقه منهم من عاشر يوم برمضان لي قبل اسبوع راح لهم قالوله ان المعامله انرفضت
طبعا كان يراجعهم بين قتره وفتره قبل لايطلع الرفض ويقولوله انشالله يصير خير
المهم تناجر معاهم وقالهم عطوني براءة ذمه بحول بنك 2
قالوله ادفع 5 حق براءة الذمه و10 حق كشف حساب قاله الاسبوع اللي طاف انا دافع عشان اييبلكم شهاده من الدوليه قالوله هذا الروتين
ف الصراااحه المعامله كانت جدا سيئه فنصيحتي انج تغيرين بنكج مثل مانصحونا وقالولنا روحي للبنك الاسلامي افضل
