شـاركـونا: تجاربكم مع عمليات التجميل

[ريمه الكويت]

اعرف وحده بتسوي نفخ خدود اذا عجبني راح اقولكم عند منو وبجم لاني بروح معاها بشوف شسار ماسار وبوافيكم بالنتايج

 

[ريمه الكويت]

اختي رقيه يمكن ب80 ناسيه سارلي 5 سنين من سويته وتم جريب السنه يالله ردو مثل ماكانو

 

[عاقده النونه]

صراحه قعدت جم يوم أقره الموضوع وقعدت اطالع نفسي ههههههههههههه

واحس اني الوحيده ماسويت عمليه بالكويت المهم خشمي انا كبير بس الحمدلله

عادي مابي اتعبث واندم عقب بس عندي طلب وتكفون لحد يتردد اذا يعرف شي

يفيدني عندي وجهي صوب منطقة الحلج يمين ويسار غامج شوي مع اني سويت

تنظيف بشره وكذا جلسه تقشير كيميائي وكرستال بس ماراح وخذيت كريمات

وهم مانفع وياي يقولون لي هالمنطقه مافيها ماي واذا احد يعرف شي يفيدني

الله يخليكم لا تخلوني لانها مسببه لي ازمه ومخربه علي لاني بيضه بس هالمنطقه

غامجه شوي


:hjy5jewf:​

 

[أم منصور]

تنظيف بشره وكذا جلسه تقشير كيميائي وكرستال بس ماراح وخذيت كريمات

وهم مانفع وياي يقولون لي هالمنطقه مافيها ماي واذا احد يعرف شي يفيدني

الله يخليكم لا تخلوني لانها مسببه لي ازمه ومخربه علي لاني بيضه بس هالمنطقه

غامجه شوي



شنو الصبغة كلف أو حبوب قديمة أو ووووووووووو حددي بالضبط



وأجاوبج أكو دكتور ممتاز أمس رحت له في فيصل التخصص عالبحر اسمه


محمد تهامي


أو إقري موضوعي الفراكسل وراسليني عالخاص oster_av1:



مليان قلبي مليان :ggdw:


أم منصووووووووووووووور


و


ح ي

 

[الدنيا بخير]

السلام عليكم ... اشلونكم خواتي
بصراحه حلو الموضوع واحلى مافيه ان العضوات قاعدين يعطون تجاربهم علشان يتبادلون الفايده
اسمحولي اقولكم تجربتي وهي قصة حياتي بالاساس
اول شي لازم اعرفكم على مشكلتي واهي اني انولدت بتشوهات خلقيه وهذي قدرة الله والحمدلله على كل حال والتشوهات هذي عباره عن الشفه الارنبيه ومتصل فيها تشوه بالانف وفتحه كبيره بسقف الحلق ميببه فجوه مابين الحق والانف وهذي مسببتلي مشكله اني ما اقدر اكل ولا اشرب عدل لان الاكل عن طريق هالفتحه ممكن انه يصعد للانف واشرق واغص وثاني شغله اذوني طالعه لي بره (مشتحه) وبشكل كبير وملاحظ جدا وطبعا انتو عرفين القلق النفسي اللي تسببه هالمشكله خصوصا بطفولتي لان اليهال بالمدرسه ماكانو يحبون يرافجوني ودايما يطالعوني بنظره غير وحتى لما كنت اطلع مع اهلي لازم الناس يخزوني واللي يقول اشكره بويهي الحمدلله والشكر غير اليهال لما يسالون اهاليهم هذي ليش ويها جذي
واللي ايده بالماي مو مثل اللي ايده بالنار فهالشي سبب لي متاعب نفسيه وصرت وايد حساسه وانطوائيه واكون صريحه معاكم ماكان عندي حتى صديقات بس بالثانويه تعرفت على صديقتين اما الباجيين فما خذيت منهم الا نظرات الشفقه او التطنز و خصوصا ان التجميل بهذيك الايام ماكان شي هين مثل الحين وبالنسبه لي ابوي ماقصر من وانا صغيره وهو يدورلي علاج ولكن الكل نصحه ان التجميل يكون بعد سن ال18
وفعلا لما خلصت الثناويه رحت للدكتور انريكي بلو وكان دكتور زائر ولما شافني رفض يسويلي العمليه ورحت امريكا(سان فرانسيسكو)عند دكتور اظن اسمه جيبس وقالي لازم كل عمليه نسويها بروح كل شي بفتره وسوالي سقف الحلق وما استفدت منه الا يمكن 10 او 15% هذي نسبة التحسن وماكملت عنده باقي العلاج وردينا الكويت ورحنا للدكتور جمال الحربي المهم سوالي كل المشاكل وكل هالاشياء اللي فيني بيوم واحد وبعمليه وحده سوالي تجميل للاذنين + سكر الفجوه اللي بسقف الحلق+سوالي تجميل للشفه الارنبيه وهي عباره عن غرز تجميليه بالشفه اللي فوق وحقن خفيف لمكان الغرز علشان ماتبين الندبه +تجميل للانف
المهم ييتله عقب عشر ايام تقريبا علشان يشيل الغرز ويشيل الشاش والجبس اللي على ويهي واثناء ماكان قاعد يشيل الغرز كنت اشوف امي وابوي يطلون علي من وراه والدمعه بعينهم فتوقعت ان مثل كل مره ماكو اي فايده ولما قالي قومي شوفي المنظره والله يابنات اني قمت وايدي على قلبي ولما شفت المنظره ماتدرون اشصار فيني قمت ابجي واضحك بنفس الوقت مثل المينونه من كثر ما انا مو مصدقه اللي صار مع العلم ان كل شي كان الى حد ما وارم ولكن كنت مو مصدقه هالنتيجه خصوصا شفتي واذوني والله اني قمت الم ابوي وامي وابجي حتى الدكتور اخنقته العبره
والله اني ماتوقعت اني بيوم من الايام اكون انسانه طبيعيه حالي حال البنات اللي بعمري اصلا انا من كثر ماكنت نفسيتي متحطمه ماكنت اخالط اي احد ولا كنت اروح عروس ولاحفلات ولا عزايم حتى حفلات التفوق اللي كنت المفروض اروح علشان يكرموني كنت اغيب علشان محد يشوفني وما كنت احب اتكلم مع احد واخلي امي تتكلم عني لاني كنت ما اقدر اتحكم باللعاب فكنت احط كلينكس على حلجي لما اتكلم واساسا كنت احس ان اللي اكلمهم يشمئزون مني ومادري هل بالفعل احساسي صحيح او بسبب حساسيتي الزايده مادري.
والله اني ماكنت معترضه على حكم الله بس كنت محتاجه هالعمليات علشان ابي اعيش بدون ما احس بالنقص والحمدلله اللي حقق لي امنيتي بفضل منه وحط الشفا بايد الدكتور جمال اللي انا واهلي ندعيله بكل صلاة
والحين الحمدلله صارلي مده بالجامعه وتعرفت على صديقات كثيرااات وصرت اجتماعيه واحب الناس وعندي ثقه بنفسي وهذا طبعا من فضل ربي علي

وسامحوني طولت عليكم بالقرقه بس والله اختصرت كثر ما اقدر

 

[حبيبته آنا]

الحمدلله على سلامتج يا الدنيا بخير وفعلا الدنيا بخير والحمدلله يوم ان الله قومج بالسلامه والحمدلله انج راضيه عن شكلج الحالي واكثر شي عجبني فيج ان ايمانج بالله قوي والله عطاج على قد نيتج

 

[عاقده النونه]

الف حمد وشكر علي نعمة رب العالمين يوم عافاج يا اختي الدنيا بخير

وعسي رب العالمين يسعدج اكثر واكثر وربي دمعت عيوني وانا اقرأ قصتج

لاني احس بسعادتج بين السطور اللي كتبتيها وربي مايغير عليج هالفرحه

ويتمم عليج ويرزقج بكل شي طيب في حياتج لانج طيبه وتستاهلين كل خير

والله يجازي الدكتور الحربي كل خير علي اللي سواها معاج بعد مافضل عليج رب

العالمين بالشفاء والحمدلله الذي لا إله إلا هو يحي ويميت وهو علي كل شي قدير

واذا تبين صديقه تراني موجوده واكون لج اخت بعد تري الدنيا للحين بخير يا الغاليه


تمنياتي لج بالخير كله ان شاء الله

:hjy5jewf:​

​

 

[أم منصور]

الدنيا بخير


فعلا الدنيا بخير والحمدالله الديرة فيها شباب الواحد يرفع راسه فيهم كفو والحملله الله وفقج بدكتور تخصصه صعب موبس للأسف تشهرونه بالتفخ والتجميل على فكرة تخصص أعصاب الوجه وأورام الرأس والرقبة من أصعب التخصصات العلمية غير التخصص الخاص بطبلة الأذن ومشاكل السمع الله يوفقه ويسعده من قلوبنا فرحنا له مثل فرحة الدنيا بخير . :lololoe:

وحالتج تعور القلب وحمدي ربج وياريت الدكتور جمال والي شرواه تكون لهم وقفة خير في السفر للدول المحتاجة وعلاج الفقراء المشوهين مجانا فعلا هذا عمل انساني وتمنيت دكاترة الكويت تكون لهم مساهمات مشرفه وهم اكيد مو مقصرين .



أم منصوووووووووووووور:eh_s(7):

 

[القطانيه]

الحمد الله

 

[الدنيا بخير]

حبيبته انا ......مشكوره على هالكلام الحلو وماقصرتي واكيد لو ما ايماني بقدرة الله وان كل ماتسكر باب تنفتح عشرة ابواب جان فقدت الامل ومشكوره كل الشكر انج اهتميتي لمشاركتي وشاركتيني فرحتي

عاقده النونه.....يشرفني ان نكون صديقات والله ماقصرتي على كلامج الطيب ومشكوره على تفاعلج مع مشكلتي وعلى قلبج الطيب وقولي امين يارب بعمرها ماتنعقد نونتج وتكونين دايما متفاءله ومبتسمه

ام منصور...........طول عمري احمد الله بالحزن وبالفرح ومتوكله عليه بكل حياتي وبالنسبه للاعمال الخيريه بصراحه هالشي بين العبد وربه ماتدرين يمكن دكاتره كثار اللي يسافرون ويقدمون خدماتهم للدول الفقيره بس مايقولون علشان مضاعفة الاجر من الله لهم احسن من الدكاتره اللي لما يسوون اي عمل خيري يصورون ويقولون احنا سوينا وسوينا علشان الناس تنعجب فيهم وتكثر شهرتهم ومشكوره يابعد عمري على الرد الجميل

القطانيه.......الحمدلله بكل الاحوال ومشكوره ياقلبي انج رديتي علي

 

[xxx]

الدنيا بخير

حمدالله الله عوضج خير

مشكورة على ذكر تجربتج

 

[أم منصور]

انشالله هم مومقصرين


الحمدلله على سلامتك أولا


والله يبارك في دكتورنا ويحفظه آميييييييييين :yaaaaaarb:


أم منصوووووووووووووور

 

[الدنيا بخير]

بنت الكويت.........مشكوره مديرتنا على اهتمامج وقرائتج لتجربتي واحب اشكرج شكر كبير على هالمنتدى الرائع واتمنى تتقبلوني اخت لكم

 

[سميّ النور]

بنات اللي مسويه تجميل لخشمها تقول تجربتها بالتفصيل الممل
لاني انسانه متردده ودي اسوي بس ابي احد يشجعني
بس بعدل الطقه اللي بخشمي

واللي مسويه عند الحربي تقول جم تكلفتها شامله

حاسه بشعورج لاني كنت امر بنفس الي تمرين فيه وحتى نفس السؤال سألته في هالموضوع

شوفي حبيبتي انا صارلي الحين بالضبط 4 شهور ونص من العمليه والنتيجه الحمدلله الحمدلله راااااااااااااااااضيه عنها تماما وفوق اللي كنت متوقعتها
صدقيني شعورج بعد العمليه شي ما ينوصف .. ثقتج بنفسج تزيد تحسين انج وااااااااااو ما تقعدين في البيت لووووووول

انا سويتها عند دكتور جمال .. شقول عن هالدكتور ! لما كنت اقرا الموضوع قبل عمليتي كنت احس الكلام اللي يقولونه البنات مبالغ فيه .. بس والله الكلام اللي انقال عنه ماااا يوفيه حقــــه
عســى الله يوفقه .. انســان بمعنى الكلمه .. ابد ما تحسينه مادي ! بالعكس يسمع منج وينصحج وباله وسيع معاج واللي ما يناسبج يقولج لا ما اسويه

بالنسبه للعمليه لا تخافين بسيطه حيل تقريبا 3 ساعات وتطلعين بنفس اليوم .. ما فيه ألم مع انو راح يقولج بتحسين بألم بعد العمليه وصداع بس انا الحمدلله ما حسيت بشي أبد .. بس النفس اول 3 ايام تقريبا يكون مزعج خصوصا وقت النوم وتنامين على ظهرج مدة اسبوعين .. راح يوّرم الوجه وتحت العيون ورم ولون أزرق بس يبدي يخف مع الوقت ومن ثاني اسبوع يختفي بس انا صارت لي خدود تقريبا شهرين حدهم يشوقون لوول .. يشيل الغرز بعد اسبوع .. تشوفين الخشم بعد اسبوعين .. طبعا يكون وارم ويبدي يخف مع الوقت ويعطيج ابره بعد شهر والابره الثانيه بعد شهرين وممكن تحتاجين ابره ثالثه
التيجه النهائيه بعد 6 شهور .. ونصيحه كسروا كل مناظركم بالبيت لوول لانو راح تتعبين نفسيا من كثر ما تطالعين وتطلعين العيوب .. انا كنت افز بنص الليل عشان اشوف خشمي لووول

وبالنسبه للتكاليف تكلموا عنها البنات 1350 تكاليف العمليه وزيدي عليها الاستشاره والمراجعات يعني تقريبا1500 ونصيحه نصحيه لا تروحين لغير دكتور جمال صدقيني باذن الله بتطلعين بنتيجه رااااااضيه عنها وأهم شي (طبيعيه)

 

[أم منصور]

مرحبا فيك عضوة جديدة بالمنتدى وأرحب بصداقتك وبالعكس كلنا متأثرين لحالتك السابقة


واتمنى بما انك عضوة جديدة ان يكون عنك سعة صدر وانا مثلك ابديت وجهة نظري بجزآيه ولا تلوميني


إذا جائني هذا الإحساس فعلا هذا هو احساسي وبالعكس رسالتك بأكملها مؤثرة


عمليتك يجب ان تكون على مراحل زمنية من العمر خصوصا الشفة الأرنبية والفتحة في الحلق تكون على


مرحلتين أو ثلاث لأن ابن قريبتي كان نفس حالتك و كان يسافر لأمريكا وبالنسبة للشفة الأرنبية


نفس الوضع وبعد ان اكتمل الثامنة عشر اجريت له عملية تجميلية للأنف وما شاء الله الولد


أصبح جميل جدا ،


أما للجفاف والجرح فليس موجود بردي أنا رديت عليك بعد نشر القصة الطويلة وتحمدت لك بالسلامة وانت


جاوبتي على شئ لا تملكين الحق بالإجابة عنه ، مع احترامي الشديد لكل من خصيتيه بالشكر خصوصا


بوخالد الله يخليله زوجته وولده خالد


أم منصووووووووووووور :lololoe:

 

[بحور الشوق1977]

الي فخوذها حدها مترهله والله واتضايق اذا رحت تكرمون الحمام والجزء المترهل كله فيها حساسة اذا ابي اشيله اشلون الطريقة ومنو احسن واحد يسوي وكم تكلفتها

 

[ريمه الكويت]

,والله شكثر فرحتلج الدنيا بخير وماشالله عليه دكتور الحربي وايد ممتاز اذا دكاتره امريكا ماعرفولج واهو ماشالله عليه عرف حق حالتج عسى الله يعطيه على قد نيته وعسى الله يفرح قلبج اكثر واكثر ويعوضج خير يارب

 

[أم منصور]

بحور الشوق


نصيحة لج من قلب ابدي بالمساج راح توصلين لنتيجة وايد حلوة وايد أماكن يسون مساج

وبعدين فكري بالعمليه .:eh_s(9):


أم منصوووووووووووووور

 

[أم منصور]

قصيدة عن الخشم وعملياته


والله اني أكرهك يالخشم شكلك قبيح مفشلني


بروح اضبطك واخلي هيفا ونانسي تغار مني


من اروح حقه يزيح همي وأصير حلوة يجملني


قمت أدور بالمنتدى انقي من هالبطل إلي يسنعني


بروح على كلامكم دام الوجه كل يوم ملوعني


رحت له قال وين الصور قلت خذ هذا الغبر إلي مجنني


لا كمبيوتر ك ولا مقصك يقدر يغير شي فيني ومني


ضحك وقال والله لخلي هيفا تعتزل ونتي بدالها الي تغني


قلت خلصني متى موعدك جانك صادق أرجوك لاتخيب ظني


رحت اقول والله لآطيح حظج يانانسي وبموتج ياهيفا من الحسرة والتمني


صحيت من بنجك وين المنظرة بشوفه بلعن اسلاف يومك ياحمني


كل يوم مداهرني على خشمي شوف خشمي اليوم يازينه مزيني


رحت البيت انتفخ والوجه والجهال دار ماحولني يضحكنلي


يمه تخرعين شبلاج قلت هذا ابوكم دازكم تفشلني


والله باجر لصير أحلى من سوزان وخلي مبارك يجن وبعينه ياكلني ( حلقة طاش ماطاش )


بعد اسبوعين شلنا التلزق والوجه خف ورامه ولا كني ذيك إلي من شافها يعرفني


ياحلو وجهي اليوم يارب سامحني اعترضت على خلقتك وقلت بسويها وما يهمني




بنات هالقصيدة كتبتها بدون تحضير ولا مراجعة عالنت فورا ابي اخفف الوضع كنه صار مكهرب وبضحكم


واتمنى يرجع الوضع مثل ماكان وهاذي قصيده اهداء لكل وحدة تبي تسوي عملية تجميل


للأغبر الخشم الي ملوع جبودكم يابنات بشوف ابتسامتكم :hjy5jewf: انشالله تعجبكم



أم منصوووووووووووووور

 

[^^ROSE^^]

لوووووووووووووووول
والله يطلع منج ام منصور
خوش قصيدة بس شكلج محترة من نانسي وهيفا شفيج حاطة وبج دوبهم ترى عاد هالثنتين اللي صج خشومهم مو حلوة
لو قايله خشم عبدالناصر درويش جان قلنا اي عندج ذوق<<<<جني بنطق خخخخخخخخخخخ

ويابنات ترى انا مو متكهربة ولا شي كووووووووووول عالآخر والله لا اييب الكهربا لا لنا ولا لغيرنا قولوا آمين