@@شفتي ريلج قبل العرس ولا بعد العرس !! شلون و شنو شعورج تعالوا ندردش@@

[7andoosa]

واللة احنا عندنا اشوفه بالخطبة (وطبعا اهوا اكون شايفني و عاجبته قبل لايتقدم رسمي .. اشوفني بالجامعة بالدوام اي اي مكان بس بدون علمي )
و عقب ايي بيتنا و انااااااااا اشوفه عشان اعرف اذا ارتحتله او لا لان هذا زواج و حياة مو لعبة ..
و عقب لما نتفق .. ابدي اكلمة بالتلفون و بعلم اهلي و ازورنا البيت و اهلي موجودين و بكل احترااام و ادب (الريال داش البيت من الباب وبعلم اهلي ماكو شي غلظ)
اعرف اطباعه و اهوا اعرف اطباعي ,,, يمكن اطباعه ما تعجبني و يمكن انا اطباعي ما تعجبة
ليش نوصل لية مرحلة الزواج و عقب ما يطيح الفاس بالراس .. و بعدين البنت اهيا الي بتنظلم لان الريال الوقت الي يبه يقدر اروح يخطب و يتزوج لكن البنت غير لازم ما نملج الا و انتي متاكدة مليووووووووووووووووووووووووووووووون المية انج مرتاحة ...
و عقب نملج و خلاص تبدي الطلعات و الروحات ليييييييييين العرس
و سلامتكم

 

[الـمـسـتـبـده]

رد : رد: @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

السلام عليكم

اختي الواحد اذا بقول رااايه او حتى بعلق يختار تعليقات افضل من جذي (( في بعض الناس تخلف فيهم الله يعين )) !!!

ليش تخلف مو كل واحد حر شنو يسوي

يعني انتي تشوفينها تخلف وناس تشوفها عادات وتقاليد


وحلات البنت بحياها ويشوفها بعد العرس

عشان ماتصير مصاخه ,يكون متشفق عليها مو مال منها وعارف كل شئ وتصير واحد من الربع

وانا من وجهي نظري احسسسسن بعد العرس والله ترتاح

وياحلات عاداتنا وتقاليدناااا

شنو حلات البنت يكون لها حيا ؟ يعني لما تشوف الانسان اللي بتعيش معاه طول عمرها صارت مو خجوله ؟؟

الرسووووووول أمر بالنظرة الشرعية وحلل هالشي

منو احسن كلام الرسول ولا عاداتكم ؟؟؟؟ منو احسن الحلال ولا العادات والتقاليد ؟؟

وتضحكوني لما تقولون يمل منها او مايتشفق

هذي مرته مو رفيجته عشان يمل

يعني لما مايشوفها الا عقب العرس ماراح يمل منها ؟؟


سوري بس تفكير غريب :/

خلاص محد راح يقتنع بالثاني لانه كل واحد تعلم على شي

 

[واحشنى موت]

رد : @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

اناا شفته بآلنظــره آلشرعيه ,,



خخخخخخخخخخخخخخخخخ << قآعده أتذكر آلموقف



اممممم كنت بحزتهآ توني قآعده ع آلمغرب وقآعده أتغداا أبووي مآعطآني خبر قبلهآ ,,


صآر آلموضوع بسرعه بسرعه


تعرفوون قاعده آكل ولآ ينآديني أبووي قآلي فلآن بيدش أناا إستحييت من أبووي ,,


أشواا إني حآفه ومضبطه حوآجبي ولآ جآن كليت تبن ,,


دشيت عآدي بعبآتي وبملفعي وأناا فيني آلضحكه بس مآسكه نفسي خفت لآ يقوول شفيهآ هآلمهبووله تضحك ,,


وقعدت أطآلع رجوله لأنه جآفسهآ يعني طلع طوييل ,, << أهم شي عندي


ولمآ سألتني أمي شنو حسيتي قلتلهآ عآدي جنه وآحد من أخوآني هههههههههههه حسيته وجه حييل سمح ومآتحسيين بوجووده برهبه ..

 

[واحشنى موت]

رد : @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

بــنآت العآداات والتقآليد شي وهذآ شي ثآني ,,



أنــاا بدوويه ومطيريه ,,



أكيــد تحكمنآ عآدات وتقآليد وأبووي يحكمنآ بهآلشي ,,


يعني أبووي مو فري ولآ هوو شديد (( وسط )) يشـد ويرخـي حسب آلموقف ,,


بس لمآ جآ موضوع الزوآج أناا إنصدمت منه عبآلي نفس أغلب النآس مآيرضى بآلنظره آلشرعيه بمآ إني أكبر خوآتي ومآ مرت ببيتنآ حآله زوآج ,,



آلنظــــره آلشرعيه لآزم حتئ إنتوو ترتآحوون تشوفينه يشووفج ,,


يمكن مآتعجبينه ويهوون أو هو مآيعجبج ,,


آللي إتحجج وتقوول خلييه يشوفني بعد الزوآج ويحبني قصدهم خلييه يبلعهآ بعد الزوآج ,,



كفآيه إنه بيشووفج بميكب خفييف جدآ أو حتى من غير ميكب عشآن لآينصدم بالصآله بوجه وبغرف آلنووم بوجه ثآني ,,

 

[غلاو94وي]

بنات شفيكم تهاوشتوا الله يهداكم ترى هالمسائل يحكمها العادات والتقاليد والافكار وكل راضي بحاله فماله داعي نتهاوش

 

[خـرافـيه]

رد : @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

لا اله الا الله
يبا من عمر وهذي الكويت بعاداتها وتقاليديها
ترى كلنا عيال قريه وكلن يعرف اخيه مدري ليش تحسسوني ان أول مره تعرفون هالشئ !!
ترى أغلب الناس يرضون بالرؤيه الشرعيه بس بسكات وهذا حق شرعي مامنه خلاف بس تبقى العادات عادات
المهم كلن ينام على الجنب اللي يريحه لازم التفنن بالرود ويعنني حدي متفتحه ومتطوره ​

 

[ضاقت علي دنياي]

بنآت لآ تخربون الموضوع ،،

كل وحده تحتفظ برآيهآ لنفسهآ >> مآنبي هوآش ..

اللي تدخل تقول عن موقفهآ بس جزآكم الله خير ..



انآ شفته بالتحآليل ومن الخوف والرهبه مآ شفت وجهه عدل كنت منزله راسي من الحيآ هع >> بس اكيييد هو شآفني..

بس هآذي المره اللي شفته فيهآ ..



ومشكووره حبيبتي على الموضوع ،،

 

[مليت من الاسامي]

انا تمنيت اشوفه ليلة العرس
بس شسوي عاداة اهل زوجي غير واحنا غير اصلا ماصار له طعم العرس كل يوم والثاني جاي ناط عند باب بيتنا ايام الملجه صج اهي احلى الايام
بس زي ماقالت ساره الكوتيته بعد العرس اطعم واحلى

 

[ركاب الأصايل]

والله انا صار فيني فلم طبعا النظره الشرعيه جايزه وكل اهلي ماعندهم مانع يشوفي واشوفه
بس اخوي الكبير مارضى عنده معتقدات بصراحه خاطئه ماحبيت ابدا اناقشه ليش وشمعنه ولا اهلي كلموه هذا كله قبل الملجه
طبعا خطيبي وصله الخبر وقعد يحوس الايشوفي وشلون خواته وامه قالوله يبا والله البنت حلوه خلاص ارقد وامن بس اهوا مارضى
وجت اخته وقالتلي يبي صوره لج طبعا انا مااعترضت ابد لان هذا من حقه الشرعي وانا لاتشوفوني ايدي على قلبي
قلت لايكون موجايبه صوره حق اخوها بس الحمدالله عطتني وشفته اما بعد الملجه لاكان يشوفي واشوفه واكلمه عادي بس موكثير مرات من عيد لعيد حده كان حاقد على اخوي:lkmnkl: وبسسسسسسسسسسس طولتها عليكم:balo:​

 

[حور العيون]

رد : @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

انا شايفني بالفحصص حفظني حفظ من كثر مايخز خز لوووووووووووووووووول

وانا طووول الوقت اما اطالع الأرض او الطووفه << شكوووووو


اما انا بيني وبينكم اطالعه من تحت لي تحت

 

[So0oKaRa]

شلون اتزوج واحد انا مو شايفته ولا قاعده معاه؟
لازم ايي مع اهله واقعد معاه على جنب بالصاله وجدام الكل
نتكلم مع بعض اشوف نتوالم ولا لا
مو على طول زوااااااج
وهالشي حلال مو حرام
انا ريلي يه مع اهله قعد عالجنب بالصاله ورحت قعدت صوبه وتكلمنا يوم طلعو قلت لاهلي ابيييييييييييه

 

[الحبوبه الطيوبه]

انا رغم ان الشكل يهمني الا اني ما احب رجال يشوفني بس اختي الكبيره الله يخليها لي
شافته وقالت مزيون وطويل اهم شي مايكون جيكر وقصير الحمدالله طلع علي مزاجي هههههههه

 

[Doodoo.star]

انا مشفتة اله لما رحنا شقتنا يعني تقريبا ماقدرت اشوقة عدل مدل اله ثاني يوم من العرس
عاد مااعرفة وماعندي صورة له ولا شي
وعلى الكوشة خواتي شايفينة ويقولولي باذني حلو فتوقعت انه حلو على ذوق خواتي يعرفون ذوقي
بس لما شفتة عقب العرس انصدمت
بس عقبها بجم يوم تقبلت شكله
اهو شكله صدمني اثاريه تعبان ومرهق وماكان ينام والقل الي مسويه لعمرة مو شي عليه لما غير شواربة صار شكله احلى بوايد
وخلاص متقبلته تراه و جيكر حلو بس مشكلته الضعف

 

[Doodoo.star]

بس تدرون احلى شعور ودي اعيد لحظة عرسي

 

[magnolia]

احنا عندنا ضروري النظرة الشرعية >>>>>>>>>و هذا شي سمح لنا الاسلام قبل عاداتنا و تقاليدنا

شفته بالنظرة الشرعية و كنا اثنينا مستحيييييين لان ماشاء الله امي و و امه و اخوي موجودين حده احراج و بس شفت جسمه و شكله ككل

بعدين الله يخلي الفحص قبل الزواج اللي خلاني اتمقل فيه عدل مدل <<<<<<<<<فديته و اهوا ما شاء الله ما قصر اشكره طايحله خز فيني :tek:

 

[al-musk]

الله يعين الي ماشافوهم صراحه احس قمة المحاتاة وخوف من المجهول

 

[عالمي المجنون]

يوم الشوفة ماشفته بس لمحته لمحة سريعة

لاني كنت مستحية حدي ولمحت شيين

الاول دشداشته والثاني حلجه كان عود

loo0ool

وخطبتي طولت تقريبا 3 شهور بس خطبة

لا شفته ولا شي اللهم اهو الي شايفني

وبعدها بالفحص شفته وتمقلت فيه عدل مدل

لاني كنت لابسة نظارة شمسية وشفته بعدها بالمحكة يوم ملجنا

عاد بعد الملجة شبعت منه فديت عمره كل يوم عندي الله يخليه لي

 

[عالمي المجنون]

اي نسيت اذكر احاسيسي اول ماشفته

طبعا من الحيا والمستحى مارفعت راسي

حفظت الكاشي مالنا حتى لي درجة خالته تقولي

شوفيه ترى من حقج وانا ابدا ولا رفعت راسي يتني البجية

اول ما طلعوا امة دقت قالت الصبي يبيها عاجبته وانا بعد اسبوع

عليهم الاوكي لاني كنت موشايفته وخايفة ع انتاجي

loo0ool

 

[الفجِر]

قبل العرس شفته عآدي ولد عمتي متعوده عليه
الله يوفقكم بنوتات ..

 

[:: Diva ::]

يا حلاة ديننا
و يا حلاة شرع رب العالمين