شلون أخلي ظهري مستقيم ...؟

[سكـ الليل ـون]

صباح الخير


شلونكم بنات وشخباركم


بدخل بالموضوع على طول

وأبي منكم الحل الأكيد .. لأني تعبت

أبي شي يعدل ظهري .. وكتوفي .. وأنا قاعده شكل ظهري يكون غلط
أحس أني محدبه و كتوفي نازله لـ قدام

مرات أقعد عدل وظهري مستقيم .. بس بعد خمس دقايق أرجع وأنحني من دون قصد
لأني تعودت على القعده الغلط

فكرت بـ حزام الظهر وسألت عنه بأكثر من صيدليه : قالو لي أنتي توج صغيره وما تحتاجينه

وما دري هالحزام يفيدني ولالا ..؟؟

وأبي منكم الحل .. ؟؟



.

 

[زيـنـه]

الحزام راح يضايقج و يحز او يضغط على البطن

الحل مثل ما قلتي حاولي تعودين نفسج شوي شوي على القعده الصحيحه و ان يكون ظهرج مستقيم .. و مع الايام يتتعودين .. بس دوم ذكري نفسج انج تفردين ظهرج .

 

[MiSsY HottY]

ذكرتيني بنفسي أول ما بلغت كنت مستحية وايد من صدري فكنت امشي وأدنق بس أشوه بعدين صرت واثقه من نفسي امشي بإستقامه رفعي راسج وافردي ظهرج سوي تمرين ييبي مسطره طويله 30 سنتيمتر مسكيها بدينج كل طرف ايد بس ايدينج تكون ورا مو جدام جتوفج را ترد ورا وإمشي روحه ورده بالممر كل يوم وانتي لابسه كعب ان شاءالله تكون وصلت معلومه

 

[شيهانه]

ما ادري احس جربي حزام الظهر اهي فتره بس علشان ايتعدل ظهرك .. بس خلى اهلك دايما ايذكرونك رفعي ظهرك على طول قولي لهم من تشوفوني امجندسه نبهوني اهو ان شاء الله بالتعود كل شي يصير وحلولي لما تمشين تشفطين بطنك ولعي يوغا واايد يساعد على الاستقامه

 

[سكـ الليل ـون]

زيـنـه

نفس كلام أمي
تقول أخاف الحزام يضايقج و يعور ظهرج



خالة برونزية

بسـوي التمرين اللي قلتي عليه
وان شاء الله يتعدل ظهري



شيهانه

يا كثر ما نبهوني .. وما كو فايده
أتعدل خمس دقايق وأرجع مثل ما كنت


مشكورين يا بنات ..كل وحده منكم أستفدت منها بشغله

يعطيكم العافيه

وأن كانت في حلول ثانيه بعد .. لا تبخلون علي

فمان الله



.

 

[sharoo_e5]

لعبى رياضة وحاولى طول ما انتى قاعدة تكونى مستقيمة

 

[*_*cute bug*_*]

بالعكس الحزام زين بس صج يضايق بس اذا وايد متعبج ظهرج روحي الطبيبي يحولج علاج طبيعي يعطونج تمارين حق الظهر

 

[سكـ الليل ـون]

sharoo_e5
رياضه !! مثل شنو
هل فيه رياضه خاصه لتقويم الظهر ..؟؟



*_*cute bug*_*
بخلي الطبيب .. أخر الحلول ..اذا ما فاد معاي شي
والحزام فكرت فيه .. لأني أبي شي يخليني غصب عني أعدل قعدتي


مشكووورين حبايبي على مروركم وافادتكم

لا خلا ولا عدم


وأخر سؤال .. تحملوني

منو جربت الحزام .. أبي أعرف فوايده و عيوبه ..؟؟


سي يو




.