شفط وشد اشرف عبدالقادر

[عليا89]

غنووجه رحتله اليووم

وشاف الجرح قالي عاادي لو طلع منج دم خفيف مو مشكله نطري راح تلاقينه مسكر

بس ماعجبني بسرعه بسرعه شااف وطلع والسسترات كملووو

 

[كلـــــي غنج]

اي عادي يمكن مشغول

انا اصلا الي شالت لي الغرز السستر لا اهو ولا د اشرف

كنت مكلمه اشرف فون وقال تعالي 7 المغرب قلت اوكي

رحت ولا مو موجود وأحمد كان مسافر قلت للسستر وينه انا مكلمته قالت صارله ظرف طارئ
واضطر يطول بالعمليات عاد دقيت عليه وكلمني وقلت له السستر تقول انا اشيل لج الغرز

قال اي عادي اهي يمج عطيني اكلمها اوصيها عليج
وكلمها ووصاها وقالها تكتبلي جل استخدمه

وفعلا شالت الغرز وسهالات من ربي كانوا اغلبهم ذايبين ووحده بس الي قصتها والباجي من تسحبها تطيح

عادي لاتحاتين ..

والجرح اذا مو امأذيج واهو مهوي جذي خلاص خليه

والله انا اذاني وماتحملته وحطيتله بلاستر اما اذا انتي ما يعورج خلاص خلج على كلامه

وان شاء الله ماكو الا العافية

خف الانتفاخ ؟ شلون شكل بطنج

 

[طير الحب]

انتم السابقون ونحن اللاحقون

الله يوفقكم وتطلعون مثل ما انتو متوقعين

 

[~Swan~]

عليج بالعافيه اختي..

ما يسوي خياط بالكبس؟ يعني تجميلي...

 

[كلـــــي غنج]

طير الحب ..

مشكورة حبيبتي ..

...

علوي باخذ مكانج هههههه عادي امون عليج

سوان .. اهو الخياط يسويه لج تجميلي وكبس

بس مو الكبس المتعارف عليه الي اهوا يصير الجرح جذي --+--+--+--+--

يعني مو الجرح جذي ----------------------- والغرز العكس لا الكبس يكون على طول الجرح

يعني الجرح جذي -------------------- والغرز بعد جذي بمستوى الجرح

مادري اذا واضح وصفي او لا ..

هذا كلام دكتور احمد لما سألته عن طريقة الغرز

وبالنهاية هذا جلد ولازم تبين فيه الاثار سواء خياط تجميلي او عادي

حتى الحبة لا طلعت لنا وراحت بيكون في اثر ..

موفقه ..

//

سوري علوي مرة ثانية

 

[~Swan~]

كلي غنج

فهمت عليج شرحج واضح جدا

انزين اتهقون الاثار تروح بالليزر عقب؟ يعني بعد العمليه بست شهور مثلا اروح واسوي ليزر تجميل في عيادات تشكثر حق تجميل البشرة.. مثلا لما تروح الوحده تبي تخفي الاثار الندوب والعلاامات اللي بالويه والجسم
ولا الليزر يشكل خطر على منطقة الجرح ؟؟؟؟

لان ما يصير نرقع بعمرنا ويطلع لنا شي يديد..

انا ترهلي بسييط جدا حتا محد يلاحظ الا اذا دقق !
بس متضايقه انا نفسيا مو مرتاحه ولا مقتنعه .. ابي ثقتي بشكلي تزيد

ومشكوره حبي ما قصرتي :*

 

[كلـــــي غنج]

شوفي حبيبتي سوان ..

انا الدكتور قالي اني اقدر اعالج اثار الجرح بالليزر مستقبلا

بس قالي نقطة مهمة جدا

قال جلد عن جلد يفرق يعني ..

في بنات بس بالكريمات يخف الاثر وفي بنات يروح الاثر ..

وفي ناس يخف الاثر من غير لا كريمات ولا شي ..

وفي ناس يسوون ليزر ويخف بس مايروح .. وفي ناس يسوون ليزر ويروح ..

وفي ناس يسوون ليزر ومايروح ولا يخف ويتم الاثر اهو اهو..

يعني بالنهاية نوعية الجلد اهي الي تتحكم بالاثر ووجوده من عدمه

واساسا في ناس جلدهم يكون الاثر فيه قوي وفيه ناس خفيف ..

علوي ذاك اليوم تقول شافت زنود بنت بالعيادة والجرح بارز وصاير ندبة

انا جرحي بس لون مع انه نفس العملية ونفس الدكتور

الشاهد من الموضوع بالنهاية جلد عن جلد يفرق ..

العفو حبي ماسويت شي نعين ونعاون ..

انتي وين منطقة الترهل عندج .. يمكن مايحتاج جراحة اذا تقولين خفيف ؟؟

 

[~Swan~]

اهااااااا فهمت

تعبتي وانتي تشرحين يطعيييييج الف عافيه شرح كافي و وافي
وانشاالله الاثر اللي فيج يختفي وكأنج ما سويتي عملية :*******


انا عندي ترهل بالفخذين
رحت حق دكتور بطيبة كلينك قبل عرسي بشوي و قال لي ترهل بسيط ويروح بعملية

بس ما سويت قلت بسأل عن احسن الدكاترة واروح وصار عرسي وحملت وأجلت الموضوع وللحين افكر بنفس الموضوع وناويه اسوي العملية بعد الولادة انشاالله
تعرفين متزوجه وابي شكلهم يكون حلو يعني
كلما اشوف بالدعايات بنات حلوين واجسامهم مشدوده شد احتر وافكر بنفسي لوووول

 

[كلـــــي غنج]

كتبت رد شطوله وانمسح وااااي

يالله برد اكتبه

 

[كلـــــي غنج]

اول شي

الله يعافيج وماسويت شي اخت عزيزة وغالية ,, وإلي بخاطرج سأليه

ثاني شي ..

على كلام علوي تقول الجرح مو واضح الي صوب المؤخرة

والجرح الي صوب خط البكيني للحين ماشافته

وترا انتي ترهلج مثلها خفيف < على كلامها

يعني ان شاء الله بيكون جرحج مثل جرحها صوب خط البكيني

انا الدكتور قال لي لازم جرح طولي .. من خط البكيني لين الركبة

مو صوب البكيني لان ترهلي قوي

وترهل عن ترهل يفرق عرفتي شلون

ان شاء الله علوي ترد بالسلامة وتوضحلج اكثر عن تجربتها ..

مادري فقدتها من غير شر ..

عموما .. كل شي يبيله استشارة وصبر وتحوسين

مو خبط لزق .. وبما انج بتسوينها عقب الولادة

قعدي حوسي الحين وسوي استشارات لين تولدين بالسلامة ان شاء الله

الله يسهل عليج يارب وتولدين بسهالات ..

اذا ولدتي بالسلامة ان شاء الله لاتنسيني من دعائج ..
سامعه انه الي تدعي واهي تولد دعائها مستجاب بإذن الله

بالتوفيق وأي سؤال انا بالخدمة :******

 

[كلـــــي غنج]

علوي وينج فقدتج .. من غير شر

طمنيني عنج ..

...

وحتى نرجس فقدتها ..

..

الله يحفطكم من كل سوء ومكروه وتردون بالسلامة :*

 

[عليا89]

غنووووجتي حبي انتي لج وحشه والله

يبا الموضووع وراعيته كلنا لج

يووما فدييتها اللي ترد ع البنات بمكاني
ههههههه راعية واجب غنوووجتي

فدوه والله

 

[عليا89]

انا بخيرر حمدالله بس شووي حراره وانفلونزا تعبتني زياده

بالنسبه للاخت سووان
شوفي انتي مثل اختيً

انا بقوولج اذا ترهلج خفيف مايبين حيل خليه
اما اذا نفسي جلد طاايح ع الفخذ وماتقدرين تلبسين
سوي عمليه

والله انا تعقدت من زنودي وفخوذي المترهلين اذا لبست مايبين بس خل افصخ يبوووي جلي جلي ههههههه لازم البس هيلهووب تحت اي نفنووف كنت البسه عشان يلمهم
بس الحين شديت فخوووذي مكان البكيني نفس ماقالتلج غنوووج

يمين ويسار فووق بالعانه
وورا تحت الخلفيه يكوون في خط تحته

بس لاززم تقبلين شكل الجرح
راح يكون معاج طوول عمرج

فكرري يا جرح ياترهل
انا قلت جرح ولاترهل

وانشاءالله شوي شوي يخف الاثرر
استخيري انتي واي سؤال انا حااضره

 

[كلـــــي غنج]

بعد عمري ,,

ماتشوفين شر ان شاء الله .. وأجر وعافيه يارب

طمنيني عليج ان شاء الله الحين احسن ..

...

حبيبتي انا قلت جذي بعد

امون على اخيتي علوي .. بعد قلبي علويتي فديتج:*

 

[عليا89]

هههههههههه اي والله تمونين ع روحي بعد

ها بشرينا عنج شلونج راضيه بالنتيجه وشلون جروحج
انا جروحي شووي شكلها معور قلبي بس فخذ مشدود

وزنودي تغيرت والله بس موووحيل وفوق الكوع فيني تفخه

اما ضهري وبطني للحين مافي تغير

 

[taybaa]

حمدلله على السلامه ومبروك على اللوك الجديد

 

[~Swan~]

كلـــــي غنج + عليا 89

:eh_s(17)::eh_s(17)::eh_s(17):

حبايب قلبي والله تسلمووووووووووووون يعطيكم الف الف عافيه

اتضحت لي وايد امور كنت احاتيها

وعليكم بالعافيه العمليه
اهم شي تكونون بسلامة وصحة وعافيه راضيين عن نفسكم ومرتاحين نفسيا :eh_s(15):


والله الجرح عندي اهون من الترهل:eh_s(11):

وان شاءالله بس اولد اريح جم شهر واسويها


انا اكثر شي مدحولي اياه مستشفى رويال حياة عندهم طاقم التجميل اللي اييون دكاترة من برا ويسوون العمليات

بس مكلفة جدا

ومدحولي بعد الدكتور اشرف عبدالقادر

انزين آخر سؤال .. تفكرون تسوون ليزر عشان يختفي الاثر؟؟؟؟؟ او ما سألتو دكاترة عن هالشي؟
انا بشرتي وايد بيضا ومحافظه على توحيد لوني كل شي احط بس عشان لا تخترب بشرتي وافكر لو سويتها ومااختفى الاثر راح ييصير شكله مو حلو واتعب نفسيا خخخ

الا اني اسوي تان:bbbiu:يمكن ينفع والله لوول



تصدقون انا خايفه ان ريلي يعارض اذا ابي الدكتور اشرف لان ما يحب اروح حق دكاترة رياييل

حق ولادتي لزم علي ان اراجع عند مرا وتولدني مرا
هالمره اقوله تجميل....... هههه الله يستر بس



ومشكورين عليا وغنج والله كلامكم واسلوبكم وايد مرريح تدشون القلب :eh_s(22):صج حسيتكم مثل خواتي تنصحون وتفيدون :eh_s(17):

 

[كلـــــي غنج]

علويتي بعد روحي والله :***
والله الحمدلله راضية بالنتيجة تماما
ولو انو لازال في انتفاخ بالبطن بس يروح مع الايام ان شاء الله
بس خف عن اول حيل

الجروح مبينه وان شاء الله تخف مع الوقت
واذا ماخفت اسوي لها ليزر ان شاء الله او اي شي

ومع هذا مو ملوعين جبدي كثر الترهل الي كان فيني
اثر خط ضعيف ولا جلد يترطرط ويلوع الجبد جني عجوز


التفخة تخف مع الايام ماعليه يبيله وقت

انا الانتفاخ بلش يخف من شهر ونص او شهر و10 ايام هالحروة

كل شي يبيله صبر

بس التزمي بالكورسيه يساعد على تقليل الانتفاخ

وان شاء نتيجة ظهرج وبطنج بس يروح الانتفاخ بتبين جذي ماتقدرين تحكمين

حبيبتي الله يسهل لج يارب .. احبج

 

[كلـــــي غنج]

سوان

الله يعافيج ويخليج حبيبتي



والله انا بعد الجرح عندي اهون من الترهل والجلد الي يلعب يمين ويسار

وان شاء ترتاحين عقب الولادة وربي يكتبلج الي فيه الخير

بس جني سمعت الوالدة لازم تصبر 6 اشهر اذا بتسوي اي شي تجميلي
عشان الجسم يكون طبيعي 100% مادري هذا الي سمعته عاد انتي تأكدي
من الدكاترة انا مو متأكده

اذا انتي محتارة بين رويال حياة ودكتور اشرف استخيري ,,

واذا ريلج مو راضي شتسوين بعد اهم شي رضاه

الا اذا قدرتي تقنعينه ,, هذا شي ثاني

انا والله افكر بالمستقبل اني اسوي ليزر عشان يروح الاثر
بس مستقبلا اما الحين ماعتقد

لان زنودي كلش مو مبين الاثر الا اذا رفعت ايدي والبطن محد شايفها

وانا بنت مو متزوجة .. يمكن اذا تزوجت ان شاء الله اسويها

الاسبوع الي فات رحت عرس والناس منجنة بس تطالع بزنودي يدورون الاثر مو لاقين
وانا حدي واثقة بروحي جني ملكة زنودي رشيقة وبطن ممسوح اللهم لك الحمد مع تفخة خفيفه جدا الي اقول عنها


لان مثل ماقلت لج اثر زنودي مو باين الا اذا رفعتها وحيل مستانسة ..

بس بالمستقبل واذا صار الريل موجود اعتقد لازم اسوي الليزر


لووووووووووووووول سوي تان وتمي طول عمرج برونزية

لايبه اكيد لازم تسوين ليزر ,, خاصة انج تقولين بشرتج ماشاء الله فاتحه
ف ماراح تتقبلين شكل الاثر

انا عن نفسي متقبلته يمكن ليش اني بنت .. والبنت غير المتزوجة

يعني انتي عندج ريل ووده يشوفج بأحلا شكل


بعد قلبي الشكر لله ماسوينا شي انا وعلوي خواتج الي بخاطرج سأليه

موفقه حبيبتي

 

[عليا89]

طيبه حبيبتي الله يبارك فيج مشكووره