شكرا زوجي العزيز .... تعالي اشكري زوجج وياي

[شموخ احساسي]

شكراً زوجي العزيز على انك قويت ثقتي بنفسي اكثر من اول وعلى انك اسعدتني :*

وشكراً لك لأنك اخترتني بأن اشاركك باقي عمري وشكراً على الثقة والحب والحنان

وعسى الله يتمم علينا ويكفينا شر كل حاسد

 

[نـعـومـه]

حياتي اميره اهم شي تدعيله بالرحمه وتتصدقيله هذا اللي يبيه الحين

 

[شادن33]

بالاخير مانقدر نستغني عنه الله يخليه لنا ذخر لي ولعيالي


حبيبتي أميره عورني قلبي على توقيعج خصوصا مع عنوان الموضوووع
الله يرحمه ويغفر له تصدقي وادعي له وايد هذا شكرج له الحين وهو بذمه الله

 

[شادن33]

الله يصبرج ويعينج حبيبتي

 

[بنوته ستايل]

شكرااا زوووجي ع حبك لي واهتمامك وخوفك علي اذا صرت مريضه
وشكرا ع حنيتك وحنانك ..


شكرا ع كل شي..

 

[منوووووله]

الف الحمدالله والشكر لك يارب على نصيبي الذي كتبته لي ..

شكراا زوجي على قلبك الطيب وتفهمك ..

 

[mannawy]

عسى يربي يرحمه برحمته ويجمعكم ويرزقه الفردوس الاعلى ويكرمه بشوفة جلال وجهه الكريم

 

[دلال الكويت q8]

شكرا زوجي العزيز على نفسيتك الخآيسه

ودمك الثقيييييييل

بس احبك ترى وهذي المشكلة

 

[دلال الكويت q8]

شكرا على فهمك الخطأ لي

شكرا على الحياه اللي ٣ارباعها هووشات

شكرا على كلمة لأ اللي ماعندك غيييرها

شكرا على الحكرة لاسفر ولاطلعه

شكرا ع التوتر اللي عايشين فيه بس عشان نرضيك

شكرا على جوي الخايس الحين وانا اكتب ��

بس احبك وادري انك تحبني بس عنيييد ومعقققققد الله يشفييك

 

[مايو95]

شكرا يا روح قلبي

 

[CuTe KuwaiTia]

شكرا يا زوجي الغالي

احمد الله واشكره عليك يا بو عيالي

و حبيبي وصديقي و وسندي وستري

الله يقدرني اسعدك و اربي ولدنا واييبله اخوان وخوات

و الله يقدرني انال رضاك يا ولي امري مثل ماخذتني من بيتنا وابوي راضي عني

كلنا تحوشنا مشاكل و تحوشنا ايام صعبة و تعدي و الزعل يروح

لكن الاهم القلوب البيضا والمعزة و الحب الحلال الحقيقي اللي يبقى طول العمر

شكرا لانك تحملتني بحلوي و مري ولازلت تسامحني واسامحك لان هذي الحياة مافي انسان كامل

شكرا زوجي .... أحبـــك

 

[بنوته كيكه]

شكرا الي زوجي العزيز
واخوي العزيز
اللي كل مانزل راتبهم خليته يصفر علي حديده ??? اللي يتحملون مصاريفي خخخخخ