][ شـــيخة البنــــــات ،، سكــــر ونبــــــــات ][

[moraje3a]

الحمد لله على السلامه
والله يهون على الباقي ويثبت حمالنا

 

[moraje3a]

الحمد لله على السلامه
والله يهون على الباقي ويثبت حمالنا

 

[بازوكه]

الحمدلله على سلامتج

 

[فلافل وبطاط]

الله يبارك فيكم ... ويسهل عليكم يارب ... ويقومكم بالسلامه انتو وبيبياتكم ...

ويثبت حمل اللي توهم ... ويرزق كل وحده تتمنى الذريه الصالحه ...

واللي اسألوني ...

الله يسلمكم ...

انا كنت اراجع بالسلام .. عند دكتور بكري .. وماكنت مرتاحه معاه بس ادش عنده يسوي سونار واطلع ... وانا كل اسبوعين موعد ... على هالحال ...

وبس سوالي تحاليل بأول زياره وكنت قايله ان معاي فقر دم وراثي ... وبنتايج التحليل ما بين ... واذكره كل مره ولا قالي عيدي التحليل ..

وأمي اتحن تقولي الفروانيه ... روحي وفتحي ملف بالحكومه احسن لج ...

وفعلا رحت مركز الفروانيه وفتحت ملف .. وسويت تحاليل وفحوصات ... صج زحمه ولوعه بس كانت الأولويه للكويتيات ..

واطلعت نتيجة تحاليلي بعد اسبوع ... ودخلت عالدكتوره وافحصتني من راسي لي ظفر ريلي ...

وشافت نتايج التحاليل ... جان تقولي انتي لازم تحويل المستشفى لان نسبة دمج 8 ..

وطلعت منها الصبح رحت المستشفى حطولي موعد العصر بنفس اليوم .. لان الكويتيات يراجعون العصر ...

ودخلت العصر على الدكتور اسمه رمزي ... وعادي لي التحاليل والفحوصات ... والسونار شفت كل شي بالتفصيل لدرجة على بالي هذا اللي اسمه الرباعي .. بس قالي الدكتور لا هذا عادي .. واستمريت معاهم موعد كل اسبوعين ..

والحمدلله تحسنت نسبة الدم (اخذت فيفول حبتين باليوم) مع الكالسيوم .. وفحوصاتهم كشف عالبطن والوزن والضغط ونبض الجنين ..

سافر د.رمزي وتحولت على د.محسن والحمدلله خوش دكتور واستمريت معاه ...

اخر اسبوعين من شهري .. د. محسن دوامه صبح فحولني على د. ايمن واخر موعد افحصتني د. مي .. وقالت لي اليوم لج اخر يوم من شهرج .. بس انا بعطيج موعد 5_7 اذا ماولدتي تعالي عشان نقرر دخول او نحول ملفج الطوارئ عشان اي وقت اتيين يكون جاهز ..

ومن بعدها وانا من 1_7 بدا معاي طلق بارد ... وكنت متحمله ... بس اخر 3 ايام كان عوار قوي بالظهر والخاصره اليسار لي البطن ..
بدا اول يوم كل نص ساعه او ساعه الا ربع ... واليوم اللي بعده صار كل 10 دقايق واروح الطوارئ ويردوني لان 1سم .. وثالث يوم اصبحت وطلقي كل 5 دقايق مو قادره اتحمل ... وصبرت روحي لليل وقلت حق امي وديني ... ورحت لي 4 الفير حاطيلي دريب وابر وفحص ... وماكو فايده طلق بدون شي .. الرحم مصكر ... ورديت البيت واتألم لي الصبح ...
وعشان اصير بطله قمت امشي بالصاله ... رايحه راده والعوار ذابحني وامي تشربني حليب دافي ..
ونزل مني الظهر قطع مخاطيه دم ... وكانت امي بتوديني وانا قلت لها نطري مو لازم ينزل ماي الا ينزل ماي ...

والساعه 5 مثل ماقلت لكم غشتني بقفشة الخروع ... اسدحتني عالارض من العوار ... وعقبها تكرمون دخلت الحمام ..
ولا اشوف قطع دم ... وخلاص استسلمت .. ورحت المستشفى ..

على طول دخلوني على دكتور الطوارئ وفحص قالي 4سم ولاده ...
ولبسوني لبس الميانين ... ودخلت الولاده ... الساعه 8
عطوني حقنه شرجيه بغرفه .. وقالت لي دشي الحمام ..
وبعدها نادوا اسمي وقالولي انتي غرفه 8 .. امشي شوي لي غرفتج ..
ومشيت ودخلت غرفة 8 .. واسدحوني عالسرير .. وحطولي دريب .. وخذوا دم ..
دخل دكتور وكلمني عن ابرة الظهر وشرح لي وسألني ابيها ولا لا ... وافقت ..
ووصل دكتور التخدير .. بس لما عرف ان معاي فقر دم ... ووصل ملفي ما رضا ..
ومع هالكلام الدكتور كان يفحص وقالي انتي 6 سم .. وبط الماي ... وكل هذا وانا متنحه ... ما حسيت بشي .. الساعه تقريبا 9
شفتهم غزوا ابره بالدريب اتوقع اتخدر ..
وعطوني الكمام قالولي شمي .. بس لاعت جبدي منه لان 3 ايام مو ماكله ...
بعد ساعه تقريبا حسيت بعوار ... افحصتني السستر قالت لي 9 سم وبسرعه جهزت اغراضها الخضر ..
وشالت نص السرير وارفعت ريلي ... وقالت اذا حسيتي بتروحين حمام ... سوي دفع حيل تحت ...
ياني الاحساس مرتين وهي كانت حاطه كرسيها عند الباب وقاعده تنطرني ... كل ماصرخت يت افحصت ..
وتقولي بعد تو الناس ...
واخر مره حسيت ان خلاص غمضت وفتحت الساعه 11 لقيت دكتوره واقفه تلبس بسرعه بسرعه قالت لي انا دكتوره سلوى الرفاعي
يايه افتر على مرضى وحدتي وقالولي انج ولاده فقلت ادش عليج ... والتساهيل من الله بس قولي يارب ... ودفعي ..
وجزاها الله خير .. ساعدتني وشجعتني بالكلام ودفعت واطلعت احلى بنوته ... الساعه 11 و 20 دقيقه
وبعدين نزلت المشيمه ...
ونظفت وبلشت خياط ...ونظفت الرحم ..
وانا قاعده أحن اقولها شوفي امي وريلي اذا برا خل يطلبولي وجبه لاني يوعانه ... وعلى ما اطلع ابيها تكون جاهزه ..
واسأل السستر متى اطلع .. تقول بعد ساعتين ... جان اقولها عطوني تلفون اكلم امي ... ههههههههههههههههههههه....
طبعا بعد الخياط اخذت دريب ثاني وقالت لي نامي بس ما نمت اراقب الساعه ...
بعد ساعتين بالضبط نزلتني السستر وخذتني تكرمون الحمام ... غسلتني .. وحاولت تشوف مثانتي اقدر اطلع شي ولا لا ...
وبعدين حطتلي بربيج فضتها ... ولبسوني وطلعوني مع البيبي على غرفتي ...



والله ما تأذيت الحمدلله ... بس بعدها عوار الخياط وتكرمون البواسير كان وايد مضايقني .. والبنج والمغص ...
والحمدلله على كل حال ...

واي سؤال انا حاضره ...

 

[آهات الليل]

ياعمري انتي والله الحمدالله على سلامتج ومبروك مايالج بسالج خذيتي ابرة الظهر وولدتي بالفروانيه؟؟؟
ماشالله قاموا فيج الف الحمدالله ربج عطاج على قدد نيتج

 

[فلافل وبطاط]

الله يسلمج ويبارك فيج حبوبه

عندهم ابرة الظهر وكانوا بيعطوني ياها .. بس الحمدلله ما اخذتها ... عشان كان عندي تقرير عن حالة دمي ... فـ ما عطوني ياها ...

 

[مشكلتي احبه]

حمدلله علي سلامتج يالغاليه وتتربي بعز امها وابوها

 

[توته سعوديه]

الحمدلله ع السلامه
ومبارك ماجاك والله يخليها لك ويرزقك برها

 

[hneen2]

الحمد الله علي سلامتج يالغاليه ومبروك ماياكم

 

[فلافل وبطاط]

الله يبارك فيكم حبيباتي ...

ويارب يسهل ويهون عليكم ...

ويرزقكم الذريه الصالحه ...