شعري مات

[pink^q8]

السلام عليكم ياحلوين

طبعا انا سالفتي الله يسلمكم ان انا وايد احب اصبغ شعري يعني مره صبغته اشقر ولا اتيني حاله ابي اصبغ برغندي <<<<<يعني طالعه فيها المهم من البرعندي صبغته اشقر ومن الاشقر صبغته زيتي ومن الزيتي صبغته برغندي تتوقعون شعري مات وراح فيها

المهم الحين شعري ميت ميت ميت مافيه حيويه وصارو بس شعرتين ومن ورى شعري صاير شفتو الياهل لما ينام ورى شعره اشلون يصير صغير ومنتف جذي صار فيني وماني عارفه شنو اسوي استعمله كل الشامبوات للاسف مافي نتيجه شالحل الله يعافيكم :yaaaaaarb:

 

[شيوختي]

هلا حبيبتي
انا نفسج شعري مات بس اعتنيت فيه
شوفي حبيبتي تعرفين كريم باراشوت الي غطاه ازرق
هذا حطيه بشعرج موطبيعي وعليج بالسدررر هذا وحده بوحده وبعدها حطي حمام زيت بالصبار او الجرجير ماركه فاشكول عشان شعرج مصبوغ ومايتقطع لان السدر شوي ناشف والسدر حطيه مرتين بالاسبوع
واستعملي شامبو سلفكرين بالزيت الزيتون او البيض هذا حلوووو
واي استفسار انا حاضره بس الافضل بالخاص لاني اضيع الصفحات *

 

[ام عزيزان]

هههههههههههه الله يرحمه

يعني انتي عارفه السبب وما تيوزييييييين ؟؟؟

اول شي اصبغي شعرج ولاخر مره بلون شعرج الطبيعي

وقصي الاطراف الميته

واعتني فيه من زيوت ولا تخربطين وايد بالزيوت نوع واحد يكفي وانصحج بجوز الهند براشوت او اي زيت يناسب شعرج

واستعملي حمامات الزيت .... ولا تخلين حمام الزيت يلمس فروة راسج بس خليه علي الاطراف

وسوي تدلييييييييييك للشعر مرتين باليوم ...

وحطي ماسكات طبيعيه تطري شعرج .... مثل المايونيييييز ... والزبده وغيره من هالامور الطبيعيه

واتركي عنج الكيماويات وتلاحقي علي شعرج

 

[pink^q8]

مشكورين عالنصيحه وان شاء الله بجرب بس ممكن طريقه السدر لان بالخاص ماقدر ادز رسايل مشاركتي شويه

 

[حبيبه ببي]

حبيتي ثبتي على لون واحد موكل ساعه لون ياذي شعرج

 

[pink^q8]

الحين ثابته على لون واحد بني لون موكا بس الحين ابي علاج من الصفر

 

[شيوختي]

حبيبتي السدر اعجنيه بماي عادي وحطيه على شعرج
بس حطي كميه من السدر حسب طول شعرج وبس وخليه اقل شي ٤ ساعات ولو خليتيه يوم كامل مايضر الشعر وبعدها غسليه وحطي حمام زيت ونصيحه لاعاد تصبغينه لان الصبغ يقطع الشعرررر 

 

[مسز بسبوس]

حبيبتي قصيه قصير بوي وحطي امبولات اكرينا قبل السبوح بساعه والشامبو وفيه عند دكري رشاشين اتحطين الصبح وبليل وحطي صبار الالوفيرا لمده ساعه على شعرج مع مساج بس هالنظام لمده ٣اشهور وان شاءلله بيتحسن وصج اكلي حبوب شعر والسلطات والبروتين لحم ودياي

 

[pink^q8]

مشكورين عالنصايح وان شاء الله ببلش من اليوم اعالجه لان انا شعري قصير ف ان شاء الله يبين عليه العلاج

 

[حبيبه ببي]

حبووبه حاولي توخرين غن الصبغ على الاقل3 اشهر عشاان يرتاح وعندج ماسك نيفيا يهبل للشعر

 

[pink^q8]

ان شاء الله اليوم اروح الحواي والجمعيه اشتري الاغراض وان شاء الله اقولكم النتايج اول باول

 

[نجديه كلاس]

السلام عليكم ياحلوين

طبعا انا سالفتي الله يسلمكم ان انا وايد احب اصبغ شعري يعني مره صبغته اشقر ولا اتيني حاله ابي اصبغ برغندي <<<<<يعني طالعه فيها المهم من البرعندي صبغته اشقر ومن الاشقر صبغته زيتي ومن الزيتي صبغته برغندي تتوقعون شعري مات وراح فيها

المهم الحين شعري ميت ميت ميت مافيه حيويه وصارو بس شعرتين ومن ورى شعري صاير شفتو الياهل لما ينام ورى شعره اشلون يصير صغير ومنتف جذي صار فيني وماني عارفه شنو اسوي استعمله كل الشامبوات للاسف مافي نتيجه شالحل الله يعافيكم :yaaaaaarb:

حبيبتي اول شي الي سويتيه بشعرك غلط وأي وحده بتسوي نفسك راح يكون. بشعرها نفسك لأنك اذا صيغتي من الأحمر لأشكر او العكس بكذا تكوني دمرتي شعرك. أنصحك تستخدمين كريم. فيلا بورجيني تحصلينه بالصيدليات وشامبووامبولات رويال بلاسنتا

 

[pink^q8]

تسلمين وان شاء الله اعالجه واقولكم النتيجه

 

[قطوووة]

تصدقين لي سنه و8 شهور موقفة صبغ

ولا راح اصبغ

كل مانزلت الصبغه قصيت شوي من طرف شعري

وصامدون

احس تعدل

 

[pink^q8]

اي هذا ان شاء الله اللي بيصير لا للصبغ خلاص حرمت اصلا

 

[Wــوزي]

أنا داخله علشان أعزيك
عظم الله أجرك في شعرك

 

[pink^q8]

ههههههه اجرنا واجرج مشكوره عالتعزيه

بس الواحد يقول الحمدلله ان شعر على بلاويه مافي تساقط الحمدلله

 

[نعم كويتية]

الله يحقق لج نتيجة حلوة من نصايح الاخوات

 

[خلطات المذهله]

حرااااااااااااااااااااااااام عليج حرقتي شعرج صبغات الله يعينج علي ترقيعه
راسليني وابشري بحل وايد مفيد وشغلات تجيبينها من الصيدليه تساعد في استعاده شعرج


تركو الصبغات ماوراها الا التساقط والصلع
وايد زباين عندي شعورهم قرعت من الصبغه وتساقط ماله رقعه ولاحل

 

[om MaRyooM]

وقفي الصبغ نهائيا


وروحي دكتور جلدية

مافي قدي استخدمت خلطات وامبولات كلهم علاجات مؤقتة وخراابيط