شفيكم يا بنات أختربتوا ،،، موضوع جارح .

[« لـ / غيـرگ »]

آنآ اشوف آنه المووضوع عآتي يعني آنآ ورفيجآتي كله احبج وآموت فيج ولهت عليج

حتى مره قالت لي بتزوجج لووووووول فديتهآ بس من بآب الغشمره طبعآ ~

 

[البنفسج]

أنا وحده أحب الكلام الحلو .. والمثل يقول ( حل لسانك .. كل الناس خلانك ).. أحب أمدح وأهتم بغيري .. وحتى اخواني ممكن اقولهم كلام حلو .. أما سالفة أغار على وحده أو ألبس حرف اسمها أو احفر اسمها على جسمي !!!!!!!!!!... هذا شي أبداً مومقبول .. ولا موجود لا بقاموسي ولا قاموس رفيجاتي .. وبعدين هاذي سوالف مراهقات !!..​

 

[عــاشــقــه]

فعلا هالنوع من المواضيع جارح يجرح القلب
المواضيع اللي تكبرونها وتعطونها اهميه زياده عن اللزوم اهي اللي تكبر وتكبر وتصير ظاهرة
مثل اللي يتكلمون عن الخمر بكل المسلسلات ولا المخدرات ولا العنف وهالخرابيط
ليش تخلونا انتعود على هالمواضيع ونفكر بهالمشاهد ونحس انها شي عادي !!!!!!!!!

بناتنــــــــــــــــا كلهم خير وبركــــــة بناتنا أحســــــن بنات ،، سمعونا هالجمل !!
تكلموا عن الخير عن حب الله عن مساعده الخير عن الحب عن الجمال
دوروا المعاني الحلوة والعلاقات الحلوة كتبوا عنها مواضيع عشان اناقشها ونسولف عنها ونطبق
نشـــــــــــــــــــروا الخيـــــــــــــــــــــــر
ومواضيع فيها خير ،، عسى الله يغفر لنا ولكم ويعطي الكل على نيته

صح لسآآآآآآآآآآآنج

 

[غزلان]

كلن على حسب نيته

 

[شويهينه]

خخخخخخخخخ موضوعج ماله داعي ....لانه الكلام الطيب مافي شي...... بالعكس تزيد المحبه اكثر.....اما المبالغة اللي تقولين عنها,.,, ترا فئه قليله جدا تسويه


تقبلي مروري

 

[عاشقه رويشد]

لا عادي انا اقول حق رفيجاتي بعد جبدي بعد عمري لوووول ات ايزي علي حسب نيت الوحده

 

[7lwa w'bas]

الحين هالشي صار منتشر واااااااااااايد
عسا ما اتروحين مكان الا بنتين معاهم وحده بويه
ماكو رقابه عليهم
واذا تبون الصج
الحين صار عااااااااااادي اذا البنات زارو بعض بالبيت
مايقعدون بالصاله
لا يقعدون بغرف النوم وينقل عليهم الباب ومحد يدري شنو يسوون والا عن شنو يسولفون
الله يستر على بناتنا
بس لالالالازم اتكون العين مبطله عليهم
وخصوصا عقب ماصار هالسوالف موضه بين البنات
والا ماعندها هذي معقده
الله يهدي الجميع

 

[اسوووره]

والله الواحد ما يدري شقول ... بس جان زين وزارة التربيه هم يكون لها يد تساعد فيها اولياء الامور بردع هالموضوع بالمدارس ... لانه هالظاهره منتشره واااااااايد واااااااااااايد وااااااااااااايد بالمدارس ... الله يهديهم و يسترهم و امة المسلمين يارب ...

 

[جوك احلى جو]

شكرا ع الطرح قلبو

 

[Preity]

كلهم مراهقات
والله يهديهم ويستر عليهم

 

[*أم*خالد*]

الله يعين الكل والجميع

الزمان غير الزمان .. وصعب الوالدين يتحكمون بمدى درجه الانفتاح لأبنائهم .. من تلفزيون ونت وحتى الجرايد ما ترحم

الله يعين

 

[*أم*خالد*]

الحين هالشي صار منتشر واااااااااااايد
عسا ما اتروحين مكان الا بنتين معاهم وحده بويه
ماكو رقابه عليهم
واذا تبون الصج
الحين صار عااااااااااادي اذا البنات زارو بعض بالبيت
مايقعدون بالصاله
لا يقعدون بغرف النوم وينقل عليهم الباب ومحد يدري شنو يسوون والا عن شنو يسولفون
الله يستر على بناتنا
بس لالالالازم اتكون العين مبطله عليهم
وخصوصا عقب ماصار هالسوالف موضه بين البنات
والا ماعندها هذي معقده
الله يهدي الجميع

رفيجاتي اييوني بغرفتي النوم لا وجابلنا النت مع بعض ( هالحجي سنه 2001 )
عمرنا مافكرنا نطالع بعض بنظره شاذه
وترى البنت اذا تبي الخراب توصل له لو حطيتيها ابرج عالي وقفلتي عليها البيبان

 

[طال الهجر]

اي والله صاجه ما احب هالنوعيه

وييييييييييع شنو احبج واموت فيج هذه شذوذ


اما لصديقاتي انا اشوف الموضوع عااادي جدااا واكثر من


من عادي

بالعكس انا وصديقاتي شوفي صديقاتي مو رفيجاتي العاديات

عرفتي شلون

يعني لازم وانا اذا بغيت اقولها اقولها من قلب لاني احبهم في الله

وشكرااا

 

[لوكي 22]

على حسب النيه اذا النيه طيبه لازم يكون كلامنا عسل
اما اذا الشذوذ .. هذا استغفرالله منتشر وايد تكملنا فيه
الله يهديهم ويتزوجون وينسوون

 

[vogue grl]

مادري بس مثل ماقالوا البنات على حسب نية البنت"

 

[حمـره فوشيه]

الله ما كثرررهم بسكوولنااا :d ​

 

[أم حمد =)]

مافيها شي لما تقولين حق رفيجتج حبيبتي عمري او اذا وحده ماتعرفين اسمها تنادينها حبيبتي

بس ان تجرح نفسها وتنقش حرفها واسمها هني شي مو مقبول ومبالغ

 

[om_3kash]

ايي انا فاهمه قصدج الحمد الله انا مو من هلنووع اصلا تلوع جبدي اذا سمعت سوالف الحب بين بنت و بنت لان كلها خرابيط

قبل جم يوم بالمدرسه وحده حطت رساله على درج بنيه معانا بالصف كاتبه فيهاا

(( بصراحه انا ارتبك اذا شفتج تضحكيين و تسولفيين و ودي تصيرين حبيبتي واذا انتي مرتبطه انا مستعده انطرج لما تهدين الي عندج ))

وربي بطييتها ضحك يهاال اخر زمن و المشكله كاتبه لا تفكرين انه عقلي صغير تراا عقلي يوزن بلد لوووووووووووول وااضح

الله يهدييهم ماوراهم اهل يربوونهم

 

[tmtmt]

انا اشوووف الي مثلا بالمدارس االطالبه تنعجب بالمدرسه ولا تعجب بطالبه ثانيه اشوفها عادي فتره وبتعدي .... مراهقه ومجرد اعجاب

انا كنت بالمتوسط معجبه بمدرستي الاسلاميه وحالتي حاله بس كاني لله الحمد متزوجه وعندي بنيه وشزيني عرفتي ...

اما انتي قصدج عن البويات يمكن اي هذا حجي ثاني ما اقدر اقول عنهم الا الله يهديهم ويستر على بناتنا وخواتنا وعلينا

 

[عاشقه رويشد]

بالعكس احس عادي يعني انا اعرف رفيجتي عدل مو معقوله بفهمها غلط ومشكوره وموضوعج بالعكس مو جارح