@@شفتي ريلج قبل العرس ولا بعد العرس !! شلون و شنو شعورج تعالوا ندردش@@

[ميمي الحلوه]

ماشفته الا بالصوره لوووووووووول

واهو شافني بعد بالصور...

ومااااايشوفني مني للعرس خخخ احسن

 

[( درّه )]

آنا جفته لووول بالخطبة

طبعاً طل

بس جفت طرف دشداشته

حدّي تدودهت

ولا من باجر جفته بالصورة

عقب .. يوم إييي بيتنا وجي عشان الأوراق أو يبي شي

أطل عليه لووووووول

بطاقتي للحين عنده

وجافني بالخطبة

آنا لاء لأنه كنت مخترعة ومنحرجة

إن شاء الله دعواتكم بس نتواعد قبل العرس لوول

يا حلو دييييننا ويا حلو سماحته صج ..

شكراً حبوبة

 

[blue diamond]

اشوه ان النظره الشرعيه من عاداتنا وتقاليدينا ولا جان تمردت عليها
لاني ارفض اني اتزوج من غير ما اشوف ريلي المستقبلي نظره شرعيه واكلمه بيوم الخطبه

 

[DALO3T MAMATY]

انا شفته اول مره بالشوفه الشرعيه كنت حدي مستحيه بس ارتحتله من اول ما شفته وشفته ثاني مره قبل التحليل والمره الثالثه يوم التحليل وعقبها يوم الملجه وطبعا عقب الملجه تقريبا شبه يوميا نطلع مع بعض صج احلى ايام

 

[البارونة شوشه]

استغرب من البنات اللي مايشوفون ازواجهم الا ليله العرس !!! شنو شعورهم مساكين والكل عارف ان هالليله رعب لكل بنت

احنا عاداتنا بالسعوديه تختلف من منطقه لاخرى
فيه بعض المناطق متفتحه والثانيه منغلقه
يعني بالنسبه للمنطقه اللي انا عايشه الحمدالله منفتحين ,عندنا النظره الشرعيه وبعدها الملجه وبعدها الحفله وبعدها العرس
انا مخطوبه مملجه وفيه نظره شرعيه , بس خطيبي قال مايحتاج اشوفها لان عارف اصلنا وفصلنا وقال اكيد حلوه على اخوانها لان اخواني بسم الله تبارك الرحمن كل واحد احلى من الثاني فمابالكم انا اكيييييييييييد قمر
شفته انا يوم التحليل وطبعا انا منقبه بس اهو ماشافني , وبعدها صارت الملجه وماشافني الا يوم الحفله
لان الحفله بعد الملجه بيومين وطبعا اول ماشفته وشافني حسيت بشعور غرررررررريب وتوترت مررررره واهو بعد وكنا اثنينا مستحيين
بس الحين تعودت عليه وتعود علي يجي يزورني في البيت ويقعد معاي بالساعات ونطلع سوا وازور اهله واهم يزوروني
والله يتمملي ويتمملكم على خير يارب .

 

[dl3 q8]

احنا مايشوفها الا ليله العرس التوفيق من رب العالمين شافها او مشافها بس احس مايشوفها احسن فيها ترقب و اكشن

 

[خزنـة]

اي والله اكشن
بس احساسي انه اكشن رعب
هههههههههههههه

 

[منار الحلوة]

انا مومخطوووبة ولا متزوجة بس
نصيحتي لا تخلينة يشوووفج الابعد العرس
في بنات يقوول لا لازم اشووة ويشووفني واكلمة
اوكي لمتى بشووفج بوشبااب بيشبع من خشتج
ويزهق من صووتج دايم مكلمتة
حلاتها بعد العرس احسن

 

[فروحه 87]

بيزهق اذا شافج مره وحده ومرتين ولا ثلاث ولا اربع
عيل شلون بتم معاج طول العمر
كلنا نحترم العادات والتقاليد
بس اهي مو قران منزل
والشرع حلل هذا الشي
ماكو احد افهم من ربنا استغفر الله
وسبحان الله ساعات الشخص يكوت زين والكل يمدحه بس من تشوفيناه تكشين منه
الشرع له راي والعادات عن بعض الناس لها راي ثاني
عموما كل (ن) برايه حر
انا بالنسبه لي ضروري اشوفهواتكلم معاه
ربي حلل لي هالشي
الريال طاق الباب واهلي معاي ومحارمي
وبعدها اقرر
انا مو متزوجه بس انفعلت شوي لوول اسمحولي

 

[فروحه 87]

مكرر :080402ask_prv:

 

[white**angel]

انا مومخطوووبة ولا متزوجة بس
نصيحتي لا تخلينة يشوووفج الابعد العرس
في بنات يقوول لا لازم اشووة ويشووفني واكلمة
اوكي لمتى بشووفج بوشبااب بيشبع من خشتج
ويزهق من صووتج دايم مكلمتة
حلاتها بعد العرس احسن

حبيبتي وجهة نظرج غللللط
يعني بيزهق مني على هالجم شهر الي بطلع معاا فيهم بالعكس هذي احلى ايااام
وبعدين على كلامج اشلون وراا العرس بيكون معاج طووول العمر هم بيزهق منج ؟؟
انا بالنسبه لي لاااازم اقعد معااه اكثر من مرا بالخطبه وبالملجة نطلع ونتكلم مع بعض

 

[L A T T E]

شفته بالخطبة و الفحص =)

بس طبعا ماشفته عدل لول.. بس اقدر بعدين اميزه :eh_s(20):

لكن انا اشوف ان النظرة الشرعية حق مشرع لرب العالمين

موووفقين كلكم
:eh_s(15):

 

[تبطي عظم!]

أنا بالنظره الشرعيه ماشفته من كثر ماكنت مستحيه
بس اهو شافني وعجبته وهذا احلى شي لانج راح تحسين انج على ذوقه
مو مجبور وعلى ذوق اهله وبعدين يقول مابيها بطلقها الله سبحانه وتعالى حلل النظره
وماكو شي عادات وتقاليد أنا بدويه بس عندنا الشوفه لازم عبشاني وعلشانه يمكن أنا مايعجبني شلون!!
وشفته مره ثانيه بالفحص ومره ثالثه بيوم الملجه ونااااااسه تحسين براحه لانج تبينه ويبيج قابله فيه وقابل فيج
والحين اكلمه فون بس علشان نعرف افكار بعض ونخطط لمستقبلنا مع بعض بعد مو حرام حلال زوجي!!!

اما الطلعات قبل العرس نو وي بعد العرس لها طعم احسن واحلى وهو ياحياتي موافق على جذي
الله يوفقنا ويوفق كل العرايس ويرزق العزابيات بالزوج الصالح

 

[واقعية حـلـم !]

الله يوفقكم يا بنات


بالنسبة لي ما جربت الى الحين


بس ودي اشوفه قبل العرس صورة بس ما ابي اشوفه شخصيا



و الله يوفقنا يا رب

 

[يحلموؤوؤن]

دائـــــــــما أشووووفه أمه رفيجت أمي وهم بتحليل وممممم ومن عقب الملجه لا ماقمت إشوفه وماحب أكلمه مو عشان أهلي بالعكس أهلي عادي بس نوعي استحي وماحب

 

[حرم_طيار]

رد : @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

حبيبي شفته يوم الخطبه

ومن الملجه وانتي صاعده

قبل العرس بسبوعين خلاص غطيت عنه بس تليفون عشان يولهه علي

 

[! بــدويه وآآيــد !]

،


شفته بـ النظره الشرعيه والتحليل

حسيت اني مرتآحه !!


بس مو للحين على مرتآحـه!! <~ ادري مآفهمتوا

 

[krkooora]

لازم نظرة شرعيه لو دقيقه
عشان تتألف القلوب و يصير بينهم قبول
شلون بالليلة العرس جذي جك بوم اول مرة اشوفه بحياتي انحبس معاه بدار وحده !!!!!
كلش مو شي اصلا نفسيا تتعبين !!

> مو متزوجه :d

 

[krkooora]

انا مومخطوووبة ولا متزوجة بس
نصيحتي لا تخلينة يشوووفج الابعد العرس
في بنات يقوول لا لازم اشووة ويشووفني واكلمة
اوكي لمتى بشووفج بوشبااب بيشبع من خشتج
ويزهق من صووتج دايم مكلمتة
حلاتها بعد العرس احسن

وجهة نظر و احترمها

بس فكري عدل انتي بتعيشين معاه طول العمر مو فترة و خلاص !!
يعني اذا هالجم شهر مل منج شلون السنين اليايه !! :gr4uu:

 

[catwiti]

رد: رد : رد: @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

السلام عليكم

اختي الواحد اذا بقول رااايه او حتى بعلق يختار تعليقات افضل من جذي (( في بعض الناس تخلف فيهم الله يعين )) !!!

ليش تخلف مو كل واحد حر شنو يسوي

يعني انتي تشوفينها تخلف وناس تشوفها عادات وتقاليد


وحلات البنت بحياها ويشوفها بعد العرس

عشان ماتصير مصاخه ,يكون متشفق عليها مو مال منها وعارف كل شئ وتصير واحد من الربع

وانا من وجهي نظري احسسسسن بعد العرس والله ترتاح

وياحلات عاداتنا وتقاليدناااا

لا تقلبوون الموضووعمانبي نخرب عالموضووووووووووووووووووع


بنات عفيه نبي سوالف تونس مو ارائكم بسالفة الشوووفه وبعد اذنج صاحبة الموضووع