شـلون تقضين وقت فرآغج ؟ تعالي علمينا :$ :*

["tala"]

انا اقضيه بالابتوب او تلفزيون

 

[yam_yam]

اتمنى يكون عندي وقت فراغ
كله حوسه عندي

 

[غآب نورك ~]

بمآ اني اجازززه ف عندي وقت فرررررراغ كبييررر

اغلب وقتي راقده ههههههههههه قاعده اعوض لاني صج تعبت ايام الجامعه
اطلع مع اختي
او عالنت اليوتيوب او ادش المنتدى او اشوف افلام

وخاطري اقرا كتب بس للاسف انا من النوع اللي يتملل بسرعه من القرايه

 

[Pinky -cat]

بالنسبة لي ارتب البيت واخم كل شي واستانس يوم يكون في تغيير عقب ما سويت هاذا كله ، واحب اني اقرا عشان اتعلم
الصبر اكثر لاني عصبية.

 

[طيبه قلبي]

هلافيكم بما اني توني جديده عليكم
احب اقول لكم انا بالبيت قاعده ياانظف هالبشره اوانظف بيتي
او ادلع عمري باللبس وصلاتي مااخليها بعد الصلاه لازم ولازم ولازم
اقرا 3صفحات من القرآن الكريم والحمدلله ختمته وارد احفظ كل يوم سوره
واسولف شوي بالواتس اب اتابع الاخبار والافلام القديمه وبعد المغرب لازم اتمشي
وماكو شي زايد وتشكرااات

 

[Eng_noor]

عاد امس من الملل تهاوشت مع اختي وحطيت علجي بشعرها
و يوم بجت كسرت خاطري بس ماكلمتها عشان لاتعلي صوتها ثاني مره


اقضي وقتي اشوف افلام هنديه او ع البي بي اسولف

لوووووووووولز حراااااام شيطلعه من شعرها الحين ,,,
والله ضحكتيني ... الله يخليكم حق بعض :eh_s(7):

 

[Eng_noor]

انا صايره اقضي وقتي بالمنتدى ,,, واقرى روايات
وطبعا مسلسل فاطمة p: .... بعد شنو اممممم سهر ونوم
صج ضيقة خلق ,, احس الدوام عالاقل تطلعين تشوفين اوادم تغيرين جو
ودي اطلع بس ماعندي احد اطلع معاه :/

 

[teaddy]

بسيطه روحي نادي رياضي 3 ساعات بالنادي لصحتج و أشوي دراستج يوميا تجابلين وإذا خالصه دراسه كملي او درسي شي ثاني يفيدج بحياتج دورات طبخ تعلمي الطبخ وفن التزيين دورات مكياج همن شي حلو تتعلمين لروحج خلي وقتج منظم وتشوفين يومج ممتع وحاولي تقرين كل يوم قرآن 10 صفحات يوميا أقري كتاب وخلي قبل النوم وقت لقراءه دعاء مثلا دعاء التوبه لزين العابدين عليه السلام

 

[بنك بااستا]

لابتوب

 

[NoONa_el3nzy]

والله صاجه من الفراغ قمنا تهاوش وكله ضايقه خلوقنا ..
بالنسبة لي .. لا تقولين عني عيوز بس عندي سبحه اسبح فيهاا .. اهني القى الاستقرار النفسي ..
والصلاة ما اهدها ..
مرات اطلع مع خواتي كوفي شوب ونستانس ..
ادش موقع الجامعة اجيك ع الملخصات ومن هالسوالف وبالاخير ..
والله يعديها ع خير لووول​

 

[Um Rashed]

نت#انستكرام#واتس اب#قران#طباخ#فيس بوك#دراسة اليهال#جمعيه#حديقة #العاب#يهال...

 

[Mrs_Efron]

wallah ana kthr ma agdr a7awl ast'3fr b w8t alfra'3

w akthr shy anzl wayd muslslat w amzj

 

[ام خليففه]

ارتب البيت
اقعد عالنت اشوف التي في
اقرا قران و ادعي
اراسل اهلي بالواتس
اهتم بنفسسي وبسس

 

[landscape]

طيب بالنسبة لي انا موظفة ويخلص دوامي الساعة 4 طبعا لما اطلع من الدوام اروح النادي واقعد فيه 1/2 ساعة نادي (curves) المهم وبعدي ارجع البيت اجلس مع اهلي اقعد على النت وكذا اقوي لغتي الانجليزية والحين بديت اعلم نفسي الاسبانية (ادعوا لي اتعلمها) وطبعا ادخل دورات من فترة وفترة اوسع دائرة علاقاتي العامة وانام بدري وبهالطريقة وداعا لتفكير بس اذا انتي مو موظفه شاركي بالاعمال الخيرية او الجمعيات الخيرية او ادخلي قروبات تطوير الذات...

 

[مناهل نايف]

اقرى قراان استغفففر اجييب اكلي وقعععععد على قناة بـــــــــدايه وبالليل اصلي الوتتر واذا مواصله للصبح اصلي الضحى وانام

 

[بـحـور الـشـوق]

أنا موظفة اخلص دوامي الساعة 2:15 أرجع البيت اتغدى و اصلي العصر و أنام و اقوم المغرب و اروح ال gym لمدة 45 دقيقة و بعدها ارجع آخذ شاور و اتعشى و اطقطق ع البلاكبيري و الآيفون ( BBM و تويتر و انستغرام) و بعدين انام :eh_s(6):
مرات ارجع البيت اتغدى و آخذ شاور و اطلع .. احب الطلعات و الوناسة .. نروح نقعد بكوفي شوب في مجمع و لا مطعم :wqedqw:
مرات اقعد بالبيت مجابلة النت و المنتديات .. و لا قاعدة بغرفتي اسولف بالتلفون مع صديقتي المقربة :friends: بس انا مو حيل مدمنة تلفونات افضل التواصل الكتابي :eh_s(3):
و على كل اللي قلته لج مرات احس بالملل و خاصة بالاجازات لأن الروتين يتغير و الكل لاهي و مشغول و محد فاضي لي يطلع معاي :eh_s(2):
حتى صرت ماحب الاجازات و السبب اني محكورة بالبيت ما أطلع :eh_s(16):
​

 

[بحر الأشواق]

شكرا على الموضوع



انا بوقت الفراغ اقعد احفظ قرآن واستغفر وبالليل اذا مافيني نوم اقعد اصلي وادعي


وحزة االمغرب اقعد مع ابوي العب جنجفه خخخخخخخخ

 

[uae_2009]

اقرا كتب اطور نفسي ادخل تويتر واقرا الاشياء المفيده اهتم ف نفسي انظف غرفتي اسوي عصاير فرش وسلطات

 

[جهراويه مزيونه~]

انا كل ما مليت تسبحت وطبعا عادي باليوم اتسبح مرتين ثلاث خخخخ

 

[Pinky -cat]

خططكم حلوة بنات واكثرنا نتشابه بنفس الامور ، ما حس في شي يديد .

متابعة ابي افكار حلوة