كل اللي باركو لي شكرا من القلب :$
بدوره ..
انا اشوف الحمله كبرت والمشاريع ازدحمت وكثثرت بصرآحه ..
قبل لا نبدأ نسوي أي شي ..
لازم تكون هناك مسؤولات عن الحمله ..
مسؤوله .. و3 والا 4 مساعدات واعضاء
خل نحدد !
انا أرشح نفسي مسآعده وأرشح بدوره مدامها صاحبة الفكره انها تكون المسؤوله
طبعا بدوره هي اللي تحط الاوآمر والطلبآت بعد ماندرسهم كلنآآآ ونشارك الافكآر وننفذ بدون ماتعطينا مانسوي شي !
وهي تسوي جدولنا وهكذا ..
خل نكبر الحمله ونوسعها على مدآر الخليج ( حمله ربي لا اسألك الا رضآك ..)
اول شي نسويه أن نسوي قروب فالمسنجر ..
المسؤوله والمساعدات .. والاعضاء بعد قروب أخر عشان نعرف شلون نتناقش عدل ونخطط ونجتمع
يعني فالمنتدى ماتدرين يتوقف يوم والا شي ننقطع عن بعض مايصير لازم مكان نجتمع فيييه وافضل مكان هو المسنجر .. لان البلاك بيري مب الكل عنده ...
ثاني شي
الفيس بوك ..
طبعا مب الكل يقدر يدخل اهم شي المسؤوله والمساعدات يدخلون
الاعضاء اللي يدخلون يشاركون معانا واللي مايقدرون عندهم المسنجر والمنتدى
على الفيس بوك .. بنكتب الاماكن اللي بيتم توزيع كتيباتنا فيهم وهكذا واللي يبي يروح ياخذ
وبنحاول ان ندعو الغير مسلمين للاسلام ونغير نظرتهم له لان الكل ينظرون له بأنه دين الارهاب ماله داعي اكثر لانكم عارفين اللي يصير فالخارج ..
كل اعمالنا تبع الحمله بنعرضها بعد على الفيس بوك ..,
يعني مثلا موضوع داعية الاسبوع بيتطبق هناااك
وموضوعي وكل المواضيع نطبقهم بعد هناك عشان يكون القراء اكثر بعد
>> واللي عنده فكره يزيد
فكرة حلا روحي .. الاعتكااف صعبه مب كل الاهل يرضون طبعا
لاكن فرمضان كل يوم بنكون فالمسجد ان شاء الله
وافطار صائم فكره ممتازه .. يعني احنا عندنا .. الدريوليه يسكنون فبيييييت
يكون فيه مثلا 10 او اكثر .. ممكن مثلا كل اسبوع او مره فرمضان بعد على حسب القدره نطرش لهم كميه مب لازم تكفيهم كلهم بس مثل مايقولون لقمــه
نكسب فيهم أجر .. حتى العمال اللي فالشوارع تحصلونهم انا خالتي ماشاء الله عليها تشتري بيبسي وتوزع على العمال تخيلوو عصير يبرد على قلوبهم فهالحررررر اخ يالاجر ... ! مانبي شي يطوفنا من الاجر
المجمعاااات .. خليها معا فكرة الكتيبات المطبوعه ..,
وفكرة تصاميم البطاقات ممكن نعرضها هني وفالفيس بوك ..,
ثالث شي ..
فكرة الكتيب ..
شوفو عشان نجذب الناس مانبي الاشياء التقليديه .. !
يعني مثلا نصف الادعيه او الايات بطريقه تقليديه الموجوده فالكتيبات الصغار اللي نحصلهم فكل مكان
خل نسويهم بطريقه تشوق القارئ وتحسسه كل مره يقرأ بالمتعه أكثر .. لانكم تدرون ان وايد من الناس يملون > استغفر الله بس هذي الحقيقه
فمثلا نكتب جمل تحفز على الطاعه ..
انا مره قرأت كتيب صووورة دموووع ونااار ولون اسوود وفيه تذكيير بالاخره ..!
ماحبيته ! حسيته يخووف
يعني لو نسوي طريقه ثانيه نخليهم يتحمسون ويقدمون على الطاعات اكثر افضل .. يعني نحببهم بدال مانخوفهم
يعني نحط صوور حلووه تشجع وتحفزز .. الواااان تفتح النفس ..
والفكره الجديده ..
نبي نسوي شي للاطفال بعد .. لاتنسون انهم الان اكثرهم تربية خدم
واكثر الاطفال حتى اسم الرسول مايعرفونه
الان عندنا فقطر المدارس المستقله يعني اغلبها ماتهتم فاللغه العربيه والشريعه كثر الانجليزي وهالشي يحز في نفسي والله ..
ف اي وحده عندها فكره حلوه للاطفال ممكن نسويها
اتمنى الرد من كل الاخوات اللي بالحمله .. ونشوف ارائكم
