شفتها عند زوجي و ما تكلمت

[سكوتي بذوقي]

قولي له باسلوب حلو

وفهميه إن هذا الشي حرام

والحرام عمره مايدوم

الله يهديه يارب ويسخره لك

 

[قلب من لؤلؤ]

الله يهديه

امين يا رب

 

[فلنتينو]

واجهيه قوليله انج شفتي هالسوالف

 

[جروح ودموع]

الله يهديكم لبعض ويسخره لج ان شالله

 

[بيتي بوب بس كويتيه]

حبيبتي طوفي
خو رياييل ما منهم فايده انا كبرت الموضوع وما استفدت للحينه يشوف من وراي
وكيفه خلي يطالع أهوا يتآثم هو انتي مو مقصرا معاه

 

[om_3azoz]

الله يهديه ويسخره لج يارب

 

[طيبة83]

لا تواجهينه ولا شي بس اتيبين حق روحج المشاكل

نصيحه مني شيلي قشج وروحي بيت ريلج

عادي تسبح وحطي كريمات معطره وفوطج الصحيه واكلي ادويتج ووقت الي هو طالع اتقدرين اتسويين ترديد

واذا عن البيبي انتي اعتني فيه بروحج او خلي امج اتيج الضحا

واهم شي لازم اتطيبين خاطر ريلج ترا الريال فيه شهوة ما يقدر يصبر ٤٠ يوم مب معناه مايصير جماع انه ينحرم منج يعني في طرق ثانيه

انا ما دري نظام ااالنفاس في بيت الاهل كلش ما يدخل بالي

كذا موضوع قريته في المنتدي بدايته لما كنت في النفاس

بنات ترا رياييل هل وقت ما ينغفل عنهم لا وقت دوره ولا نفاس وانتوا وفهمكم

خو اهوا تعلم يعني اذا الواحد يبلغ عمره ١٦-١٥ ويتزوج عمره ٢٦-٢٥ يعني اكيد بيطلع شهوته بطريقه او باخري

فمن تمرض زوجته ولا تغيب عنه ترجع ريما لعادتها القديما

خخخخخخخ ادري ردي ما بيعجب بعضكم

بس للاسف هذي الواقع

 

[OM BARAK]

حبيبتي ترى الافلام والصور هذي عند الرياييل شي عادي! اقصد هالشي بينهم وبين بعض جنهم يدزون نكت ​

لا تكبرين الموضوع وانسي واياني وياج تصارحينه ترى بتعقدين الامور و بتفتحين على نفسج بيبان! شلون تنبشين من وراه وشلون مو واثقه فيه و اشلون واشلون واشلون......

حطي حيلج بنفسج بالاربعين طلعي بنيو لوك خطير​

 

[بعد الغروب]

أنا بعد مريت بهالموقف وحاسه فيج حيييل لأني ذقت تعب هالموقف جد موقف يتعب انت مع انه يحبني حب جنون ما يخليني انام عند اهلي ما يعرف ينام وأنا مو بحظنه وانا أموت بالتراب الي يمشي عليه وانا صغيره 20 سنه عمري متزوجته عن حب وما أمدح نفسي بس بوضح لج حدي حلوه ملكه جمال حمد الله على نعمه الجمال ومو مقصره معاه من ناحيه العلاقه ومع هذا انصدمت انه يشوف جذي ولا بنات ترقصن وأجسام تجنن وغير افلام خليته افلام عربيه وأفلام اجنبيه تخيلي كل الانواع منوع بعد متروس التلفون ترس والله أنا اول مره اشوف جذي رجعت ولاعت جبدي منه وكرهته وكل ما شفت وجه تذكرت الأفلام والبنات والله لدرجه شكيت انه هو قاعد مع البنات ويصور تخيلي وين راح مخي بس والله كنت خبله ومتسرعه حييل اشوه انج ماعلمتيه ديري بالج تعلمينه تصيرين مثلي لا لا لا لاتعلمينه انج شفتي شئ راح يقلب الموضوع عليج وراح تصكه الغيره اشلون شفتي الأفلام ورياجيل مفاصيخ غيره يويلج تنقلب السالفه عليج ويطلع نفسه من السالفه يقول مو أنا اخوي ما خذ تلفوني يطلعله مليون عذر انت تموتين قهر وتجيج كآبة النفاس كله يرجع عليج شوفي انت اهتمي بنفسج وتغذيتج ومولودج هذا اهم شئ
والله كلهم جذي وحاولي اذا طلعتي من نفاسج تطلعين بشئ حلو وجرييييييييئ تراه طالما شاف هالافلام وده يطبقها لا تخلينه يتخيلها خليه يطبق عليج وخليج جريئه معاه والله اشوي اشوي بروحه راح يتركهم واذا قلتيله راح يشوفهم وانت تدرين صار عادي شافتني زوجتي ودرت بالوضع ديري بالج يا قلبي والله ينسيج يارب حااااااسه فيج حيييل

 

[Beauty is Me]

الساكت عن الحق شيطان اخرس

وين الامر بالمعروف والنهي عن المنكر

ساكته= راضيه


واجهيه والمواجهه موو صراخ وهواش وسب لالالالالا

من ضمن اي كلام تدمجين هالشغله عموما بسالفه

مثلا طلعت لقطه بفلم تتابعونه

غيري القناه جدامه وقولي استغفر الله قطيعه اعراض الناس مكشوفه للكل شالاوادم


وبسس


مثلااا


يوم بيوم عطيه جرعات

بين الحجي

انه هالشي غلط

ولا بد بيعقب على كلامج
ومنها تقدرين تقولين وجهه نظرج مدعمه باحاديث وايات

في ايه بما معناه انه المؤمنين يغضون ابصارهم ويحفضون فروجهم

شي وااضح بالدين
ما فيه روح تعال

طبعا ما تقدرين تقولين نبشت
بتفتحيلج باب


بس لابد تقدرين تصيدينه

الله يعينج

 

[ياا راسي التعب]

ديري بالج تواجهينه
راح يقلب الطاوله عليج ليش فتشتي وراي وهلم جره
كل الرياييل اللحين جذي الا ابوي وابوج

 

[brettey]

المواجهه احسن حل

 

[اينااس]

تعبنه منه خلالالاص ياليت عاااد يحسووون فينه

 

[كـ غلا ــلي]

الظاهر انه فتره النفاس فتره الخراب انا بعد مثلج من عقب النفاس اكتشفت انه ريلي يطالع والظاهر هم قبلها وانا يا غافلين لكم الله

بس خبرج انا 40 يوم مو عنده فالبيت سمردح خذا راحته عدل وحسيت بنفس احساسج كرهته من اشوفه لا شعوريا استحقره

وعلا كثر ما انا خاشه بقلبي وشايله لا شعوري صرت عصبيه تعرفين اللي ناطره عليه الزله عشان ابرد جبدي فيه ومع انه الكل

ما ينصح بالمصارحه بس حزتها انغميت واسودت الدنيا فيني وما قدرت اتحمل زود صارحته وقلت له وانا زود علا مشكله الافلام

ما كان يجامعني فهالشي اللي وصلني حدي فقبل لا اصارحه ثقفت روحي بالنت عن اللي يشوفون افلام وطبيعي يمارسون مع

عمرهم العاده السريه واشلون تخف اذا ما تنعدم رغبته بمرته ويعني ظليت اقرا واقرا فلمن واجهته كنت حدي واثقه من روحي ومن معلوماتي

لين درجه ما عرف يرد علي غير انه كل الرياييل جذي وكل ربعه جذي وقعد يبسط الموضوع ويبي يغلطني طبعا عقبها نفسيتي ما اقولح كانت

زفته ووصلتها لين الطلاق لكن بالاخير ردونا الاهل ولي يومج هذا اشك فيه واجيك علا ايفونه والايباد ماله وكمبيوتره مع اني مواعده نفسي

ما انبش بس ما اقدر في شي داخلي يخليني اجيك وما اقولج انه تاب لكن اهون من قبل كانت افلااام سكسيه كاامله و طلع فعلا هالسوالف تدور بين الشباب

ربعه واحد يطرش للثاني مقاطع فلا توقعين ريلج بتوب بس شي اهون من شي واذا تاخذين بنصيحتي بعد افضل لج لين رديتي عنده عقب النفاس

وامورج ماشيه ويعطيج حقج الشرعي لا تدقيقن معاه معناته اهوا يشوف كفضول ولا يبي يتعلم شي يديد يعني ما وصل مرحله الادمان *

 

[بسبوسة بالعسل]

حبيبتي انه صارلي نفس الموقف بس ماكنت بنفاس
وسكت بعرف شنو آخرتها واكتشفت انه الشباب عادي عندهم
أدونه هالسوالف من باب الفضول

 

[sunshine22]

الله يعين الحريم
على رياجيل هالوقت

 

[دموع الظلام]

مافي ريال كامل حتى اللي تشوفونه ملاااااااااك يطلع اخبث منه مااااااااافي

هذا حال الدنيا

مااعرف شاقول في هالموقف

الله يهديه ويسخره لج و ان شالله امورج تصير زينه
وحياتج تكون هاديه وخاليه من المشاكل

 

[كراميلا مرة]

الله يهديه
شوفي مولازم تصارحينه بوجه
يمكن تقطين نغزات على انك تقصدين وحده من رفيجاتك شايفه هالشيء عند زوجها وموقفك انتي لو مكانها
وان شاء الله ربي بيهديه ويتوب

 

[أحبك أمي]

عادي الوضع جدا
لاتحرين عمرك
الله يهديه لك