@@شفتي ريلج قبل العرس ولا بعد العرس !! شلون و شنو شعورج تعالوا ندردش@@

[Zen&7ala]

رد : @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

والله انا الصراحة بالخطبه شفته و قعدنا انا و امه و امي و تميت ربع ساعه فصلني تفصيل و انا شفته بس شوي

وراها ملجنا بعدها بأسبوع

و بعد الملجة بأسبوع كل اسبوع اشوفه يزورنا بالبيت او نطلع نتعشى بره لي يوم العرس !! الي اهو بعد الملجة اب سنه

و الصراحة اتوقع واايد احسن !! و حتى حفله ملجه سويناها بعد الملجة ب8 اشهر !!

صج احسن لان خذيت عليه و خذى علي يعني استانسنا بالحفله و علقنا و ضحكنا مو بس شكل و بس يعني نجامل الناس احنا معاريس !!

لازم احنا الي نفرح و معروف احلى ايام ايام الملجه !!

و صج كانت ايام عجيبه يعني الحين بس نقعد نتذكر و نضحك و يوم العرس يعني شي ثاني طبعا

يعني ممرتاحه و عارفه منو ريلي و شلون لما يدش شنو شعوره لاني عارفته عدل !! مو ريلي بالاسم ما شفته ولا قعدت معاه

الصراحة صعبه حيل صعبه !!

و اصلا بالخطبه نظرة شرعيه و بعد الملجه خووو ريلي بعد يعني عادي اطلع او يزورنا بحدود و بعاداتنا و تقاليدنا

احسن والله و كل شي بالشرع و الدين حلو و عدل

و الله يتمم علينا يا رب انشالله و يرزق الكل

و سبحان الله كل انسان و رايه و نظريه و راحته الشخصية

 

[الـزين و الجـود]

رد : رد: @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

السلام عليكم

اختي الواحد اذا بقول رااايه او حتى بعلق يختار تعليقات افضل من جذي (( في بعض الناس تخلف فيهم الله يعين )) !!!

ليش تخلف مو كل واحد حر شنو يسوي

يعني انتي تشوفينها تخلف وناس تشوفها عادات وتقاليد


وحلات البنت بحياها ويشوفها بعد العرس

عشان ماتصير مصاخه ,يكون متشفق عليها مو مال منها وعارف كل شئ وتصير واحد من الربع

وانا من وجهي نظري احسسسسن بعد العرس والله ترتاح

وياحلات عاداتنا وتقاليدناااا

كلامج عدل وعين العقل :eh_s(15):
انا اعرف وشفته من اهلي اهو بس من خطبني لين تملكت ماشفته >> حتى يوم رحنا نحلل عيوون ماشتلهم من الارض >>> ذبحها الحيا
:eh_s(22):
الله يستر يوم العرس شبيصير :eh_s(16):​

 

[ام غازي الصواغ]

انا شفت زوجي بالخطبة يعني النظرة الشرعية وبعدها ما شفته ولا كلمته لي يوم العرس
انا ما افضل تكون في علاقة بين الزوج وزوجته قبل العرس
راح تطيح الميانة ويوم العرس محد بيستحي من الثاني
اما اذا كان بعد العرس بتكون لها طعم وجو ثاني
وشكرا عالموضوع الحلو

 

[زهرة الخليج 81]

لا انا كلش مااايد ان الوحدة تتزو. واحد ماشافته ولا شافها ابد انا الحمد الله شفته وشافني لوما هذا جان قمت احاتي شكلة ولا احاتي ان شكلي مايعجبة
الشوفة الشرعية اصلا اهيا تنزل بينهم ااقبول واو الرفض يابا بنات جميييييلات بس بالشوفة مايتقبلها الريال بهالحاله اشوالها ولا يتزوجها ةيخلص وتالي مايتقبلها
الللللللمهم الله يتمم على اليميع ويرزق بنات الحلال *

 

[زهرة الخليج 81]

لا انا كلش مااايد ان الوحدة تتزو. واحد ماشافته ولا شافها ابد انا الحمد الله شفته وشافني لوما هذا جان قمت احاتي شكلة ولا احاتي ان شكلي مايعجبة
الشوفة الشرعية اصلا اهيا تنزل بينهم ااقبول واو الرفض يابا بنات جميييييلات بس بالشوفة مايتقبلها الريال بهالحاله اشوالها ولا يتزوجها ةيخلص وتالي مايتقبلها
الللللللمهم الله يتمم على اليميع ويرزق بنات الحلال *

 

[زقرتيه]

لوووول شقته قبل الملجه كان شي يضحك لاني كنت حيييل مستحييه

و اهو جرررئ يتحرش و يقوولي قربي يميي طبعا انا جذي @@ و بس من الباجريه فحص و بعدها بسبوع ملجت و تو ماصارلي بس اسبوع و جم يوم

 

[زقرتيه]

اقوول ساره كويتيه شتحجيين انتي من صجج @@ اساسن هذا حق شرعييي و من ايام الرسول لما ياله الصحابه فا قاله الرسول عليه الصلاة و السلام (( انظر إليها فإنه أحرى أن يودم بينكما ))


ولوول شنو عالعقليه الصغيره يعني اصير واحد من الريع

و لنفرض ماشفتيه و بعد العرس يعني ماتصيرين واحد من الربع

دااااااااااااااااااااااااااااه

 

[Zen&7ala]

رد : @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

الله يتمم عليج زقرتيه انشالله


اي والله اصلن شرع انه يشوفج و الله ما حط هالشي الا لان افضل و لان سبحان الله لما يشوفها قبل الزواج اهيا ترتاح له ولا لأ لان ربج الي ينزل عليج الراحة بهالوقت

الله يهدي الجميع !!! ما اشوفه لي يوم العرس !!! شلون ما اعرف شكل المعرس !! العروس ما تعرف شكل المعرس يوم العرس @@ عيل منو يعرف !!

 

[كبـــريـــاء]

انا ملجت و ما شفته بس بالفحص لمحته عالخفيف
بصراحة انا مستغربة ليش جذي عاداتنا ؟ يعني ما له داعي بعد خلاص صار زوجي معقولة بنطره ليوم العرس
ادري شي يحر بس شسوي ؟
الموضوع يرجع للعادات و التقاليد مو اكثر

 

[Zen&7ala]

رد : @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

عدل يا كبرياء و اهو لاهو عيب ولا حرام بس لازم هالعادة تتغير ترى والله

 

[يـــا بعدهـــم]

مـآلجة صـآر لي أكثر من سنة ومـآ شفته إلآ بصورة قبل الملجة بجم يوم

،

بالنسبة لأهلي عـآدي بس أهله هم اللي محـآفظين أكثر على موضوع عـآدآتهم عششآن هيك مآ حبينـآ نجيب لهم طـآري بخصوص الرؤية الششرعية

 

[اميره1980]

انا شفته بالنظره الشرعية و قعدت وياه و طحنا سوالف لووووووووووول
قام يسألني و أساله و الرهبة خفت وايد مع اني قبل لا يخطبني كنت رافضته من الاساس لان متين وايد و قلت بس بتطمش و امشي بسسسس
شوفو النصيب ارتحتله وايد ووافقت مالت علي زيييييييييين لووووووووول
شفته مره ثانية الاسبوع اللي فات لمن فحصنا قبل الزواج و بعد ما اسحبو مني دم شرا حقي عصير برتقال فرش و قالي تفضلي بعد عمري

انا بايعتها كلمته بالتلفون بعد لان كنت بسأله عن شغله مهمة و كلمته بموافقة اهلي
ادعولي تطلع النتيجة علشان املج و افتك و اقرق وياه على كيفي بالتلفون و اطلع وياه بعد

 

[زقرتيه]

الله يوفقج "اميره" ياقلبيي و انشالله تطلع النتيجه و تصير الملجه وتطلعيين ويااه و تهنيين ياارب

 

[addict to me]

انا مو متزوجه بس بقولج النظام الي تقريبا ماشين عليه احنا واهلنا

لمن تتصل ام المعرس على ام العروس يسألون العروسه اذا تبي

بغته اوكي ما بغته يقولون ماكو نصيب


اذا في نصيب يحدد وقت العروس والمعرس يشوفون في بعض بره البيت

يطلعون طلعه ام المعرس مع المعرس وام العروس مع العروس

يروحون اي مكان راقي مطعم او كافيه في فندق او اي مكان نوعا ما مو مزدحم (يعني مايروحون موول)

بعدها اذا وافقوا تتوالى لوول حلوة تتوالى الزيارات لبيت العروس فتره الخطبه لين وقت الملجه
يعني يوم المعرس يتغدى في بيت العروس يوم يتعشى تلفون جذي بس مايطلعون بره البيت

وبعد الملجه يصير طلعات تجهيز وجذي وبس بعدين العرس يكونون متعودين عدل على بعض

مو خذوه فغلوه

 

[7o0o0r]

رد : رد: @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

السلام عليكم

اختي الواحد اذا بقول رااايه او حتى بعلق يختار تعليقات افضل من جذي (( في بعض الناس تخلف فيهم الله يعين )) !!!

ليش تخلف مو كل واحد حر شنو يسوي

يعني انتي تشوفينها تخلف وناس تشوفها عادات وتقاليد


وحلات البنت بحياها ويشوفها بعد العرس

عشان ماتصير مصاخه ,يكون متشفق عليها مو مال منها وعارف كل شئ وتصير واحد من الربع

وانا من وجهي نظري احسسسسن بعد العرس والله ترتاح


وياحلات عاداتنا وتقاليدناااا

انا مع سااااارونه كلاامهاا عين العـــقل
وكلـــن له عاداته وتقاااليده وملزوووم فيهاا

 

[just my]

رد : @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

والله انا شفته بطبيب حق تحليل ماقبل الزواج

 

[mi corazon]

للأسف الشديد يابو وقعدوا جدامي ولا قدرت اشوفه من الفشله مادري شفيها راسي انتكست

صج بنات يوم الفحص نشوفه؟

 

[عالمي المجنون]

لبسي نظارة شمسية

بتشوفيه وبتمقلين فيه عدل مدل

 

[shyoooma]

رد: رد : @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

والله انا الصراحة بالخطبه شفته و قعدنا انا و امه و امي و تميت ربع ساعه فصلني تفصيل و انا شفته بس شوي

وراها ملجنا بعدها بأسبوع

و بعد الملجة بأسبوع كل اسبوع اشوفه يزورنا بالبيت او نطلع نتعشى بره لي يوم العرس !! الي اهو بعد الملجة اب سنه

و الصراحة اتوقع واايد احسن !! و حتى حفله ملجه سويناها بعد الملجة ب8 اشهر !!

صج احسن لان خذيت عليه و خذى علي يعني استانسنا بالحفله و علقنا و ضحكنا مو بس شكل و بس يعني نجامل الناس احنا معاريس !!

لازم احنا الي نفرح و معروف احلى ايام ايام الملجه !
و صج كانت ايام عجيبه يعني الحين بس نقعد نتذكر و نضحك و يوم العرس يعني شي ثاني طبعا

يعني ممرتاحه و عارفه منو ريلي و شلون لما يدش شنو شعوره لاني عارفته عدل !! مو ريلي بالاسم ما شفته ولا قعدت معاه

الصراحة صعبه حيل صعبه !!

و اصلا بالخطبه نظرة شرعيه و بعد الملجه خووو ريلي بعد يعني عادي اطلع او يزورنا بحدود و بعاداتنا و تقاليدنا

احسن والله و كل شي بالشرع و الدين حلو و عدل

و الله يتمم علينا يا رب انشالله و يرزق الكل

و سبحان الله كل انسان و رايه و نظريه و راحته الشخصية

والله كلامج عين العقل والله ,,

اناا اول الايام كنت رافضه هالشي بس لما فكرت فيه عدل .

قلت ما يصير انطر لين العرس . لازم اعرفه و يعرفني , عشان على الاقل تروح رهبة الخوف وتوترت شوي ..

بس اكيد مهما صار . يوم العرس راح يجيني الحيا لو شنوو ..

بس انا ابي اطلع معاه و يكون بينا تليفونات , بس ابوي وامي يقول لاء , ليش عشان لا يمل منج و يزهدج . الصراحه انا مو مقتنعه بكلامهم كلش , ويارب يصير الي بالي ..

انتو بس ادعولي

ملجتي يوم الخميس , يارب يقنع ابوي وانروح نتعشى بره :$

 

[Do I Care]

رد : @@شفتي ريلج قبل العرس ولا بعد العرس !! شلون و شنو شعورج تعالوا ندردش@@

من العايله
عارفين بعض