شـاركـونا: تجاربكم مع عمليات التجميل

[أسيرة قلبه]

الله يطلعج بالسلامه و تصير زنودج مثل زنود نانسي عجرم

 

[*دبدوووبه*]

الصامله حبيبتي
الله يقومج بالسلامه
قوليلي ياقلبي
وين بتسوين عمليتج ؟ واي دكتور

 

[دكتوراة بالذوق]

الصاملة الله يوفقج ويقومج بالسلامة

 

[Maltesers]

وااااااااااااي بنات ردودكم تخرع ,, أول مره أدش الموضوع وخترعت حاشني احباط


انه توني مسويه خشمي الحلو ههههههههههههه بايران .. المشكله عند دكتوره لان مو ضروري وسالت فيها قالولي اذا مو ضروري يعني مو علاج ما يصير يسويلج دكتور وسالت الكل عنها والكل مدحها لي اسمها مشكان رضائي والكل يمشي ويمدحها على مستوى يعني

وسويت العمليه الخميس اللي طاف .. طبعا صداع وعوار من البنج لي ثاني يوم و بس لمن شالت لي الفتايل ارتحت وايد وورم عيني خف بس فيه شوي كدمات غامجه والورم وايد خف تقريبا راح بدون ثلج بس مع حبوب ومرهم وقطرات

والخميس بعد يومين يعني بروح اشيل الجبس ناطرتها تحولني على دكتور هني بالكويت يشيل لي الغرز والجبس يعني بتطرش لي التقارير .. بس المشكله رمضان ياي وو عندنا غبقة بعد 12 يوم تقريبا ما ادري يعني شكلي بيكون عادي راد ولا اشلون !!

على قولتها قالت لي خشمج ماكان يبيله وايد بس فيه انحراف بسيط وعدلته وفتحه اكبر من الثانيه شوي وو تفخه من جدام والحمدلله صج الورم شبه راح بس فيه كدمات ليلحين ..

وقالت لي لا تلبسين نظاره 3 اشهر .. وديري بالج لا يطق خشمج بشي حيل لان بعده مو قوي الغضروف لين

وشنو في نصايح ثانيه ؟؟ لا تبخلون علييي !



الاهم من كل هذا لووووووووووووووووول شوفوا شكلي مع ريلي وانه راده من هناك بالمطار مغطيه ويهي وكل شوي اتعرجب وحرررر واحس بطيح بلشته معاي بالسفر واعليه بس اهوه اللي كان يبيني اسوي يتحملني لووووول

 

[أسيرة قلبه]

ما تشوفون شر حبوبه و الله يطلعج بالسلامه انشاء الله

بالنسبه لتوصيات الدكتور في هذي الفتره
1- لا تتعرضين للشمس فتره طويله لمدة 4 شهور
2- لا تضحكين لمدة 3 اسابيع
3- لا تنامين على جنب او على بطنج اول ثلاث اسابيع
4_ لا تنفخين خشمج و اذا بغيتي تعطسين عطسي من حلجج
5_ لا تاكلين اكل صلب مثل تفاح فستق لمدة ثلاث اسابيع
اممممممممممممممممممم
6_ ابتعدي عن تيارات الهوا و الغبار
7- لا تزورين طبيب الاسنان لمدة اربع شهور
8_ فرشي اسنانج بخفه
9_ نامي على ظهرج بزاوية 45 درجه
اذا ذكرت شي بعد بقولج

و على فكره هذي تعليمات الدكتور جمال الحربي

 

[music_teacher88]

الصامله بشرينا لاني قاعده اضعف واكيد راح يترهلون زنودي
وقوليلنا هل في اثر ووين سويتيها وجم كلفتج؟




بنات منو عنده فكره عن شد الصدر؟؟؟؟
وجم يكلف؟؟



وموضوووع وااايد حلووو والله

 

[بسكوتة82]

السلااام عليكم
انا الصراحه سويت تجميل لاني ولدت مرتين وصارت عندي شوي ترهل في البطن لاني ضعفت وايد عاد اخذت ابر الميزو واااااااااايد حلوين وشالو كرشي ب5 جلسات بس والمفروض اخذ اكثر بس انا وقفت لان الصراحة الابر تعور بس ماردت بطني مثل قبل......الحمدلله
وسويت حق شفايفي تفخ بسيط وصارو حلوين وايد بس نفس الشي الابر تعور وقت القز.......شعوري بعد العمليه اني حسيت بثقه زايده بنفسي ههههههههههههههههبس امي ذبحتني تقوللي انتي حلوه ليش تسوين بنفسج جذي......................وسعر الميزو الجلسه ب 58 دينار والتفخ ب 75 دينار.............


وششششششكرا

 

[music_teacher88]

ياللله الحمدالله على السلامه مؤخرا وعأبالي

بنات محد يعرف عن الصدر؟؟

 

[*دبدوووبه*]

والله يمدحون دكتور
لاري
و
نيشو راجاسيك في مسشتفى الانترناشونال
حق عمليات الشد والشفط

 

[bombo]

عفيه بنات نبي عمليه غير الخشووم و البراطم محد سور حق الصدر (تكبير) نقذوني لان الحاله تعيييييييييييييييسه حدها والله صار فيني عقده لووووول

 

[music_teacher88]

بومبو انتي تبين تكبير وانا ابي تصغير لووول مافي احد مجرب؟؟؟؟

 

[Maltesers]

وانه داشه عرض .. بسأل اللي سووا عمليات الخشم

انه شلت الجبس من جم يوم والوضع اوكي بس ليلحين في كدمات زرقه صوب العين خفيفه وو مورم شوي بالمنطقه اللي بين العين والخشم

وانه صارلي اسبوعين مسويه العملية هالششي عادي يعني ليلحين مورم ؟؟ واشكثر يبيله على ما يرد طبيعي ؟؟

ومنطقه الخشم كلها احسها مخدره وما حس فيها عادي ؟؟

ومن داخل في دم متجلط مكان العملية وقالولي لا تنظفين حيل بس على خفيف و عندي قطرات قالولي نظفي فيها اذا ما كنتي مرتاحه .. انزين هالشي عادي بعد ؟؟ صار فيكم كل هذا ولا لا ؟؟

 

[nono78]

والله يبيله تجميل >>> غيرت رايهاااااااااااااا لووووووووووووووول

بعد الولاده يبيله ابر عاد صج يشد البطن يعني تصير العضله مشدوده ؟؟؟

 

[nono78]

ام علاوي الحمدالله عالسلامه وبشرينا بالنتايج

عاد انا عكسج انا احن على ريلي

اقوله بسوي تصغير حشم وتكبير صدر

يقولي روحي سوي بس بعد لا ترجعين البيت روحي بيت ابوج

لوووووووووووووووووووووول

 

[سميّ النور]

ام علاوي
الحمدلله على سلامتج
وعادي انا صار لي 3 اسابيع وللحين وارم ... والكدمات تحت العين بدت تخف من ثاني اسبوع
وترا يختلف من شخص لي الثاني يس انتي لا تحاتين

 

[أسيرة قلبه]

ام علاوي لا تحاتين وضعج طبيعي

 

[*دبدوووبه*]

انا ابي اسوي زنودي فخووووذي
مدحووووولي دكااااااتره ؟

 

[بسكوتة82]

اي والله صج تشد البطن الابر ووايد مفعولها حلووو وفظيييييييع
يعني واااااااااااااايد احلى من العمليات والشق والخياط والبلاوي هذي ابر الميزو مالها اعراض جانبيه كللللللللش وانا سويت بس 5 جلسات فررررررررررق والله كل الناس يسالوني شنو مسويه وشنو مسويه........................
لاني اخاااف من العمليات والخياط................وبعدين انا مو مشكلتي الرجيم انا ضعفت بس هالكرش من الولاده بطني وانا حامل اشكبرها صارت وصار معاي بالحمل زلاااال وايد وانتفخت جني بنفجر هههههههههههههه بس الحمدلله راحت كرشتي وزنودي يعني تماااام


وتدرين ريلي بعد شهر من الولاده قام يعايرني بكرشي يعني ماعطاني فجه اشترك نادي او شي.....لقيت ابر الميزو اسرع واحسن حل



ومشكوريييييييييييين

 

[*دبدوووبه*]

بسكوته وين سويتي الابر ؟
يعور ولا مايعور ؟
ومشكووووووووووره
وان شاءالله ماتشوفين الكرش ابد

 

[Majesty]

السلام عليكم انا سويت عمله تجميل لخشي بس ازرق تحت وفوق عيوني وكدمات وورم ملامحي تغيرت 180 درجه الدكتور قالي عادي بنات انا عرسي بعد العيد مباشره تهقون متى تخف هالكدمات والتورم وشنو يساعد عشان تروح قولولي الله يجزاكم خيرررر ساعدوني متى وجم يوم تستغرق وهل هذا طبيعي تحت العين وفوق العين التورم قاعد ينزل لي خدودييي خايفه انا