شفط وشد اشرف عبدالقادر

[عليا89]

السلام عليكم

بنات شلونكم

نرجوسه وغنوجه ودارين وكل اللي كانو معاي وجاوبو على اسألتي احبكم وانتو خواتي

ابشركم سويت عمليتي الحمدالله بس تعبانه حيييييييييييل والله

شفط بطني وضهري وزنودي يعور
وشد الفخوذ هم يعور
سويتها امس الساعه7 بالليل وطلعت 11 ونص


وللاسف من الخرعه الدوره نزلت علي

تكفوووون ادعولي والله تعبانه حيل

وانشاءالله بس احس اني زينه بكمل واجاوبكم

دعواتكم

 

[ii DareeN ii]

الحمدالله على سلامتج الله عداج الشر الحمدالله اهم شي انج طلعتي من البنج بس تستصحين نبي التجربة كاملة عشان نتشجع

 

[عليا89]

الله يسلمج دارين

انشاءالله بس اصير زينه اكتب التجربه
الحين تعبانه حيييل

 

[انوثتي غير وياك]

الحمدالله على سلامتج

ماسويتي شد بطنج ؟؟

وأي مستشفى ؟؟

 

[omsalooom@hotma]

اختي بتج عام ولا موضعي وهل يسوي عمليات شفط ببنج موضعي

 

[طير الحب]

الحمدالله على سلامتج

 

[عليا89]

الله يسلمكم سويت شفط بطن
وبنج عاام اكيد
والحمدالله كل يوم اتحسن

 

[أأأميرة الورد]

الحمد الله على سلاااامتج

 

[ماريه القبطيه]

حمد لله على السلامه

اهم شي وين الخياط بالفخوذ؟ يبين ولا لا؟
ودي اسوي شد فخوذي وزنودي بس المشكله مابي يبين الجرح

ناطرينج يا عليا ..شو حلوين عيونج ... كما غنت فيروز

 

[كسوووووف]

حمدلله على سسلامتك اختي.... انا ان شالله بروح الخميس لدكتور اشرف .. بس محد يرد علي .. استقبال عيادة بو شهري؟؟ صح هو فيها ياليت اختيرقمه الخاص انا من السعوديه وابي اجي عشانه اخاف يكون الخميس مسافر ولا شي ....

 

[sweet lady]

الحمدلله على السلامه
وبالنسبة للاخت اللي سالت عن الدكتور يوم الاثنين مسافر ويرجع ١٣|٧
لاني بغيت اروح استشاره

 

[n00nah]

حمدلله علي السلامه عليااا
والله يقومج بالسلامة ان شاء الله

أنا كانت عمليتي يوم الثلاثاء الساعه خمس العصر واستمرت اربع ساعات في مركز الزهير الطبي

 

[عليا89]

ماريه القبطيه هههههههه فديتج

خياط الفخذ فوق صوب العانه يمين ويسار الخط اللي داخل

ومن ورا تحت الخلفيه الخط مخشوش

للحين ماشفت الجرح اللي جدام بس شفت اللي ورا حمدالله حلووو وراح يفتح

وعبالي الخلفيه ع قولته عملتلك برازيليه هههههه
دكتور يهبل والله واخلاق ومحترم وطيووب وشاطر حيل

انشاءالله الاربع اروح اغير ع الجرح واقوولج شكل الجرح شلون صاير

اما بالنسبه للزنود كنت بسويهم وخلاص بس شفت وحده بالعياده مسويا زنودها
والله بنت الحلال الله يوفقها خذتني الحمام عزكم الله ورتني شكل الجرح

موحلووو ابد مشوه ما انصح للزند

انا مترهل زندي بس شفطت شووي منه عشان لايترهل زياده

والله يعين

 

[عليا89]

كسوف بعد عمري الله يسلمك فديت قلبك
الدكتور صح مسافر الاثنين
دقي اخذي موعد من عنده ع الاسبوع الجاي

عاد لمن رحتله العياده لقيت والله ناس من السعوديه جاين عشانه

الله يوفقج حبي

 

[عليا89]

منوووشه حبيبتي شلونج الحين طمنينا عنج

انا عبالي انتي معاي نفس اليوم
انا عمليتي كانت الخميس من الساعه ٧ للساعه ١١

 

[عليا89]

يالله بنات بقولكم التفاصيل

عمليتي كانت شفط وشد الافخاذ
وشفط ضهر وبطن وخواصر والزنود

رحت يوم الخميس الساعه ١١ طبعا طول الطريج انا سااايلنت ماتكلم من الخرعه
صعدت الغرفه ونطرت الدكتور للساعه ٥
نزلوني غرفة العمليات ٥ ونص

دش الدكتور الساعه ٦ ونص خطط وخلص وقعد يضحك معاي
قتله دكتور ابي اتفخ شفايفي قالي يا ارشانه ليش ماقلتيلي بالعياده ههههههههه

المهم كان طاقم دكاتره روووعه ودكتورة البنج عسل بالسلام

كانو اربع دكاتره
اشرف
واحمد حجازي
ومحمود
ومصطفى

ياحليلهم والله دكاتره طيبين وشاطرين
المهم ماوعيت الا وسيتر تقولي فنش عمليه

استانست بس شنو عوار
قمت اصرررررخ حييييل ابي منوم اقولهم
نوموني
ولا اطلع الاقي امي واخوي وامسك ايد امي اشمها فديت روحها ميته بجي كانت
الله يطولي بعمرها

صعدت فوق ولا اختي تقولي شهالبراط يالطقاقه مسكينه تبي تضحكني
واقعد اصرخ وابجي اقولها لاتضحكووون علي. واصرخ ههههههههههه
ترا والله الواحد مايكون بوعيه ومايدري شيقول

المهم عوار موصج كان
انام واقوم انام واقوم اول يوم
ثاني يوم الدكتور كان عندي بالليل يشوفني ويخليهم يشيلون بربيش البول عزكم الله
الدكتور يلهيني يكلمني والسستر تشيله

روحي طلعت والله يمااااااا يعور

المهم مسكني عشان يمشيني ويقولي اليسا ههههههه ضحكت انا عاد استانست شقيت الضحكه

مشيت ورديت غرفتي نمت ريحت
اليوم الثالث قالو تقدرين اطلعين
بس امي قالت خلج عشان مسكنات هني وعنايه العوار بدا يخف بس صارتلي التهابات تحت من الكورسيه يغث

ودكتور عسل اسمه محمود اهو غيرلي ع الجرح مرتين
بس صج تعبت من روحة الحمام
والغازات كانت فضيعه
ولايعه جبدي مادري ليش ما اطيق الاكل

اليوم الرابع طلعت حمدالله اللي اهوا اليوم
خلصت اوراق الخروج امي وطلعت

العمليه الدكتور خذا ١٨٠٠
والمستشفى ١٤٠٠
يعني توتل ٣٢٠٠

وسلامتكم

 

[ii DareeN ii]

عاشت اليسا حمدالله على السلامة مرة ثانية بسالج شلون الم شفط البطن والظهر اهو اكثر ولا لفخوذ ولزنود

 

[عليا89]

هلا والله بالغاليه دارين فديتهااا انا

انا اقولج شفط البطن كان شفط عادي يعور والله اول يومين
يعني كنت اصرخ وابجي من عوار بطني اول يومين مو من شد الفخوذ

اما شفط الضهر والزنود كانو فيزر
عواره خفيف اول حيل

وفخوذي ماحس بشفطهم لان احسهم مشدودين اكثر وماشفطت فخوذي ترا

واي سؤال انا حاضره
فديت خواتي والله

 

[كلـــــي غنج]

عــلويتي

الحمدلله عالسلامة فديتج

كلووووووولووووش مابغينا ,,

اهم شي انج مرتاحة ومستانسة والنتيجة بتفرحج يارب

طمنيني عنج احسن ان شاء الله .؟؟

وشلون سكل بطنج ؟ مسموت ؟؟

عندي تعليق على كلامج بخصوص البنت الي ورتج زنودها ..

جزاها الله خير ..

والله انا زنودي الجرح ضعيف حيل ..

وموبين الا خط لونه وردي

اما ايدي اليمين شوي اغمج .. ومبين اثر جم غرزة


بس بشكل عام مو واضح ولا مشوه ايدي ..

واساسا مايبين الا اذا رفعت ايدي بس ,,

الدكتور شاطر ومسوي الجرح بمكان رفعة الايد

وعموما انا لو كان الجرح شنو بيكون شكله

مضطره انو اسوي الجرح طولي

لان ترهلي كبير ,,

انا وزني قبل التكميم كان 130 والحين الحمدلله 68

شوفي جم مطيحة واحسبي عاد شكثر مترهل زندي

يعني الشاهد من الموضوع لو شنو يكون شكل الجرح
ولا تكون ايدي مافيها جرح بس الجلد يترطرط وهم ضعيفه وهم ماقدر البس كت ولا حفر

فهمتي علي غلاتي ..؟


الحمدلله على سلامتج مرة ثانية

ان شاء الله دكتوري اروحله اذا رجع من السفر
ماشافني من سويت العملية ..

بس ثاني يوم العملية مر علي


عقبها كل مراجعاتي عند حجازي

الله يسهل يارب

 

[عليا89]

الله يسلمج غنوووجه

فديتج والله

مو مرتاحه حيييل للحين ماقدر امشي عدل وروحة الحمام صعبه

اما البنت اللي ورتني جرحها والله ياغنوجه شفتي الشفايف شلون جنها شفايف مخيطه لازقين ببعض والله ومتين الجرح بارز مو مسطح ع الجلد
عاد انا بلعت العافيه قتله بكنسل الشد بس شفطلي من الايد وقالي ماشفطت واجد عشان لاترهل ايدج زياده

للحين ماشفت شي الا الجرح اللي ورا الخلفيه اختي صورته لي اما الجرح اللي جدام عند الفخذ ماشفته


بس غنوجه لمن انام ع ضهري احس ضهري فيه ماي يتحرك او شي يتحرك مادري شنو
وبطني للحين متفووخه ماحسيتها راحت