شكلي لبسي كل شي يفششل !! ان بقيت كذا زوجي بياخذ الثانيه :(

[جوري - q8]

انا انتبهت لشغله قلتيها انج تحبين تقعدين بالبيت والوحده ومالج خلق توصلين حتي لهلج قوليها من الاخر انتي كسوله شوفي نصيحه انا اكسل منج ماينفع معانا الا شغله وحده وانصح الكسولات الي مثلنه يطبقونها تعاملي مع صالون راقي خدمة منازل وحطي موعد كل شهر يجيج وسوي كل شي ببيتج ترتاحين واذا شعرج خشن انا اخشن استشوري القذله بس والباقي كبه وشبكه صغيره حلوه وحطي بشنطتج قحل قلم وحمره وعطر دايم ومنظره بودر بس تكون ماركه حلوه انتي جذي راح تفتحين شنطتج وتحطين لفظيتي مثل ماقلتلج زوجج بالدوام انتي جيبي صالونه سنعه وعلي فكره النفسيه تلعب دور بالبشره وظهور الشعر الله يعينا

 

[عيـون المهـآ]

سويلج اشتراك بصالون ثقة للشعر والبشرة
وبما ان دوام ريلج طويل هالشي بساعدج انج تروحين وتردين قبله
وبالنسبة للجسم افضل حل الحمام المغربي مع الخلطات
اشتري خيمة الحمام المغربيث وسويه بالبيت مره بالاسبوع

ومثل ما قالت الاخت ( sweet engle ) لازم تزيدين ثقتج بنفسج
طالما انتي تشوفين نفسج بهالصورة اكيييييد الناس بشوفونج فيها لانه انتي الي توصلين لهم هالاحساس

وبالنسبة للاستشوار
اذا كان شعرج مثل ما تقولين خشن ليش ما تستشورينه كل يوم خصوصا جدام زوجج خليه يشوفج بشكل حلو ومرتب وهالشي بزيد ثقتج بنفسج ، واذا كنتي ما تبين الاستشوار عشان ما يتعب شعرج فاسمحيلي اهو بالاساس تعبان - على كلامج - اهتمي فيه بالماسكات والزيوت وباشتراك بالصالون ، لكن بوجود زوجج او لما تروحين بيت اهلج لازم ترتبين شكلج
اذا بشرتج مو حلوة حطي فاونديشن وميك اب خفيف عشان يصير ويهج صافي وحلو
عنايتج بنفسج بشعرج وببشرتج وبجسمج ما تعني انج تهملين شكلج جدام زوجج او جدام الناس عشان تنطرين النتايج الطبيعية تبين بعد جم شهر ، كل البنات يعتنون بنفسهم ويحطون ماسكات وكريمات ، وكل البنات يفضلون الاشياء الطبيعية لكن هذا ما يمنع انه احيانا نستخدم الاستشوار والميك اب او اي شي ممكن يساعد على انه يخلي شكلنا حلو ومرتب

مشكوره حبيبتي على ردشش

حبيت انبه على شغله ^^
انا صح شعري يفشل بس ترى مو افريقي انا يمكن وصفته بهالشكل لاني احب الشعر الصحي ( الصحي احبه اكثر من انه يكون ناعم )
انا قابله بتجعيدات شعري لو يكون طويل لان فيه بديل عن الاستشوار ( الطاقيه ) ومعروفه عندنا بالسعويه
بس انا شعري قصير عشان كذا مازبطها
وهو صح تعبان بس ترى فيه مميزات .. ذكرتيني بوحده من مرات اخوي قالت نفس كلامك
( دام هو تعبان خلاص تعبان ) ومع ان شعرها ناعم بس هذي الميزه الوحيده الي فيه
بس شعري الحمدالله لما اهتم فيه ترى يتحسن وزي ماذكرت هو متحسن وووايد بس انا تعبت يأست ابي اغير من شكلي ابيه يطول لاني ابي اخليه مفتوح مو دوم ملموم
يعني شعري ماشاء الله مافيه تقصف مافيه تساقط مافيه فراغات ماشالله
ولو استخدمت الاستشوار شعري بتزيد مشاكله وكل الي ذكرته راح يصير بشعري
اهحترم وجهة نظرك بس ماحسيت فكرتي لبعيد يعني لو اهتميت بشعري اللحين بالاستشوار لما اوصل ال 30 شعري وش بيكون خاصه ان زوجي يبي طووويل ولو استشورته يومياً بيطول بتقصف وضعف وانا مابي هالشي
مازعلت من ردك بس حبيت انبه على هالنقاط عشان تساعدوني اكثر واكثر
والصالونات مشكله الي عندنا مو زي الي عدكم الي عدكم ماشالله عندهم اشيا طبيعي
هني ببلدنا كله كيماويات وفرد وحنه سوده وانا مابي هالاشيا
وانا هالشي مستبدلتنه بماسكات اسويها بنفسي
بس الي قاهرني اطرافه ع الدوام ولازم كل شهر اقص منهم
ولو قصيت مابيطول ><
بالنسبه للمكياج ! انا عمري 20 وكل يوم طالعه بيت اهلي تخيلي كل يوم احذ بودره ع بشرتي !!
من قال ماحط انا احط واتعدل بس شعري هو العله انا الحمدالله لبسي ماعليه ومابخل ع نفسي بشي
مكساج مليان عندي واختي خبيرة مكياج يعني تعرف كل شي فيه بس انا مابي احط يومياً لسببيين او 3 اسباب
اولا ان حطيت وقت جيته من الدوام بضطر اغسله عشان الوضوء للصلاه وصلاتي اهم ماعلي
السبب الثاني زي ماقلت كل يوم بشرتي راح تموت هي حساسه واي شي يضرها
السبب الثالث والاهم اذا حطيت يومياً بيتعود على المكياج ومابيتقبل شكلي الطبيعي

انتوا فهمتوا غلط انا صح قلت شكلي يفشل بس مو معناتها اني مالبس ولا اتعدل
بس انا قصدي اني مو انثى انثى بكل المقاييسس
البس قصير الم شعري التساريح الي طالعه اللحين بس ودي الفتحه ودي استشوره بدون مايعدم



مشكوره غلا
وترى انا مو معصبه لان يمكن يتهيأ لك اني منزعجه بس زي ماقلت انا وضحت حق بقية الردود تساعدني ^^

 

[عيـون المهـآ]

انا انتبهت لشغله قلتيها انج تحبين تقعدين بالبيت والوحده ومالج خلق توصلين حتي لهلج قوليها من الاخر انتي كسوله شوفي نصيحه انا اكسل منج ماينفع معانا الا شغله وحده وانصح الكسولات الي مثلنه يطبقونها تعاملي مع صالون راقي خدمة منازل وحطي موعد كل شهر يجيج وسوي كل شي ببيتج ترتاحين واذا شعرج خشن انا اخشن استشوري القذله بس والباقي كبه وشبكه صغيره حلوه وحطي بشنطتج قحل قلم وحمره وعطر دايم ومنظره بودر بس تكون ماركه حلوه انتي جذي راح تفتحين شنطتج وتحطين لفظيتي مثل ماقلتلج زوجج بالدوام انتي جيبي صالونه سنعه وعلي فكره النفسيه تلعب دور بالبشره وظهور الشعر الله يعينا

هههههه اي احب قعدة البيت بس مو لاني كسوله لاني خجوله ^^
يعني استحي اتكلم كثير بس اهلي لا عادي
انا اروح لهم يومياً بس التعليقات خلاص تأذيني
ماخذين فكره ان الاستشوار اليومي هو الاناقه
حتى مره طلعت طرف الستيانه عندي وامي انتبهت ليها وقعد تهزأ ماتحب هالنوع !!
رغم ان عندي الانواع الي تقصدها ...
بس احياناً اذا البلوزه كانت مررره ضيقه يعني موديلها كذا البس الي بدون كمامات حق اقدر اتحرك
بس لا هم يقارنون بيني وبين بنت اختي !!!
مو بلبسي بس متى اقعد من النوم ! او متى اروح عند بيت اعيالي
انا احس نفسي شخصيتي صغيره والسبب مايخلوني اتخذ قرار براحتي هذا السبب الي يخليني اكررره الطلعات ويمكن نقص الثقه هو الي مخليني كذا بس الحمدالله من بعد ماكتبت الموضوع فيه ردود شعجتني وزرعت فيني الثقه لدرجه اني اشوف شكلي بالمرررايه غيييير
مشكوره قلبي
فكره الروج والكحله عجبتني اشياء بسيطه وماتعدم حتى لو انحطت يومياً
بس البودره ما اايد اني احطها يومياً
وافكر استبله بكريم اساس بس بس مو عارفه وش يناسبني ><
يعطيك العافيه حبيبتي ع الرد

 

[عيـون المهـآ]

البنات ماقصروا الله يعافيهم بكلمونج بكل حراره وان دل على طيبتهم

العيب فيج انت مافيه ثقه بنفسج والبنات يقولون لج وردك سلبى مافيه فايده مافيه فايده
اعتقد انت تشكين وتذمرين بس ماتسوين شى
لو بتمشين على اى طريقه من طرق حبيباتى بنات ديرتى ألى كلموج وعطوج اهتمامهم جان طلع معاج شى للافضل

كلمه حق
بنات ديرتى يلى مامثلكم أحد ولاديرتنا أحد
تعطون وتحبون وتنصحون من طيبتكم ألى يطلبكم فزعتوا له
نصحتوا علانيه مابخلتوا نصيحتكم بالعام لها ولغيرها
يارب تحرس ديرتى واهلها:eh_s(17):
ويبعد عنها كل شر
عساكم على القوه يابنات أحلى منتدى:eh_s(7):
منتدى الخير الأسم الثانى له:eh_s(7)::eh_s(17)::eh_s(17)::eh_s(17):
جعلكم للجنه جميعا

لا قلبووو مو ردي سلبي بس من واقع تجربه ترى لي اكثر من 5 شهور مع العنايه
يمكن عنايتي ماكانت كامله او فيها شي بس مافيه تحسن الا بسيط ناس ماشالله من 3 شهور ويبين كل شي وياهم
بنت اختي ماشالله تقص شعرها 6 شهور كفيله بانها تبين طوله انا 6 شهور مايبين الا شي بسيط وتغذيتي ماشالله كلها فواكه وهالنقطه مو لاني احب اعتني لا انا احب الفواكه من صغررري
المساله اني رديت عليهم في نفس اليوم ورديت من واقع تجربه بس طبقت ردودهم وسجلت الي ابيه والي ما بيه مو بس من الناحيه الجماليه لا من نواحي ثانيه
وهو صح زي ماقلتي ثقتي بنفسي مهزوزه بس انا احاول اطورها وهذا انا في سبيل المحاوله
وترى مو بس العنايه الي محطمتني الي محطمني اني للحين مانرزقت بالذيه وهالشي مو هين ترى
خاصه ان زوجي يبي بيبي حتى لو كانت مدة زواجنا 7 شهور قصيره بس ولو زوجي ماعنده الا اخت كبيرره واخو كبير وتقريباً يبي ياهل حق العيله تكبر
وفعلاً منتدى لكويت عريق ومعروف والي فيه ماشالله يحبون الخير لغيرهم
وانا مالجأت ليكم الا لاني اثق فيكم
واحبكم
ولي تجارب معاكم
الله يخليكم لبعض ويحميكم من عين الحسووود

 

[عيـون المهـآ]

البنات ما قصرو
بس نصيحه سوي كيراتين علاجي حق شعرج مو الفرد لا علاجي
عالاقل تحسين بنعومه بشعرج شوي ويعطيج ثقه اكبر
وما يمنع انج تستمرين عادل خلطات والزيوت
و سويلج اشتراك حمام مغربي بالأسبوع مره او خلي وحده اتييلج البيت واهم شي
الترطيييييييب لا تخلين جسمج ناشف وحتى ويهج كريم الليل والنهار
وحاميه من الشمس
و مره بالشهر روحي سوي تنظيف بشره بعياده
واخذيلج مكملات غذائيه للبشرة والشعر والأظافر من الصيديله
واذا تحسين جسمج من النوع اللي بسرعه يطلع الشعر سوي ليزر
وفكي عمرج
ان شالله تفيدج هالمعلومات وبشرينا بالنتايج
و شوي شوي راح تلقين النتيجة اللي تبينها

اممم المعالج كنت افكر اسويه لان غير الفرد بس ابي احد يفيدني بنقطة ( هل لو استخدمت الحنا معاه بيضر ) ؟؟
شي ثاني .. انا لي 6 شهور استخدم الحنا مابيضرني لو استخدمت المعالج ؟؟؟
جسمي اي كنت مارطبه بس بعد ماكتبت الموضوع رطبته كبدايه واحسه صح مو فرق مرره بس قبل كنت مارطبه عشان كذا مافيه جمال بس اللحين صاير ناعم ويلمع ^^
حمامات الزيت بالمشاغل ماحبها لانهم يشيلون نص لثياب وهالشي حرام يمكن البعض يشوفه عادي بس هو اراء انا قررت اسويه بالبيت كل اسبوع شريت حمام مغربي الطاووس
المكملات ماقدر يمكن في اي لحظه احمل واغلب الفيتامينات والمكملات تسبب ضرر لو حدث حمل لان زي ماقلت ان احنا مقررين واتفقنا خلاص اني احمل

مشكوره قلبوووو
افدتيني ^^

 

[عيـون المهـآ]

حطي الخلطات على نظافه علشان تطلع نتيجه .... وامدح لج خلطة انل ممتازة

اي قريت هالنقطه مره
بالنسبه للشعر ابلله بس مويه اما شامبو لا لان جاف وجربت اسوي الشامبو قبل حسيت ان بدون شاممبووو افضل والجسم افركه وبعدين احط عليه المرطب
مشكوره ع التاكيد غناتي

 

[عيـون المهـآ]

بيييه انتي قصتج قصه

خل ارجع البيت ارد عليج ع سعه

هههه عجبتني قصه
طيب انتظرش حبوبه
ومشكوره مقدماً

 

[نبضكم]

السلاام عليكم شلوونج اخيتي
عندي ٣ نصايح مهمه واااايد
لازم تتصدقين كل يوم اطلعين لو مبلغ بسيط بنية انه ريلج يشوفج اجمل انثى
٢. لازم تدعين وايد وايد وتحري اوقات الاستجابه مثل نزول المطر ولا بين للاذان والاقامه والثلث الاخير من الليل ويوم الجمعه والخ
٣. كثري من الاستغفار عالاقل باليوم الف مرره
اصلا اذا سويتي هل ٣ اشيا باليوم راح تتغير حياتج من الى
حاولي تكونين قريبه من ربج ع طوول

الحين الشي لصالحج بالموضوع انه ريلج وقت كبير وايد يكون خارج البيت استغلي هالوقت
وحطي يوميا دهون ع جسمج مثل زيت اللوز وزيت زيتون وجنين القمح هاذيل افضل زيوت وايد راح يتغير لونج عليهم
حطيهم عالاقل ساعتين
او سوي خلطة شسالفه
ولاتنسين خلطة لندن ترا تفتح واعجبتني
ولشعرج حق النعووومه وايد انصحج بزبدة الشيااااا تعطي لمعه ونعووومه
اما بخصوص بشرتج افضل حل تراجعين عياده لاتسوين شي فيها وتندمين روحي حق دكتوره تعالجج
وخلج متجدده مره شعرج مستشورته مره مخليته ع طبيعته مره مخليته مثل ميريااام
وبصراحه المكياج لازم يوميا لازم مره مكياج اوفر مره بسيط مره نو ميكب الخ
غيري شكلج لازم تكونين انثى متجدده

كل التوفيق عزيزتي واتمنى مشاركتي افادتج

 

[عيـون المهـآ]

حبيبتي انا مو متزوجة لكن بعتني بنفسي لكن اشياء طبيعية و بسيطة
كل اسبوع اعمل خمام مغربي(الصابون الغربي +عصير ليمون+خنة) اضعه علي جسمي مدة 15د او 30د ثم افرك جسمي بالليفة و رجلي بالحجر
شعري قبل دخولي الحمام ادهنوا بزبدة كثير و الله روعة للشعر الجاف و المتقصف او مايونيز و اخليه 2 ساعات ما يهم ثم اثناء الاستحمام اغسله بشامبو elseve للشعر الجاف مليح كثير ثم اعمل ماسك تبع لهاد الشامبو و اغسله
في الاخير اغسل كل جسمي بجل دوشش palmolive مرطب لانه مصنوع من اللوز ثم امسح جسمي بزيت جونسن و خلاص و ارش علي جسمي ماء بارد (الشد) و وجهي
لما اخرج من الحمام بطلي ايدي و رجلي بالفازلين
و وجهي اغسله مرة ثانية بماء بارد لشد البشرة و غلق المسام و ادهنه بروب ثم اغسل و ادهنه مرة 2 بالعسل و اتركه لحين النوم و اغسله
ايدي و الله ما شاء الله اجمل حاجة في اغسلهم في كل وقت و مرات متعددة باليوم و افركهم بقطعة من الليمون افركهم جيدا اصابعي و اظافري جيدا ثم اغسل و اضع فازلين او اي كريم تفضلينه او زيت لا يهم الليمون مرطب جيد و يبيض و يجعل اظافرك تلمع و اللع يفكرون اني عاملة منكير وانا بعمري ما عملتو
ختي رجليك افركيهم باليمون .حبيبتي اتمني اني اكون افادتك .

ماشالله سهله عنايتش
حبيتها
يعطيش العافيه قلبووو
وفكرة الليمون حطيتها عندي
ببدا فيها من بكره الليل
لان الصباح وراي طلعه للبحرين تمشي انا وزوجي ^^
اكيد افدتيني
يعطيش العافيه حبيبتي

 

[mona q8]

والله يا اختي أنا لما كان عمري 16
صابتني عين
شعري تقصف حتى لو استشوره ما ينعم وصار قصير وخفيف
لدرجة استحي أفكه بالعروس
وويهي صار فيه حب ومكان الحب سواد
تقولين سيلانيه وحتى كريمات المستشفى يتحسس منها
ووزني زاد وصرت اكره نفسي وانقطعت عن العروس سنتين
لأني ما اقدر اكشخ
وبعد ما خلصت رابعه ثانوي
اهتمت بشعري
وصار نااااعم وطويل وكثيف
اولا الحنه اذا بغيتي تحطينها أعجبني معاها بيضه او روب
لان الحنه بروحها تسوي تقصف وتخشن الشعر بس فوائدها حلوه
الزيت لا تخلينه اكثر من ساعه لان يدهن بالشعر ويسوي قشره
وكل شهر بالأيام البيض خلي واحد كبير بالعمر كريم وفيه بركه
افضل امج تقص أطراف شعرج<< أنا كنت اخلي أمي تقص لي والله طال شعري
وافتكيت من التقصف
ولا تصبغين الصبغات الحاره مثل الثلجي وغيره
لان نسبة الأوكسجين كبيره ويحرق الشعر اذا تبين تصبغين
اصبغي درجات البني
البشره
روحي لخبير بشره
وقوليله عن مشاكل بشرتج وانصحج بعيادة ابو حمرا
ولا تستخدمين اي خلطه لان احتمال بشرتج تكون حساسه او دهنيه
استخدمي أشياء طبيه كريم للنهار وكريم للليل وغسول لان الصابون ينشف البشره
ومرطب وحمايه من الشمس
اما عن جسمج استخدمي الحمام المغربي كل اسبوع مره<< طبعا مؤ كل اسبوع تسويين بخار
لان البخار يفتح المسام ولا تنسين تقولين لدكتور البشره
عن جسمج لما يطلع الشعر
اذا عندج مجال سوي ليزر توحيد لون البشره
وروحي السوق واخذيلج جم بدله للشقه
وجم قميص نوم على جم عطر وبخور مسنعين
وسوي تجديد وروحي الصالون وسوي كل شي عندهم
لا تنسين بخصوص ايدينج وريولج يوليهم برافين كل اسبوع او أسبوعين
حسب ما تقولج الخبيره
ترى كثره الكريمات والزيوت للبشره والشعر
تنفر الريال منج
مثل ما قلت لج استخدمي القليل وفايدته كثيره
ولا كثير وفايدته قليله
تقدرين تطلبين من زوجج يسمح لج تنامين عند اهلج اسبوع
تجددين فيه نفسج
وترجعيله عروس
ادري طولت عليج
بس الاهتمام بالنفس
والنيو لوك يبيله شهر وانا أتكلم<<ههههه حشا راديو

 

[عيـون المهـآ]

^

طيب ابي نصيحتك في افضل كريم نهار وكريم الليل
انا اخذت اولاي ماعجبني يحبب وجهي ><

بعد واقي الشمس وش افضل نوع علماً ان بشرتي دهنيه

طيب شعرش يعني كان زين بس من العين اخترب ولا كيف ؟؟
وقص الشهر شكل هذا الي بيصير لان انا اقص كل مابين شهرين بس بطبق كل شهر عشان اي تلف يروح ومايرجع
طبعاً اقص نص سم صصح ؟

البشره الحمدالله بشرتي عيبه بس المسام
الحبوب تطلع لما استخدم الي من اولاي زي ماقلت لك
لونها حنطي مافيه مانع لو صرت بيضه خخخ
بس ريلي يحب اللون الحنطي اكثر ^ـ*

اسفه خيه تعبتش باسئلتي
عطاش الله العافيه ورزقش الجنهه يارررب

 

[عيـون المهـآ]

الي رفعوا الموضوع اشكركم من كل قلبببي
فديتكم <3

 

[ذات الهمة العالية]

لرفع

 

[قصْر شآمخ~]

http://www.q8yat.com/t925412.html

^
^
هالموضوع عجيييييب عجيييييييييييب .
فيه أشياء واجد حلوة للشعر وتعطيه ملمس صحي ولمعان ..
متأكدة أنج بتستفيدين لو طبقتيه .. **


أنا أتوقع أن مشكلتج الرئيسية شعرج
والباقي أشياء بسيطة .. بس انتي ثقي بنفسج .. وخلي كلام الناس .. ومقارناتهم وبترتاحين ..

ومثل ما قالوا تصدقي وادعي .. > اختي طولت شعرها بـ الدعاء [:

والله جد .. تستخدم خلطات لسنوااااااااااااااات وما نفع معاها ..
فقامت تدعي وتتحرى أوقات الإجابة ..
ما شااااء الله فجأة كلنا لاحظنا أن شعرها طول ..!
فـ لا تستهينين بـ قوة الدعاء ..

وموفقة

 

[Killer^Girl]

اخذي فيتامينات تطول الشعر
سوي لج برامج بالصالونات حمامات مغربيه وسنفرة وحمام زيت للشعر وسشوار
راجعي طبيبة جلدية للبشرة
سوي ليزر للشعر

وشوفي هالموضوع انشالله يفيدج

http://www.q8yat.com/t811479.html

 

[عزوتي خمس صقور]

الله يساعدج ان شاء الله انا زيج جسمي بسرعه يطلع الشعر واستكسل واشيله بموس وهدا غلط جدا
وزيج بشرتي دهنيه بس انا فيني حبوب واثار بوجهي بكتفي بزنودي بصدري بظهري
وجسمي عندي سواد بالاماكن الحساسه يعني انا اردى منج وجسمي يفشل
ماقدر البس اللي ابيه الله المعين​

 

[لــــين]

اختي عذريني لكن شلون تبين تصيرين جميلة و تخلين زوجج يشوفج جميله و انتي اساساً شايفة نفسك مو حلوة و فيك و فيك و فيك ؟؟
مشاكلك عادية !! و 99% من البنات الجميلات الحلوين الناعمين فيهم هالمشاكل لكن كل شي له حل !!

بتقولين لي حاولت و سويت و حطيت اوكي اكيد في شي تسوينه غلط !!

من كلامك انتي وايد سلبيه على نفسج ما ادري شنو السبب بس انتي تحتاجين تحبين نفسج قبل كل شي
و ديري بالج .. و لا تفكرين لا تفكرين تحسسين او تقولين لزوجك فيني و فيني انا مو حلوة .. شعري خشن .. جسمي مبقع .. الخ
حتى لو تحسين انه فعلا ملاحظ و منزعج ..... ترى نسبة كبيرة من جمال البنت بثقتها بنفسها لا تفقدين هالشي بعد !!


بالنسبة لشعرك .. استمري على الزيوت و ممكن بعد صلاة الفجر او بعد ما يطلع زوجج للشغل تحطين زيت لوز عالاطراف و
الساعة 10 الصبح تغسلينه.
اخذي حبوب اوميغا 3 اللي اهيا زيت السمك .. وايدزينه للصحه عموماً و ما منها مضرة ان شاء الله و من استخدامي لها لاحظت شعري طال بشكل اسرع كذلك اظافري صارت اقوى
مو ضروري كل يوم تستشورين شعرج ... دخلي يوتيوب و شوفي شلون طريقة العناية بالشعر الخشن شلون طرق تصفيفة اقري التعليقات شوفي البنات اللي استخدموا الطريقة شنو ردت فعلهم ؟
ياما بنات شعرهم خشن لك يسرحونه بشكل حلووو

جسمك ... تعلمي شلون تسوين حمام مغربي بالبيت او روحي للصالون مرتين ثلاث مرات و لاحظي شنو تحط و شلون تفرك و تعلمي و طبقي بالبيت

شعر جمسك ... طقي ليزر او بعد الشيرة حطي خلطة طبيعية لتخفيف نمو الشعر لكن حطي بعين الاعتبار مفعولها بطيئ

حبوب الوجه و المسامات و شفايفج السمراء
الافضل تراجعين عند دكتور متخصص احسن من التجارب اللي تألفينها لانك ممكن تزيدين الطيب بله بدل ما تكحلينها تعمينها
حتى لو ناوية تحملين ... شرحي للدكتور ظروفج و اهو يعطيج دواء بما يتناسب مع وضعج
مبدئياً كثر من اكل الطماط لان فيه مواد تساعد على محاربة السموم اللي تسبب حبوب الوجه
اهتمي باكلج .. اكلي خضار فاكهة شربي ماي وااااااااااااااااااااااااااايد، خففي من الكاكاو و المقالي

الاظافر ... ببساطة لا تاكلينها !!!






الحلول بسيطة و لا تحسبين الكل ناعم خلقة !!!
نحن في الخليج العربي الحار الجاف الصحراوي محنا مولودين بأوربا

و اذا تبين الصج و الحجي اللي صج صج صج يقرقرع بقلبي ميخالف تحميلني مو قصدي اجرحج بس هذا الصج
انتي مستانسة عالوضع ... مشاكلج جداً عادية و حلولها سهله
من كلامج عاجبجج انج تعيشين دور الضحية اللي مالج حل المسكينة
اذا يرضيج تكونين مسكينة ....... لا تتعبي حالج بالبحث عن الحلول

 

[Sweet Angle]

حبيبتي لا تحاتين ماكو شي مستحيل وهالمرة بتصيب ان شاء الله

 

[Sweet Angle]

اي صح حبيبتي لو ماتبين تحطين على بشرتج كريم اساس
استبدليه ب البيبي كريم
اقري عنه اكثر وكل الماركات منتجة بيبي كريم تقريبا
علشان جذي خذي عنهم فكرة و اختاري اللي يناسبج
اهو كريم مرطب بلون وهم بنفس الوقت معالج لعيوب البشره

جربي بوبي براون بيبي كريم
او غارنييه بيبي كريم

 

[PuPa^^SWeeT]

مافيها شي


سشوري شعرج



و اذا علىشعر الجسم سوي ليزر


واذا على لون البشرة و جذي


روحي الجلدية


واذا على لون شفايفج في ابرر يسمونها ابرر توريد شي جذي


اتلون شفايفج