شــــــلـــــــون مـــــــانــــي فـــاهــمــه أحــتــرت !!!!!

[نبض آلخفوق]

شلونكم شخباركم :eh_s(15)::eh_s(15):

طبعا انتم متزوجات ؟؟ :eh_s(10)::eh_s(10):
اللي ابي اعرفه شلون تهتمين بنفسج وقت الدوره لأن تعبنا وملينا من اللي يقولون موزين الوحده تتسبح وعليها الدوره يعني معقوله تقعد اسبوع ماتتسبح اتوقع ورقة طلاقها بتوصلها :eh_s(3)::eh_s(3):

الموووهيم يابنات ااقصد يا حريم خخخ كل وحده تكتب شلون تتنظف وقت الدوره وشلون الوحده ماتخرب اذا سبحت لأن يقولون اماهاتنا لاتتسبحين تخربين بعدين ويدخل فيج هوا مومعقوله اقعد اسبوع من غير سبوح ولاااا بعد متزوجه مصيبه :eh_s(4)::eh_s(4): وموووبس جذي ابي شنو طريقة اهتمامكم بـ انفسكم من لوشنات وكريمات وحمام زيت والشامبوات وهالسوالف عشان ريحتج تكون فريش :eh_s(15):

 

[Break Time]

حياتي انا اللي اعرفه انه اول يومين يستحسن ما تتسبحين كلش و اذا اضطريتي تغسلين جسمج بس من غير راسج

و ما تشربين اشياء باردة كلش خصوصا البيبسي
و خلي شربج كله دافي و كثري من شاي الاعشاب

و لا تمشين عالسيراميك حافية لو دلاغ عالاقل و تدفي عدل و ان شالله ما تشوفين إلا العافية وبالنسبة للكريمات وا لعطور نفس اللي تستخدمينهم اول ما كو فرق


و بالتوفيق فديتج

 

[دلع العتبان]

مسحي جسمج بكريمات موشرط سبوح لاني سمعت صج موزين وقت الدوره وهالله هالله بالديوريت بعد كل يوم والله وياج

 

[نبض آلخفوق]

انا توني ماتزوجت بس عرسي قريب وحيل شاغله بالي هالسالفه :bbbiu:
تسلمين حبوبه بريك تايم :eh_s(7):
يمااااااااااااااااه البشاميل تشهي حرام عليج جوعانه انا :eh_s(2):
دلع العتبان تسلمين قلبؤؤ ع الرد:eh_s(7):

شدعوه بنات حسستوني ماتجيكم الدوره ردوا نبي نستفيد اكثر :eh_s(10):

 

[مموريز]

بالنسبة لي أنا ,,,,,,,,اول 3 أيام من الدورة ما اتحمم ...........
لكن ابلل فوطة الجسم بالماي وامسح جسمي كله بالفوطة واركز على الرقبة ومنطقة الابط والظهر,,,,,,,,,,,وبعدها احط على جسمي بودرة معطرة خفيفة واحيانا استخدم جونسون,,,,,,,,,وبعدها استخدم الدودورنت ,,,,,واحط بشعري شوية دهن عود ,,
وبعدها ارش جسمي بالبدي سبراي من زهور الريف والبس ملابسي وبعدها اتبخر بالعود...فتثبت الريحة بالملابس والجسم.

وفي ايام الدورة اتحاشى البارد كله بالذات البيبسي والايس كريم.....
اكثر من المشروبات الساخنة مثل مرق اللحم ومشروب القرفة........... والحليب احط فيه اشوية فلفل ابيض وزنجبيل(من3يوم)
واتحاشى البنادول او الفيفادول لانها تقطع الدورة.......
بعد اليوم ال3 اتسبح بس يكون دش سريع مااطول فيه ....وادفي روحي بعده........وهذي طريقتي من يوم ماتزوجت (من16سنة)
الحمدلله ولا تعرضت لاي مشاكل من هالناحية.......ودائما البس شبشب برجلي عشان برودة السيراميك ماتاأذيني وخاصة بمنطقة البطن,,,,,لان بردوة السيراميك على طول وجعها يكون بالبطن والرحم,,,,,,,,,,
حرصي على روحك ,,,,,,,,بس لاتهملين نظافتك ,,,,,وبالتوفيق ان شاء الله.

 

[wahaj]

وانااااا بعد شاغله بالي هالسالفه

الحين ماتسبح وتلوع جبدي من نفسي احس شعري يدهههن فششششله مااقدر لازم اتسبح وبعدين ارقعها البس بجامتين ودلاغين لووول

مادري اذا يصير جذي او لا

 

[AL-DMERA]

مومعقوله ماتسبحت جم يوم بتطلع ريحتي شهالجسم خخخخ ,,
آنا ماتسبح كلش ماأحب والله أحس الهوا يدش بمسامم جسمي ,,
لا تطلع ريحه وولا شي الحمدالله خلقه فيني مافيني ريحة الإبط لو ماأحط شي يمكن لأنه مافيني شعر بهالمنطقه ,,
الا اذا عندي مناسبه أتضطر اتسبح عالسريييييييع بماي دااااااااااااااااااافي ,,
والله يخلي العطورات واللوشنااات وألبس كاب قطن أو ملفععع قطن اسويها عمامه خخخخخخخخخخ
تصرفوا عادي مو لأنه زوجي خلاص اربع وعشرين ساعه بكامل اناقتي بلاا مثاليه ,,
طول حياتي بعيش معاه بيشوف زيني وشيني وهذا حلاات الزواااج والله ,,
موفقه ,,

 

[AL-DMERA]

وبقولكم شغله الزوج لو يحب زوجته لو انها شنو بيضل يحبها ولا تلوع جبده منهااا ,,
موفقيييين ,,

لاتنسوون مناديل جونسون او دارلينق للأطفال يهبلوون بهالفتره تمسحين فيها رقبتج وجسمج ,,

 

[ريم خانم]

والله من طلعتي على الدنيا وانا اتحمم وانا متزوجه الحين من سنه ونص كل يوم اتحمم بدوره وبغيره والحمد لله ماشفت خراب ولا شي ومافيني الا العافيه بس كل يوم اشرب حليب بقرفه وزنجبيل
بالنسبه للعنايه اليوميه شامبو شعري من لوريال والبلسم صراحه احلى شي جربته وريحته روعه
جسمي اخذ مجموعات من بودي شوب وزهور الريف الشاور جل واللوشن والزبده وعطر الجسم
بعد مااطلع من الحمام احط بشعري اغادير من سيد جنيد وورا اذاني واجفف شعري
والحين صرت اتكاسل عن اللوشنات بهالبرد اذا مالي نفس وجسمي مبلول ادهن بيبي اويل مخلوط معه مسك العروس وودرة بوندس وجونسن > اخترعتها من نفسي صراحه ريحه رووعه ورطوبه اذا مالك خلق اللوشن
وبعدين اتعطر عطر خفيف وعطري الحين لوف من بودي شوب يهبل
ووجهي اغسله بغسول كلين اند كلير وامسحه باسكنول الورد وارش ماء ورد على وجهي وبعدين احط كريمي المفضل كلير فيرنس ومرطب لشفايفي ورول تحت العين فيتامين سي من بودي شوب وبسس هذي عنايتي اليوميه > قالت قصة حياتهاا

 

[نونه المنكوشه]

اااااااااااب

 

[نبض آلخفوق]

ومنكم نستفيد

اب اب

 

[لميس نفسي]

ياحيااتي انتي


مافيها شي تسبحي وتفكري وتغسلي وحطي لوشنات وكل شي ماراح يضرج إن شاء الله

بس ابتعدي عن المشروبات الغازيه والبارده وكثري شرب سوائل حاره


لاتقولين لزوجج وخر عني علي الدوره لا عادي


اهم شي انه مايتم النوم الكبير لول

يعني نامي واستانسي بس لايقرب من هالمنطقه


انا كنت اتسبح على طول وقت الدوره وعادي الحمدالله انتظام وكل شي اوكيه

 

[Gifts&Occaions]

مااعندي فكره

 

[dectora 7elwa]

مع البنات

 

[سمسمة كويتية]

والله أتسبح و جنه العيد شلون اقعد اسبوع من غير سبوح!!!!
اخذي معاج ملابسج و بدلي بالحمام عشان ما يدشج هوا

بس اتدفى عدل و اشرب دارسين و زنجبيل

 

[هذا مزاجي]

مع البنات بالضبط
والاهم في الموضووع كله انج بعد ماتتسبحين
تدفين من راسج لساسج عشان مايدخلج هواء
وتخرب ارحامج وبعد الدوره مع الجماع راح
تعرفين اذا داخلج هواء ولا لا
لانج بتحسين الهواء يطلع منج وقت الجماع
وبتنحرجين حزتها من زوجج
وبعد لاتنسين شاي اعشاب قرفه..كمون عشان الغازات
وفلفل ابيض حطي شوي مع الحليب الصبح واشربي
هذا زيييييييييييين للهواء وابتعدي عن البارد
وبسسسسسسسسسس

 

[شوبارد قطر]

انا اتحمم واشرب بارد وكل شي غلط اسويه
وتعبت وااااااااااااايد بطني كل يعورني ومنتفخ والرحم فيه هوا وماخليت مساده مارحت لها
وهو الحين مسبب لي تاخر الحمل
هذا الشهر توني ماسكه روحي اسوي اللي يقولون لي عنه لان تعبت من الالم ...
تحملوا على روحكم

 

[Mrs Al-Nasser]

عآدي..
انا بس اول يوم ما اتسبح اساساً اول يوم مالي خلق نفسي اتهاوش ويا نفسي
بس ثاني يوم اسبح واذا كلش كلش تحملت ثالث يوم
بس ملابسي ادخلهم وياي الحمام على طول البس واتدفى وشعري على طوول انشفه والبس زين ودلااغ لازم
وكثر ما اقدر ما اشرب بارد وغازيات

بس السباحه ما اقدر من ٣ او ٢ يوم اسبح
اصلا انا تلوع جبدي من نفسي واحس شعري يدهن اذا ماسبحت :rerrerek:
​

 

[دنيتي تهواك]

انا عن نفسي اتحمم مره اغسل راسي لحد ما اتتطهر
اما الجسم ع حسب بعض الاحيان اظطر اتسبح اطبخ الغداء والعشاء

زي ريحت السمكك شلون اقعد لين اخر يوم بيشرد ريلي من البيت لو قعدت اسبووع بريحت السمكك ههههههه

ومايصيبك الا المكتوب

 

[أم ميميتو]

من فتره سمعت برنامج حكمت نساء على ابوظبي قالت الدكتوره ان مافي اي دراسه تثبت ان السبوح وقت الدوره يأثر على المراه انا من يوم كنت بنت وانا اتسبح عادي بس اول يوم او يومين ما اتسبح