شلون ابدي بزنز تصميم المعماري و الداخلي؟

[Lady Zayoona]

انا مهندسه معماريه و تصميم داخلي و ماني عارفه شلون ابدي من نفسي ..يعني شلون اشتغل بروحي ؟ او اذا عندكم فكره؟؟ حراام اني دارسه و عندي خبره و اشتغل بوزاره لوعه و الحين ابشركم قاعده بالبيت بعد ..

 

[تعبتني طيبتي]

الله يعينج .. شلن مستقيله يعني .؟؟


إذا تقدرين .. حطيلج قرض .. و فتحي محل ... . يبيله .. 20 ألف دينار .. خلو .. تقريبا


أو شقة نفس مملوت المحامين .. تعرفيها .. تطلع أعتقد أرخص ..


والاجر ب 500 ..

بس الدخل .. إنتي أدرى ... جم راح يطلعلج ... يكفي ويغطي القرض و الأجار ..؟؟




ما أدري شنو ديكور داخلي... ؟؟ يعني تصممين الغرف و الصالات و جذي .. و كل واحد وين ينحط ؟؟

 

[الجودي]

هممم

عندي لج فكره روعه روعه روعه

 

[sara al3soola]

لا تبدين حياتج المهنيه بقرض نصيحه حاولي تبدين من غير قرض حبيبتي

 

[الزين يفرض نفسه]

ماشاءالله تخصصج واااااااااايد حلو وانا اموووووت على سوالف الديكور وجذي

يارب يوفقج وتبدين مشروعج بنجاح ونسمع اسمج يلعلع بالكويت

 

[Lady Zayoona]

مشكورين عالردود
الجودى هاااا شنو فكرتج
اي انا قاعده بالبيت امومه الحين و صج ما احك راسي من البيبي الله يحفظها
بس انا خل ابدي افكر و اسال عشان كل شي ياخذ وقته

انا مهندسة معماريه خريجة الولايات المتحده الامريكيه يعني اسوي مخططات البيوت و المحلات و ارتب الاثاث و الديكورات للمحلات و المنازل و ماخذه دورات في تصميم الحدائق

كل هذا و ماني عارفه وين ابدي و شسوي ياربي

 

[تعبتني طيبتي]

الله يوفقج .. مري أو دقي على المحلات اللي هذا تخصصها بالكويت ..

شوفي نضامهم .. طاعي في سكرتير ..؟ ؟؟ في مواعيد ...؟؟ جم سعر الدخله عالمهندس ... جم فتح الملف هههههههههههههه


جم سعر تصمميم بيت بو 3 أدوار .. و مساحته 400 متر مثلا. .

يعني وبعدين ضربي حسبي ..

وإلا لأ .. و شوفي جم واحد بيجيج بالشهر .. ضرب كل واحد جم بيدفع ..



ونصيحه حطي أقل كمية ممكن تحصلين عليها . عشان لا تندصمين ..
وشوفي مكسبج الشهري يغطي مصاريفج الأساسيه ؟؟؟ عالأقل ..؟؟ اولأ ؟؟؟




وتوقعي الخساره .. لأنه بيزنس خاص ...

وبعد شوفي تقدرين تفتحين محل بروحج و إلا يبيلج أحد يساعدج ..

نفس محامين الكويت يفتح مكتب محامات .. و يطلعله بالشهر 3 ألاف دينار ... نصها رواتب المحامين المصاروه المساكين اللي يكرفون عنه ..

و أهو ياخذ النص .. و أهو لا تعبت ولا سوى ... شيء بس .. إشراف ...

 

[Lady Zayoona]

انا ماعندي مشكله بالتسعير انا توني باديه اكيداسعاري مو بالالاف .. بس شلووون ادور الزباين هذي مشكلتي

 

[أسرار الطبيعة]

عزيزتي الليدي زيونه
أمرك بسيط وبغاية اليسر في التنفيذ
بالبدايه ، ضعي إعلان صغير في جريدة واسعة الانتشار مثل جريدة الوطن قيمته عشرين دينار
وتلفون خاص للشغل
وإعلان مكون من 8 كلمات ، وشوفي شلون الطلبات راح تهل عليك
لكن قبل ذلك سوي سيرج لمعارض مشابهه لعملك وطريقة حساباتهم للأعمال اللي بتقدمينها للزباين
وضعي لسته خاصة فيك ، بالبدايه خليك بأقل من سعر السوق وأغريهم بالسعر المخفض ولما يشتد عودك ارفعي بأسعارك
وبلغيهم أنك خريجة أمريكا ، ولك خبرة في سوق أمريكا ، حبايبنا يحبون شغل الخواجات
بالتوفيق ، بس ها .. غرامي الديكورات الداخليه قد أحتاجك يوماً ما

 

[Lady Zayoona]

هاهاهاها ياحلوج يا اسرار الطبيعه

اي والله خوووش فكره!! يعني جريدة الوطن عيل ... اوووووكي انشالله و راح اعطيكم خبر شيصير معاي والله ماتقصروووون انتوا يا اطيب ناس