شغلي الثاني من الكروشيه ( الشال )

[srabeel]

السلام عليكم

بنات وعدكم إني أحطلكم صورة الشال وهذي إهي الصوره
وبالطبيعه وااااااااايد فرق وأحلى بوايد من الصوره



وهذا شوي اللون غريب بس والله طلع وايد حلو الأحمر مع الأزرق المخضر
والعلاق مسويته أنا من قبل وحاطه خطوات عمله



وهذا الكبوس



وهذا الشال من ورى

 

[ذكريات]

ما تطلع الصور

 

[supermarket]

ماشاء الله سرابيل

شغلج اينن رووووووعة

وين كان مستخبي كل هذا

تبارك الرحمن

 

[bnt q8 in usa]

عساج علي القوه انشالله ناعم

 

[زيـنـه]

حلو ما شاء الله .. تسلم ايدج

 

[.]

ماشالله ..

تسلم ايدج..

 

[CrystalQ8]

شغلج يهبل ماشالله عليج....

 

[srabeel]

ذكريات الصور طالعه حقي وحق البنات شوفيه اليوم يمكن يطلعونلج

سوبرماركت أقولج كان مستخبي بالجنطه شسوي ماكو شغل وبعدين الكروشيه متعهههههههههه ومشكوره على الإطراء .

bnt q8 in usa الله يقويج مشكوره

زينه الله يسلمج حبيبتي

رونه الله يسلمج مشكوره

ثلاث غزلان مشكوره من ذوقج والله

 

[ساره ستايل]

سرابيل ماشالله عليج
شيف (مو شيفه عشان ماتزعلين ههه) وخياطه لا اله الا الله

عاد اتصدقين مع ان الكروشيه متعب جدا جدا
ويبيله دقه ووقت وجهد
بس مادري ليش سعره وقت البيع ارخيص

 

[mrs_sugar]

تسلم ايدج سرابيل
شغل نظيف و مرتب ما شاء الله .. اللهم بارك

لا تحرمينا من هالابداع

 

[srabeel]

ساره ويييييي الحين تقولين عني خياطه حرام عليج ترى صج والله ما أحب الخياطه كللللللللللللللللش بس الكروشيه أحبه متعه وتري شغل الكروشيه أحسن من الحياكه تبدعين فيه وإذا غلطتي تقدرين تكملين عادي أما الحياكه إذا غلطتي لا لازم تفلينه كله متعه وإدمان بنفس الوقت وما تحسين بالوقت وإنتي تخيطيين , إيه صج ساره ترى بالعكس شغل الكروشيه والحياكه ما ينباع رخيص كللللللللللللش أقل شي بالعشرينات ويوصل بالإميات عندج بيت معرفي معروفين يعطون دورات بالكروشيه ويسوون معرض بمنتجاتهم تصدقين شغلهم قاعد ينباع غالي حييييييييييل لأنه شغل إيد والخيوط مو أي شي أختي كانت بتشارك جان تقول لهم منو يشتري جذيه غالي جان يقولن لها من صجج أصلاً ينباع وإنتي مغمضه وايد ناس يبونه لأنه شغله نادره وخصوصاً إنه يسوون منه واحد مو مكرر مشاء الله عليج إنتي فنانه لو تتعلمين عليه ما أعتقد بتهدينه إدمان بس أنا الحين مثل إلي صكوني بعين كل ما أمسك الإبره أبي أكمل شغلي أهده مالي خلقه مثل إلي كرهته كلشششش ودي وبخاطري أكمل الشغل بس مالي خلقه كلش من كثر ما يقولون لي أربعه وعشرين ساعه خياطه خياطه ما تملين لين الحين ما أشتهي أخيط مع إنه ودي أكمل الشغل بس الله كريم يمكن أنا عياره والله ما يندرى عني .


mrs_sugar الله يسلمج حبيبتي مشكوره على التشجيع بارك الله فيج

 

[سبائك]

ماشاءالله لا قوة الا بالله اينن شغلج سرابيل

 

[srabeel]

سبائك مشكوره والله من ذوقج الحلو

 

[ساره ستايل]

سرابيل:
اول شي ماتشوفين شر من العين
انا قبل كنت اشتغل رسم عالزجاج والسيراميك
وكنت اخط آيات قرآنية بخط ايدي عليهم
عطوني عين وصرت ما قدر امسك الالوان عدل
ايدي كانت ترجف
ف هديت هالشغله
الله وكيلج العين تذبببببببببببببح
الله يحميننا من عيون الحساد

بس انا كلللللللللش مالي خلق الكروشيه
يبله مقاقه
وبالنسبة لأسعارهم انا اللي اشوفه بالسوق شغل الصين وااااااايد ارخيص
بس الظاهر الخيوط جودتها تفرق
عساااااااااج عالقوة وحصني نفسج بالقرآن بكل وقت
موفقه

 

[srabeel]

ساره إي والله صاجه لازم الوحده تحصن نفسها على طول ، الله يوفقج إن شاء الله يا فنانتنا .

 

[انثى من كرستال]

مشكوره والله يعطيج العافيه

 

[srabeel]

الله ياعافيج أنثي شاكره مرورج الطيب

 

[mrs_sugar]

اي والله يا سرابيل يا اختي العين تذبح
انا كنت نفس الشي ما امشي الا و جنطة الخيوط معاي و الحين عندي كم شغلة طايحة مالي خلق اكملها و ما اشتهي افتح كبت الخيوط

 

[srabeel]

mrs_sugar إي والله تصدقين كنت وين ما أروح أودي الجنطه معاي بالسياره لما أرح حق العيادات وبدال لا أقعد جذيه أنطر لا كنت أطلع الخيوط وأخيط .
الحين والله عندي طقم حق الياهل يهبل سويت شويه وباقي بعد ودي أكمله بس ما أقدر .
الله كريم

 

[&ام عبدالله للخلطات والأعشاب&]

شكرا