شقتنا اليديدة...وسؤال محيــر؟؟؟؟

[om MaRyooM]

السلام حبايبي






واخيرا من بعد معاناة سنتين حصلنا شقة :eh_s(9):

الحمدلله





المهم مو هذا موضوعي


بنات انا علاقتي ويا اهل ريلي بشكل عام جدااااا سطحية ورسمية

من بعد معاناة معاهم ومشاكل لمدة 4سنوات .. صرت رسمية وبس من فترة لي فترة ازروهم


وحتى زوجي نفس الشي سطحي معاهم وااايد ومع امه بعد


المهم .. الله يهدي الجميع:yaaaaaarb:


الحين عقب مارح ننقل للشقة اليديدة انشالله في شي محيرني

هل المفروظ اقول او زوجي يقول لخالتي وعمي حياكم الشقة مثلا

او مو لازم ؟؟؟ يعني اهما يقولون انهم إييون عشان يباركولنا الشقة اليديدة ؟؟؟


شرايكم ..

محتارة هل نتكلم ونقولهم حياكم .. ولا ماله داعي



يمكن موضوعي سخيف بالنسبة للبعض .. بس جد محتارة :eh_s(7):

 

[بتبوتااا]

الف مبروووووك حياتي وجعله منزل عامر ياارب


مافيها شي لو قلتي لهم ياقلبي عزميهم على العشاا وبس :>

 

[انصاريه قمره]

عزميهم يا غدا او عشا وكان الله غفورا رحيما

 

[موج-البحر]

الف مبروك ان شاءالله على الشقة اليديدة تتهنون

وترى مبادرة حلوة منج لو تعزمينهم اكيد راح تعزمين اهلج على الشقة

فاعزمي اهل ريلج بعد حتى لو اهوا سطحي معاهم

 

[كلاسيكال]

مبرووووووووووووووووووك ياقلبي ، وانصحج تعزمينهم تبينين انج اطيب منهم جدام ريلج وجدامهم اهم شي سويتي الواجب ،،،،

عشان باجر بحد يتشره عليج ماعزمتنآ وماسوتلنآ تعرفين السوالف هاذي ،،،

وعسى ربي يهديهم ويسخرلج ريلج

 

["~FOoFOo~"]

مبرووك الشقه الجديده
واعزميهم احسن

 

[Al-RoRo77]

وعليكم السلام ورحمة الله وبركاته
مبرووووووووووك وتتهنون فيها يارب
اكيد الافضل تعزمونهم

 

[a7la MUM]

حيااااتي ام مريوووم
الف مبروووووووووووك عالشقه وربي يباركلج فيهاااا

وانا بعد من رايي انج تعزمينهم غدا او عشا اخف لج وهم خلج رسميه

 

[أم توتو]

الف مبروك والله يوسع عليج انتي اعزميهم مثل ماقالو البنات مادام العلاقه بينكم رسميه والله ييسر امرج ويبارك لكم

 

[أنهار الورد]

ع البررررررررركة ياعلها شقة مباركة يااااااارب

بصراحه بمناسبة هالفرحه عزميهم عندج حلوان الشقة

 

[fdeet_shosho]

مبرووك الشقة ان شاءالله ومنزل مبارك
شوفى اذا ضبطتى شقتج وسكنتى فيها اعزميهم من باب مايلقون عليج ممسك ويقولون طلعت وماقالتلنا ولا شفنا بيتها ومن هالحجى تعرفين الحموله وسوالفهم - اعزميهم عشان تسكتينهم ومنها عشان زوجج مايحز بخاطره مهما صار هذول اهله ودام انه زين وياج اكسبي هالشغله بصالحج خل يشوف انج انتى الزينه
الله يوفقج

 

[G!RLooNa]

مو حلوه تنزلون شقه يديده و ما تعزمين اهل ريلج

استقروا و رتبوا اغراضكم و رتبوا الشقه و عزموهم على غدا ولا عشا او مدام رمضان الحين ياي عزموهم على فطور

 

[غلا صلاح]

مبرووك الشقة ان شاءالله ومنزل مبارك
شوفى اذا ضبطتى شقتج وسكنتى فيها اعزميهم من باب مايلقون عليج ممسك ويقولون طلعت وماقالتلنا ولا شفنا بيتها ومن هالحجى تعرفين الحموله وسوالفهم - اعزميهم عشان تسكتينهم ومنها عشان زوجج مايحز بخاطره مهما صار هذول اهله ودام انه زين وياج اكسبي هالشغله بصالحج خل يشوف انج انتى الزينه
الله يوفقج ​

 

[اشكرك ربي]

اول شي الف مبروك حبيبتي
واكيد لازم تقوليلهم لا تنسين انج بيوم بتكونين ام ولدج اللي بيتزوج لو سكن مكان يديد ماراح تحز بخاطرج ما قالج تعالي مع العلم المفروض قبل لا تتاثث يشوفونها صراحه انا لما سكنت شقة ناداهم ريلي عشان يشوفونها احترام قبل الاثاث وبعد الاثاث عزمتهم على عشى لان بيوم من الايام بكون ام زوج والله بحتر اذا ولدي ماعزمني

 

[noynoy]

اي لازم تدقين تعزمين خالتج على الغدا و ريلج يدق على ابوه يقوله
و حمواتج و حموانج و حريمهم اذا حبيتي و اذا تحسين انج ما تبين خالتج و عمج كافي
و مبروك الشقه

 

[Tom ♥ Jerry]

.


عزميهم آنتي خل تطلع منج آحسن
قوليلهم حيآكم عالعشا على يوم و بس ؛*
مو حلوة تطلع من ريلج

 

[Rsama]

مثل ما قالوا خواتي انتي عزميهم

 

[chole_84]

حبيبتي أعوذ بالله ناويه تسكنون واهله مايدشون الشقه ترى حييييل صعبه اعزميهم على غداً او عشا

 

[المحبه للاستغفا]

ياقلبي الاصول انك تقولون لهم وتعزمو نهم على الشقه الجديده


والف مبرووووووك السكن الجديد

 

[Freakya]

البنات كفوا و وفوا =)