شلون أعلم ولدي على الحمام؟؟؟؟

[ملكة الفرس]

السلام عليكم....

والله بنفجر والله بجيت لين ما أنهد حيلي ....
ولدي كمل 3 سنين لكن مو راضي يتعلم على الحمام...

شلون اعلمه ؟؟
لا تقولون حاولي ... حاولت و حاولت وحاولت لكن مو راضي يتعلم على الحمام...
كل شوي موصخ نفسه و أقعد أمسح و انظف أنهد حيلي و آنه أنظف وراه ....

الله يخليكم ساعدوني دلوني ...
وهاي السنه بدش الروضه لكن مو راضي يتعلم... قاعده احاتي و أقول شلون بدش الروضه و أهوه لين ألحين ما يعرف دشة الحمام...

مع اني قطعت عنه البامبرز و كل نص أدخله الحمام لكن ما يقول لمن يبي يسويها ؟؟
أقوله ماما أذا تبي تروح الحمام تعال قولي لكن أبد ...

والله تعبت كل شوي مبدله هدومه وتعالي مسحي و انظفي وراه ... والله كل هدومه ألي بالكبت لبسهم:krkrkr:طول اليوم ... ماكو فايده...

اهل الخبره ساعدوني...:yaaaaaarb:

 

[شادن33]

اولا انتي تاخرتي عليه الولد لازم سنتين ونص خلا ص متعلم
ولازم تتعبين اشوي معاه
يعني تعرفين ان عقب الغدا مثلا بتلاث ساعات اتنبهينه تقولين له ها ماما يلا حمام وانطري عليه
يعني عقب كل وجبه بثلاث ساعات اعرضي عليه الحمام واقعدي فتره وياه
لين يتبرمج

 

[نونو نونوه]

انا ولدي الحين سنتين وانشالله ناويه باجازة الصيف اعلمه يالله نبي الخبيرات يفيدونا بنات لا يوقف

 

[Computer-ENG]

حبيبتي اول شي استخدمي حفاظات التعليم (easy up) ما يصير تخلينه بالداخلي واهو ليلحين مو متعلم 100%
عشان لا تضطرين تنظفين وتطهرين من وراه ..

بلشي معاه كل ربع ساعه تكرمين تدخلينه الحمام ، راح يبجي ويعاند ميخالف تحملي لانه اغلب الوقت ما يكون فيه
لين يتعلم يقول عشان لا تدخلينه الحمام كل شوي
شجعيه وخليه يحس انه صار كبير والبيبيات اهمه اللي يلبسون حفاظه .. انا جابلته عدل لانه ما كان عندي شغاله وما طلع توظيفي ، كنت اخليه بالداخلي طول النهار وبالليل بس البسه مالت التعليم بس ما شاء الله عليه بسرعه تعلم حتى بالليل بروحه يقوم ويقولي وديني

يبيله صبر وان شاء الله ما تتاذين

 

[الأميرة جوري]

كل عيالي سنتين ونص اعلمهم كل ربع ساعه اقول يالله حمام سو بولا(عزكم الله) لو ما في شيء واتغشمر معاه جنها لعبه اركض معاه وانا ماسكته جربي معاه

 

[مواصله]

اول شيئ تسوينه زيني له الحمام خليه يتحمس يروحله وحببيه فيه يعني حطي فيه استكرات وطبعات ملونه

نونيه حلوه خليه اهو يختارها واخذي بعد قصص صغار ملونه خاصه بس وقت اللي يقضي حاجته قعديه وقعدي معاه

كلما سوى شيئ بالحمام صفقي له وحطي له نجمه ووعديه انه اذا جمع 10 نجمات مثلا بتشترينله هديه

اذا غلط وسواها على نفسه شيلي نجمه

وترى باليوتيوب فيه اناشيد اطفال ورسومات عن تعليم الحمام شغليهم له بيتحمس ويتشجع

ويبيلج انتي تطولين بالج انتي بمعركه لووووول لاتخلين بو3سنين يغلبج

ترى ماكتبت لج هالكلام الا عن خبره

 

[مواصله]

ايه صح فيه حركه تضحك كنت اسويها مع عيالي بس كانو يندمجون معاي بالقصه وكانت تجيب مفعولها

اشريله -اكرمج الله-على المرحاض وقوليله هذا بيت مال بي بي

لازم تخليها تروح حق اهلها مسكينه ضايعه واعليه هههههههه

جربيها مابتخسرين شيئ لووول

 

[ميرور]

اخ كانج تتكلمين عن بنتييييييي

بتسير الروضه وماتبى تخلي البامبرز

مع اني خذت لها تريننغ بانتي بس بعد تسويها ،، فتره وعقب مليت ورجعت على البامبرز وهذا غلط

 

[ام لمااار]

ماعندي خلفيه بنتي لسا صغيره لكن يبيلك طولة باااااااال ولازم تحترمين شخصيته لاتعنفينه واصبري عليه الله يعينك والله الاطفال همهم يوم عن يوم يكبر وانتبهي تخانقينه اوتضربينه والله راح يسويها من الخوف وموفقه حبيبتي

 

[ملاك ^ الحب]

انا 3 سنوات علمت بنتي وخذيت معاها تقريبا 3 شهور على ماتعلمت عدل

كنت كل نص ساعه اوديها الحمام ماتسوي شي بس تطلع تكرمون تبول بملابسها واقولها مايخالف حبيبتي بس مره ثانيه تسوين بالحمام وما ازفها وهذا اهم شي ان الياهل ما ينزف على حمام ولا ينطق

ورحت وشريت لها استكرات وقلت لها كل ما تدخلين وتسوين بالحمام اخليج تحطين ستكر بالحمام وكانت مستانسه وايد وقامت تبي كل شوي تبي تدخل صج ساعات تبول على روحها بس كنت البسها السروال النايلون واقولها مايخالف عادي وبالبيت تروح الحمام بس نروح مكان مثلا بيت اهلي بس تشوف اليهال تنسى تروح انا كل شوي اذكرها تروحين الحمام وكل شوي تبول على روحها

اقولها شوفي فلان كبير يروح بروحه الحمام ما يسوي شي بملابسه انتي بعد كبيره وتروحين الحمام قامت تتشجع على الحمام بس السروال النايلون ما افصخها

لمن تعلمت قامت تتحكم بروحها

يعني اول شي

اشتريله ستكرات او العاب بو 100 وقوليله كل ما تسوي بالحمام اعطيك وحده
وبعدين شجعيه اذا عندكم احد بالبيت اكبر منه شوي قوليله شوف فلان يروح الحمام اهو كبير وانت بعد كبير وتروح الحمام
واذا قام يروح بعد فتره وديه معاج السوق وخليه اهو يختار هديه واخذيه له قوليله لانك قمت تروح الحمام

 

[صدفه نسيتك]

الله يجزاكم خير بنات

 

[om MaRyooM]

انا الحمدلله فطمت بنتي من جم شهر يعني كان عمرها سنتين ونص
وتبارك الرحمن ما أذتني

اقولج اللي سويته



اول شي ماسويت طريقة التدرج
شلون ؟ يعني مالبستها اول شي الصروال اللي فيه نايلون ! لأ علطول صراويل
وكانت تعصب اول الايام وتضايق

بس شريتلها صراويل شكثررررررررر على كل الشخصيات اللي تحبها
فهالشي احسه وايد وايد شجعها
وكل شوي تطل تحت تبي تطالع صروالها هههه

وكل ساعه تقريبا اقولها امشي الحمام

واستخدمت معاها اسلوب المكاقاة

يعني ان دشيتي اليوم اعطيج ككاو او اوديج الجمعية لأنها تحب الجمعية وااايد


ودايم اقولها شفتي فلانة وفلانة مايلبسون بامبرز اهما كبااار وانتي بعد كبيرة
فتستحي لما تطلع تلبس صروال عشان لحد يعلق ..


وهكذا


اي وكل ماتدش الحمام اذا كنت عند اهلي اخليهم كلللهم يصفقولها فتتشقق بعد عمري
هههه




انا احس ولدج ناقصته هالشغلة
اسلوب التشويييق والمكافأة

جربي وبينفع معاه انا متاكدة

بس يبيله صبر شوي

 

[om MaRyooM]

وهذا اهم شي ان الياهل ما ينزف على حمام ولا ينطق

^
^
بالظظظبط :rerrerek:

عشان لايكره الحمام بالعكس حببيه بالحمام


انا اسولف مع بنتي بالحمام واخليها واهي قاعدة تشوفني وانا افرش ظرووسي
واغسل ويهي،، يعني اسليها هههه
فتنتانس الاخت ع الحمام

 

[الحللللوه]

اب اب

 

[برستيجي مآركة]

كل ماشرب شي او اكلتيه على طول يلاااا حمام وبنص الليل صحيه عشان يروح يسويها لان في البداية مستحيل البزر يقوم من نفسه يروح لانه متعود من قبل يسويها بالبامبرز...ومثل ماقالت ام مريوم قولي لها ان سويتها اللحين بعطيك كاكاو او حلاو او اي شي يحبه والبزر بسرعه ينقص عليه...
ولاسوووها شجعيه عفيه عليك حبيبي شاطر ومن نفسه بعدين بيقوول...

 

[om Firas]

منكم نستفيد ناويه ابتدي مع بنتي بس يدخل الصيف
الله يعينا حيييل احاتي هالشغله

 

[SH5SH5]

والله انا تو الناس علي بس خالتي علمت عيالها باسبوع

كانت كل ما سوا الصغيره يلقا بمخباته حلاوه

واذا سوا الاثنين يلقا حلاوتين

وبس

والله يوفقج يارب

 

[عـــــروس]

رفع





رفع