شكو خاشين عني...

[bal8es]

طاااااااااااااف و دام ما قالو لج حرام فيهم المبروك

 

[سنفوره8]

اادي حبي الحين الاخوان ما يعلموون بعض

تبيين حمولتج يعلموونج

 

[ملواكي]

انتي الحين عرفتيهم خلج رسميمه معاهم

 

[اميره1980]

بصراحة شي يحز بالخاطر و يزعل
عموما عامليهم بالمثل و مو كل شي ينقال للحموله
و دام طريقتهم جذي اكيد مرت عليج مواقف مشابهه لهالموقف عدل؟ مو اول مره
بس اذا تبين تعيشين بسعاده و راحه بال ويا الحموله لازم تطنشين شغلات وايد و ريحي نفسج بروحج حامل مو زين تعصبين الله لا يقول يصير فيج سكري حمل الله لا يقوله

 

[om_dodo]

امبييييه مو صج
شدعوه عليهم
ياربى من زمن صار فيه الناس ماتعرف الحشيمه

 

[غــ q6r ـلا]

حبيبتي طنشي لاتحرين روحج

 

[*ريما*]

رد : شكو خاشين عني...

احسن ماسويتي انك مانزلتي
لانهم مو كفو
والغلط ع زوجك كان المفروض يقول لك

 

[Elizabeth]

تبين الصج عاد ريلج شلون رضى ؟ ميخالف حمولتج ماعندهم سنع ولا منع وهيلق ويفشلون وانا دايما اقول اللي تشيل وتشدخ حق حمولتها اهي اللي تنصدم فيهم سبحان الله واللي رسمية مرتاحة لانها ماعطتهم اكثر من حقهم ,,,, وجبيهم وبس وغيري طبعج معاهم ترى انا وانتي وغيرنا نظل بنات ناس مو بناتهم للاسف وين ووين اللي يعاملون الجنه زين ويخافون الله ببنات الناس لا تحترين ولا شي ديري بالج على صحتج

وبعدين يا بنات يخافون من الحسد ليش بالله ؟؟؟ كل البنات مشالله يتزوجون ويحملون وكل شي على كتبتة الله الرزق منه سبحانه يعني اللي بتاخذ مليونير ولا حافي منتتف بتمر بنفس المراحل والعبره بالحياة الزواجية اهني تبين الصجية !!!

صج حمولتج مو مال توجب ولا شي اصلن بتلفون مبروك ويخب عليهم لانه اللي سووووه شي يفشل بعد قولوا وخلاص هذي ملجة !!! الكل يفرح مو المتعارف عليه الناس بالخطبة يغبون !!!!!! وهاليومين مشالله المسجات شغاله مامداهم الرياييييل طلعوا !! لوووول

الشره على ريلج قوليله انا محد همني الا انت شلون ترضاها علي؟؟

 

[بقايا شهد]

عادي طوفي يامالك من الصدمات
مدري ليش وش يحسون فيه
الحمدلله والشكر

 

[زبدة ككاو]

رد : شكو خاشين عني...

غريبــة
إللي أعرفه النــآس يخشون بالخطبة بس بالملجة يقولون
يعني مــآيخشون إلا إذا في شي

 

[حبـ admant ـك]

رد : شكو خاشين عني...

معليه خايفين من العين
معاهم حق العين حق
لكن انتي مرت ولدهم
لو ماعلمو الناس بنقول خايفين
انتي غير انتي حسبه بنتهم
لكن ولا يهمج ولا تحترين
مثل ماخشو عنج ابتدي سوي مثلهم
ولين عاتبوج قوليلهم العين حق

 

[منوة القلب]

عااادي طنش تعش تنتعش خليج ياااجبل لايهزك ريح ماااعليج منهم كلن يرى الناااس بعين طبعه والله يعطيهم على قد نيتهم يااالغاليه لاتكدرين خاطرج ولاشي .... انا بقولج سالفتي الي احلف لج بالله مااافيها اي تزيف او كلمه زياااده عشااان تهون عليج سااالفتج انا صدمتي من اخوووي ومرته موحماااتي واهل زوجي هذول لوشنو يسووون فيني اخر اهتماااماااتي وشغلي الشاااغل ولاحركوا فيني شسعره مااايشوفون شر الله يسلمج امس شفت زوجة اخوي وسلمت عليها ولااشوووف بطنها شكبره ماااسالتها انتي حااامل طنشت وقلت يمكن قولون ومنتفخ بطنها حدي على نياااتي المره طلعت حااامل لاوبعد بالشهر الخااااااااااااااااااااااااااامس تدرين من منو عرفت؟؟ من مرة اخوي الثااانيه وانا اخت زوجها وعمة الي في بطنها ولا قااالت الاحد الااهلها بالذمه هذي ماااتحر ؟؟؟؟ اخوووي بفرحله من كل قلبي وبدعي له بظهر الغيب ... طوفتها لهم قلت يمكن خااايفين من الحسد بس من منو مني انا ؟؟ انا ولله الحمد والمنه متزوجه صااارلي 6سنوااات وربي حبيبي رااازقني5 كل وااحد احلى من الثاااني ومدلعتهم واحلى اللبس يلبسووون فاليش بحسدهم اذا اهم خااايفين يقولون الحمدالله انا في خير ونعمه .. مع انه والله يااابنااات اني طيبه وعالنيه ولااااحقد ولالالاازعل ولساااني رطب بذكر ربي ..دايما ادق اساال على اخوي الكبير فديته وادق عليها شخصيا واسلم عليها بس الطيبه مااعاد تنفع والله كريم... انتي هدي بااالج ولاتهتمين الااحد اهتمي في نفسج وعيشي حياااتج ولاكااانهم موجووودين...

ذكرتيني بنفسي وانا اقراء كلامك كانك قاعده تتكلمين عني سبحان الله :eh_s(6):

انا حملت وخشيت حملي عن الجميع مو عن حمولتي بس حتى عن اهلي

ماكنت قاصده ولا بنيتي العين والحسد لا والله .. بس حملي جا بوقت غلط الحمدالله على كل شي

حملت على بنتي و كان عمرها 8 شهور وكنت وقتها مسجله بالمعهد ابكمل دراستي

نفسيتي تعبت حييييييييييييل لي درجة كنت اتمناه يطيح استغفر الله

قلت لزوجي مابي اعلم احد لا اهلك ولا اهلي اذا بعلمهم بيقولولي ليش ؟؟ وليش ؟؟ وانا ماني ناقصه الي فيني كافيني

وسكت لين وصلت الشهر الخامس وقلتلهم .. وكلهم زعلوا علي

على بالهم اني خايفه من العين والحسد لا والله ليش اخاف وانا عندي ثنين قبل

انما الاعمال بالنيات .. والله كانت نيتي سليمه ..؟؟





صاحبة الموضوع .. الموقف صعب خاصة انك سئلتيهم وماقالولك ..

قوليلهم وش دعوووووه ماقلتولي خايفين اوقف نصيبها ..

 

[عادت ذكرياتي]

حبوبة أحسني الظن يمكن من الفرحة والهفسة نسوا يقولولج
بس ليش تحرين نفسج !!!!

ما راح يضرج بشيء إنج ما عرفتي ....
عليهم بالعافية زواج بنتهم
بس صارحي أم ريلج بحجي حلو أحسن من إنج تخشين بقلبج عشان تبرر لج موقفها
وعيشي حياتج الحياة حلوة

 

[^noonaa^]

امبييييييييه الله يعينج عليهم

 

[Tosta M7mSha]

الله يعييينج! تصرفهم حدده متخلف
وين قاعدين عيييب والله انا قبل اي واحد ايي يخطبني مرت اخوي تيي عندنا البيت هذا واهي مو ساكنه عندنا بس عيب احتراما لاخوي لازم نقدر مرته ونقوله واذا ماصار نصيب خير ياطير اشبيصير يعني انعرف انهم ناس سنعين وماراح يتحجون ويقولون لان عيب ومحد يدري غيرهم .. بس وضع حمولتج للاسف هذا وانتي مو مقصره معاهم بعد قلبي قلبج مابي ازيدج بس على قولة البنات طنشي وزييين سويتي مانزلتي ولا تباركين بعد الا اذا قالولج وسوي روحج مو مهتمه ولا تقولينلهم اي شي من اليوم ورايح..

 

[مدام د.علي]

رد : شكو خاشين عني...

خل يولون بالطقاق على شنو مهتمه

 

[manhattan girl]

وييييييي تبين الصراحه الشره على ريلج اللي شافهم يسوون فيج جذي و ساكت شنو ما يعرف زوجته يعني ؟؟؟ و المعروف عن الريال انه يحب لمن زوجته توجب اهله و ما تقصر معاهم وتوقف معاهم بالسراء و الضراء و يقولون مرت فلان و النعم فيها ما قصرت جنه متكلمين عنه و مادحينه اهو اسمحيلي حبيبتي انتي حطيتي موضوعج و انا اقولج من اليوم عرفي اشلون تتعاملين معاهم و عامليهم مثل ما يعاملونج و بتشوفين مكانتج عندهم اشلون بتصير لي فوق في فترة قصيره و عطيهم العين الحمره و خليج نفسيه و الله يهديهم ماكو شغل الناس يتهد بعضها و بتحسد فيهم بس ليش ماكو اوادم عالارض غيرهم الحمدلله و الشكر الله يعينج و تقبلي مروري

 

[حبيبتي إختي]

رد : شكو خاشين عني...

عامليهم مثل ما يعاملونج ولا تطنقريق وتحسسينهم انهم ضايقوج بالعكس خلج عادية واكثر من العادية .. ومستقبلا انتي بعد خشي عنهم أي شي يخصج او يخص اهلج وخلهم يجربون الشعور اللي انتي حسيتيه .. هذا اذا عندهم احساس من الأساس.

 

[حبيبي مالكني]

رد : شكو خاشين عني...

الله يعينج عليهم
طوفي حبيبتي هاي طبعهم

 

[دلوعه ناعمه]

رد : شكو خاشين عني...

طنش تعش لاتقهرين عمرج