شلون أشتري بيت ؟؟ واللي يعافيكم شاركواا ؟؟

[مترجمه]

الرسامه انا رفعت الموضوع لج عشان نفيد الكل

مبروك عليج البيت تكفين قولي لنا طيقتج وهل كل هذا من البورصه؟

 

[znjabeelaa]

الرسامه منزل مبارك ان شاء الله......... بس نبي نعرف تجربتج مع هالموضوع اللى مسبب ازمه

 

[@ الرسامة @]

ان شاء الله بنات راح ارد عليكم ان شالله باجر

 

[مو عايشة بالدنيا]

الف مبرووووووووووووك الرسامة البيت والله يجعله بيت مبارك يارب
بس قوليلنا خبرتج

 

[ام فجور 2008]

مبرووووووووووووووووك
ومنزل مبارك انشاءالله
بس ماقلتي شنو شعورج لمن شريتيه ؟
البيت يتسجل باسم منو ؟هذا الي ذابحني لان قالوا ان الي ياخذ 70 الف يتسجل البيت باسم الرجال
وهذا معور قلبي

 

[@ الرسامة @]

بسم الله والحمد لله ولا اله الا الله والله اكبر
لا قوة الا بالله
وما شاء الله




هلا حبايبي


واسفة على التاخير


مثل ما شفتو الموضوع قديم
وانا توني شارية بيت حتى ما سكتنه قاعدة اجهزه توني



عموما

بديت بوضع خطة
وحطيت لي دفتر
من 2005

وبديت اقسم معاشي ومعاش زوجي واستقطع مبلغ
وقدرت ايمع مبلغ محترم كمقدم بيت


بس تفاجئت باسعار البيوت شلون غالية وقعدت ادور بيت سعره مناسب على انه يكون قسيمة
ما ابي بعد كل هالتعب اتقلقص ببيت حكومة

المهم لقيت بيت اشوي غالي
ورحت بنك التمويل
وشريت منهم اسمنت وطابوق ومواد بناء انا وزوجي
وباعوهم لنا بنفس اليوم (( طريقة لاخذ قرض من البنك )) يعني يعطونا فلوس كاش ثاني يوم لان بنك التمويل كان ممنوع من شراء البيوت هالفترة

وعلى المقدم والقرضين والسبعين الف شرينا البيت
ولله الحمد

بس الله يعينا على الاقساط



واللي سالت عن تسجيل البيت باسم منو
اقولها البيت تسجل باسمي واسمه نص بالنص



وهاذي تجربتي وادعولي ان يكون البيت منزل مبارك





وبقولكم شغلة


ترى الحياة الزوجية حياة مشاركة وتخطيط وانا اشوف وايد بنات ما يحبون يساعدون ازواجهم
اشدعوة
اذا انتي خايفة منا ليش عايشة معاه
وترى السنعة اهي اللي تخطط لحياتها عدل خططو وحطو ورقة وقلم من اليوم ووفرو
موشرط التوفير يكون حق البيت

بس لازم يكون عندج مبلغ علشان الطوارئ الصحية لج ولعيالج



واي تعليق انا جاهزة

 

[ام فجور 2008]

بعد عمري عليج بالف عافيه والله يحفظكم
وانا لمن سالت يتسجل باسم منو لان الواحد مايعلم الغيب ماتدري باجر شيصيراحط على عمري قرض واشتري بيت ويتسجل باسمه وباجر يسكن غيري معاي :0bee2e8d89: ؟

حصني بيتج من العين وعليج بالف عافيه
وممكن اعرف الاجراءات الي سويتوها ؟

 

[كجب]

بعد عمري عليج بألف الف عافية وعسى ربي يكتبلج فيه كل خير يارب
ولا تنسين ركعتين شكر والصدقة عشان يتبارك بيتج...
وعليج بألف عافية , صج فرحتلج مع اني ما اعرفج بس انتي بنت حالج حال اي كويتية ومن كلامج وضعج على قد الحال بس ماشاء الله بالتخطيط السليم قدرتي توصلين حق الي تبينه ابفضل الله سبحانه , عشان جذي انا اعتبرج قدوة حق خواتج الكويتيات الي اكثرهم حالهم من حالج وودهم يوصلون للي وصلتيله ابفضل الله تعالى
ما شاء الله لا اله الا الله
عليج بألف عافية

 

[مو عايشة بالدنيا]

حبيبتبي بجم شريتي البيت وباي منطقة؟؟؟؟؟؟؟؟؟؟؟؟؟؟؟
انا ودي بقسيمة
مابي بيت حكومة
قوليلنا التفاصيييل بليييييييييييييييييييز

 

[مو عايشة بالدنيا]

وليش خذيتي مواد البناء اذا انتي ماخذه قسيمة؟؟؟
يعني قصدي البيت مبني خالص
صح.؟؟؟؟؟؟؟؟؟؟؟؟؟؟

 

[شيهانه]

شخباري




اولا


بسم الله والحمدلله ولاحول ولا قوة الا بالله والله اكبر



انا صاحبة الموضوع



حبيت ابشركم اني توني واخيرا شريت بيت





من بعد معاناااااااااااااااااااااة



يالله بنات باركولي والفال لكم حبايبي


واللي تقرا ردي هاذا تذكر الله وتدعيلي ان يكون منزل خير ومبارك

مبروووووووووووووووك واتهنيين فيه ان شاء الله وربي يرزقني بيت ملك ان شاء الله .. بس ممكن سؤال اشلون حسبت بيت التمويل حق القرض الي خذيتيه ؟؟؟ يعن اقصى شي يعطونه اشكثر ؟؟

 

[سلمى الخير]

حبيبتي بعد اذنج ممكن اعرف جم اخذتي قرض بطريقة مرابحه وجم سنه تسددون وجن قيمة القسط الشهري

لكم اثنيناتكم

واسفه ع التطفل

 

[^kloOot^]

مبروك الرسامه


بس انا قريت لج موضوع اعتقد عن البورصه هل له علاقه بالمبلغ اللى وفرتيه ؟؟ ولا لا


وابي اعرف التفاصيل ياقلبي اذا ممكن


عشان نستفيد

 

[no_need]

ماشاء الله ولا حول ولا قوة الا بالله..الرسامة وايد وايد فرحتلج و الله شاهد علي..ان شاء الله اتهنين فيه و يجعله منزل مبارك
انا اول مرة اقرى الموضوع و تابعته و النتيجة حلوه وايد استانست جني انا اللي شريت البيت
الرسامة عطيتيني حافز و بخليج قدوتي

 

[ام فجور 2008]

الرساااامة اين انتي

 

[@ الرسامة @]

حبايبي ان شاالله ارد على اسئلتكم كلها بس عطوني شوية وقت وارد لكم

 

[ام حلومي]

سوي استقطاع شهري ويمعي مسكي روحج بعد شتسوين لازم كلنا انيمع هذا الحل محد يقدر عليه

 

[ام حلومي]

حدي قديمه


مبرووووووووووك

 

[^kloOot^]

وينج يارسامه


ناطرينج حبوبه

 

[SKY.Bird]

ابي بيت :bbbiu: