شفيج ما تصيرين جنة مثالية؟؟؟؟؟

[حبيبي مالكني]

رد : شفيج ما تصيرين جنة مثالية؟؟؟؟؟

انا اسوي الي ابي وظز بالباقي اهم شي هلي وريلي وعيالي

 

[Londoni]

رد : شفيج ما تصيرين جنة مثالية؟؟؟؟؟

استغفر الله العظيم و أتوب اليه

 

[فنكيه]

شكو فيهم سوي الي انتي تبينه

 

[امل يائس]

رد: رد : شفيج ما تصيرين جنة مثالية؟؟؟؟؟

سوي اللي يريحج وشكو تعطينهم من المعاش انتي قاعده تاكلين وتشربين من خير ريلج مو من جيبهم ريلج اللي المفرظ يعطي اهله مبلغ شهري عشان ساكن عندهم وهذا شي راجع له بينه وبين اهله انتي شكوووووووووو تعطيهم صج انهم ......

ريلج اذا طلعتو ودقو تليفون المفروظ يقول بنتأخر شكو تردون مبجر عشانهم

ونومت الظهر لابد منها انا ماعرف لازم بعد الغدا قيلوله الظهيره واللي مو عاجبه خل يفرش فراشه وينام اشحارهم نايمه على راسهم؟


واذا قالوا اليهال متعلمين الشي الموزين من اهلج قوليلهم شكرا جزيلا وشيلي عيالج وروحي دارج

وان صارت مناسبه سوي اللي يريحج ولبسي اللي تبينه واذا قالوا ليش مو كاشخه قولي الكشخه عليكم احلى

واذا قالوا ليش كاشخه ومفسفسه بالفلوس قوليلهم حبيت اتصدق على نفسي انا اولى بخير ريلي

يبا تدرين اشلون طلعي من بيت حمولتج احسن ههههههههههههههههه


الله يعينج لو شنو ماتسوين بظلين انتي الغريبه مثل ما قالوا الخوات بالمنتدى فعليج من نفسج

تدرين هالايام صايره البنت الي لا تبالي مطنشششششششششششششه
وبما اني اعرف الاشياء الي تضايقهم (مع انها اشياء طبيعيه لبس طلعه مثلا)
قمت البس و اطلع على كيفي عشان احرهم لان هم علموني على نقاط ضعفهم و الاشياء الي ترفع ضغطهم احس صايره شريره ههههههههههههههه

 

[{}{}{ سكرة }{}{}]

وااااااااااااااااي قطيعه ليش كل الخالات والحموات جذي

 

[للزين هيبه]

ياقلبي لو كل العالم مشت على كلام فلان وعلان وهذا يقول اني انا جذي وهذاك انا ماعجبته
وانا شسوي لازم اكون مثاليه عند اهل زوجي

:eh_s(10):

مرت عليج كلمة بالطقاااااااااق؟؟
لو العالم مشت على جذي جان رحنا وطي

بطقاااق الزم ماعليج نفسج حتى لو تسوووين اي شي كيفج

اهم شكوو؟؟؟
خلج واااثقه من عمرج ولاتحطين في بالج رضااهم لانهم مم هم الي خلقووج

عيشي حياتج وماعليج من احد

 

[G!RLooNa]

سحبي عليهم احلى سيفون

اهما شكو تردون بالليل الفير المغرب اهما شكو !!!

شكو تعطينهم من معاشج ؟؟؟ يعني اذا ودج تهادينهم مناسبه شي اوكي مني والطريج هاكم معاشي و مبلغ محترم بعد ؟؟ ما يبونج تخلين كرتج عندهم لا سمح الله

طوفي صج شي يقهر و يبط الجبد و يرفع الظغط و السكر بس طوفي سمعي من اذون و طلعي من الثانيه

و ردي عليهم ابرود و بدون قله ادب بس جعميهم شوي اذا قالوا ليش شريتي ليش حطيتي تلعبين بالفلوس قولي الحمدالله ما علينا قاصر ريلي مو مقصر علي واذا من فلوسج قولي معاشي عاد لو احرقه كيفي قوليها جنج تتغشمرين بس بيفهمونها

ما عجبهم لبسج و ميكبج لانه بسيط قولي جمال الشي ف بساطته شوفوا الاجانب شحلاتهم بعروسهم و حفلاتهم نعومه و انوثه مو اللي عندنا اللهم يا كافي تخرع الريل من التلطخ

ما عجبهم الاوفر و شغل الصالونات قطيها بالويه خالتي لما انا سويت بالبيت ما عجبكم و بالصالون ما عجبكم وين اروح

بس كلامج كله خليه على انه غشمره و ضحك بس مبطن بنغزات لووول عشان ما يصير الغلط براسج و حتى لو احد موجود وياكم و سمع ما يغلطج

 

[امل يائس]

سحبي عليهم احلى سيفون

اهما شكو تردون بالليل الفير المغرب اهما شكو !!!

شكو تعطينهم من معاشج ؟؟؟ يعني اذا ودج تهادينهم مناسبه شي اوكي مني والطريج هاكم معاشي و مبلغ محترم بعد ؟؟ ما يبونج تخلين كرتج عندهم لا سمح الله

طوفي صج شي يقهر و يبط الجبد و يرفع الظغط و السكر بس طوفي سمعي من اذون و طلعي من الثانيه

و ردي عليهم ابرود و بدون قله ادب بس جعميهم شوي اذا قالوا ليش شريتي ليش حطيتي تلعبين بالفلوس قولي الحمدالله ما علينا قاصر ريلي مو مقصر علي واذا من فلوسج قولي معاشي عاد لو احرقه كيفي قوليها جنج تتغشمرين بس بيفهمونها

ما عجبهم لبسج و ميكبج لانه بسيط قولي جمال الشي ف بساطته شوفوا الاجانب شحلاتهم بعروسهم و حفلاتهم نعومه و انوثه مو اللي عندنا اللهم يا كافي تخرع الريل من التلطخ

ما عجبهم الاوفر و شغل الصالونات قطيها بالويه خالتي لما انا سويت بالبيت ما عجبكم و بالصالون ما عجبكم وين اروح

بس كلامج كله خليه على انه غشمره و ضحك بس مبطن بنغزات لووول عشان ما يصير الغلط براسج و حتى لو احد موجود وياكم و سمع ما يغلطج

مشكوووووووووووووووره و جاري التطبيق حرفيا
دنيا هذي قاسيه و يبيلها قلب الله يعيني يا رب

 

[شمس الخير]

:bbbiu::yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb::bbbiu::bbbiu::bbbiu::bbbiu:

اهم شي ارضي ربج و زوجج .. و دام مو قاعده تسوين شي غلط لا تحاتين ..

الله يهديهم و يسخرهم لج ان شاء الله ​

 

[الأميرة الحزينة]

آآآه ياقلبي اي موضوع عن الحمولة يعور قلبي لوووووول:bbbiu: حبيبتي ارضااء الحمولة غاية لاااا تدرك <<مألفتلها مثل بكيفها خخخخ :rerrerek: سوي اللي يعجبج ورفعي الجام اهم شي ترضين ربج وريلج وبس:eh_s(7): على قولة امي لو ريلج زين معاج ما يهمج اذا كل اهله مو زينين.. واذا اهله زينين معاج كلهم واهو مو زين عمرج ماراح تكونين سعيده ولابيفيدونج بشي.. فديتها امي:eh_s(7)::eh_s(7):

 

[الزيــALZAINــن]

رد : شفيج ما تصيرين جنة مثالية؟؟؟؟؟

والله لو تحطين الشمس يمينهم و القمر شمالهم ما يرضون عليج ..

احسن شيء ريحي نفسج و زوجج و روحيلهم وقت زوارتكم الرسميه و غيرها لا..

وولدج اخذيه معاج لما تروحين بيت اهلج و لا تخلينه في البيت بروحه..

و مثل كويتي يقول: لا تكثر الدوس تراهم يملونك لنت ولدهم و لا طفل يربونك ..

 

[:: Diva ::]

ارضاء الناس غايه لا تدرك
طنشي حبيبتي


و استمري بمعاملتهم المعامله السنعه
الي تبين اصلج و تربيتج
الي ترضي ربج

 

[لـــمـى]

اهم شي زوجج راضي عليج
وتحترمين انه وتقدرينها
اما الحموات مالج شغل فيهم
طاف
والله يعينج ويهديهم لج

 

[امل يائس]

اشكركم بنات كلامكم يطيب الخاطر والله

المشكله الي اعاني منها حاليا زوجي يقول اذا حطيتيهم فوق راسج اوديج للقمر اذا تبين
يعني الزواج صاير مثل التجاره شي مقابل شي اذا ابي سعادتي لازم اشتريها مشترى و الثمن شنو؟ اني ابوس اليد الي تطقني
شلون احطهم على راسي من فوق و هم غاثيني يبيني اصير خبلة؟ مقصة؟