شفيج مدخله عيالج خاص وحاطه على نفسج تكاليف حتى لو مقتدره شفيها الحكومه !

[ملكة بيتها]

أنا الحين بسأل صاحبه الموضوع وأمهات اللي أولادهم بالحكومه سؤال واحد وأبي إجابه أو مو لازم تجاوبين سؤالي

في أحد سألكم ليش مدخلين عيالكم حكومه ؟ ومو مدخلين عيالكم خاص ؟؟؟ وليش ما تتستثمرون بعيالكم بالخاص و..و...و..؟

وآسفه على الازعاج

 

[Ya7aLaTY]

مادري عنهم؟؟

عبالهم الياهل لمن يدخـل مدارس خاصه يصير عبـقري!!

كلنااااااااااا بالعايـله مدارس حكومـه واغلبـنا خريجيـن امريكـا وبريطانيا !!

ترا مافيها شي مدارس الحكومه وبسكم صـرف على الفاضي والمليـان <<< انزين لا تزفييييييين :q

 

[ام عفاف الكويت]

انا عن نفسي

بنتي والده 20 - 4
والقانون التعسفي مايقبل الى 15 - 3
يعني بنتي بتطلع اكبر من دفعه الروضه
تأخير على الفاضي
ليش مايساومون كلهم نفس السنه الفرق شهر بس
وهالشهر بيأخرها سنه دراسيه كامله
ماحبيت اظلمها على اساس توصل 4 ونص واللى اكبر منها بشهر خالصين سنه دراسيه كامله
هذا السبب اللى خلاني انا وزوجي نتكلف ونقط فلوس وتكاليف عشان البنت تكون مع بنات عمرها مو اللى اصغر منها

 

[وجدان الكويت]

حبيبتي انتي تقارنين مدرسات قبل بالحين

مع احترامي لكل المدرسات والمدرسين ماتكلم عن الكل بس الاغلبية مالهم خلق

انا اختي وكيلة مدرسة تقول المدرسات اغلبهم صايرييين مااالهم خلق للدراااسة وتعالي عطيها احتياط عادي عندها ترفض احنا قبل 20 حصة بالاسبوع واحتياطات ونشتغل واحنا نضحك

وارجع واقول ماااتكلم عن كل المدرسات بعضهم بالعكس يزاهم الله الف خير تعطي من قلبهاااا الله يجزاها خيررر

انا عني مدخلة ولدي خاصة روضة ابي تأسيس بالانجليزي لان الانجليزي بالحكومة فاااااااااشل
وبعدين افكر يكمل خاص بالمدرسة والا اطلعة للحكومة

 

[رفرف]

امبيه بنات الله يهداكم علشان مدخلين عيالنا خاص صرنا نتبع الهبه شنو احنا ماعندنا مخوخ امعات ؟؟
كلمن عقله براسه يعرف خلاصه .. ناس يقطون فلوسهم على سفرات .. ماركات .. عقارات .. ذهب .. استقبالات ومناسبات اجتماعية كيفهم ..
ما قلنا عن اللي مدخلين عيالهم حكومة شي !! مع ان في ناس وايد يدخلون عيالهم حكومة لأن الياهل ناجح ناجح بالحكومة لا ومتفوق بعد مالهم خلق عيالهم ليش يتعبون ويدرسون ؟؟
وفي ناس يدخلون عيالهم حكومة وهي مو عاجبتهم بس لأن مايبون يقصرون على روحهم .. يبون يستانسون ويسافرون بفلوسهم .. كيفهم احرار ..

كل وحدة تمشي على اقتناعها والموضوع نقاش وكلمن حر بحلاله ..
انا مع البنات اللي يقولون ادفع ما وراي ودوووني ولا اشوف دمعة بنتي بسبب مدرسة داشة التربية غصبن عليها وتطلع حرتها بعيالنا ..
شعندي انا اغلى من عيالي قلعتها الفلوس والسفر والماركات وكل شي فدا ضحكتهم والله ..
وبالنسبة لتجربتي مع الحكومة .. امبلا درست بمدارس حكومة .. للأسف يعني .. وفي مدرسات الله لا يحللهم ولا يسامحهم لا دنيا ولا اخرة كانو يعاملونا باسلوب مادري شقولكم بعد لا وانطقينا بعد .. ومابي احد يعامل بناتي بنفس الطريقة + انا مدرسة واشوف يعني بعض المدرسات شلون يعاملون الطالبات فآنا قاعدة اتكلم من شي شفته بعيني ..
وتفوقت وكنت الاولى على المنطقة التعليمية ابكبرها وملفي عامر بالشهادات والمداليات وجوائز المسابقات الحمدلله .. ولغتي من احسن ما يكون وتأسيسي كان روعة لأن المنهج كان عدل ..
وفوق هذا هم مافكر ادخل بنتي حكومة الا اذا اضطريت .. وجهة نظر .. مو لأني اتبع الهبة .. ولا لأن يهمني الانجليزي بس .. ولا احد يقدر يحكم علي من ورا شاشة وهو ما يعرفني بس لأني مدخلة بنتي خاص !
عن نفسي .. تهمني مصلحة عيالي بس .. وانا شايفتها بمدرستهم على وجه الخصوص سواء كانت خاصة او حكومة انا مقتنعة فيها مليون بالمية ..

 

[oum^zozo]

خاص و لا حكومه كله على تربية الام و الابو في ناس يدشون حكومه يتخرجون عباقره و ناس تدش خاص يتخرجون اغبيه و فاشلين و العكس

كله يعتمد على الام و الابو يشلون يربون عيالهم و يجابلونهم بالتدريس سواء خاص و لا حكومه

و على طاري اللغه انا ترى دشيت حكومه و بنفي قويت لغتي و كاني ابجامعه امريكيه حتى عديت امتحان الانجليزي مال القدرات يبت اعلى
درجه
انا عندي الحكومه احسنن من الخاص هذا رايي الشخصي

 

[الدر المكنـــون]

مناهج الروضة و الابتدائي في مناهج الحكومة فااااااااااااااااااااااااااااااشلة

و الافشل هو طاقم المعلمين و المعلمات و عدم فهم الطفل
و عدم الاهتمام بالتأسيس ابدا و يدخلون تفاهات عى المناهج ما منها فايدة و عدم احترام الاطفال و سوء المعاملة


اما إذا الياهل كبر و فهم و عقل و تأسس عدل تالي اوديه حكومة عادي عشان التكاليف و المناهج زينه حالها حال الخاص بس اختلاف اللغة أكيد
بس يصير الولد او البنت قد المسؤولية و يميز الصح و الغلط و يتحجى ان صارله شي و يقدر يوقف حتى المدرس عند حده إن تطاول عليه بشكوى عند الادارة و ولي الامر
و اشركة بالصيف بالنوادي على قولتكم حزتها

بس ما اقط ولدي او بنتي على الحكومة في سن التأسيس و اخسر اشياء وايد ما تتعوض عقب و اهمها الوقت في هالمرحلة حاسم
لا لمرحلة الابتدائي في مناهج الحكومة
و
لاااااااااااااا و الف لااااااااااااااااااااااااااااااااااا لمرحلة رياض الاطفال في مناهج الحكومة

 

[سيدة الكويت]

رفع

 

[باونتى]

امبيه بنات الله يهداكم علشان مدخلين عيالنا خاص صرنا نتبع الهبه شنو احنا ماعندنا مخوخ امعات ؟؟
كلمن عقله براسه يعرف خلاصه .. ناس يقطون فلوسهم على سفرات .. ماركات .. عقارات .. ذهب .. استقبالات ومناسبات اجتماعية كيفهم ..
ما قلنا عن اللي مدخلين عيالهم حكومة شي !! مع ان في ناس وايد يدخلون عيالهم حكومة لأن الياهل ناجح ناجح بالحكومة لا ومتفوق بعد مالهم خلق عيالهم ليش يتعبون ويدرسون ؟؟
وفي ناس يدخلون عيالهم حكومة وهي مو عاجبتهم بس لأن مايبون يقصرون على روحهم .. يبون يستانسون ويسافرون بفلوسهم .. كيفهم احرار ..

كل وحدة تمشي على اقتناعها والموضوع نقاش وكلمن حر بحلاله ..
انا مع البنات اللي يقولون ادفع ما وراي ودوووني ولا اشوف دمعة بنتي بسبب مدرسة داشة التربية غصبن عليها وتطلع حرتها بعيالنا ..
شعندي انا اغلى من عيالي قلعتها الفلوس والسفر والماركات وكل شي فدا ضحكتهم والله ..
وبالنسبة لتجربتي مع الحكومة .. امبلا درست بمدارس حكومة .. للأسف يعني .. وفي مدرسات الله لا يحللهم ولا يسامحهم لا دنيا ولا اخرة كانو يعاملونا باسلوب مادري شقولكم بعد لا وانطقينا بعد .. ومابي احد يعامل بناتي بنفس الطريقة + انا مدرسة واشوف يعني بعض المدرسات شلون يعاملون الطالبات فآنا قاعدة اتكلم من شي شفته بعيني ..
وتفوقت وكنت الاولى على المنطقة التعليمية ابكبرها وملفي عامر بالشهادات والمداليات وجوائز المسابقات الحمدلله .. ولغتي من احسن ما يكون وتأسيسي كان روعة لأن المنهج كان عدل ..
وفوق هذا هم مافكر ادخل بنتي حكومة الا اذا اضطريت .. وجهة نظر .. مو لأني اتبع الهبة .. ولا لأن يهمني الانجليزي بس .. ولا احد يقدر يحكم علي من ورا شاشة وهو ما يعرفني بس لأني مدخلة بنتي خاص !
عن نفسي .. تهمني مصلحة عيالي بس .. وانا شايفتها بمدرستهم على وجه الخصوص سواء كانت خاصة او حكومة انا مقتنعة فيها مليون بالمية ..

كلامج عدل .. امبيييه فى واايد ناس حسبالهم ان ندخل عيالنا خاص عشان المظاهر وعشان اللغه والله انا وحده من الناس مدخله ولدى عشان المعامله اولا وثانيا وثالثا

 

[بدوية اصيلة]

للرفع حتى يفيدونج البنات وحتى نقضى على هالحقير اللى يطرش مواضيع خارجة

 

[*الزين*]

up up

 

[ReeMaN]

رفع

 

[manarah]

بالنسبه لي ابدي اودي اعيالي من الحضانه وفعلا اشوف شخصايتهم غير وتفرق معاي ما قولكم من ناحيه التعليم لان هالشي انا اعلمهم اياه وانا بالبيت وياهم ماعندي حوسه ولويه وطلعات فمتفرغتلهم بس اهم شي عندي الياهل يختلط ويشوف يهال من عمره ويستانس وبعدين ادخلهم روضه خاص لان ابي استغل مخ الياهل من صغره .. كلنا نعرف الياهل يمتلك في صغره قدره كبيييره على الحفظ والتعلم فليش اخسبقه واوديه روضه حكومه يطلع يعرف يغني ويرقص ولا تقولون لأ ولحد يعارضني بهالشي معروف ان طول السنه تدريب حق حفلات ورقصات واليهال نص السنه غايبين ... والله يقدرني انشالله واكمل بالخاص في المراحل الثانيه لان اول شي ابي معامله سنعه لليهال ولي .. يعني اشوف مدرسات الحكومه الأغلبيه ومو الكل يا نفسيتها زفت مع الاهالي والا مع الطالب والا مالها خلق اتدرس وبعضهم للاسف عشان المعاااااش صاروا مدرسات والا ابد التدريس مو في بالهم ولا عندهم القدره انهم يوصلون معلومه .. بس بالخاص غير المدرسه يازينها تضحك بويهج وتجاوب على اي استفسار تبينه وما تتأخر ... وايد من بنات عايلتنا صاروا مدرسات وتوهم هالسنه والسنه اللي فاتت يعني هذوله مع احترامي لهم ومع انهم من اهلي بس لما اشوفهم صاروا مدرسات اقول على التدريس السلام لاني انا ادري شنو كان مستواهم اهم كطلبه واشلون خلصوا دراسه بالدز فاشلون يدرسون طلبه الحين مادري .. ولا تنسون التخبط اللي صار نهج لوزاره التربيه بالوقت الحالي كل سنه مناهج يديده واللي ضايع اهو الطالب .. مع العلم ان المناهج اليديده الحاليه هذي تقريبا نفس مناهج الخاص بس مترجمه لكن فرق شاسع بين الاثنين .. بالخاص المدرس فاهم شنو يعطي الطالب وشنو يدرسه وشلون يفهمه بس بالحكومه للاسف المدرس نفسه مو فاهم .... ولا ننسى المتابعه للطفل في الخاص يعني اي تغير يصير للطفل على طول ايبلغوني فيه عشان اعرف شنو سببه ويتجاوبون معاي باي مشكله ... وااااخر شي بقوله يعني احنا مو اغبيا عشان نقط فلوسنا بس هبه مع الناس وهم مو اغبيا عشان نقصر على روحنا ونحرم نفسنا من اشياء وايده بس عشان نقول اعيالنا بمدارس خاصه .. لا والله لو لاقين مدراس الحكومه زينه كتعامل وكمستوى جان دخلنا حكومه واحنا نضحك بس للاسف الحال مقلوب :0bee2e8d89:

 

[الصابرة المحتسبة]

يه يه شهالموضوع حمااس ونقاش محترم
عساكم على القوة

اللي لازم نعرفه ان احنا مانحكم على الغير ليش مدخلين عيالهم خاااص للمظاهر وغيرها ترى المعاملة والإحترام لها دور قوي وفعال في نفسية الطالب \الطالبة ترى كلمة وحدة من المدرسين تكون جارحة للطالب تلعب بنفسيته ويمكن تأخر التعليم عنده فمو كل خااص متعوب عليه .
والحكومة للأسف البعض اذا مو اكثرهم مالهم خلق للتدريس وكيفية التعامل مع الطالب ويعرفون شلون يبدون السلبيات بطريقة غير مباشرة والمكافأة على لو كلمة صح ترى تسوي شغل .تدرون شنو السر؟؟؟ حب التدريس والتربية قبل التعليم والتعلم باللعب ياليت اتغير خططهم بعض المدارس الحكومية.

 

[mr000]

آنا شاركت بالموضوع من قبل وبرد أشارك ميخالف استحملوني والكلام مو موجه لأحد معين ولالصاحبة الموضوع ولكن بشكل عام! ألحين الناس صاروا يقطون على المناسبات والحفلات واستقبال الولاده بالآلاف علشان يوم واحد ويستخسرون يدفعون نص هالمبلغ على المدرسه حق سنه كامله يعني صار المستشفى الكشخه والاستقبال الكشخه واللبس والحفله ضروره بس مستقبل عيالنا موشي مهم ومجرد وجاهه جدام الناس؟ الله يخليكم منو فينا بمدارس الحكومه حتى لو كنا متفوقين مامر بموقف أو تجربه سيئه من مدرسه وليلحين نذكره ونحس بغصه بقلبنا من هالموقف والله حاش عيالي بمدارس الحكومه وأذكر أني بجيت أكثر منهم من القهر ولاشفت تصرف يبرد القلب من ادارة المدرسه ولاأعتذار من المدرس أو المدرسه! آنا ألحين الحمدلله وديت ولدي الأخير مدرسه خاصه وارتحت بس كذا مره أروح مع أختي مدرسة ولدها بالحكومه لما تصير له مواقف وكلها من التصرفات الزفت من هالمدرسين اللي ماينفعون للتدريس ولاأعتقد أنهم استوعبوا مادة تربيه وحده من اللي درسوها وكل يوم أحمد ربي أني ماوديت ولدي الحكومه وأختي متحسفه أن طلعت ولدها من الخاص تقول حاسه بالذنب الولد انكسرت شخصيته وكره المدرسه! آنا بالنسبه لي أدفع 3ألاف كل سنه وآنا مقتنعه و أضحك وأشوف الناس تسافر وتصرف على لبس وغيره عليهم بالعافيه ولايهمني مادام أشوف ولدي مايرجع من المدرسه مقهور من مدرس مفشله وألا صبيان كل يوم يطقونه بالهده وفوق هذا أذا رحت اشتكيت محد يعطيني ويه ولا أحد يحل لي مشكلته!

 

[الشهد كله]

تعالي انتي لما تقولين الرك على الأم إهي اللي لازم تجابل عيالها وادرسهم ،

ليش وين دور مدرساتهم ؟؟؟؟؟؟؟؟؟؟؟؟

احنا على أيامنا منو درسنا ؟؟؟؟؟؟؟؟؟

أمي جاهلة وأمية وأبوي نفس الشي بس طلعنا جامعيين تتوقعين من الدروس الخصوصية ولا من أمي مثلاً كانت

ادرسني لألألألألألألألألألألألأ ،،،،، لأن مدرساتنا قبل كان عندهم ضمير وهم يشرحون ، الطبية كانت بالحسرة عليهم

مو الحين ما تغيب إلا باليومين والثلاث عشان عطست ، ولعلمج مدرساتنا قبل لما ادخل معلومة في مخنا ترسخ

وما تطلع ليومنا هذا أما عيال الحين تشرحين ألف مرة عشان يفهم المعلومة وفوق هذا كله شرح المدرسة غير

عن شرحج !!!!!!!!!!!!!

حبيبتي آنا واحدة عن نفسي ما لجأت للخاص إلا من اللي قاعدة أشوفه مو عشان أتفلسف بفلوسي ولا هالفلوس

آنا أولى فيها ، والطفل اللي قاعد ينجح وبتفوق هذا مو من شطارة المعلمة لأ بس لأن الطفل ذكي ويلقط المعلومة

وهذا فضل من رب العالمين ...............

آنا أعرف مدرسة لغة عربية للصف الثاني كورس كامل ما داومت فيه أسبوع على بعضه منو اللي أكلها غير هاليهال

ومدرسة ثانية رياضيات وعلوم صار لها 4 سنين قاعدة في البيت طبيات مو مريضة بس ما تحب الهيئة التدريسية

اللي معاها ، في المقابل المدارس الخاصة في حالة الولادة تاخذ 30 يوم وإذا الناظرة صار عندها نقص طرشت

عليها بعد أسبوعين عشان تكمل المنهج والحكومة شهرين وأمومة على ما ترجع إلا إهي ناسية حتى اسم

المدرسات اللي معاها :0bee2e8d89:

الله المستعان

بصراحة قلبي متروسة بس لأن إيدي تعبت من الكتابة :0bee2e8d89::0bee2e8d89::0bee2e8d89:​

 

[mr000]

أختي الشهد كله تسلم أيدج على الكلام اللي كتبتيه! والله شوفي محد فينا مومحتاج حق هال2000وألا ال3000 اللي ندفعها كل سنه حق المدرسه بس آنا وحده أشتغلت بمدارس الحكومه باختلاف مراحلها 20 سنه وشفت العجب بكل أنواعه يعني شنو أعطيج أمثله مدرسه علشان خلوها تدرس دين حسب شهادتها وهي متعوده كم سنه تدرس اجتماعيات تعاندت مع الناظره وغابت شهر ونص ومدرستين عربي من عرفوا أنهم حمل غياااااااااااااااب لي الولاده ولاتقولون حالتهم الصحيه ماتسمح لا كانوا المدرسات يشوفونهم بالمجمعات والأعراس وطبعا غياب هالمدرستين أثر على مرحله كامله تخيلي صفوف 4 أبتدائي كلها ماياخذون حصة عربي ألا3 مرات بالأسبوع لأن أساسا كان فيه نقص وطبعا منو المتضرر غير هاليهال مساكين والأمهات اللي ماكلينها بالتدريس بالبيت!بعد كان عندنا مدرسه صارلها 25 سنه وطاقه جبدها وزهقانه من التدريس بس مضطره تشتغل تبي تكمل ال30 سنه والله أني تخانقت معاها كذا مره وصار بينا عداوه من معاملتها للطالبات والمشكله أنهاتدرس أولى أبتدائي يعني توهم يايين من الروضه والأخت مسويتلهم رعب رعب بالصف صراخ وزف ونظرات تخرع واليهال مساكين في حاله يرثى لها والله نشيلهم أيد وريل علشان ندخلهم الصف واللي كل يوم تزوع الصبح من الخوف وأكلم الناظره ماكو فايده تقولي لابس جذي يتدلعون لأن طبعا المدرسه تمثل شي ثاني جدام الناظره لما تحضر لها حصه ولما أصريت أني أنقل طالبتين منهم وديتهم صف ثاني والله أنه ردت روحهم وقاموا أيون المدرسه بدون بجي ويلعبون الصبح ويدشون الصف بروحهم! طبعا الأمثله والقصص وايد لو بكتب مال 20 سنه ماأخلص بس هم في مدرسات ممتازات ويدرسون بضمير والطالبات يموتون عليهم بس بصراحه بالزمن هذا صاروا عمله نادره بمدارسنا!!

 

[ســــــــــما]

الي عنده ومقتدر ومرتاح خل يوديهم مدارس خاصه وينقيهم نقوه

بس الي ما عنده مو مجبور يأذي نفسه ويقصر على نفسه لان مو مضطر والحكومه مو سيئة

 

[باونتى]

امهات سمعوا هالموقف صار مع رفيجتى اهيا مدرسه معاى بالمدرسه .. ذاك اليوم راحت خذت بنتها من الابتدائى بنتها توها فى سنه أولى ,, تقول شوفى بنتى وشوفى رسوماتها البنت ترسم رسومات حلوه عن المدرسه بس كله راسمه صوره تخرع نسألها شنو هذا تقول هذا الوحش استغربنا .. عقبها رفيجتى اكتشفت ان فى مدرسة تقول لطالبات أولى ابتدائى اللى ما تسمع الكلام ترى أوديها للوحش ترى المدرسه فيها وحش .. بالذمه هذه تصلح تربويه !!!


الموقف الثانى ان نفس البنت قال لمدرسة التربية البدنيه وانتوا بكرامه بروح الحمام صرخت عليها المدرسه وقالت قعدى مكانج ردت قالت مره ثانيه وثالثه وما خلتها تروح لما البنت سوتها على نفسها :0bee2e8d89: ووراحت الحمام وانخشت وقفلت الباب ومحد درى عنها لمن فيه فراشه سمعتها تبجى وراحت قالت للاخصائية البنت كانت تبجى ومنحرجه تروح للصف ..

 

[حلم الطفولة]

للمرّه الثانيه أطل عليكم بهالموضوع وأرد وأقول مشكورين حبيباتي على النقاش الرائع والروح الأخلاقيه العاليه بينكم ..

أظل على موقفي : الخاص على كل علله : أبرك وأفضل من الحكومه وطالما تقدر الوحده تدخل عيالها خاص فهذا أفضل استثمار وأحسن قرار ,, بس اللي تضغط على نفسها وتتسلف عشان تدخل عيالها خاص : لأ .. حرام ماتسوى بهدلة وأذى ..

mr000 بعد قلبي مشاركاتج تنم عن معاناة شفتيها خلال الوظيفه .. اللي واضح لي انج مدرسه وعندج ضمير لله الحمد .. الله يكون بعونج على ما وايهتي حبيبتي ..

أرد أشكركم جميعا لمشاركاتكم .. كملو حبيباتي .



::
::