شقة بروحج .. وموظفة وماعندج خدامة .. تعالي شوي

[مشغوله و محتاسه]

خوش موضوع .. مفيد ..

و خوش افكار ... عساكم عالقوه

يلا موفقين بمطابخكم ان شاء الله

وهذي صورة جدر الضغط للي سألت عنه ..

من النت ..


انا توني بديت بموضوع الطباخ .. راحت ايام الدلال و الرده للبيت وتلقين الغدا جاهز وريحته واصله للحوش :\
وناويه اسوي مثل ما قالو البنات ... اطلع الدياي الصبح .. او من الليل ..
و صواني بالفرن .. و المطاعم شكثرها

 

[fife4ever]

انا بصراحة ما اطبخ غدى
اذا زوجي جوعان طلب من المطعم
والعشى بيت اهلي لان انا كل يوم في بيت اهلي
لان اجب من الدوام تعبانه على ما اسوي الغد واغسل مواعين والمطبخ
الا انا تفلت العافيه

 

[&ام عبدالله للخلطات والأعشاب&]

جدر الضغط مالج الا اهو روعه
وانا شاريته من السعودية ماركة السيف و سعرة بلاش فرق عن الكويت حييل غالي

 

[fife4ever]

بنات انا ابي اسأل الحين لما تطبخون بليل شلون تحفظونه
هل تنطرون لما يبرد وبعدها تحطون بثلاجة او شلون
واذا نص طبخه ما يخرب

 

[رنين]

في حركات تسرع شغل الطبخ الى اقل من نص الوقت.

أول شي تجهيز خلطات و تنحط بالفريزر حق العازه....

مثلا اذا بطبخ دجاج افوح ضعف الكميه آخذ النص حق وجبة اليوم و الباجي بالفريزر حق وجبه مايكون عندي وقت لها.
هذاك اليوم أطلع الدجاجه من الفريزر بالليل.لصار وقت الطباخ تكون فجت اسويها الاكله اللي ابيها(دجاج بالكريمه-بالصلصه-مع خضار بالفرن-انتفها و اسوي عليها معكرونات أو اي اكله!)

جذيه ماتاخذ الطبخه شغل اكثر من نص ساعه و احيانا اقل...

اللحم المفروم نفس الطريقه اسوي كميه و ارفع منه للفريزر حق الباشميل او طينية خضار باللحم او اي اكله سريعه.

البصل اذا قصيته مرة وحده و اترس غرشه من البصل المقطع احط عليه زيت زيتون و بالثلاجه متي مابغيته الا جاهز.
نفس الشي الثوم.

الدقوس بعد مو كل ساعه بسويه.لسويته مرة وحده كميه و احط الباجي بالثلاجه حق خلال الاسبوع...و ساعات استخدمه حق صلصات المعكرونه اذا ما كنت ناويه اطبخ عيش.
و احيانا الكتشب يسد خاصه ان عيالي مايحبون الدقوس
.
و من اهم الاشياء الي توفر علي الوقت هي آلة (food processor)
تقطع الخضار و اللحم اي شكل ابيه.
دقايق الا كل شي مقطع و خالص بدال لا اضيع وقتي بالتقطيع.


و فيه سوالف بالجمعيات اكلات سريعه مثل النودلز و النجتس و المقالي بشكل عام و اكلات الميكرووف و البطاط المقطع مثلج و خلطة البشميل تهبل لذيذه و سريعه و صلصات كنوز للسلطه صلصة المعكرونه و البيتزا جربت العلالي حلوة بس افوح المعكرونه و احط الصلصه مع اللحم اللي اصلا جاهز بالفريزر بالفرن نص ساعه و خلصنا ...هذا اللي اذكره الحين...
ممكن مره من باب التغيير سندويشات همبرغر أو نجتس مع بطاط و عصير

فيه طبعا اكلات الطواري...
حق اليوم اللي كللللللش مالي خلق مطبخ و لا طباخ.اطلعها و اسوي اي شي منها ماتاخذ 10 دقايق.

معدس
عيش طماط
مقلوبه

اكلة دجاج بالكريمه(طبقه نجتس فوقها حمسة جزر+فلفل أخضر و مشروم فوقهم علبة كريمة حمرا بالفرن نص ساعه)

نودلز
اذا عندي بالفريزر سكالوب قليته و حشيته بصمون و كان الله غفور رحيم كل البيت يحبه.




أذكر وحده معاي بالجامعه كانت تطبخ بالوييك اند حق الاسبوع كله.
شي تحطه بالثلاجه حق اول الايام و شي بالفريزر.

و أذكر برنامج طبخ ذاك اليوم يقول ممكن اللزانيا تسوينها و تحطينها بالفريزر متى مابغيتيها تسخنينها دقايق بالميكرووف...بس للأمانه ماجربتها!



موفقه و الله يعينج و يسهل عليج

 

[fife4ever]

ابي افهم ما يطلع للدجاج او لحم ريحه
وشلون تقعدون الاكل لمدة اسبوع ما اظن له طعم

 

[رنين]

فيفي.... الأكل بالفريزر مايضره اسبوع او حتى ساعات شهر!!

و الطعم ماله شغل.لأن الدجاج مثلا بس مفيوح و لطلعته اطبخه كأن طبخه جديده ببهاراتها و طعمها...
لكن لأن الدجاج ناضي يختصر علي نص الوقت و الشغل.
و لا قط استنكرت ريحه!
عادي.


انا مو طريقتي اسوي الاكله كامله و اخليها اسبوع بالثلاجه...
لكن الشغلات اللي تاخذ وقت بالطبخ اجهزها قبل وقت و مايضرها سواء بالثلاجه جم يوم او الفريزر دام اني محافظه على طرق التعليب الصحيه.


و لجيت اطبخ اللي اسويه احط هذا على ذاك على ذياك و كان الله غفورا رحيما...و تطلع الطبخه جديده لأنها اصلا جديده مو بايته!

 

[fife4ever]

طيب شنو تعليب صحي

 

[رنين]

يعني مثلا البصل أو الثوم أو عموما اي خضرا قاصتها و ابي احافظ عليها فتره أحط عليها شوي زيت زيتون.
و اغطيها عدل.

بالثلاجه ماكو شي مكشوف كله مغطي.
و تنظيفها دوري
و أحط قشر ليمون يمص الريحه من الثلاجه .

درج الخضار درجة حرارته مناسبة لحفظ الخضروات احسن من الارفف فأحرص على وضعها فيه بس كل نوع محفوظ بعلبه او كيس خاص.


هذا اللي ذكرته الحين و اذا ذكرت شي بعد اعلمج

 

[fife4ever]

رنين حببتي مشكوره

 

[لازانيا]

أهم شي بالموضوع انك تخططين شاللي بتطبخينه وتجهيزن له المقادير من الليل
مثل
البصل والثوم والطماط

الخضار تتجهز بماعون ما يبقى الا غسيلها وتقطيعها

الدجاج او اللحم اول ما تصحين طلعيه برى.. ماتجين الا هو ذايب وسهل تحضيره

والسلطة لا تقطعونها من الليل ترى تروح فايدتها
بس غسلو مكوناتها وحطوهم بماعون بس.. تقطعينها على ما يستوي الرز



ترى هذي الاشياء تبدو انها صغيرة واحنا نبي شي اكثر من كذا......بس ترى لا تستهينون فيها يكفي ان انتي ما تحاتين التجهيز


ودمتم في حفظ الله ورعايته

وتذكروا هذا الحديث.........

‏حدثنا ‏ ‏سليمان بن حرب ‏ ‏حدثنا ‏ ‏شعبة ‏ ‏عن ‏ ‏الحكم ‏ ‏عن ‏ ‏ابن أبي ليلى ‏ ‏عن ‏ ‏علي ‏
‏أن ‏ ‏فاطمة ‏ ‏عليهما السلام ‏ ‏شكت ما تلقى في يدها من الرحى فأتت النبي ‏ ‏صلى الله عليه وسلم ‏ ‏تسأله خادما فلم تجده فذكرت ذلك ‏ ‏لعائشة ‏ ‏فلما جاء أخبرته قال فجاءنا وقد أخذنا مضاجعنا فذهبت أقوم فقال مكانك فجلس بيننا حتى وجدت برد قدميه على صدري فقال ‏ ‏ألا أدلكما على ما هو خير لكما من خادم إذا أويتما إلى فراشكما أو أخذتما مضاجعكما فكبرا ثلاثا وثلاثين وسبحا ثلاثا وثلاثين واحمدا ثلاثا وثلاثين فهذا خير لكما من خادم
http://www.al-islam.com/arb/

 

[سوق الجمعة]

مشكورين حبيباتي كويتييات.. والله استفدتم منكم حييييييييل والله يعين كل في وحدة في بيتها ويوفقها

 

[برميتا]

انا أسوي الأكل متأخر شوي
وريلي عادي لأنه مقدر إن عندي دوام وتعب
وأسوي شغلات خفيفة مقالي همبرجر أشياء بالفرن
ومرات الملفوف ورق العنب أخلي بيتنا يسوونلي وآخذه بالليل
وأحطه بالثلاجة والظهر ينطبخ وبسسسس

 

[طماشه]

رنيـــــــــــــن طريقتج اتينن حدهااااا

كلامج واايد حلو وبصراحه استفدت منه يسلمووووو حبيبتي

 

[مابي كيفي]

والله خوش موضوع ..

هالسؤال دايما فبالي ..

بس ترى انا قاريه من قبل ان جدر الضغط يفقد الاكل قيمته الغذائيه .. لانه يكسر الفيتامينات .. !

 

[رنين]

جزاج الله خير طماشه عالتشجيع

 

[bnt_kwt]

انا كثر شي اسوي خفايف او شغلات بالفرن
والعيوش مثل ما قالت وحده من الخوات بس بالويك اند

ولا مره جربت وطبخت بالليل بس تراوالي المروقات عادي تصير بالليل ما يتغير طعمها

والتقلي اذا مجابيش ينفاح بالليل ويتسوا العيش
والظهر يتقلى

وامي كانت تسوي جذي وعمرنا ما حسينا بطعم الاكل مو حلو

 

[na6a6eya]

mashallah 3alich ranin 5osh afkaar fedtini b9ara7a bs weddi a3rf cham sha'3la
ella7m wel dyaay lai fe7tihom ta7fe'6eenhom bithalaj cham yoom o shlon 6areegt el 7ef'6

wel food processor maltch ayhee w shino noo3ha ya reet 9ora etha momkin

ya36eech el 3afyaa

 

[رنين]

الله يعافيجna6a6eya

انشالله اكون فهمت سؤالج عدل لأني أميه حدي بالانجليزي المعرب:eh_s(1):


هذي أشكال للفود بروسسيسر تشبه اللي عندي

الفود بروسسيسر أستعملت نوعين...الاولى ناشونال...تمت معاي مده لكن أذتني بكثر الخراب....ما ألومها استعمالي لها على طول
كانت زينه بس أذاني منها شغلتين(غير خرابها الوايد) ان حجمها صغير و اللي يقطع اللحم نفسه خلاط الكيك....
ماحبيت ها الشغله فاشتريت خلاط كيك بروحه و البروسيسر خليته حق الخضره و اللحم مو الحلويات.


بعد ما طفح الكيل منها شريت براون ممتااااااااازه قد ما أقول و أكثر.
و أحلى شي انها تنغسل بالجلاية مو مثل ناشونال أذتني لازم ارد اغسها بايدي.

حجمها كبير و مناسب

خلاط الكيك غير عن شغل اللحم.

عيبها ان مافيها التقطيع بشكل اسطواني (مثلا اذا بغيت الجزر و الا الفلفل الأخضر مقطع طوال ما أقدر اقطعهم فيها لازم استعمل ناشونال)

و العيب الثاني ان التقطيع الدائري فيها حجمه حيييييييييل صغير.
يعطيني البطاط مثلا كأنه حجم بطاط الشيبس...
ها الشغله انفعتني اسوي شيبس منزلي حق اليهال لكن ماينفع حق كثير من الأكلات.

عموما حق طبخات البيت ماني ملزومه بشكل تقصيص معين فيمشي الحال اي شكل تقدر تقطعه.





أما بالنسبه لللحم و الدجاج ما أحفظهم بالثلاجه الا اذا كنت بسوييهم ثاني يوم بس..

لكن الأغلب احفظهم بالفريزر.

عندي ست تبرويرات (مواعين النايلون تعرفينهم؟!)
على حسب كمية الدجاج أو اللحم المفروم أحطهم بالتبروير اللي حجمه على قدهم و اصكه عدل و احطهم بالفريزر.

أما اللحم العادي (مرق لحم أو مجبوس) اسويه بنفس اليوم غالبا.... مو عن شي بس ماتعودت أفرزنه مفيوح...وييييين و وين اللي اسويه عشان جذيه لسويته اسويه فرش.

 

[irresistible]

صراحة موضوعك عجييييب انا وريلي بامريكا اقوم من النوم الساعة 4 العصر والغدا يصير عشا وكل يوم حنة ورنة واذا عصب اهدده ارد الكويت ساعتها يطخ ويقول انا مو يوعان وايد انطر