شلون أقطع ممية الليل ؟؟

[السهم الصويب]

صباااح الخير

بنات عندي مشكله صغيره

وهيا ان ولدي عمره سنه ونص
وليلحين يقعد بالليل وأعطيه حليب بالممية ساعات مره وساعات مرتين

شلون اقطع هالعاده ؟

مع العلم ان يتعشى عدل قبل النوم !!

بليز بنات مليت وانا اسوي بالليل ممية

ومشكورين :eh_s(8):

 

[meen_ana]

حبووبه حرام عليج لا تقطعين عنه الحليب بعده محتاجه خلي ميمه وحطيها في محرر وقت مايبيها عطيه اياها

 

[السهم الصويب]

انا كاسر خاطري

بس قعدة الليل تأذي

مشالله في بنات عيالهم من 6 شهور مايقومون بالليل

امعودينهم اذا قاموا ماي مو حليب !

مشكوووره حبيبتي عالمرور

 

[موجة ~ بحر]

اكليه متاخر عالساعه 12

 

[موجة ~ بحر]

اكليه متاخر عالساعه ١٢. حتى لو كان نايم شربيه حليبته الساعه ١٢

 

[موجة ~ بحر]

حتى لوكان نايم شربيه حليبته الساعه ١٢

 

[الجوري74]

وآي امس كنت بكتب موضوع متى تقطعون الممه عن عيالكم أنا ولدي عمره سنتين وللحين ممه لما ينام ومتحسفه لا أقطعها عنه *

 

[طبعي السموحه]

رد : شلون أقطع ممية الليل ؟؟

حبيبيت بقووولج وحسب تجربتي الشخصية مع بنتي

عمرها كان سنتين وهي ماسكة الممية .. وكنت انقهر اكثر لمااا ما تآكل وتطلب بس ممية...

كنت مترددة اني اقطع الممية عنهااا لكن بالنهاااية قررت اني اقطعهااااا...

وكل وحدة من معااارفي تعطيني طريقه هذي اللي تقووول حطي مرة علي راس اللممية والثانية تقووول حطي دقوس (( طبعا هالاقتراح شلته من راسي

))

المهم الوالدة قالت لي حطي شوية تمر هند عراس اللممية وربي بنفس اليوم بنتي قطعت الممية

بالنسبة لوليدج حاولي مثل ماقالوا البنات انج تعشين متاخر واذا طلب الممية حطي تمر هندي علي راسها وربي بعد ماراح يطلبها...

بس لا تقطعين عن الحليب اشتري الاكواب الخاصة بالاطفال نوعين او ثلاث واذا بغا يشرب الصبح لعبي معاه وحاولي تحبيبنه بالكوووب الجديد ....

وسلامة قلبج يالغالية

 

[~ الــــزيــــن ~]

مادري احس تو الناس تقطعينها حرام ولدج صغير تحملي عشانه لتم السنتين ذيك الساع اقطعيها احس تو الناس

 

[ماكنتوشه بنفسجيه 12]

رد : شلون أقطع ممية الليل ؟؟

بالعكس خليه حرررام عليج
الحليب مفيد ويحتاجه البيبي

انصحج لا تقطعينها


سبحان الله وبحمده
سبحان الله العظيم

 

[السهم الصويب]

ماقصرتوا حبيباتي عالردوود
بجرب وانشالله ينفع معااه
تسلمون
)

 

[أم اللولي]

رد : شلون أقطع ممية الليل ؟؟

حرام عليك بدري عليه

على الاقل اذا ناويه تقعطينها عشان ماتصحين بالليل عشان ولدك

خليه يكمل السنتين

 

[ملح الكويت كله]

صباااح الخير

بنات عندي مشكله صغيره

وهيا ان ولدي عمره سنه ونص
وليلحين يقعد بالليل وأعطيه حليب بالممية ساعات مره وساعات مرتين

شلون اقطع هالعاده ؟

مع العلم ان يتعشى عدل قبل النوم !!

بليز بنات مليت وانا اسوي بالليل ممية

ومشكورين :eh_s(8):

السلام حبيبتي .. ولدج صغير عمره سنه ونص وبتقطعين عنه الحليب اللي اهوا اصلا شي مفيد للياهل عشان بس مليتي او تبين تنامين؟

من رايي هذا ولدج لازم تتحملين وبغدين حسب كلامج ولدج يقوم مرة ومرتين بس ماشالله زين عيل شتقولين اللي عيالهم عسرين يقومون اربع خمس مرات

وبعدين عشان ماتتعبين قبل النوم لازم تحضرين التالي
1- صينيه فيها اربع ممياتت
2- مطارة فيها ماي حار
3- ماي دافي تقدين تحطينه في قننينه زجاج ( لتحضير الماي )
4- فوطه صغيره لتنظيف فم الطفل
5- سخان المميه عشان لي ييتي تسوين المميه ويشرب رضعته تحطينها بسخان ممكن يقوم بعدها) بس نصيحه لا تخلينها اكثر من ساعه .. سويله يديده ,,

صدقيني احسسنلج تتمين معاه لي 2 ونص يشرب المميه وعوديه شوي شوي يمسك المميه ويشرب بروحه

نقطه اخيره ( الغذاء لا يغني عن الحليب)

واذا كمل اسمالله عليه 2 ونص بلشي شوي شوي عوديه على الحليب العادي قبل النوم ر ضعه

واتمنى تتقبلين رايي بصدر رحب​

 

[Chic & Unique]

بنتي عمرها 9 شهور ماعندي فكره نستفيد منكم مايمنع

للرفع

 

[حلوه العسل]

انا توني قبل فتره حاولت ونجحت تقريبا ٩٠٪
بس يبيله تستحملين انتي وريلج
انا اعطيها الماما مالت قبل النوم مع ماما ثانيه ماي
وكلما بنتي تبجي ابي ماما اعطيها ممت الماي وتضل تبجي ماتبيها احقرها
بعد شهر اتعودت
قامت اتنام احسن شويه
بس ليما الحين بجي واذيه بليل ماكو راحه

 

[ipink]

انا اعااااني من نفس المشكله بالضبط مع بنتي ونفس عمر ولدج وماقدرت بس بغيت اعودها عالكوب وفشلت وقلت انطر لي سنتين واشوق حل ثاني وصج صج عانيت وحاولت اعدل النومه كانت تقوم الساعه 2 احقرها وصراخ وبجيي لي الساعه 3 اعطيها حاولت اعدلها جذي تقريبا اربع او خمس ايام تعدلت بس للاسف مرات تعر وتقوم الساعه 2 ةالدكتور يقول عطيها ماي او يانسون وحقريها بس هالشي لازم تكون متعوده عليه من الولاده انا للاسف ماعودتها عاليانسون والاعشاب والحين متاذيه وياها وماتقبلهم الله يعينا ونلقى الحل

 

[الكويت حياتي]

ولدي من عمر ولدج طول البوم احط في الممميه ماته حليب مراعي ازرق وبليل احطله حليب ازرق مره ومره حليب عادي لما تعود يقعد 3 مرات ارضعه لما الساعه 8 الصبح عاد تسويله الخدامه بيض مفيوح بس طول الليل عندي