شفتها عند زوجي و ما تكلمت

[قلب من لؤلؤ]

السلام عليكم

شلونكم

انا بادخل بالموضوع على طول

انا الحين في فتره نفاس و قاعده عند اهلي

في يوم كنت رايحه انا وزوجي لموعد لي بالمستشفى

و نزل من السياره كان يبي يجيب شغله و نسى عندي الايفون

و فتحته (( طبعا ما يدري اني اعرف رقمه السري )) و شفت شي ما نسيته لي الحين كل شوي يطري علي

شفته داز لواحد من ربعه صوره وحده و افلاااااااااام

لاااعت جبدي و كنت خايفه بنفس الوقت

لما شفته قرب صكيت التلفون و سكت

من الصدمه سكت طووول الطريق ما عرفت شقول

بس حسيت اني كرهته و طااااااح من عيني و ما قمت اثق فيه

و كل شوي افكر انه يطالع هالافلام الحين

حيل تضايقت و كل يوم ابجي و نفسيتي تعبت و انا والده نشف الحليب و الله

امانه قوليلي شسوي

اواجهه باللي شفته

و الا اسكت

 

[محتارة وبصيح]

يا بنت تلاقينه مشتاق لج اربعين يوم مو وياج طبيعي يشتهي ودام انه زين معاج لا تحاتين

 

[قلب من لؤلؤ]

يا بنت تلاقينه مشتاق لج اربعين يوم مو وياج طبيعي يشتهي ودام انه زين معاج لا تحاتين

ما صارلي اسبوع لما شفت هالصور و الافلام عنده

 

[ياغفور اغفر لي]

قولي لا اله الا الله

انا ماافضل انج تقولين له افضل انج تكسبينه بطريقتج واسلوبج ولاتصيرين انسانه نكديه ان ادري هالشي يعور القلب
بس حتا لو تقولين له ماراح يتركهم بيرد ثاني مرة وبيغير الرقم السري
افضل لا طلعتي من النفاس اطلعي بطلعة ثانية غيري من نفسج اضعفي لاتهملين عمرج واتعبين نفسيتج
وبعدهاا عاد قطي عليه نغزات او قولي اليوم شفت محاظرة دينيه تخيل يتكلم الشيخ عن غض البصر واللي يطالعون افلااام ويعني قوليله العقوبة

والله يهديه ويصلح حاله

 

[iLLuMinaTion]

لا تدققين وايد

 

[قلب من لؤلؤ]

قولي لا اله الا الله

انا ماافضل انج تقولين له افضل انج تكسبينه بطريقتج واسلوبج ولاتصيرين انسانه نكديه ان ادري هالشي يعور القلب
بس حتا لو تقولين له ماراح يتركهم بيرد ثاني مرة وبيغير الرقم السري
افضل لا طلعتي من النفاس اطلعي بطلعة ثانية غيري من نفسج اضعفي لاتهملين عمرج واتعبين نفسيتج
وبعدهاا عاد قطي عليه نغزات او قولي اليوم شفت محاظرة دينيه تخيل يتكلم الشيخ عن غض البصر واللي يطالعون افلااام ويعني قوليله العقوبة

والله يهديه ويصلح حاله

الله يجزاج خير كلامج يريح

اللهم اميييييييييييين

جد تعبت

 

[قلب من لؤلؤ]

لا تدققين وايد

طنشت قد ما اقدر بس ماكو فايده

 

[αмάι]

قولي لا اله الا الله

انا ماافضل انج تقولين له افضل انج تكسبينه بطريقتج واسلوبج ولاتصيرين انسانه نكديه ان ادري هالشي يعور القلب
بس حتا لو تقولين له ماراح يتركهم بيرد ثاني مرة وبيغير الرقم السري
افضل لا طلعتي من النفاس اطلعي بطلعة ثانية غيري من نفسج اضعفي لاتهملين عمرج واتعبين نفسيتج
وبعدهاا عاد قطي عليه نغزات او قولي اليوم شفت محاظرة دينيه تخيل يتكلم الشيخ عن غض البصر واللي يطالعون افلااام ويعني قوليله العقوبة

والله يهديه ويصلح حاله

كلامها صحيح
اسميع نصيحتها هذا الصحيح
والله يهديه لك ويسخره لك

 

[رجآآوي]

حبيتي لآ تضآيقين حآلك

وآذكرري الله

ترآ نص الرجآجيل كذآ

وذبي عليه نغزآت مثل مآقآلت خيتي ( يآغفور آغفر لي )

والله يهديه ويصخره لك

 

[نواااال]

المواجهه احسن حل راح يتفشل ويتوب وانتي ترتاحين وماتشيلين في قلبج والرياييل عموما كلهم
يحبون يشوفون مقاطع وافلام يعني الوضع جدا عادي عندهم الا الي يخاف الله وماشي سيده ماعنده هالخرابيط​

 

[ترجمة احساس]

الله يهديه ويسخره لج يارب

 

[عودالمها]

الا واجهيه والا ما راح يتوب ولا تقولين انج فتحتي التلفون علشان ما يغير الرقم السري قولي مثلا بغيت ادق علي امي ومالقيت تليفوني اي شئ الا وظقطت بالغلط وطلعلي هشئ قوليله اصلا حرام اطالع هلمناظر باجر الله يحط بعيونك سيخ من النار احترم نفسك وحترمني يمكن انا ما شوف هل الاشياء بس الله يشوفك ما تخاف من ربك ما يسوي هل الاشياء الا الشاذ والا المراهق وعتقد انت تجاوزت هل المرحله مو تخافين والا بتعيشين بتفكير فكره تروح وفكره تجي

 

[حبيبي مالكني]

حبيبتي طوفي
ولا تركزين على كل شي
ولا تفتحين الموضوع معاه
لانه بيقلب السالفه عليج
انج تفتشين باغراضه ومن هالسوالف

 

[GaLbI t7aWaL]

حبيبتي هالسوالف ما يبيلها نكد
لازم تواجهينه بس بجو حلوو وبآسلوب حلووو
وقوليله ان انا احبك بس اتصدق اني ما صدقت
وكسبيه بالكلام الحلووو

والله يسخره لج
ومحتاجه دعواااتج

 

[tt2tt]

حرااام اصلا لا تسكتين

 

[جديده 1]

من حقج طبعا تزعلين .. بس غلط انج تفتشين وراه راح تنغثين .. ولا تواجهينه ولا شي .. اختاري معاركج وياه عدل اذا بتحاسبينه عالصاعده و النازله بيسوي اشياء اكبر من جذي و ماراح يحسب حساب عتابج له لانه تعود خلاص .. بتناقشينه بتهاوشينه بتزعلين عليه خليها بمواضيع كبيره و تستاهل .. و ترى هذول اهم الريايل مالت عليهم لو يتزوج نفس اللي يدور صورهم هم راح يدور صور لبنات غيرهم عقليتهم الدايخه جذي متعودين من ايام المراهقه بالنسبه لهم هالاشياء عادي بس بالنسبه لنا شي اكبير .. طوفيها حبوبه في اشياء بالدنيا اكبر و اعظم من هالاشياء .. موفقه

 

[اميره1980]

في شغلات بالحياة الجهل فيها افضل من العلم
ليش تجسستي عليه ؟
حتى لو غلطان و كلنا عندنا اغلاط بس انتي ترضين يتجسس على تلفونج ؟

 

[اكابر]

نصيحه .. لا تكلمينه .. ادري صعب واااااااااايد صعب .. بس والله اخذي النصيحه من انسانه عاشت هالموقف ..

اول شي : بيحط الغلط عليج باي حق تبطلين التليفون وانا ما احب احد يتعبث باغراضي ومن هالحجي ..

ثاني شي :راح تتأزمين نفسيا اذا واجهتيه وشفتي رده فعله سلبيه ومو متندم عاللي سواه ..

ثالث شي: راح يتمادى وممكن يصدمج برد ما يعجبج ويقولج عاجبج عاجبج مو عاجبج طقي راسج بالطوف هذا انا ..

تعوذي من بليس وبلعيها وسكتي لا تغلطين غلطي وكل شي تواجهينه فيه ..

 

[Gifts&Occaions]

الله يهديه

 

[ماحب اتدلع]

واااااااي هههههههه ذكرتيني مرة شفت بالابتوب بالصدفة ريلي حاط رقص بنات وانا كنت حزتها رايحة رادة بيت اهلي ومااحب انام معاه المهم بعدما شفت الي شفتة قلت له على طول بنفس اليوم اقووول ترا ماحب الانسان المراهق وهو يفكر وساكت شكلة يقول شنو قصدها وعلامات الخوف بويهه هههههه قلت له احسك نفس اخوك المراهق يامراهق يابايخ وعاد لو تدري شنو عقابك اول ماتمووت يمة يمة يمة عيونك تطلع لبرا تنعصر عصااار ويدخلون فيها صيخ من نااار وااي الله لايبلاني وروح توب احسن لك مارح ينفعونك هلي تطالعهم
وهو ويهه صار علامة تعجب يقول شنو ليش؟ وهو خايف خخخخ يقول شسويت آنا؟ :eh_s(2):
قلت له روح مااحاشي مراهقين وماعندهم حصانه على نفسهم انت باجر يصير عندك عيال وتربيهم شلون تربيهم نفس تربيتك مثلا؟ وي عيل عليهم العوض روح صلح حالك والله يكون بعونك :ch12:
قال اصلا ماسويت شي انا شنو مراهق مو مراهق انا.. حسيته يااااهل
قلت له والبنات الي تطالعهم وجنك مو شايف خير تبي تشوف رقص قولي انا برقص لك مو انا مرتك؟ ليش متزوج عيل؟
والله من وقتها ماقام يشوف شي خرعته شكلة كل مرة يذكر كلامي ويخترع ههههههههه وعاادي لاتنقهرين ولا على بالج اكثرهم جذي من تختفي المرة على طول افلام تعودنا :eh_s(1):