شلون أشتري بيت ؟؟ واللي يعافيكم شاركواا ؟؟

[ام فجور 2008]

--------------------------------------------------------------------------------
ابي بيت

عشم ابليس بالجنة :krkrkr:

 

[الريادة]

اب اب

 

[بشورة الأمورة]

الف مبرووك

وناطرين تردين على البنات

 

[شموووسة]

حبيبتي ألف مبروووووك ..بس بسأل كم سعره ؟؟؟الإجمالي
وكم مساحته ؟
وكم دور ؟؟و إذا في سرداب أو لأ .....أهم شي عندي إني أبني سردااااااااااااااب.....


ساعديييييييييني أبي أشترييييييييييي بييييييييييييييت :krkrkr: ........



يارب يحرسج من العييييييييييييييين

 

[أ.س.م.ا.ء]

متااااااااااااااااااااااابعة
الله يرزق كل وحدة الي ببالها ياااااااااااااااااااااارب
ومبروووووووووووووك ياالرسامة ان شاء الله منزل مبارك
الله يهنيج ويباركلج فيه ويكون هالبيت خير عليج انتي وريلج وعيالج

 

[@ الرسامة @]

السلام عليكم



اسفة على التاخير


انا راح ارد على بعض الاسئلة واسمحولي على التفاصيل كلها ما اقدر اقولها لان فيه وايد ناس اهني تعرفني فصعبة ادش بكل التفاصيل

عموما

مثل ما قلت لكم استقطاع شهري من معاشي ومعاش زوجي لمدة 5 سنوات فيمعت مبلغ ( 00000 )
لقيت بيت في منطقة مبارك بسعر الاجمالي شوي غالي مابين 120 الى 190 الف ----- اسمحولي على السعر
مواصفاته بيت نظيف سرداب ودورين ونص
ولان سعر البيوت صار غالي



ركزو معاي شسويت

عندي مبلغ حلو موفرته
مع السبعين الف مالت ريلي
مايكفي شسويت ؟؟؟


بيت التمويل وقف شراء البيوت !!!!

في طريقة ثانية يقدمها التمويل
شريت منه (((((((((((( على الورق بس مو صج ))))))))
اسمنت وحديد ومواد بناء
ومن ثاني يوم التمويل نفسه يبيعه ----------- يعني طريقة مضمونة لاخذ فلوس منه
طبعا انا وزوجي كل واحد سوى هالطريقة فصار عندنا كاش وطبعا انسدده للبنك لمدة 10 سنوات ويصير 15 سنة للي مايبون يستقطعون من معاشهم وايد



فشصار الحين

المبلغ الموفر + السبعين الف + الاقتراض من البنك ( الطريقة اللي ذكرتها ) = شراء بيت




طبعا الحين بنك التمويل كسب قضيته ويقدر انه يشتري البيوت

فيصير انكم تشترون بيوت بطريقة انه البنك اهو اللي يشتري ويسلم الفلوس للبائع ويعطيكم البيت بس تسددون له الاقساط




0000000000000000000



طبعا الله يعيني على الاقساط مو شوية سواء علي او على زوجي والله لوتحسبونه يطلع معاش كامل
بس شسوي مليت من القعدة عند الحمولة ضيج وماكو خصوصية


الله يعينا بس

 

[@ الرسامة @]

والحين


نصايحي لكم


1- حاولة تسددون كل الاقساط اللي عندكم سيارة او اي شي ثاني واللي عندها مدارس خاصة اقولها الله يعينج ترى صعب شراء بيت مع قسط المدارس

2- الفيزا وقفوها واعتمدو على راتبكم لان الفيزا تخرب ميزانيتكم

3- حطو دفتر لج ولريلج كتبو المعاش وحطو مصاريفكم وقسمو معاشكم عدل مع التوفير منه

4- حطو لكم حساب للتوفير (( نصيحة مني ابتعدو عن الربا )) وكل شهر 1 ينزل لكم ربح فيه (( موجوده الخدمة ببيت التمويل )) مو تنسون زكاة اموالكم طبعا علشان الله يطرح في فلوسكم البركة

5-التوفير موشرط انج تحرمين عمرج من الطلعات والوناسة بالعكس عادي انا كنت اطلع واستانس واروح واشتري بس مو نفس قبل طبعا بس حطيت بالي على لبسي يعني قبل اشتري طول الوقت الحين لاء احطلي مبلغ واقيد نفسي فيه ما اطلع منه لو شنو ومافي مانع اكافئ نفسي الشهر اللي وراه

6- لازم اتحطون ببالكم ان البيت اللي راح تشترونه حتى لو كان بسيط تقدرين انج تعدلينه وتنسقينه بالديكورات والاثاث يعني اهم شي سعر البيت يكون زين وعلى الاستطاعة






والحمدلله على كل شي وسامحوني بنات على التاخير
واتمنى من الكل انه يستفيد من موضوعي

ولاتنسون


الدعاء لي
ماشاء الله ولاقوة الا بالله

 

[ام فجور 2008]

الله يبارك لج فيه
المشكلة ان انا وزوجي الي قاعدين نوفره حق تسكيرة الاقساط
يعني مو موفرين ولا مبلغ حق البيت

 

[جوري الكويت]

ماشالله منزل مبارك يالرسامه

و الفال لنا انشالله

 

[بسكوت دارسين]

الرسامة الف مبروك عساه بيت اعمر بذكره

بنات اانا مووفاهمة تقطة ان بيت التمويل يشتري البيت واحنا ندفعة بالاقساط؟؟

ياليت توضيح ولاعليكم امر

 

[ديماااا]

الرسامه الف مبروووك وعسى يكتب لج فيه الخير ويحفظ عياااالج وابووهم
وعقبالي انشالله الجميع يصير عندهم بيوووت
وانا اتمنى ان ربي يرزقنا بيت انا زوجي ومشكله انا مو موظفه بس هو الله يعينه ويخليه لنا والله كاسر خااطري زوجي تخيييييلو ا صااااااار يفكر يسوي له مشروع تخيلوو بشنووو لان هو مايبي شي ربا ولا يبي اقسااااط فكر بشنو انا اقوولكم شنو اشتر له غنم ونعيمي وحطهم بجاخوور بجبد الله يعين يعينه بالحر يوميا يرووووووح تعب والله تعب لا مكيفااات ولا شي ماغير كيربي وحووش غنم وخيمه شيسووي حده الدنيا على هالتعب
والله زوووووووووووجي مخلص بس الزمن مو معااااااها عسى ربي ربي يريحها ويحميها
بناااااااااات ادعوووالنا بالبيت الله يعين

 

[bint_looda]

الرسامه عساه منزل امبارك تتهنين فيه وربي يسعد ايامج فيه
ديما عسى ربي يوفقكم ويرزقكم على قد نيتكم يااااااااااااااااااارب

 

[بحر الذكريات]

اسود

موبايل؟

 

[Loora]

خوووووووووووووووووش موضوع حيل حيل استفدت منه

( الرسامه )

ألف مبرووووك حبيبتي والله يهنيج ويسعدج ابيتج ,,,,, وترى كل شي بالدنبا يبيله صبر ،،،، ومافي شي يجي بالساهل
والحمدالله خخطتي صح ووصلتي لهدفج ,,,,, وانا الصراحه يعجبني اللى تفكيرها جذي ،،،، ما احب الناس اللى تمشى على البركه وحياتها بدون تخطيط

 

[eL 3eFa]

الف مبرووك


والله يهنييج يارب ويتمم عليج وعليج بالف الف عاافية

 

[دلع شمّر]

حبيبتي الرسامه الف مبروك يالغاليه وعساه بيت عامر بالسعاده يارب

بغيت اسال عن بيت التمويل الحين شلون يشتري البيت وجم ياخذ ؟؟ ولازم نكون موفرين مبلغ والا عادي يشتريلنا بدون لانوفر مبلغ ؟؟

 

[french`coffee]

up up up

 

[kuwaitya-frawla]

خووش موضوع وايد استفدت منه


ومبرووووووووووووووووووووك الرسامه عل بيت والله يهنيكم يارب

 

[سموة الزين]

الله يعين انا وزوجي حدنا غرقنا روحنا بديون والحين 5 سنوات زواج وخمس عيال ولانا قادرين نوفر من معاشنا شي بالصراحه ابحاول اشتغل اطق طق بتجاره عالاقل نجمعلنا جم بيزه نعدل وضعنا وموضوعج حيل حلو يارسامه وانشالله يارب نوصل لطريقه نقدر انوفر مبلغ لشرا بيت ياارب تعطينا الحكومه كل فرد من العايله 100 الف دينار لووووووووووووول ولا راح نشبع بعد

 

[سموة الزين]

ماشاء الله تبارك الرحمن عسا الله يعطيكم من خيره ويفكم من شره يارب ومشكوره عالنصايح