شفيه الكويتي ؟؟؟؟

[القرآن ربيع قلبي]

ناس خربوا على ناس

يعني تلقين اللي يحط للأجانب والمقيمين فقط يمكن مجرب كويتيين وأذوه ولا شايف بمكان ثاني كويتيين وما عجبته تصرفاتهم !

الخير يخص والشر يعم للأسف ..

حياج الله عزيزتي :tek:
وصاجه الخير يخص والشر يعم

في عوايل كويتية يحطون في بالهم انهم قاعدين يدفعون الاجار خلاص المكان مكان ابوهم او باختصار مايحافظون على المكان الي اهما فيه من تكسر و ازعاج اليهال و الحوسه بعض العايلات وليس الكل و انا عمري ما سمعت احد يشتكي من مؤجر اجنبي

رضينا بالهم والهم مارضى فينا
لا والله الاجانب لهم مشاكل بس عسل على قلوبهم دامها ماتضر البوك
والكويتي واعليه خليها ممستورة
حياج الله عزيزتي:tek:

تدرين انا زوجي لمن كان يدور شقه لنا كذا واحد يقول كويتين مااسكن :eh_s(14):

ليش انشالله ؟؟؟

يقول لان الكويتين مايدفعون الاجار بوقته وعيالهم مزعجين ..!!! :j013:

شدعوه !!!!! يعني الجاهل الكويتي مزعج والغير كويتي ملاك :bbbiu:​

حياج الله :tek:
والله مادري انا اقول الكويتي لازم ينفع اخوه الكويتي وكلهم مو سوا فيهم الزين وفيهم الشين والقانون يكفل حق الجميع
على الاقل الكويتي مامنه خوف لكن الاجنبي فيه الف علامه استفهام حوله؟؟

استفدج من موضوعج

حياج الله:tek:

 

[شيهانه20211]

حبيبتي هي مو سالفة الجنسيه لااااااااااااااااااااااااااااااااااا
لان الوافد يطول بالسكن يقعد له سنين و عيالهم شويه
بعدين الكويتي يمكن ما يطول كلها سنه او سنتين و يطلع
اهما يبون يستفيدون و مده طويله مو سنه و سنتين
بعدين يسالون جم عدد عيالكم علشان يحسبونها صح اذا واجد الغرف مراح تكفي و بيقعد جم شهر و يطلع
فهمتي الحين ليش ما يبون الكويتي لان الوافد يطول

 

[القرآن ربيع قلبي]

انا اقولكم ليش

الكويتي كما هو معروووووووف بدون مجامله طبعاً مافي دفع ايجار بانتظام هذا الاغلبيه واقلية اللي تحترم مواعيد الدفع

اذا حصل خلاف مع المالك والمستأجر

المقيم يقدر المالك يطلع حقة من عينه من المحاكم وبعدين يقولة بررررررررة
الكويتي حدة يرفع عليه قضية وتعال عيش القضية شكبرها بالمحاكم وتعالي شوفي متى يقدر ياخذ فلس أحمر هذا اذا طلع شخصية واصلة بعد وتعالي شوفي الوسايط يعني ما يقدر يتحكم فيه

وغير جذي عادات وتقاليد الكويتيين كل شي يبيه يسويه كيفة محد يقدر يكلمني ( كيفي كويتي) حلو الكلام ؟؟

يعني مثلا قالك لا تصف سيارتك هلمكان .. يقولك كيفي انت شكو اصفط وين ما أبي
يالطيب لا توصخ رجاءاً الدور .. في ساكن يمك اشتكى .. يبا انت تعلمني النظافة ؟؟
يالحبيب ... يالغالي .. يالطيب .. كله مافي غير ( كيفي كويتي )

فا لا تقعدون تقولون شفيه الكويتي .. لأن في غالبيه عظمى عليها أفعال شينة والسيئة تعم

وتقبلوا رأي الخاص

حياج الله:tek:
بس عزيزتي جم نسبه اللي قلتي عنهم الغالبيه من الكويتيين يعني مايدفعون؟؟
مستحيل والله الكويتيين ناس تخاف الله ويدفعون اول باول الا قله قليله وهالقله موجودة بكل جنسيه
وبعدين يحق له كيفه كوووووويتي))) ارتفع ضغطي:dddds:
لاعزيزتي انا اقول فيه عقد بينهم وفيه قانون نزيه ولله الحمد مايقف ضد الاجنبي ويخلي الكويتي يسرح واهو غلطان
لا والله الغلطان ان شاء الله ياخذ جزاه سواء كويتي والا اجنبي
وعادي كل المشاكل اللي ذكرتيهم تصير مع الاجنبي لا وازيدج من الشعر بيت هالاجانب تقووا الحين شافو الكل يبيهم
وعلى صوتهم على الكويتي والتفتي شوي حواليج وراح تشوفين مئات النماذج ترضينها للكويتي انتي؟؟:0bee2e8d89:

 

[القرآن ربيع قلبي]

انا امي كويتيه ما تأجر للكويتيين لأنه جم مره تأجر و يطووف جم شهر و ما يدفعوون وفي جم مستأجر يقولها انا بطلع و ماني دافع شي واللي تبينه سويه !! و بنسبه حق كلامج حبوبه انه المقيمين مو نظااف انا ما اوافقج النظافه مو بالجنسيه كااني مقيمه و بيتنا يلق لق و ماعندنا خداامه و عماااتي و عمااامي نظاااف و الحمدالله انا حتى فتحاات المكيف ألمعهم خخخخخخخخخخخخخخخخخخخخخ

حياج الله عزيزتي :tek:

رايج احترمه والله يعينكم على المؤجرين بس ارد واقول مو كلهم صح
يعني انتو ترتاحون نفسيا لما تاجرون لاجنبي والا لكويتي ولد عايله وناس وعارفين ماوراه ودونه
وبعدين انا اتكلم عن الادوار والبيووت المخصصه كلها للايجار مو اللي ساكنين وياهم اهل البيت لان اذا اهل البيت موجودين اكيد من حقهم يتشرطون ويقولون مانبي اطفال والا نبي معاريس يمكن عندهم مريض كبير ومايبون الازعاج
وبالنسبه للنظافه عزيزتي يمكن لان امج كويتيه طلعتي نظيفه)))) لووووووووووووووول لا تكفخيني اتغشمر والله
وبالنسبه للنظافه اختي
لا والله ماقصد اابس بعض الجنسيات والله شفناهم وسخين والنظافه اخر اهتمامهم وانتي الله ىيعينج شكلج فيج وسواس نظافه بس ياحلو النظافه ويابخت اهلج فيج ماشاء الله عليج سنعه وآآآآآآآآآآآسفه اذا كلامي ضايقج :tek:

 

[القرآن ربيع قلبي]

حبوبه عندنا شقتين للايجار

كنا انأجر للكويتين بس والله العظيم من غير لاابالغ اشكثر مروا علينا يمكن بس عايله اللي اوكى وماشفنا منهم شيء والباجي لاتعليييييييييييييييييق سواء توهم معاريس ولا عندهم اعيال

اللي مطلقه واتقول بس انا ووبنتي وولدي وانصدمنا 2 بنتين وولدين وغير بنتها مطلقه واعيالها يعني حسبوا بالله جم مصفط يبون ؟؟ ابروحهم 4 مصافط وغير بنتهم المتزوج 24 ساعه عندهم مع اعيالها ؟!!! وغير ازعاجهم وقله ادبهم يعني بعضهم يجذبووووووووووووووون

والي طول الوقت بره البيت واعيالها مع الخدامه وتعالي سمعي البجي والصراخ وطالعين وداشين وازعاجهم

واللي سهر تالي الليل وحفله وازعاج وغير المصافط اذا احد من اهلهم يييون على طول يصفطون بمصافطنا >> زين صفطوا اي مكان ثاني

واللي ماتحترمج ولا تحترم اهل البيت

واللي اتقول عندهم خدم ينظفوا حبيبتي تعالي شوفي الشقه يوم يطلعون والله من غير لاابالغ بكرم السامع بعضهم خلوا المكان زبااااله كل شيء مكسور وخربان ووصخ و المطبخ وتكرمون الحماماات صيااانه وغير مشخبطين عالطوف بلاوووووووووووي

واحنا مهنتنا بس بعد كل مأجرين انعدل وانرمم ونصبغ من اول ويديد ؟؟!!!

واتقولون اشفيه الكويتي ؟؟!!

واكيد من الكل بس ناس خربوا على ناس

ويارب سامحني واغفر لي لاني تكلمت بس والله من القهر اللي فيني واللي شفنا منهم والله مو اشوي حسبي الله ونعم الوكيل

وانا ماعممت في ناس محترمييييييييييييين ويهبلووون بس قله ويارب يثبت اللي قاعدين حاليا ولا يتغيرون​

الله يتمم عليكم ان شاء الله الهدوء والامان والله يعينكم على هالنماذج اللي خربت على الجميع

وحياج الله عزيزتي:tek:

حيرتج وتساؤلاتج انتي جاوبتي عليها ^_^





قلتيها .... تجار.. حلالهم ويبون جذي ^_^

حياج الله عزيزتي:tek:

انزين حنا نقول اذا الكويتي يدفع ليش يفضل الاجنبي هم الكويتي ينق فلوووووووووووووس مو بلاش ساكن

 

[القرآن ربيع قلبي]

:0bee2e8d89:الله يوفقج وتشترين بيت ولا منة اصحاب الشقق [

اللهم آآآآآآآآآآآآآمين
حياج الله عزيزتي:tek:

 

[القرآن ربيع قلبي]

صح وهذي حقيقه اغلب الكويتين مايدفعون الايجار ويخربون وهذا الي صاير ليش ننكر واخر شي يقول للمالك روح المحكمه

حياج الله عزيزتي:klhfl:
وان شاء الله تغير الفكرة قولي امين

حلو موضوعج .. و الحين عرفت السبب .. ترى ناس اتخرب على ناس .. و الي يبي يأجر يبي راجته و نظافة ملكه عشان جذي يتشرط و بالنهايهكل واحد يدور مصلحته .. و تلاقينه يقول ابعد عن الشر و غنيله باجر يأجر عندي كويتي يطلع من اهلنا و لا يتوسط عند ناس كلم لي فلان و له ما اقدر ادفع هالشهر و لا يروح يتشكى ولا ولا ولا

حياج الله عزيزتي:klhfl:
ومشكله لي طلع من الاهل ))ههههههههههههه شيفكه

 

[كويتية فاصله]

إي والله صاجه لا وبعد بعضهم يكتبون حق توهم متزوجين يعني المتزوجين ماراح إييبون إعيال يعني ياشقه ياعيال الحمدلله والشكر إي والله موضوع يقهر الصراحه ولا جم عدد العيال شنو إنت بتربيهم لالا لاتخاف الأم بتربيهم مو إنت موقاعدين فوق راسك لاتحاتي إن شاء الله يتربون


مشكوووووووووووره على الموضوع

 

[catloverq8]

قاعدة أبني و عندي 3 شقق
ما خليت قرض ما أخذته علشان أكمل بنياني بالشكل اللي أبيه
الشقق مجهزة بكبتات و ثلاجة و فرن و غسالة و نشافة و قمة بالترتيب مع الأسانسير و لكل شقة بس موقفين سيارات
و من أول ما بدأت البنيان و أنا أقول بأجر حق أجانب بالدرجة الأولى و بعدين عرب هاي كلاس و كويتيين ( no way ) إستحالة
و السبب اللي قالوه الخوات قبلي
1- الكويتي يوهق و يقط على صخر و الأجنبي يحترم القانون و يخاف من الكويتي المالك
2- عدد العائلة الأجنبية محدود و الكويتي العداد مفتوح و بالتالي إستهلاك كل شي أكثر ( كهربا و ماي )
3- اللسان الطويل للكويتي
4- الكويتي فوضاوي و مال عمك ما يهمك
5- العيال و دبكة العيال و الملعب اللي ممكن يسوونه بالشقة ،،، واويلالالالالالالالالالالالالالالالالالالاه
بجد علشان أرتاح ما ودي أأجر حق أحد من ديرتي لأني ممكن جدا أنقرد و أتأذى ( جيت أدور الفايدة لقيت الخسارة زايدة )
و على فكرة أنا مؤجرة حاليا بإيجار ضخم بس فعلا محترمة نفسي و المكان اللي أنا فيه و أنا اللي أدق على المالك 20 الشهر علشان أدفع الإيجار
كم نسخة أكو مني بالديرة ؟؟؟

 

[كيكااا]

اووف والله انج يبتيـها على الوتر نفس مايقولون ..تصدقين انا بعد نفس الشي صارلي شكثر ويا ريلي ندور شقه كلا يقولون للأجانب او المقيمين عشتوو بعد يعني وين نروح اذا بديرتنا ما ارتحنا ومالقينا مكان شدعوا عليهم يعني