شـنو الانجازات ( الايجابيات ) اللي حققتيها في عام 2008 ؟؟(1) لنفسج ؟؟(2) لغيرج ؟؟

[(كويتيه عسل)]

الهدف من الموضوع :

__ يعرفج بقيمة نفسج وان لج قيمة في الحياة .

__لما تذكرين الايجابيات راح يعطيج امل وتفائل للحياة وهم لنفسج واللي حواليج .

__ ويبين لنفسج انج قادره على تحقيق أشياء مفيده لنفسج ولغيرج لو مهما كانت بسيطه .

__ ويعرفج على انج انسانه ايجابيه ولج قيمة في الحياة لو مهما واجهتي ضغوظ من الحياة .
ولو مهما مريتي بظروف صعبه كل انسان فيه شي ايجابي .


السؤال موجهه للكل اللي تحب تشارك :

شـنو الانجازات ( الايجابيات ) اللي حققتيها في عام 2008 ؟؟؟

(1) لنفسج ؟؟؟؟؟؟


(2) لغيرج ؟؟؟؟؟؟



بالنسبه لي
(1)لنفسي
-ان امي وابوي راضين عني وكاسبه رضاهم الحمد الله

-انتقلت من مرحله لي مرحله أعلى في الشغل + الدراسه

- مميزه في شغلي واهم شي عند طالباتي وطلبتي وعند اولياء الامور اللي يحبوني

- في نظر طلبتي وطالباتي واولياء الامور أحسن ابله في المدرسه

- صرت قويه مثل الجبل مايهزك ريح جدام المحترين والغيورين اللي مايحبون يشوفون احد ناجح ونقدر نسميهم اعداء النجاح

- احسن واكثر وحده مخلصه في نظر رفيجاتي معنى بعضهم مصلحجات مايعرفوني الا وقت المصالح
بس انا اسويت اللي اقدر عليه والله يسامحهم .

-غيرت ديكور غرفتي

-سافرت دوله اموت عليها كنت رايحتلها قبل وكنت اتمنى ازولها مره ثانيه
والحمد الله الله كتبلي وسافرتلها واستانست فيها مع اهلي وشريتلي منها كل اللي في خاطري فيها

-معاشي زاد

- تعرفت على ناس يدد في الدوام وفي السفر ...وفي كل مكان وتعلمت منهم وكسبت خبره

-مريت بتجارب علمتني دروس من الحياة

- صليت في ليلة القدر في المسيد الكبير وعمري ماراح انسى هالايام الحلوه ايام رمضان

- صليت وصمت وتصدقت ...الخ ويارب الله يتقبل مني


(2) لغيري

- بما اني أبله أكيد علمت واااااااايد طلبه وطالبات

- وزميلاتي الابلات استافدو من طريقتي واسلوبي وخذو افكار

- ساعدت واااايد طلبه وطالبات كانو في حاله نفسيه سيئة وزرعت الايجابيه في حياتهم

- عطيت التفاؤل لأكثر من طالبه كانت تحس باليأس والاحباط لانها راسبه وتشجعت ونجحت

- ساعدت اخوي وشجعته يكمل دراسته

- ساعدت امي وصرت ام لاخواني لما كانت رايحه الحج

- رفعت راس ام وابوي واهما فخورين فيني ومبيضعه ويهم الحمد الله وانشالله دوووووم

- ساعدت رفيجاتي وماتخليت عنهم معنى بعضهم مايستاهلون بس الله يسامحهم

- رفعت اسم ديرتي جدام الاجانب لما كنت مسافره


هذول الاشياء اللي اتذكرهم ماادري اذا نسيت شي بعد

 

[خليج***]

موضوع روعة لي عودة

 

[تنآهيد ..~]

كويتيه عسـل

يعطيـج العـآفيـه ع الموضوع


بالنسبـه لـي

لنفسي *


1- أمي وأبـوي راضيـن عني تمـآم الرضى وللـه الحمـد والكـل رآضي عني

2- إني بتخرج هالكـورس وبدش الكليـه

3- إني تعرفت على رفيجـآت اللـه لآيحرمني منهــم

4- أحس إني نضجت حيل لمآ دخلت العشريــن



لغيـــري *


1- مطيعـه للغيـر بشكل مآتتصورينـه ( أنفـذ اللي ينقـآلي بالحـرف )

2- أحس إني قدرت أفيـد غيـري من نآحيـة كل شي ( درآسه + نت + ... إلـخ )

3- أسهـر على رآحـة أخوآني وأمي إذا مرضـوا



وبــــس :eh_s(6):​

 

[خليج***]

عدنااااااااااا

بسنة 2008 حققت,,

بالنسبة لي\
-نجاحي من الكلية بامتياز مع مرتبة الشرف.:ggdw:
-حصولي على ليسن.
-شفائي من مرض.
-وصلت للوزن المثالي.
-زيادة في العبادات كالصيام.
-اشتراكي بمنتدى كويتيات.
-اشتراكي ببرنامج ديني رائع.
-غيرت استايلي من اللبس الضيق الى اللبس الوسيع.:eh_s(6):
-اشتريت لابتوب.
-حصلت على قطوة.:dddds:


بالنسبة لغيري\
-اعتذرت لبعض صديقاتي.:eh_s(1):
-تشجيعي الدائم لاحدى صديقاتي عالصلاة والله هداها فقامت تصلي حاليا.
-ساعدت رفيجتي ومسكت الاشراف بمنتداها.
-مساعدة بنات منتدانا الغالي كويتيات.
-اشتريت هدية روعة لصديقتي بمناسبة ملجتها.

 

[C'est La Vie]

ميرسي عالموضوع الحلو
بالنسبة لنفسي اول شي قلب حياتي كلها غربتي اللي ورتني الدنيا بمنظور ثاني
صرت اللهم نفسي واشتري راحة بالي
صرت ادافع عن حقي وما اخلي احد يعدي حدوده معاي
صرت مغامرة واتحدى الخوف اللي فيني
صرت بيتوتية وما احب الطلعة وهذي غريبة علي مادري اذا شي زين ولا لا :/
صرت اجتماعية اكثر

بالنسبة لغيري:
بالنسبة للأهل الحمدالله راضين عني والله يتمم انشالله
بالنسبة للصديقات واقفة معاهم بالحلوة والمرة

وهذا اللي يحظرني حاليا
بس صراحة سنة 2008 كانت غيير غييير
وانشالله 2009 تصير احلا واحلا
ميرسي يا عسل

 

[(كويتيه عسل)]

موضوع روعة لي عودة

ومرورج الأروع

 

[(كويتيه عسل)]

كويتيه عسـل

يعطيـج العـآفيـه ع الموضوع


بالنسبـه لـي

لنفسي *


1- أمي وأبـوي راضيـن عني تمـآم الرضى وللـه الحمـد والكـل رآضي عني

2- إني بتخرج هالكـورس وبدش الكليـه

3- إني تعرفت على رفيجـآت اللـه لآيحرمني منهــم

4- أحس إني نضجت حيل لمآ دخلت العشريــن



لغيـــري *


1- مطيعـه للغيـر بشكل مآتتصورينـه ( أنفـذ اللي ينقـآلي بالحـرف )

2- أحس إني قدرت أفيـد غيـري من نآحيـة كل شي ( درآسه + نت + ... إلـخ )

3- أسهـر على رآحـة أخوآني وأمي إذا مرضـوا



وبــــس :eh_s(6):​

الله يعافيج حبيبتي


مبرووووك التخرج وخوووش انجازات ماشاء الله عليج الله يتمم عليج

وانشالله تكون سنة 2009 سنة خير وسعادة عليج وعلى كل اللي يحبونج

 

[(كويتيه عسل)]

عدنااااااااااا

بسنة 2008 حققت,,

بالنسبة لي\
-نجاحي من الكلية بامتياز مع مرتبة الشرف.:ggdw:
-حصولي على ليسن.
-شفائي من مرض.
-وصلت للوزن المثالي.
-زيادة في العبادات كالصيام.
-اشتراكي بمنتدى كويتيات.
-اشتراكي ببرنامج ديني رائع.
-غيرت استايلي من اللبس الضيق الى اللبس الوسيع.:eh_s(6):
-اشتريت لابتوب.
-حصلت على قطوة.:dddds:


بالنسبة لغيري\
-اعتذرت لبعض صديقاتي.:eh_s(1):
-تشجيعي الدائم لاحدى صديقاتي عالصلاة والله هداها فقامت تصلي حاليا.
-ساعدت رفيجتي ومسكت الاشراف بمنتداها.
-مساعدة بنات منتدانا الغالي كويتيات.
-اشتريت هدية روعة لصديقتي بمناسبة ملجتها.

ماشاء الله الف مبرووووك الامتياز مع مرتبة الشرف انشالله دوووووووووووم امتياز مع مرتبة الشرف

الحمد الله على سلامتج والله يعطيج الصحه والعافيه ويبعد عنج الامراض

حلوه انجازاتج انشالله السنه اليديجه تكون سنة خير وسعادة عليج وكل عام وانتي بخير مقدما

 

[(كويتيه عسل)]

ميرسي عالموضوع الحلو
بالنسبة لنفسي اول شي قلب حياتي كلها غربتي اللي ورتني الدنيا بمنظور ثاني
صرت اللهم نفسي واشتري راحة بالي
صرت ادافع عن حقي وما اخلي احد يعدي حدوده معاي
صرت مغامرة واتحدى الخوف اللي فيني
صرت بيتوتية وما احب الطلعة وهذي غريبة علي مادري اذا شي زين ولا لا :/
صرت اجتماعية اكثر

بالنسبة لغيري:
بالنسبة للأهل الحمدالله راضين عني والله يتمم انشالله
بالنسبة للصديقات واقفة معاهم بالحلوة والمرة

وهذا اللي يحظرني حاليا
بس صراحة سنة 2008 كانت غيير غييير
وانشالله 2009 تصير احلا واحلا
ميرسي يا عسل

هلااااااااااااااااااااااااااااااااااااااااااااااااااااااااااااااااااااااااا سي لافي نور الموضوع <<<<<طالعه من قلب


شلونج شخبارج دوغيا حبيبتي

معاج حق الغربه صعبه خصوصا اذا بروحج بدون اهلج بس مفيده لانها تقوي شخصيتج

وتعلمج شلون تعتمدين على نفسج وتعلمج شلون تتكيفين مع ناس اللي مونفس لغتج ولا مثل عاداتج وتقلديج

كلامج عن الغربه طااالعه من قلب شكلج تدرسين برا :0bee2e8d89:

انا مثلج بيتوتيه

مادام انج مرتاحه ومستانسه من قعدت البيت

وقعدتج ماتضرج ولا تضر احد مافيها شي

اهم شي تكونين مرتاحه اعرف بنات اذا مر يوم ومااطلعو اييلهم اكتئاب

اهما جذي مايرتاحون الا لما يطلعون انا عندي عادي اذا مر اسبوعين وماطلعت

والله يكثر من انجازاتج

وانشالله سنة 2009 تكون احلى واحلى عليج انشالله وياعلها سنة الخير والفرج والنجاح عليج انشالله


وكل عام وانتي بخير مقدما

 

[brettey]

الايجابيات لنفسي اني فرحت ابوي بمسج حلو قبل وفاته الله يرحمه
وايجابيات لغيري ساعدت غيري وفرجت لهم بعد الله سبحانه وتعالى
بس عموما سنه 2008 من اسوأ السنوات الي شفتها بحياتي ماشفت فيها يوم حلو كلش غير الصحه والعافيه ما شفت شفت فيها الهم والكدر شفت فيها المأسي والمصايب
الحمدلله على كل حال
يارب احفظ لي زوجي وعيالي وحبايبي كلهم
وطبعا خلاص عقب وفاه ابوي ما اظن انه في فررح وسعاده يعني اتوقع انه الياي بكون هم وكدر اكثر بتقولون تفاءلي ما اقدر تفاءلت نهايه 2007 وكنت متوقعه انه سنه 2008 بتكون سنه حلوه وكنت حيل متأمله ومتفاءله وطلع العكس صرت اخاف من شي اسمه تفاؤل

 

[(كويتيه عسل)]

الايجابيات لنفسي اني فرحت ابوي بمسج حلو قبل وفاته الله يرحمه
وايجابيات لغيري ساعدت غيري وفرجت لهم بعد الله سبحانه وتعالى
بس عموما سنه 2008 من اسوأ السنوات الي شفتها بحياتي ماشفت فيها يوم حلو كلش غير الصحه والعافيه ما شفت شفت فيها الهم والكدر شفت فيها المأسي والمصايب
الحمدلله على كل حال
يارب احفظ لي زوجي وعيالي وحبايبي كلهم
وطبعا خلاص عقب وفاه ابوي ما اظن انه في فررح وسعاده يعني اتوقع انه الياي بكون هم وكدر اكثر بتقولون تفاءلي ما اقدر تفاءلت نهايه 2007 وكنت متوقعه انه سنه 2008 بتكون سنه حلوه وكنت حيل متأمله ومتفاءله وطلع العكس صرت اخاف من شي اسمه تفاؤل

الله يرحمه ويغمد روحه الجنه :0bee2e8d89:

أنا أبله وصادفت طلبه أهلهم مايدرون عنهم

اذكر في طالب كان يلبس قميص متدمر كاكاو صارله اسبوعين يلبسه ولا غيره

واقوله ليش دفترك مشقق لصقه باللزاق يقول امي ماتييبلي لزاق تكشت فيني وتطلع

الانسان اللي يعرف يحافظ على الاشياء اللي يحبها والناس اللي يحبهم ويديرباله عليهم هذا انجاز كبير وقوي

ممكن سهل تشترين شي تحبينه بس صعب تحافظين عليه

ياريت تعلميني شلون تحافظين على عيالج وبيتج علشان استفيد منج واذا تزوجت اسوي مثلج

وتفائلي بالخير تجدينه انشالله وكل عام وانتي واهلج وكل الناس اللي تحبينهم بخير انشالله

 

[C'est La Vie]

ميرسي عسل
يالله نبي نسمع بعد البنات شسوو ب2008 ؟؟

 

[(كويتيه عسل)]

ميرسي عسل
يالله نبي نسمع بعد البنات شسوو ب2008 ؟؟

دوغيا حياتي نورتي الموضوع

 

[دلع السلاطين]

1. اول شى انى كاسبه رضا امى لله يخليها لى ياارب ويطول بعمرها

2. تخرجت من الثانويه بنسبه حلووه حيل واخييرا افتكيت

3.تغيرت شخصيتى للاحسن وعقلت وبطلت سوالف موحلوه كنت اسوويها قبل

4.شريت غرفه يديده وصرت بغرفه برووحى مايشاركنى احد فيها لوووووووووووووووول وسويتها على ذووقى الحلو

5.حسيت بهالسنه انه عندى خصوصيه كبيره وصار عندى وايد اشياء خاصه فينى

6.سجلت بالكليه الى ابيها واخترت المكان الى بدرس فيه رغم معارضه الكثير لوووول وقالو عنى خبله لانى سحبت اوراقى من الجامعه ورحت كليه التربيه لاساسيه لكن انا حابه هالشى وحابه انى اكون مدرسه

 

[(كويتيه عسل)]

1. اول شى انى كاسبه رضا امى لله يخليها لى ياارب ويطول بعمرها

2. تخرجت من الثانويه بنسبه حلووه حيل واخييرا افتكيت

3.تغيرت شخصيتى للاحسن وعقلت وبطلت سوالف موحلوه كنت اسوويها قبل

4.شريت غرفه يديده وصرت بغرفه برووحى مايشاركنى احد فيها لوووووووووووووووول وسويتها على ذووقى الحلو

5.حسيت بهالسنه انه عندى خصوصيه كبيره وصار عندى وايد اشياء خاصه فينى

6.سجلت بالكليه الى ابيها واخترت المكان الى بدرس فيه رغم معارضه الكثير لوووول وقالو عنى خبله لانى سحبت اوراقى من الجامعه ورحت كليه التربيه لاساسيه لكن انا حابه هالشى وحابه انى اكون مدرسه

الف مبروك عللى التخرج والغرفه اليديده والديكور اليديد والله يهنيج بغرفتج

الله يوفقج بكلية التربية الاساسية

ترى خريجين كلية التربية الاساسية نفس مستوى خريجين الجامعه

بس التربية الاساسيه دراستهم اسهل بالعربي خصوصا التخصصات العلميه كلها بالعربي بس الارقام بالانجليزي

مو مثل الجامعه يدرسون بالانجليزي ودراستهم اصعب ومعقده

انا كنت في كلية العلوم ورحت تربية اساسيه والله ماتحسفت لما رحت التربية الاساسية

تدرين بنت خالتي متخرجه من الجامعه من كلية العلوم الاجتماعيه

معاشي انا اكثر منها معنى اهيا خريجية جامعه ولا مو بس جذي انا وياها اثنيناتنا الدرجة الرابعه

ولا انا توظفت قبلها معنى اهيا متخرجه قبلي

وبعدين يكفي الشعب موجوده مومثل الجامعه ماكو شعب ولا مواد وتتعطلين

في التربية الاساسيه بس تقولينلهم انا خريجه يسجلونلج المواد اللي تبينها غصبن على اللي مايرضى

وكل عام وانتي بخير مقدماااااااا

 

[شـــفـــافـــه]

موووضوع يستاهل اروح انام واقعد الصبح امبجر اجاوبكم لووول

لي عودة ان شاء الله لاني قاعدة من فير الله

يزاج الله خير يا عســــول انتي

 

[صك المحبة]

موضوووع حلوووو والله

اهممممممممم شئ مر علي في هالسنه بالنسبه لي هو اني رديت لي حياتي

بعد مافقدتها من سنتيين

وان الكل كاااان معاااي وصداقتي صارت كبيررررررره صارو عندي ربع

من جميع الاعمار صغار كبار وعندي جدات بعد الف حمدوشكر وصرررت

معرووفه بشكل كبير بشخصيتي الي بجد هالسنه تكونت بفضل الله

ولله الحمدلله الكل راضي عني والدين اهلي جماعتي وربعي هذي اكبر النعم

واني رديت كملت الدراسه وان شاء الله اخلص الكورس الجااي


لغيري

ساعدت اخوووي على انه ينزل من وزنه وبالفعل نزل 20 كيلو بفضل الحنه وراه والتشجيع

وصرت اقرب لخواتي الصغاار وحليت مشاكل صايره لربعي بالفعل احس هالسنه برزت شخصيتي الف حمد وشكر لله


ويسلموووووووو يالقلبي ع الموضوع التحفه


تقبلي مروري

 

[حلوه الأطباع]

كويتيه عسل موضوعج قمممه بالروعه والله


بالنسبه لي



الانجازات اللي حققتها لنفسي ب 2008


1- رفعت معدلي حيل بالكليه بعد ماكان نااااااازل بالحظيظ .. وقدرت على نفسي وقدرت على كل المواد الصعبه اللي كنت ماخذتها والف الف الحمدالله يبت بهالمواد a و b وارتفع المعدل وايد فوق ماأتصور الحمدالله يارب


2- قدرت اتغلب على خوفي من السياقه و تدربت علسياقه للمره الثانيه وصرت اعرف اسوق وشريت السياره اليديده وصرت ألف الكويت كلها من بعد ماكنت قبل اخاف حتى ادور الدوار


3- شخصيتي تغيرت وايد للأحسن .. قبل كنت حيل حساسه واواجه المشكلات بالبجي والدموع و حقي كله ينهضم و وماكنت اعرف شلون اخذ حقي .. بس هالسنه الحمدالله صرت اقوى بشخصيتي وبقلبي وماقام يهزني اي موقف او اتأثر منه مثل قبل بالعكس صرت اواجه الظروف والمصاعب بعقل وبالتحدي .. الحمدالله



4- بطلت احط مكياج وايد مثل قبل .. صرت كله احط مكياج خفيييف واقتنعت ان الجمال جمال الروح مو جمال الويه الي كله ألوان .. والحمدالله هالتغيير اللي سويته عجب الكل سواء رفيجاتي او امي واختي وقالولي البنيه حلاتها بمكياج ناعم علشان يطلع ويهها ونعومتها مو بالمكياج الثقيل =) << تو الناس توني اكتشفت هالشي والله لووول بس يالله الحمدالله



5- الف الحمدالله قدرت اختم القران كذا مره الحمدالله


6- حددت مصير مستقبلي الدراسي عن قناعه ومن غير تأثير من اي احد


7- تقربت من اختي العوده وايد .. وصرنا اكثر من خوات

8- زااااااد وزني الحمدالله عن قبل بوايد .. وان شاءالله يزيد اكثر واكثر بالسنه اليديده





وبالنسبه لغيري


1- ساعدت وايد من رفيجاتي في تحديد مصيرهم الدراسي واحسهم استفادو من نصايحي وكاهم الحين الحمدالله ماشين

2- امي صارت قريبه مني حيل حيل حيل و صارت تاخذ رايي بكل شغله تسويها

3- وقفت ويه اخوي العود انا مع اختي وقدرنا نخليه يتعدى المرحله الصعبه اللي صارت له لما طلق مرته وماخليناه لحظه بروحه وكنا دايم نخليه يتفائل لما الله كتب له وتزوج الحين وحده ثانيه


الحمدالله كانت خوش سنه 2008 وعسى الله يوفقنا بالسنه اليديده 2009 ويعطينا خيره ويكافينا شرها يارب​

 

[Ga6Wa Q8Ya]

انجازاااتييييييييييييييييييي

تخرجت من الثنويه خذيت الليسن سجلت بالكليه الي ابيها بالتخصص الي احلم فيييييه الحمدالله مممممممممممممم

بس الباجي كله كئييييب بس المهم خلصت من المدرسه

 

[nor85]

تخرجت من الكليه هذا اهم انجاز وسنه 2009 متفائله كثير فيها على المستوى الشخصي ان شاء الله احقق اللي ابيه