شلون أصير جذي تكفوووون 

[ميريام فارسQ8]

لازم تتعبين عشان توصلين لهدفج ترى هذول ماوصلو لهالنتيجه بيوم وليله اكيد تعبوا وحطوا اهداف براسهم انتي حاولي وحطي اهداف وان شاء الله تصيرين نفسهم واحسن ان شا الله

 

[Nzzz'3a]

الموضووووع رووووعه و تحفيزي و البنات ماا قصرووو


عندج الدكتووور نجيب رفاعي اقري كتبه واسمعي اشرطته التحفيزيه ( ثقه بالنفس ، تنظيم الوقت، البرمجه الايجابيه.... الخ)




هذي نموذج منهم و ابحثي عنه اكثر وشوفي اللي يناسبج

⤵⤵⤵⤵
اانقاص الوزن

http://www.zshare.net/audio/5487934670ed2f9a/

الدرس الاول مقدمة للمهارات الدراسية

Joreyat.org: The Leading Jorie Yat Site on the Net


الدرس الثاني دورة المهارات الدرسية مفاتيح النجاح

Joreyat.org: The Leading Jorie Yat Site on the Net

الدرس الثالث دورة المهارات الدراسية البرمجة الإيجابية والرسالة العقلية

Joreyat.org: The Leading Jorie Yat Site on the Net



- الدرس الخامس طرق برمجة العقل

Joreyat.org: The Leading Jorie Yat Site on the Net

5- الدرس السادس اسرار ومنبهات النجاح


Joreyat.org: The Leading Jorie Yat Site on the Net

الابداع في العمل والحياة

Joreyat.org: The Leading Jorie Yat Site on the Net

ترك التدخين

Joreyat.org: The Leading Jorie Yat Site on the Net


شريط استرخائي

شريط استرخائي للدكتور نجيب الرفاعي - MP3 Download, Play, Listen Songs - 4shared

تحسين قدرات الذاكرة

Joreyat.org: The Leading Jorie Yat Site on the Net

درس في إدارة الوقت

Joreyat.org: The Leading Jorie Yat Site on the Net

منقول جزء كبير منها من مدونة دمعتي
مووووووفقه خيييير

 

[نورة حسام 2]

مشالله عليهم وعقبالج وعقبالنا

 

[ليدي بجد]

نزغه مشكوره هل. الروابط اختي



بس الروابط الي حطيتيهم. يودون على موقع اسمه جوريات. وفيه عده روابط بها لموقع ما عرفت شسوي عشان أشوف او انزل الدروس.!!!!!! على فكره انا قاعده ادخل من الايباد

 

[baby lotion]

على فكره روحه الزواجات كثير والزيارات ماهي ميزه

ضياع وقت ودجه ايش فيها مفيد
تروحين والطقاطقه تصمخ اذنك والحريم كل وحده تحش في الثانيه ويضحكون
غير الغيره والحسد وكثير ماعينو خير بعد حضورهم لزواج
صديقتي حضرت زواج السنه الماضية بعد الزواج على طول ارتفعت حرارتها
اسبوع واحد بس وانتكست حالتها وتنومت في العنايه ماكملت شهر وتوفت الله يرحمها
والله العظيم احس اني ماني مستوووعبه الموضوع كرهت بعدها الزواجات
وافكر اني اقلل رواحتي للزواجات بصراحه مااحس اني اطلع بشي مفيد
مع اني مرره احب البس واتكشخ بس لو وزناها بالعقل مالها داعي
غير اني مااحب الصخب والرجه
هذا رايي

معاها بهالنقطه :rerrerek:


اتوقع الثقه بالنفس وتنظيم الوقت لهم دور كبير

وآآب للفايده :eh_s(7):

 

[ماكواسم2]

الاخت اللي قالت عن الزواجات والعروس صحيح وايد حريم توفوا والسبه هالعروس والتكشخ فيها والحسد

 

[غيمة تسعة]

:



شوفي ياقلبي
إنتي تقدرين تصيرين نفسهم لا و أحسن
بس متى ماحطيتي فبالج تبين تكونين أحسن و تبين تطورين من نفسج
إهني بس راح تقدرين
طبعاً مو بالكلام!
إبدي ب نفسج . . وقفي قدام المراية
شوفي شمحتاجة؟ شنو ودج تغيرين ب شعرج بشرتج,إي شي
و حددي . . بشرتج مثلاً فيها شويّه حبوب و بقع
إبدي فيها, روحي دكتور جلدية.. أو صيدلية!
خلّج مقتنعة و مصممة إن تبين تغيرين هالشي فيج و تصيرين أحلى
و بالدوام على الكريمات و الأدوية و غير جذي النفسية تكون أوكي!
بتصيرين:ggdw:

غير اللبس و الميك أب و الطبخ
. . عندج انا؟ ترى ما أعرف اسوي مني و الطريج
دورت شفت..و جربت , ساعات يضبط و ساعات لا
لين تمكنت من هالشي
صج إني مو توب توب!
لأن ماكو أحد توب . . و لا تقولين لي في
مستحيل يضبطون كل مرة أو كل شي مثل كل مرة!!!
حتى البروفيشنال تصير بينهم أغلاط
سو ماكو شي كامل
بس في شي إسمه محاولة

عندج مدّونات . . يتكلمون عن الميك أب أو الطبخ
شوفي و تعلمي و جرّبي
يعرضون منتجات و طرق شكثر
إنتي ابدي خطوة ب خطوة:eh_s(7):
و تأكدي . . لازم تكون عندج رغبة حقيقية للتحسين!


و إي سؤال أنا حاضرة . . لو بغيتي نفيد بعض ونطور من بعض للأحسن:eh_s(7):
كلميني عالتويتر أو الإنستغرام
و شوفي مدونتي يمكن أقدر أفيدج ب شي:eh_s(7):


غيمةة تسعةة♫’
انستغرام : sarontah_
تويتر : cloud9_s


:eh_s(7):​

 

[Nzzz'3a]

السموحه ليدي بجد والله ماا تاكدت قبل لا ادزهم


مسيفتهم عندي لـ بعد رمضان

تقدرين تبحثين باليوتيوب عن نجيب الرفاعي

موووفقه خيييييير

 

[أميرة-]

ذكرتيني بوحده معاي بالدوام صج ينطبق عليها الكلام اللي قلتيه بيرفكت ومن مشالله

بس مو على تنظيم الوقت هي مزاجيه متى ماطق ببالها شي سوته يعني ماعندها جدول و اللي تقول اللي حوالينها مهيئين لها لا مو صحيح هالكلام التوفيق من الله .. هالبنت يوم عند اهلها اخوها كان يطقها كل يوم وعلى لسانها تقول اول واحد خطبني اهلي احذفوني عليه يبون الفكه لانها كانت عصاميه وعنيدة شوي

بس مشالله كل شي تعرفه هو طباخ هو مكياج هو سنع هو ذكاااء لما تتكلم الكل يسمع ويتعلم هههههههه وبعد عندها مشغل وذوقها راقي

الواحد اهو يبني نفسه الى جانب التوفيق من الله مهما كانت العوامل ضدج اذا الله مبارك لج بوقتج وبجهدج ومالج اي شي تسوينه يطلع حلو بعكس ناس كل شي متوفر لهم بس سبحان الله مو مميزين بشي ولا عندهم بصمة

الوراثة والتربية والبيئة اللي انتي فيها لها دور

 

[مرتبة]

كل بنت شفتيها فلته تاكدي انه فيه فلته اكثر منها بس ماشفتها
وانتي اكيد فيه ناس اقل منج باشياء عندج يشوفونها الناس واااااااو وانتي مو حاسه فيها
مافي بنت جيكره
فيه بنت مزيونه خلقه
وفيه بنت ثقتها تطلع انها مزيونه بعين الناس

ليش تنقهرين منهم تاكدي لو يشوفونج بيحسدونج علي شيء هذي طبيعه الحريم
فانتي اكيد عندج شيء يفتقرون فيه


وبغيت اقول لج شيء ممكن عندهم كل شيء بس يحسونه انه ولا شيء
فحرام لا تحسدينهم

 

[MaKe-Up]

بصراحه موضوعج حيل حلو ويحفز الوحده
أول شيء بقولج شغله ما في إنسانه كامله
بس انتي بنظرج تشوفينها لإنج ما عرفتي عيوبها !!

لكن مو حلو تقارنين نفسج فيهم بالعكس قارني نفسج بنفسج يعني تطورين نفسج للإحسن
ومن بعدها لأحسن من ما انتي عليه
لاتقارنين نفسج بأحد

بس إذا حابه تتطورين عندي لج نصائح
أول شيء خليج ملتزمه بصلاتج لأنها بتريحج وتقربج من الله وهذا يخلي روحج مرتاحه و مزاجج حلوو ولا تخلين صلأتج حتى الفجر قومي لها علشان ما تتكاسلين يعني عدلي نومج

وبعدها بما أنه ماعندج لا عيال ولا أحد غيرج
هذا بيكون أسهل لج كتبي أهدافج إللى حابه تحققينهأ مثلا تتعلمين تسريحات و ميك أب
حق هالشهر مثلا.

و نظمي وقتج حق الشعلات وخلي عندج النوته تكتبين فيها شنو بتسوين اليوم وحطي صح إذا سويتها كلهاا حتى لو غلطتي لكن انج حاولتي
وتعلمي مع الممارسه بتسوينه عدل

بس أهم شيء الالتزام و الممارسه
ؤبعدها كل شيء يكون أسهل

بس لاتضغطين على نفسج حيل خلي لج وقت راحه و وقت طلعات وناسه

و يـآرب تكونين مثل هالمتميزات واكثر
و أنا قبل كنت مثلج كسل بكسل

بس حاليا أتعلم واطور من نفسي واقرا كتوب
واتعلم من اليوتيوب تسريحات وميك أب و منكير
و أمارس رياضه و قبل كنت ما أحبها الحين
استأنس عالرياضه حيل


و للحين ما تعلمت طبخ وان شاء الله بطبخ

و ؤخري عن الناس السلبيه لأنه ياثرون على نفسيتج

 

[مها الهاجري]

انا كٌنُُتْ مثلج بس الحين لاا الحمدلله منظمه وقتي اعرف اطبخ واهتم بنفسي واعرف للميك اب عددددددددددل < ماشاءالله &#55357;&#56842;
بس موو اي عرس او اي عشا اروحله !!
واقول مثل حجي make-up

 

[~ طـــواري ليل ~]

ما شاء الله، وعسىٰ ربي يبارك لهم !

أول شيء هذا يعتمد عليج من داخل، يعني إذا بتقعدين تقولين ( ما احب الدراسة ) ( ما اعرف .. ) وهالأمور اللي تحبطج، ف انتي ما راح تنجزين وبتظلين جذي طول حياتج !

ابدي مع نفسج، عززي ثقتج بنفسج، خلي لج طموح او هدف توصلين له .. لا تكونين إنسانه ضايعه نوم واكل بدون لا هدف !
حطي لج هدف ومو أي هدف، خلي أهدافج عالية حييييل .. الإنسان كل ما خلىٰ طموحه عالي فوق راح يعزز من نفسه وينجز اشياء اهو بنفسه ما كان يتوقع انه يوصل لها

الميك آب : مع الممارسة بتعرفين له، وأظن إنه مو شيء مهم لهدرجة عشان تشتطين له ..

الطبخ : كل دقة بتعليمه .. مرة مرتين ثلاث وبتعرفين وتصيرين فنانة
( تابعي برامج طبخ - حسابات انستغرام مختصو بهالشيء .. )

الدراسة : نفس الكلام اللي بالبداية .. يعني لازم تحطين لج طموح كبير توصلين له .. مثلاً بدش جامعة بعدها فكري بالدكتوراه مو الماستر لاااا .. خلي طموحج دكتورة جامعية .. وبتأخذين الماستر وانتي مرتاحة لان حطيتي طموحج الأكبر اللي اهو الدكتوراة ؛)
ترى شكثر فشلة بالثانوية بس ما شاء الله الحين دكاترة جامعيين

نصيحة:
لا تطالعين بالناس وتقارنين نفسج فيهم، دايمًا خلي نفسج إنج أحسن من الكل، لا تهدمين ذاتج بنفسج

وبس .. ربي يوفقج ♡