شغله غريبه صارتلي

[blue ocean]

السلام عليكم

شلونكم خواتي الغاليات من زمان ماسولفت وياكم

الله يسلمكم صارلتلي شغله غريبه امس راح تستغربون والله

من من فتره تغريبآ حسيت بالدوخه لأول مره بحياتي ورحت طيران

المستشفى وسويتلي تحليل دم .. واطلعت النتيجه ان فيني انيميا .. واحتمال يكون

هذا السبب وراء الدوخه .. المهم اخذت التحليل وقريته عدل وسويت مقارنه بينه وبين تحليل

انا مسويته أواخر سنة 2006 .. وهني طلعت المفاجأه :cxxxp:

تخيلوا كلشي نازل فيني ماكو شي تحسن

الحديد الماغنيسيوم المادري شنو كلشي تقريبآ للاسوء .. والله حيل تكدرت

كل هذا بسنه وشي يصير .. انا شمسويه ..

وعقب يوم راجعت نفسي اكتشفت اني وايد عدلت من طريقة غذائي السنه اللي طافت

وغيرت عاداتي الغذائيه للأحسن تصورو !!! شلون كلشي يتراجع فيني مفروض يتعدل

وخذيتلي كورس حديد اربعت اشهر وخذيت فيتامينات الخ..)

مع العلم ان ايام التحليل القديم كانت تغذيتي اسوء من الحين !!!

بذمتكم مو شي يحبط !!! والحمدالله على كل حال طبعآ واللهم لاعتراض ..​

 

[نورالدنيا***]

سلامتج اول شي

شوفيليج دكتور استشاري يظبطلج الانيميا بس شرط تلتزمين بالعلاج لانه يطول وتري في اشياء تمنع امتصاص الحديد

راح يقولج عنها مثل الشاي والقهوي حبيبتي لا تتركين نفسج اهم شي الصحه

وطمنينا عليج و لا تنسين تقرين علي نفسج وتدعين والله يشافيج من كل شر

 

[sKyLiTeGirL]

جيكي على الاذن الوسطى ترا اتسبب دوخه

والله يشفيج حبيبتي

 

[Anestazya]

سوي تحليل ثاني في مكان ثاني والله لان الشي يحير الله يشاافيج يارب

 

[pineapple]

الله يشفيج وماعليج الا العافية

 

[شندوخه]

حبيبتي عادي كل ماتقدمتي بالعمر يصير جذي
شوفي اكيد انتي تشربين جاي وايد خاصه بعد الوجبه وهالشي يخليج ماتستفيدين منها نهائياً اهوا مع البيبسي والقهوه
نصيحتي لج حاليا روحي اقرب صيدليه اخذيلج فيتامينات وحديد وماعليج الا العافيه

 

[blue ocean]

تسلمون يابعد عمري على المؤازره والكلام الطيب ..
تصدقون والله تحبطت من سالفة التقدم بالعمر هذي كلها سنه
المهم الفيتامينات تبع الصيديله زهقت وانا آخذ فيهم مو زود
والجاي والقهوه بطلت منهم بعد عناء
يالله الله كريم وتتحسن صحتي مشكورين مره ثانيه فديتكم ..

 

[سمار الشمس]

الكورس ما مشى معاج لازم تغيرين الدكتور وتاخذين تحاليلج القديمة واليديدة معاج افضلج وعسى ربي يحفظج

 

[توت عنكبوت]

عليج بالتمر واللبن عن تجربة

 

[ناني سيكرتس]

ما عليج الا العافيه انشاء الله..

شوفيلج دكتور جهاز هضمي وخليه يضبطلج دمج بالكامل, عندج الدكتور عايش الشمالي وايد ممتاز عيادته فوق ماكدونالدز بالجابريه..

 

[غير كل الناس]

سلامات

 

[احاسيس خليجية]

الله يعافيك ويشافيك انشالله ...........
امي مثل حالتك تاخذ فيتامينات ومع ذلك ماتتحسن اكتشف الدكتور ان الدورة الشهرية هي السبب لانها كانت تجيها غزيرة وصرف لها بدال الحبوب ابر .........

 

[غلاكم]

اي والله شي بط الجبد انه بعد تجين دوجه واطيح ومادري عن نفسي

ولمن اروح اسوي تحليل يقولي مافي شي

او في شي بسيط يكاد لايذكر

يعني والله احترت

 

[NoWay2know]

يمكن مع الوقت يتعدل، او انتي هالشي وراثي