شسوي هالبشر؟؟

[fri2010]

السلام عليكم


بنات والله كرهت هالعاده أوف
عادة الحريم و المساسر
احس اني شي غريب شي مو مرغوب فيه
خاصه وانج تحسين ان هالمساسر عنج
وتقولين اشدراج لو مو عني
جان تكلمو جدامي مو ياخذون وحده وحده برا ويتحجون
انا موظفه ترا
كرهت هالحركات وماني عارفه شسوي
انا طبعي هادي و مو اجتماعيه وما اختلط بالناس و لا من النوع اللي اتكلم عن احد
ولا احب سوالف المساسر والصوت الخفيف والنظرات اللي مالها داعي
وانا استاهل بعد لان عمري ما اطلبو من شي وقلت لا كل حاضر وان شاء الله
شسوي مع هالاوادم *

 

[قمر كويتي]

وي الله يخليج بعض الحريم خلاص هذا طبع فيهم مايتغيروون واحسن انج مو معاهم وبعيده عنهم لان الاشكال هذي ماوراها الا المشاكل
بس اذا الكلام انتي متأكده ان عنج لا لازم توقفينهم عند حدهم يعني مثلا يسولفون عنج عن شنو ؟؟؟ هل وصلج كلام ان متكلمين عنج بشي

 

[بيتي بوب بس كويتيه]

عطيهم طاف وعيشي حياتج

 

[قموشه21]

يوووووووووووووووووووووووووووو

انا من داومت واهم جذي يتساسرون وينادون بعض ويطلعون برا يخلصون كلامهم يردون يخزخزوون:eh_s(10):

تدرين شسوي اضحك وابتسم ابتسامه استهزاء<< بعد شسوي

ماعليــه ياما بتعيشي وتشووفي:eh_s(15):

تبين حل ماكو حــل هذيلا ناس طبعهم جذي متعودين علي الحقد والحش وقرض بهالاوادم.:eh_s(10):. الحل لج انتي طنشششي ولاتطالعينهم لي تساسرو

عادي سوي نفسج ماانتبهتي خل يتفشلون قطيعه تقطهم ..:eh_s(17):

 

[ام كوثر2007]

تركيهم عنج

وخلي نارهم تاكل حطبهم ..


شوفي يا قلبي اخذيها نصيحه من اختج .. اللى ما يعنيلج شي بدنيتج ولا هو يعني بحياتج شي لا تهتميله ..

لا تضيعين وقتج بالتفكير فيهم لانه هذا نقص فيهم صعب علاجه .. ودليل انج شي مميز يبون يتكلمون فيه ..

 

[كويتيه cool]

وااااي فراي عندنا وعندج خير ولا اللي يحر ان يكونون زينين معاج ومن وراج شي ثاني اكره الفئة ياربي وبالذات لا صارو مثاليات على غير سنع وعووووه

 

[fri2010]

واضح ان عني لو مع عني جان تكلمو جدامي مو ياخذون وحده وحده برا ولما يرجعون يخزون ويتحجون بالالغاز

 

[بنت الأجوااد]

لالا مو عنج

هذوول بينهم سوالف خاصه مايبون احد يعرفها

يمكن سوالف عرافات او ساحرات ومايبون احد يعرف

شكلج مو منهم وماتحبين هالسوالف او شكلج جديده عليهم وخائفين منج

ترا الاغلبيه جذى يتساسرون مايبون احد يعرف وش يسوون خوف منج او خوف انج تعلمين احد يعرفهم

 

[miss lool^_^]

لا تهتمين لهم
ولا تعبرينهم وخلي عندج ثقه يموتون حره
واذا طوفه تكلمت تكلمي واذا خزتج خزيه من فوق ليه تحت

 

[fri2010]

انا عمري من دشيت هالمكان ما سولفت عن احد من وراه

ولا اتكلم عن اموري الخاصه ولا اتدخل بامورهم الخاصه

كل كلامي عن الشغل وبس

وبعدين اشلون اكون واثقه من نفسي !!!

قبل كان يسون هالحركه بالاسبوع مره الحين صار يومي!!

بعدين اذا اهم على حق خل يتكلمون علني من شنو خايفين

انا عارفه الحجي عني لان رئيسه القسم من صباح الله خير وتقط نغزات

وايشرايكم في وحده يديده متعينه وياي خذوها برا وتكلموا ولما ارجعوا يتكلمون بالالغاز

ولا ولما اطلع وارجع يتغير لون ويهم ويقعدون يغيرون الموضوع اللي كانو يتكلمون فيه

ما ادري ليش ما يخلون كل موظفتين بغرفه على الاقل

اكره اشوف هالعاده واكره اسمعهم لما يتكلمون بصوت واطي اوف

 

[ابي اصير ممثلة]

ما عليج منهم خليهم بحالهم

 

[fri2010]

والله حاستهم قاعدين يطبخون من وراي كل خوفي ان ينقلوني مكان ثاني وانا ما ابي انتقل

 

[Tom ♥ Jerry]

.


1/ الثقه بالنفس
2/ طنشي الناس

و راح ترتاحين

 

[fri2010]

للرفع

 

[fri2010]

احاول افكر باجابية بس الخيال حده واسع وجني اقص على نفسي

 

[sosowaty]

تعرفين معناة (( طااف ))

اذا تعرفين معناتها

عيل اقولج عطيهم اكبر طاف و مع ابتسامة حلوة نفس هاذي >>>

و الحقران يقطع المصران

 

[fri2010]

جان زين اعرف احقر واطوف