شفيج مدخله عيالج خاص وحاطه على نفسج تكاليف حتى لو مقتدره شفيها الحكومه !

[lyale]

السلام خوش موضوع وللمره الثانيه اشارك
انا عن نفسي اختر الخاص لان اغلب المدرسات بالحكومه مووو الكل ما عندهم خلفيه في التربيه في شلون افرض احترامي واحترم الطالب فاا ما يعرفون يتعاملون مع الطفل وهذا يخلي الياهل ينجرح او تتاذي نفسيته فا ادخلهم الخاص بفلوسي تفرض عليهم يحترمون الياهل وغير ان فعلا المدارس الخاصه في فرق تلقين الطلبه ادب ويحترمون المدرسه مافي قلة ادب نفس ما نسمع بالحكومه استغرب شلون طالب يقل ادبه علي مدرسه وكثر ما يعطونهم انذارات وهم ماكو فايده ليش مافي احترام للمدرس بالحكومه وهذا ما شفته بالخاص الطالب بالخاص يحترم المدرس وهم يوقعون الاهالي والطلبه علي قوانين المدرسه الي تخليه يلتزم بالسلوك الطيب وما يتعدا حدوده

 

[xxx]

موضوع حلو ويستحق النقاش

وراح يفيد كل أم محتارة تودي عيالها حكومه ولا خــاص ..

الخاص مو بس حق اللغه + الكشخه ... والحجي الي انقال بالموضوع

أول شي المعاملة والاهتمام ..

يعطون الطالب الثقه بنفسه ويعلمونه يعتمد على روحه

ثاني شي المناهج وطريقة التدريس ..

الصراحه مناهج الحكومه كل مالها بالنازل والدليل هالسنة احتمال يغيرون منهج العلوم والرياضات بالمرحلة المتوسطه

الكل يشتكي وكل سنة يحطون مناهج اردى من السنة الي قبلها

والي تقول شلون درستو بمدارس الحكومة

اقولها مافي مجال للمقارنة بين مدارس قبل ومدارس الحين

يمكن بعض المدرسات يعطون من نفسهم ويجابلون مابي اظلمهم

بس الاغلبيه مالهم خلق وداشين هالمجال عشان المعاش فقط لاغير ...

 

[mr000]

حلم الطفوله مشكوره بعد قلبي ياريت كنت مدرسه جان أهون المدرسه عليها من صفها آنا كنت أخصائيه أجتماعيه ولما تكونين أخصائيه تكون مشاكل المدرسه كلها بويهج ! فبصراحه من كثر ماشفت من مواقف ومشاكل عرفت أن المدارس تغيرت عن قبل وكنت أسأل صديقاتي الأخصائيات بالمناطق الثانيه أذا عندهم نفس المشاكل علشان أعرف وين أودي ولدي كانوا يقولون لي للأسف عندنا نفس المشاكل سواء من المدرسين أو مشاكل الطلبه بينهم وبين بعض ومالقيت حل جدامي ألا أني أدخله خاص!

 

[حضاره]

السلام عليكم ورحمة الله00انا عن نفسي اخترت الخاص00قبل لاأدخل مجال التدريس وأدرس بجم سنه00وكان لي اسبابي الخاصه00

انا كنت ادور على بيئه نظيفه لعيالي وتنشئه دينيه ومجتمع مرتب حق مستقبل عيالي فتوجهت لأكاديمية الابداع الأمريكيه00ولقيت اللي أبيه!!

ومع مرور السنوات ودخولي مجال التدريس في المدارس الحكوميه00ازدادت قناعاتي00بأني مستحيل أدخل عيالي مدارس حكوميه00

في المدارس الحكوميه 00التدريس مهنه تمارس بكل رتااااااااااابه وبكل تقليديه وملل00وتكسر طموحات الطلاب00

اما في المدارس الخاصه00فالوضع مختلف تماما00في اهتمام بالطالب 00بنفسيته00بتحصيله العلمي 00والتواصل قوي جدا بين المدرسه

وبين البيت!!

وتلاقين العمليه التدريسيه تمارس بمهنيه وحرفيه عاليه00واساليب التدريس متطوره والمدرسين يحبون عملهم وطلبتهم ف00مايغيييييييبون!!!!

وبناء على كل ماقلت 00تجدين الطالب في المدارس الخاصه مستقل ومعتمد على نفسه ومتحمل مسئولية ذاته وعنده قدره عاليه على الانجاز

وآمنت بعد ماشفت التدريس في المدارس الخاصه00بأن مافي طالب غبي 00لكن العيب في طرق التدريس!!

على فكره انا عمري مافكرت بالوجاهه لما وديت عيالي للخاص00ولاقط تشيحطت على احد بهالمدارس00

بالعكس عاد 00انا مدارس عيالي سويتها سر الأسرار00ومحد يدري عنه 00ولوماني مع حمولتي ابيت واحد 00

جان حتى هم مادروا عن مدارسنا00لسبب بسيط00 اني كنت محتسبه الأجر عند رب العالمين00

وبالنسبه للتكلفه 00طبعا تكلف واااااايد 00خاصه مع زيادة الرسوم00

00بس تبقى المسأله في الآخر 00قضية قناعات وأولويات00وانا من أهم أولوياتي تعليم عيالي00لأن على قولة رفيجتي

هذا(استثمار ناجح)باذن الله00

 

[عهود الحب]

بالعكس

المدارس الحكومية احسن من أول بكثير
حتى مذكرات قاعد يوفرون لنا بناتنا مومقصرين
نظرة عامة على الغالبية العظمى للمعلمات الكويتيات كلهن ونعم والله فيهن
في نسبة بسيطة تكره التدريس
مايعتبرون ذات اهمية
قلة قليلة

ولله الحمد الحكومة افضل
بعدة نواحي مو بس المناهج

عن تجربة في نسبة كبيرة من خريجي الخاص عندهم الاخلاقيات زيرو
الخاص واجباته بخبال زايد شدعوة عاد ؟

وبعدين اهتمام ورعاية بخشم الدينار ما ابيها
من حبك على لقمة باغضك على فقدانها هذي سياستي
حكومتنا مومقصرة


حتى المباني المدرسية غير عن أول اللحين المدارس تشرح الصدر
الكتب احسن من أول بكثير

اذا احنا رغم انه الزلمات درسونا بعقدهم وجننونا وابلات اول طقونا
طلعنا شحلاتنا شزينا

ليش نيأس من عيالنا ؟

بالعكس انا اصفق لكل ام تدرس عيالها بالحكومة لأنه الخاص ماطلع عباقرة ولايحزنون
واهتمامهم بس عشان هالكم بيزة :/
مابيهم حشا
وخل عيالي مع خلق الله

وحشر مع الجماعة عيد :/

 

[mr000]

كل وحده لها وجهة نظرها...أكيد مو كل الديره تودي خاص.. وكل واحد ينام عالجنب اللي ريحه!آنا وحده أعرف عيالي مثلي حساسين ويكرهون الماده والمدرسه بكبرها أذا طلع المدرس أسلوبه موزين بالتعامل ...ولدي شاف باليوتيوب طالب مصور داخل صف بمدرسة حكومه بالكويت مدرس قاعد يكفخ طالب كان منظر يعور القلب والله ولدي انصفك ويهه مومتصور أنه في جذي مدرس يعامل طالب يقولي هذا صج وألا تمثيل...والله كافي شفت ويهه قلت والله ماأفكر أطلعه من الخاص لو شنو!

 

[سيدة الكويت]

الله أكبر

رفع

 

[كويتية صغيرة]

من حلاة الموضوع

شاركت للمرة الثانية

انا عيالي بالحكومة و مرتاحة من مدارسهم

و الإدارة ممتازة و الحمدلله

و متعاونين لأقصى درجة و جزاهم الله خير
حتى المقصف ممنوع البطاط الشبس او الأشياء الضارة فقط سندويشات و بسكوت و عصاير مانعين الحلاو الألوان و مانعين البطاط الشبس ...... و هذا وايد مريحنى بعد ، و المعقمات موجودة بكل مكان
+
و المدرسة كبيرة و شرحة توها مجددينها بالكامل و الصف فيه 22 طالبة فقط و تأكدت من هذا بنفسي


في شغلة توها ادري عنها
انه فتحوا عيادة بالمدرسة و تقولي يمه في سستر تمر عليهم كل يوم تتطمن عليهم اذا في وحدة تعبانة او مسخنةو جزاها الله خير لما سألت قريبتى مدرسة بمدرسة ثانية قالتلي كل المدارس ألحين فتحوا فيهم عيادات





و كل شي بالمجان

و الله يعز حكومتنا
:klhfl:

يبقى الاستثمار الناجح الحقيقي .... في تربية الأم....
في متابعة الأم و تربيتها لعيالها التربية الصالحة..... و مرقبتهم و الحرص على الصحبة الصالحة اذا كبروا
لان الأم اهي الأساس و اهي اللي تزرع النبته الصالحة و اهي اللي تنميها بمتابعتها المستمرة
و الله يوفق عيالكم جميعا وين ما كانوا

 

[حلم الطفولة]

مشكورين كلكم عالمشاركه في هذا الموضوع الحلو .. واللي صاحبته فتحت بابه علينا و .. ماعادت!

أشكر كل العضوات اللي عيالهم بالحكومه واللي عيالهم بالخاص .. وأشكر مديرتنا بنت الكويت ..

ويا حبيباتي .. نقطه مهمه بقولها : في أمور وأسباب كثيره رئيسيه أو ثانويه قد تدفع بالأهل انهم يدخلون عيالهم حكومه أو إنهم يدخلونهم خاص ..

الخاص بعضه زين وبعضه شين .. والحكومه فيه أشياء زينه وفيه نواقص وفيه الشين ..

الأخت كويتيه صغيره الله وفقها في مدرسة عيالها ومرتاحه الحمدلله .. الله يتمم عليها.

الواحد ينتقي ويدور اللي يريحه .. الأذواق متعدده والخيارات كثيره.. يا خواتي المسأله مو تكشخ ولا تكبر ... الأذواق و المقاييس ماهي وحده ,,

لكن تبقى هناك أمور يا جماعه تفتقر إليها المدارس الحكوميه , ليش مانكون واقعيين .. ؟؟ ,
الله يعز حكومتنا ويعز ديرتنا الغاليه ,, بس الاعتراف بالنواقص ترى ينقل الديره مما هي فيه لما هو أفضل ..

مافيها شي إذا قلنا إن هناك فعلا خلل وتخبط واضح وحتى الهيئه التدريسيه تعاني منه !!

 

[mr000]

أختي كويتيه صغيره كلامج عدل من ناحية أهمية تربية الأم ومتابعتها لعيالها وين ماكانوا سواء بخاص أو حكومه والله يتمم على عيالج بمدارسهم وياريت كل مدارس الحكومه تكون مثل مدارس عيالج بس للأسف موكل مدارس الكويت جذي في مدارس تفتقر للنظافه وماوصلها الترميم بعد وآنا كنت بمدرسه مافيها تكرمين حمام عدل غير حمام الأداره يعني الله يعين الطالبات وحتى المدرسات وسالفة العياده ترى ماردوها ألا هالسنه وألا صارلهم سنين ماكو عيادات حتى بالروضه يعني تخيلي الياهل اللي فيه سكر وألا ربو وألا صرع يداوم بمدرسه مافيها طبيبه ولاسستر يعني استهتار بالأرواح وتخبط واضح أذا آنا عندي ضمير وأخاف عاليهال وراضيه أني أشتغل كسستر بالمدرسه مع أني أخصائيه وأمر أتطمن كل يوم عالحالات الخاصه ترى وايد غيري كانوا يقولون مالنا شغل خل المدرسات يجيكون على طالباتهم ويقولون لنا وكل ناس تقط المسؤوليه على ناس والضحيه هم اليهال! وبعدين بمدارس الحكومه ماتقدرين تختارين المدرسه النموذجيه اللي مبناها يديد أو مدرساتها زينين لأن كلكم عارفين أن لازم عالبطاقه المدنيه يعني اللي تقدر تغير بطاقات عيالها على بيت أهلها تمام واللي ماتقدر أو بعيد عليها مضطره تدخلهم مدارس منطقتها حتى لو موزينه!!وهذا خلى ناس وايد تلجأ للمدارس الخاصه!

 

[كويتية صغيرة]

رفع
علشان تنزل المواضيع الموزينة

 

[جبنة بيضة]

الصراحة اذا الام مهتمة و مجابلة عيالها باذن يطلعون من الاوائل

اعرف وحدة بنتها اولى ابتدائي يايبتلها مدرسات خصوصيات وين قاعدين اخر شي طلعتها و دخلتها حكومة كلنا درسنا في الحكومة و كاهم خرجو دكتارة و مهندسين

و اذا كنا بنقوي الياها ادخله دورات اخليه يطلع بابابي انجليزي يقرا و راح يصير توب و عن تجربة

 

[حلم الطفولة]

رفع
علشان تنزل المواضيع الموزينة

شكرا حبيبتي

 

[الصابرة المحتسبة]

رفع

 

[جوري وبنفسج]

السلام عليكم

بصراحة ما في مقارنة بين الحكومة والخاص

الخاص أحسن وخاصة أن كانت مدرسة متعوب والمدرسين يدرسون عدل لأن وراهم أدارة تحاسبهم مو مثل الحكومة ضايعين بالطوشة عيالنا

أنا بنتي كانت بالرؤيا من الروضة إلى 2 أبتدائي وما شاء الله مستواها كان أفضل من أخوها اللي بسادس يعني أقوى منه باللغة العربية والأنجليزي والقرآن

بس أضطريت أطلعها لأن أهملتها وكرست جهودي لتدريس ولدي لأنه متعبني شوي بالدراسة ويبيله مجابل مو لأن غبي بالعكس ذكي بس عيبه الملل والمزاجية


بس والله حسيت بالفرق الرؤيا أفضل لها من حيث أهتمام المدرسات ووسط المدرسة مهتمين بالطلبة من حيث المستوى الدراسي والحلو عندهم أنشطتهم مثل اليوم العالمي لكل دولة وأهم شيء تركيزهم على زرع مكارم الأخلاق في الطلاب لأن منهج مادة الرؤيا اللي مألفته الأستاذة نسيبة المطوع ممتاز جان زين يعممونه على مدارس الكويت بدل منهج مهارات الحياة .

بس كان عيبها الوحيد أن الساعات الدراسية من 7:15 إلى 2:30 وكان مطالبه بالقراءة الخارجية غير دروسها يعني لولا أن أخوها مستهلك وقتي كان خليتها بالرؤيا

أما تسالج أنا أحنا درسنا وتفوقنا أرد عليج جيبي لنا مناهجنا السابقة ومدرسينا السابقين وبتشوفين كيف يتفوق عيالنا ​

 

[طيبة الكويتية]

ماراح اتكلم وايد و اقول الحكومه فيه و فيه بقول موقف واحد صار مع ولد اختي و انتوا خلكم الحكم.
اختي ولدها عنده تبول لا ارادي, و مثانته ضعيفه ما تتحمل انه يصبر على عمره. و امه مبلغه المدرسه بالشي هذا و مبلغه مدرسينه. لكن للأسف لما الولد يبي يروح الحمام و انتوا بكرامه. الله يسامحهم مدرسينه ما يخلونه علبالهم يبي يروح يلعب و يسويها على عمره بالصف و تخيلوا عاد شكله و الاحراج اللي اهو فيه جدام ربعه.
امه تروح و تتهاوش وياهم لكن ماكو فايده تكلمهم ماكو فايده. بذمتكم هذول وين الواحد يثق فيهم و يدخل عياله عندهم.

 

[حلم الطفولة]

نقاش هادف أرجو الارتقاء في الطرح والمناقشه

 

[بناتي حياتي]

أنا عن نفسي بناتي بخاص ولا افكر بالحكومه

انا ضد الاخت اللي قالت المدارس الخاصه للكشخه والهبه

اقولها بصراحه انا ام عاديه لاني بنت مليونير ولا تاجر وبصراحه حارمه نفسي من متع الحياة بس علشان بناتي يطلعون احسن مني بالشخصيه واللغه

ولا تقارنون مدارس اول بمدارس الحين حرام عليكم

منو قال اللي بالمدارس الخاصه ان تربيتهم واخلاقهم زيرو؟؟؟؟؟؟

الطالب على حسب تربيته بالبيت واهتمام الام فيه انا واخواني كل عيالنا بخاص اللي امريكيه واللي انجليزيه والحمدلله الله يحفظ عيالنا ادب واخلاق والكلمه الوسخه ما تطلع من حلجهم وبالعكس اذا شافوا الغلط مايرضون

وبمدارس الخاصه عندهم التربيه قبل التعليم وانا بصراحه ما يهمني المنهج ولا كمية الواجبات انا اهم شي عندي معاملتهم لبناتي وبناء شخصيه قويه لهم

ولحد يزعل من كلامي ومع احترامي للكل بس هم في بالمدارس الحكوميه طلبه قليلين ادب وكلامهم احنا الكبار نستحي نقوله

وارجع واقول الاخلاق تيي من البيت وتربية الاهل اللي مجابله عيالها وهي اللي مربيتهم عيالها بيكونون غير عن اللي مربيتهم الخدامه

وانا عندي قاعده بحياتي انا الحمدلله عشت وشفت ورحت وييت ولبست وكشخت كافي علي الحين اهم شي بحياتي بناتي هم استثماري بهالحياة الله يحفظهم لي وما عندي اغلى منهم

وبصراحه بناتي اولى بالفلوس من الكشخه الفاضيه والعزايم والماركات والمصاريف اللي مالها معنى

انا عايشه لهم فداهم كل فلوس الدنيا

الله يحفظهم لي ويحفظ لكم عيالكم ان كانوا بخاص والا بحكومه

 

[أم عزيـز]

انا مدخله عيالي حكومه بس مو علشان الحكومه زينه ؟
لا والله بس لأن مصرف صراحه وانا اذا بقط عليهم في مدارس خاصه معناته راح اقصر عليهم في العطل وماراح اسفرهم كل سنه مثل ما انا قاعده اسوي لهم وانا عيالي اثنين فوق بعض يعني 3 ابتدائي وثانيه يعني ميزانيه تهد الحيل

صج اني قاعده اعاني من المدارس ومعامله الأبلات ومستوى التدريس لكن الشكوى لله شسوي ما باليد حيله
والحمدالله عيالي ماشاء الله عليهم شطار واذكيه عشان جذي الحال ماشي
بس اذا حسيت ان مستوى عيالي نزل ومو فاهمين مضطره ادخلهم تقويه العصر

وطبعا نفس الشي ينطبق على المستشفيات
سئلي وحده والده في مستشفى حكومه ووحده والده في مستشفى خاص
وقولي لها شنو الفرق ؟؟

اذا انتي قاطه فلوس غصبن عنهم يهتمون في عيالج ويفهمونهم ويراعونهم
بس الحكومه محد هامه

اوكي احنا اهلهم درسنا في مدارس حكومه لكن كانوا مدرساتنا يدرسون بضمير ويفهمونا المنهج ويراجعون لنا ويركزون على نقاط الضعف
الحين محد هامه خاصه لما صار منهج ابتدائي مافي سقوط الا بالصف الرابع وفوق

اوكي انا معاج في مدرسات يهبلون لكن مو كثر المدرات اللي ما يدرون وين الله قاطهم غير انهم يهينون الأطفال ويزفونهم !!

اشرايج مدرسة ولدي مالت الانجليزي اول يوم ياتعهم تقولهم انا طاقه واحد وكاسره ايده في الصف الثاني اللي يتشيطن بسويله نفسه !!
بالله في ابله تقول حق يهال بثانيه ابتدائي هالكلام ؟ وعليه ولدي رجع البيت خايف يقول الأبله تخوف كاسره ايد واحد من الصبيان !!

خفت ولدي يتعقد والسبه هالأبلات

وكلامي مو لكل المعلمات بس فئه مو قليله اللي فيها الشين وهذا حسب تجربتي الشخصيه
ياريت التربيه تأسس المدرسين قبل لا توظفهم وتدخل دورات فن التعامل مع الآخرين قبل لا يدرسون
لأن المعلم يوصل رساله ساميه وكلها قيم واخلاق مو بس يعطي الطالب معلومات
في النهايه المعلم قدوه ولازم كل المعلمات يحطون هالشي في بالهم

 

[miss_heathrow]

ما ادري انا ما اعترف بالحكومه بكل شي

كل شي عندي خاص

لا الدراسه لا المستشفى لا الخدمه

الحكومه لو اقول كلمة طلعوا غضب الدنيا فيني لا صراحه ويييع

ادش بفلوسي بكل مكان وكافي الابتسامه صراحه تكفي الدنيا وما فيها