شــنو كــان شـعـورج لامــــا سـمـعـتــي الخـبــر؟

[ebleeesah]

مشاركة: شــنو كــان شـعـورج لامــــا سـمـعـتــي الخـبــر؟

انا اول ما قعدت بدلت و بروح الدوام .. قبل لا انزل من شقتب فتحت موبايلي و الا عشرتعش مسج من امي و من اخوي الصغير اللي ما يدق الا بالسنه مره و مسجات اذا قعدتي دقي .. و الصراحه اخترعت .. عبالي احد من اخواني او خواتي فيه شي .. شفت وقت المس يو و الا او وحده من اخوي الساعه 5 و شي اهو يشتغل بالديوان الاميري

و امي عقبه بدقايق .. اتصلت على امي و الا صوتها شاتر يعني مو نايمه .. هااا يمه عسى ماشر .. شان تقول وينج ؟؟ قلت لها بروح الدوام .. شان تقول ترى بابا جابر كان تعبان قلت لها ادري ليكون مات ؟؟

شان تقول الله يرحمه ادعي له و طلبي له الرحمه .. سكرته منها جني مو مصدقه .. ابي اجذبها .. لاني صج صج مو بس احبه .. اعشقه الله يرحمه .. الكويت قامت و الكويتيين ياهم العز في عهده رحمه الله عليه

فتحت التلفزيون .. و الا قرآن شان اقعد ابجي .. و الله جنه يايني خبر بوفاة ابوي الله يرحمه

 

[ام طلال]

مشاركة: شــنو كــان شـعـورج لامــــا سـمـعـتــي الخـبــر؟

والله انا كنت توني قاعده بروح الدوام ولاّريلي حاط على قناه العربيه وحاطين صورته الغاليه وماصدقت لما حطيت تلفزيون الكويت وقمت اطق على ويهي ودقيت على رفيجتي وبجينا لأن اللي راح غالي واي والله اني الحين قمت ابجي

 

[^مزهريه^]

مشاركة: شــنو كــان شـعـورج لامــــا سـمـعـتــي الخـبــر؟

قعدت من النوم ولا القى رفيجاتي داقين علي قلت اكيد يبون مني اييب شي معاي حق الدوام ودقيت على رفيجتي تصرخ تقولي الشيخ مات قلت لها شنو؟؟ من قالج؟؟جان تقولي اووووه وصكته بويهي ماهتميت مو مصدقه ولا ادق علي خالتي تقولي انه توفى قلت لها من قال لكم؟؟
جان تقولي بطلي التفزيون وشوفي وبطلت التلفزيون ولا القى صورته وحاطين قرآن اهني انا بجيت بجيييي مو مصدقه
وتدق علي رفيجتي تبجي وانا ابجي

والله انه لي هاليوم لما اشوف صوره تخنقني العبره

الله يرحمه انشالله ويغفر له

 

[ميراندا]

مشاركة: شــنو كــان شـعـورج لامــــا سـمـعـتــي الخـبــر؟

الله يرحمه انشالله

شعور ما ينوصف شقولكم ... انا كنت ابجي عليه قبل لا يتوفى من استمرض وانا لما اتخيل هاليوم .. لما يوقلون انه مات اشيبي يصير فيني .. و اشلون الناس .. و الله كنت ابجي قبل هاليوم
لما يا هاليوم و شفت مسج امي ( عظم الله اجركم .. الشيخ توفى )
رحت اركض عالتلفزيون و لا الوزير يبولع ابريجه مسكين .. بجيت بجي والله ما عمري بجيته ) تالي رحت اقعد ريلي اخترع مسكين وراح يركض الدوام و خلاني .. انا قلت اقعده يقعد معاي :\

 

[أم المزيونه]

مشاركة: شــنو كــان شـعـورج لامــــا سـمـعـتــي الخـبــر؟

السلام عليكم
الخبر صدمه
والله صدمه (( الله يرحم ابوي جابر ويسكنه فسيح جناته واللهم اجعل قبره روضه من رياض الجنه )) اللهم آمين
انا كنت نايمه وقعدوني على هالخبر قمت ابكي واصيح وصارت مناحه وكل واحد يعزي الثاني والله العظيم قعدت اسبوعين اقعد وابكي وانهاري كله بكي بس امنت بالله وهذا الدرب كلنا ماشينه والله بكيت على ابوي جابر اكثر من وفاه ابوي
الله يرحمه ويسكنه الجنه وللحين اذا شفت صورته ابكي وبجهازي النقال حاطه صورته ومابي امسحها وبصراحه عصبت حيييييييييييييييييل لما شالوا صوره من الشوارع
وفي بعد شغلات حرقت دمي ايام عزا ابوي جابر وايام الحداد (( العروس والعزايم)) والله متفرغين كانوا مزعليني حييييييل
الله يرحمك يا يبه ويسكنه الجنه ياااااااااااااااااااااارب


عهد عليّ منساك والعهد بوفيه امير القلوب بالقلب يا جابر

 

[$الـــحـــلاوه$]

مشاركة: شــنو كــان شـعـورج لامــــا سـمـعـتــي الخـبــر؟

انا كنت قاعده على اساس بروح المدرسه
امتحان علوم فااااينل
وطالعه عيوني من الدراااسه
ولما شفت امي وخواتي قاعدين حاطين عالكويت يشوفون القران مايدرون شالسالفه
دخلت الحمام وانتو بكرامه
لما طلعت شفتهم يبجووون
وانصدمت ولا كلمه
((سوري طولت عليكم)

 

[ياشايل الظبى]

مشاركة: شــنو كــان شـعـورج لامــــا سـمـعـتــي الخـبــر؟

والله انا كنت بامريكا ولما سمعت الخبر انصدمت .. وقعدت ادق على اهلى وابجى
الله يرحمه ..

 

[Raveena]

مشاركة: شــنو كــان شـعـورج لامــــا سـمـعـتــي الخـبــر؟

انا كنت توني قاعدة من النوم و لا تلفوني يرن وحدة معاي بالدوام تقوللي ترى ماكو داوم !!! قلت لها شنو (حسيت انها تتغشمر) قالت لي الشيخ توفى انصدمت حسيت كأني بحلم قلت لها من صجج قالت لي اي على طول بطلت التلفزيون ولا حاطين قرآن هني دريت ان السالفة صج بس مادري شصار فيني الدمعة كانت بعيني قعدت اطالع التلفزيون ما قدرت انام من الصدمة كأنها كابوووووس


الله يرحمه

 

[Pink GirL]

مشاركة: شــنو كــان شـعـورج لامــــا سـمـعـتــي الخـبــر؟

انا كنت قاعده حق الدوام الساعه 6 واشوف موبايلي ولا 4 مسجات من رفيجاتي مكتوب عظم الله اجركم شيخنا عطاكم عمره بصراحه انصعقت مو مصدقة على طول خذت الريموت وفتحت التلفزيون ولا محطوط قرآن قلت ان شاء الله جذابين يمكن مو اهو اي شيخ ثاني وقمت رحت للوالده قلتلها ورحنا للوالد تكرمون ولا يحلق جان نقولة ونرد نحط على التلفزيون ولا يطلع د. انس الرشيد هني عاد بس صار ما فينا نقطة دم ابتدت المناحه
تجابلنا انا وامي بجي ورفيجاتي كل شوي تدق وحده ونرد نبجي اما يوم حطوا الدفان انا صار فيني انهيار من البجي اللي بجيته
بو مبارك مو بس غالي ازيد من الغلا كله
الله يرحمه ويغفر له ويسكنة فسيح جناته
والله اني يا بنات اشوف ردودكم وعيني مليانه دموع

 

[كشمشة عوية]

مشاركة: شــنو كــان شـعـورج لامــــا سـمـعـتــي الخـبــر؟

واي لا تذكروني امبي الحين وانا اكتب عيوني مغورقة ماقدر امسك نفسي بصراحة انا ابوي توفى وانا عمري 3 سنوات وما اذكرة عدل بس بابا جابر احس انه اهوا ابوي الثاني عشان عشنا معاه الاحداث يعني عيد رمضان بكل سنة نشوف طلته بالتلفزيون صج صج صج صدمة الله يرحمة برحمته ويغمد روحه الجنة فعلا اهوا امير القلوب , بصراحة كلما اشوف شورته عيوني تغورق ودايما كل جمعه اقرأ له قرآن واطلع له صدقة لانه اهوا ابونا الغالي احبه احبه احبه

 

[كشمشة عوية]

مشاركة: شــنو كــان شـعـورج لامــــا سـمـعـتــي الخـبــر؟

واي لا تذكروني امبي الحين وانا اكتب عيوني مغورقة ماقدر امسك نفسي بصراحة انا ابوي توفى وانا عمري 3 سنوات وما اذكرة عدل بس بابا جابر احس انه اهوا ابوي الثاني عشان عشنا معاه الاحداث يعني عيد رمضان بكل سنة نشوف طلته بالتلفزيون صج صج صج صدمة الله يرحمة برحمته ويغمد روحه الجنة فعلا اهوا امير القلوب , بصراحة كلما اشوف شورته عيوني تغورق ودايما كل جمعه اقرأ له قرآن واطلع له صدقة لانه اهوا ابونا الغالي احبه احبه احبه , بصراحة انا صرت يتيمة مره ثانيه

 

[ايفيان]

مشاركة: شــنو كــان شـعـورج لامــــا سـمـعـتــي الخـبــر؟

كان اسوأ خبر بعد وفاة والدي رحوة الله عليهم

قال زوجي ان الشيخ جابر عطاك عمره ما صدقت وما استوعبت قلت له موصج يمكن اشاعه

بس لأ هذا الخبر اكيد

كان اقعد ابكي انا وعيالي اللي كان عندهم امتحانات

الله يرحمه ويغمد روحه الجنه

 

[LATOFA]

مشاركة: شــنو كــان شـعـورج لامــــا سـمـعـتــي الخـبــر؟

انا بيوم وفاته كان عندي امتحان علوم بالثانويه وكان اخر يوم عندي واعطل ولما قمت الصبح لبست بروح الثانويه جان يقولي ابوي ماكو دوام الشيخ جابر توفى وكانت صدمه الامتحان وصدمه الوفاته بوقت واحد

 

[OoOoO6a]

مشاركة: شــنو كــان شـعـورج لامــــا سـمـعـتــي الخـبــر؟

واااااااااي والله كش شعر جنبي

آنا كنت نايمة ولما تقلبت ولا أختي واقفة فوق راسي جان تقولي أوووطة دريتي ؟؟؟ أبيه دريتي شنو

صار ؟؟؟ وبنبرة تخرع

آنا بكل نرفزة وعصبية قتلها شنو ؟؟؟ اهي مسكينة قالت لا لا ولا شي جان أقولها قولي قولي شنو

جان تقول لا لا ولا شي وعقب الحنة والعصبية جان تقول بابا جابر مات !!!

آنا نقزت من فراشي بسرعة والله العظيم نقزة مادري اشلون نقزتها وأول كلمة قلتها

((( لا حول ولا قوة الا بالله عاد آنا أحبه ليش ))) استغفرلله استغفرلله

الله يرحمه ويغمد روحه الجنة وآسفة على الأطالة

 

[رند]

مشاركة: شــنو كــان شـعـورج لامــــا سـمـعـتــي الخـبــر؟

امبيه كل ما اذكر هاليووم التعيس
كنت سهرانه عالنت وشوي الا تدق علي رفيجتي اتقولي حطي عالكويت انا حطيت عالكويت وليتني ماحطيت وانصدم بالخبر
احس جنه صدمه كهربائيه صارت بجسمي وحسيت انه يقصون علينا
واروح لدار امي انا ابجي اقولها بابا جابر مات
اهي وابوي سمعو الخبر انصدمو وافزو وقعدو يقولون لاحول ولاقوه الا بالله وانا ميته بجي الا ابوي يقول لاتبجين مو زين البجي عالميت روحي صلي ركعتين واطلبيله المغفره

بس الواحد غصب عليه تنزل مووعه كان لنا الاب والسند والحضن الكبير ومهما لفينا الدنيا ماراح نلقى مثله
كان بالفعل امير القلووب بقلبه الكبير اللي يفكر بالكل الا نفسه
الله يرحمه ويغفرله
والله العظيم قاعده اكتب ودمعتي سابقتني عالكي بورد ..
سوري عالاطاله بنات...

 

[HDaWee]

مشاركة: شــنو كــان شـعـورج لامــــا سـمـعـتــي الخـبــر؟

واااااااي ليش اتذكرووني والله الحين دموعي بعيني الله يرحمه .. انا كنت توووني غافيه ولا يدق ولد عمي جان يقولي عظم الله اجرج انا اخترعت حسبالي عمي جان اقوله شنوو منو قالي ماتدريين ؟! الشيخ توفى قلتله اي شيخ قال بابا جابر وتعالو شوفوا الصدمه والمناحه ابجي واقووله جذاب جذااب حرام عليك مقعدني هالحزه واتجذب جان يقولي روحي شوفي التلفزيون وانا من الخرعه ماقدرت اقوم اقوله لالا عفيه قولي انك اتجذب ولما شفت التلفزيون والقران جان انهار واقعد ابجي حييل ولا امي طالعه من غرفتها وعيونها حمممررر ومتفخه وتبجي .... الله يرحمه ويغمد روحه الينه ويعزه مثل ماعزنا بالدنيا اللهم آميييين

 

[P!NK]

مشاركة: شــنو كــان شـعـورج لامــــا سـمـعـتــي الخـبــر؟

واااااااااااااااااااااااااااااااااااااااااااااااااااي

عوار قلب

ما اقول إلا

راح بابا جابر و راح الخير وياه

الكويت ماتسوى من غيره

الله يعينا على الياي

بدخل السجن إذا طولتها

الله كريم

ماكو مثله و لا راح يي عقبه احد احسن منه

والله قهر

 

[كندية]

انا ماكنت في الكويت لما صارت السالفه
بس زين ان كان عندنا ستلايت
والله قاعدين كلنا انطالع وابوي يبجي يعني صج كان ابوي ...
الله يرحمه

 

[الغاليه نونو]

انا وصلني الخبر قبل التلفزيون وقعدت من الصدمه بس ساكته ومادري مومستوعبه الخبر عقبها شغلت التلفزيون الوضع كان عادي وطبيعي بعدين ذاعوا الخبر وماقدرت امسك نفسي من البجي وكانت حالتي ماتسر لاعدو ولا حبيب الله يرحمه ويغمده الجنه يارب وليما اليوم بس اشوف صورته والا اي خبر عنه تدمع عيني عليه كان حبيب الكل وصج يوم قالوا امير القلوب ماجذبوا

 

[ضعيفه وعصله]

لا تعليق ..

​